CHAPITRE III
Comment le mareschal laboura, ajïn que il peust mettre paix en l'Eglise, que les Genevois se déclarassent pour nostre sainct Père le Pape.
Entre les autres biens que le mareschal dont nous parlons a faicts sur terre, ne faict mie à oublier, mais à ramentevoir , comme chose à tousjours digne de
grand mémoire, la grand peine et travail, et mise de ses propres deniers , que il a employez pour le bien de la chresiienté au faict de l'Eglise, en laquelle ja par si long temps, dont c'est dommaige et pitié, a eu et encores a douloureux schisme et division , comme chascun sçait. Et qui est celuy en vie aujourd'huy prince ne autre qui plus ait travaillé au bien d'union et paix que a le dict mareschal? Certes nul. Et c'est chose notoire. Et pour venir à celle fin, c'est à sçavoir de paix, comme tres-chrestien, prudent et saige, a tenu subtile manière de ce qu'il luy a semblé que bon feust à faire, comme sçavoir se peut manifestement. Mais afin que le temps advenir ses faicts soyent tousjours cause de bon exemple, il est bon que cy soit représenté tout au long.
Il est à sçavoir que après que le mareschal feut retourné du voyage de Syrie, comme j'ay dict cy devant, quand il se veid un peu à repos, luy qui oncques temps n'employa en oisiveté, voulut adonc vacquer à mettre à eflfect le bon désir que tousjours avoit eu en l'esprit. C'estoit de trouver voye comment union et tranquillité peust estre au faict de l'Eglise. Et pour à ce advenir, se pensa que moult grand bien seroit s'il pouvoit tant faire que il peust advenir à deux conclusions. L'une estoit qu'il peust à ce tourner les Genevois , lesquels croyoient en l'antipape de Rome , que ils se déclarassent pour nostre Saînct Père, et luy rendissent obéissance. L'autre conclusion estoit, que il se peust tant travailler que nostre dict Sainct Père, pour le bien de paix en la chrestienté, feust d'accord de céder toutes les fois que on auroit trouvé voye, ou par force,. ou par amour, que l'an-
tipape cedast. Si aclvisa temps et lieu au plus brief que il peut cle arraisonner les Genevois de ceste chose. Et un jour assembla à conseil tous les plus saiges çt les plus suffisans gentils-hommes, bourgeois et marchans d'entre eulx.
Là leur preint à dire par moult belles et saiges paroles, que il leur avoit à proposer aulcunes choses, lesquelles le grand amour que il avoit à eulx le mouvoit à ce faire. Si ne voulussent avoir à mal ce que il leur diroit ; ains leur pleust le recevoir à la bonne fin et intention qui le mouvoit. Lors commencea à dire tout ainsi que le bon pasteur qui a le gouvernement de ses brebis doibt avoir soin de prendre garde que elles ne se fourvoyent; luy qui estoit estably, encores qu'il n'en feust digne, pour estre leur garde et gouverneur, avoit grand pitié de ce que par si long temps avoyent esté endormis en l'erreur, et encores y perseveroient, de croire, obéir, etadjouster foy à l'antipape de Rome : mais par advanture c'estoit parce que suffisamment n'avoyent mie le temps passé esté informez de la vérité du faict comme on avoit esté en France, et pource les en vouloit informer. Et qu'après ce qu'il auroit faict son debvoir de les faire certains de la vérité, de laquelle chose s'il ne le faisoit il feroit grand conscience , et s'il ne les enhoi toit de leur sauvement, comme il debvoit, ils feroientncantmoings par eulx, quand tout dict leur auroit, ce que bon leur sembleroit. Car à chose qui touche l'ame et la conscience, on ne doibt homme contraindre par force , ne aussi faire ne le vouldroit. Car ce doibt venir de pure franche volonté, ny Dieu neveult estre servyà force. Et que à tout le moins il en seroit quitte en-
DU MA.RESCHAL DE BOUCTCAUT. I OO/
vers Dieu, quand son pouvoir et debvoir auroit faict de leur suffisamment monstrer et dire.
