CHAPITRE IL

Comment le jeune duc de Milan entreprit guerre au mare s chai j dont mal luj en ensuivit.

Environ ce temps adveint que le jeune duc de Milan, et son frère le comte de Pavie, après la mort de leur père, qui avoit este' le premier duc de Milan, prirent contens aux Genevois, tant que ils les assaillirent de guerre, et avoient à leur solde et en leur ayde Facin Kan, lequel comme assez de gens sçavent a esté long temps et encores est le plus grand chevetaine de gens d'armes, et le plus renommé et craint qui soit, ne ait esté en Italie bonne pièce a, et qui meilleures gens soubs soy communément a. Mais nonobstant sa force et hardiesse, et tout ce que il peut faire, ne toute la puissance du duc de Milan, grande grevance ne receurent mie de eulx les Genevois. Car leur bon chevetaine et gouverneur bien les en sceut garder. Car n'avoient mie à faire à enfant : mais à celuy qui tout duict et maistre estoit de mener telles danses, et qui peu les craignoit. Si feit assemblée contre eulx tantost le mareschal, et n'attendit mie que ils le veinssent cercher, ains alla sur leur pays, et par telle vigueur prit à faire ce que à guerre appartient que toute leur terre espouventa, et en peu de temps leur porta grand dommaige.

Et pour dire en brief comment la chose feut démenée, et puis terminée, car long procès seroit à tout

loG LIVRE DES FÀICTS

dire , et à racompter toutes les envahies et faicts d'entre eulx, ils se trouvèrent par plusieurs fois main à main ensemble. Mais sans faillir oncques n'assemblèrent que ce ne feust tousjours au pire et au grand dommaige du duc de Milan, et qu'il n'y perdist moult de ses gens. Et malgré toute sa deffence le mareschal alla assiéger ses chasteaux et forteresses, et par force et de bel assault en preit plusieurs, quoy que ils se défendissent de toute leur puissance , et que par maintes fois Facin Kan veinst sur eulx pour cuider lever le siège : mais tout ce rien ne leur valoit. Pour laquelle chose tant y feit et tant y exploicta le mareschal, que à brief parler le duc de Milan feut tout joyeux de pourchasser la paix, à laquelle moult se peina avant qu'il la peust avoir; car à son grand tort la guerre avoit commencée. Toutesfois à la parfin le mareschal, qui en nul cas n'est trouvé desraisonnabler s'y condescendit. Et ainsi feust faicte la paix entre le duc de Milan et les Genevois, au profict du Roy, et à l'honneur du mareschal, et au bien des Genevois.