CHAPITRE IV

Comment le mareschal assembla à conseil les plus saiges de Gennes , et les paroles que il leur dit sur le faict de l'Eglise,

Adonc le mareschal commencea à parler, et prit sa narration de's le commencement du schisme , et dict , que comme ceste douloureuse pestilence en l'Eglise, qui ja avoit duré l'espace d'environ trente ans, dont ces toit grand meschef, commenceast du temps et au vivant du tres-chrestien et saige roy Charles cinquiesme du nom , lequel par les mérites de sa juste vie , et la grande vertu et prudence qui en luy estoit, a esté tenu, est et tousjourssera le plus juste prince le plus saige et de meilleure vie que roy qui feust en France depuis le temps de sainct Louys, ne mesmement autre que on sceust au monde en son vivant, et qui le plus usoit de conseil, sans lequel ne feist quelconque chose. Si fut vray que dés que les premières eslections eurent esté faictes , qui feurent comme chascun sça.it assez près l'une de l'autre, c'est à sçavoir la première à Rome, et puis tantost ensuivantl'autre par deçà, le roy Charles eut par plusieurs fois lettres des cardinaux qui luy notifièrent toutes ces choses, et les cause; des advenemens des faicts par eulx exécutez. Mai^ quoy que ils luy certifiassent la seconde eslection estrç

juste et vraye , et la première de nulle valeur, le saige prince ne se teint mie à tant : ains voulut par grand soin s'informer de la manière de toutes les deux eslcctions, pour avoir advis et conseil pour lequel des deux il se debvoit déclarer. Et pour estre de ceste chose certainement et au clair informé ; afin que il ne peust errer, envoya certains preud'hommes prélats de son conseil en Avignon, devers les cardinaux qui adonc là estoyent, pour bien les interroger de la manière, et pour prendre et avoir les sermensd'eulx, que sans faveur diroient la vérité du faict, et lequel des deux esleus debvoit estre tenu pour vray Pape.

Si feut ainsi que quand les dicts envoyez de par le Roy eurent faict comme ils deurent leur légation aux cardinaux , adonc les dicts cardinaux tous jurèrent l'un après l'autre sur le corps de Jésus Christ sacre', et prirent sur la charge et damnation de leurs âmes de dire vérité'. Apres prirent à dire que comme ils estoyent à Rome enclos au conclave, en intention d'eslire sans nulle faveur, mais comme Dieu leur administreroit par la voye du sainct Esprit, les Romains par maligne volonté, et à grand fureur de peuple, s'assemblèrent autour du palais, et preindrent à crier sur eulx par grands menaces que ils vouloient avoir un Romain , ou au moins un Italien. Si les tenoient là assiégez les dicts Romains, qui sans cesser cryoient à leurs oreilles , pour laquelle cause eulx tous troublez d'iceluy tumulte , pour eschever péril de mort , où ils se voyoient, conclurent entre eulx que ils feindroient avoir esleu l'archevesque de Rari , qui estoit Italien. Et ainsi le feirent, et par celle voye les Romains feu-

DU MARESCHAL DE BOUCICAUT. ut

rent appaisez : mais bien estoit leur intention, que au plus tost que ils pourroient se partiroient de là, et laisseroient ledict esleu, qui par force avoit esté mis en la chaire, et non mie par droicte voye. Si ne le reputoient point pour Pape , nonobstant qu'ils luy eussent faict toutes les cérémonies qui y affierent, pource que ce avoit esté par contraincte, et ainsi qu'ils avoient proposé de le laisser le feirent.

Et quand ils feurent venus en Avignon (0, adonc ils se meirent ensemble , et par bonne et saincte délibération esleurent un autre : lequel ils atermoient sur leur part de Paradis, et sur le péril de leurs âmes que celuy estoit droict et vray Pape , et que à iceluy debvoit toute la chrestienté obéir comme au vray pasteur. À toute ceste certification et lettres seellées des seaulx de tous les cardinaux , qui ainsi estre vray le tesmoignoient, s'en retournèrent vers le Roy les dicts ambassadeurs, qui luy rapportèrent ce qu'ils avoient trouvé. Mais encores ne se teint pour satisfaict le couraige du Roy, et ne luy suffit à tant ; ains voulut luy mesme oûir parler aulcuns d'eulx , c'est à sçavoir de ceulx qui estoient reputez pour les plus dignes, et les plus saiges preud'hommes cardinaux, et autres prélats, qui es dictes eslections avoyent esté. Si les envoya quérir et feit venir vers luy à ses propres cousts et despens. Et pour les oiiir quand venus feurent, il assembla le conseil de tous les prélats, et des plus saiges maistres en théologie de son royaume et d'ailleurs.

Si feurent à celuy conseil moult examinez les dicts

(l) L'élection de Clément YII fut faite à Fondt et non à Avignon.

cardinaux et les prélats de tous les poincts qui pouvoient toucher la conscience sur le dictfaict, ausquels ils respondirent sur chascun article si suffisamment que il n'y eut que dire. Si feut la chose moult bien discutée, comme il affiert à si pesante besogne, et non mie tost ne hastivement : mais prolixement, et en long temps : afin que point d'erreur n'y peust estre meussée soubs dissimulation , ne que aucun scrupule peust demeurer en conscience. Toutesfois à la parfin par le conseil de tous les prélats , et des susdicts solemnels maistres en théologie , et de tous les saiges que il peut assembler, feut conclu, que toutes choses regardées et bien discutées, le Roy et toute la chrestienté se debvoient déclarer et tenir à la seconde eslection , et ainsi l'afTermoient pour vérité, et juroient et prenoient sur leurs âmes que faire se debvoit.

A laquelle chose à bonne cause le Roy adjousta foy, en disant qu'il n'estoit pas à croire ne vray semblable que tant de preud'hommes se voulussent damner pour la faveur d'un tout seul homme. Et ainsi délibéra et manifestement se déclara pour la deuxiesme eslection. Laquelle chose il escripvit à tous les autres roys et princes chrestiens ses alliez, comme en Espaigne, en Arragon , en Escosse , et ailleurs , lesquels , considérée l'authorité de sa preud'hommie et de son grand sçavoir, adjousterent foy à l'enqueste qu'il en avoit faicte, et pareillement se déclarèrent.

Toute ceste narration feit le mareschal aux Genevois en iceluy conseil, et plusieurs autres choses à ce propos leur dit, que je laisse pour briefveté. Si feit après sa conclusion , en disant que par ainsi pouvoient

DU MARESCHAL de boucicaut» ii3

veoir et congnoistre que sans grande délibération et advis ne s'estoyent pas condescendus les François à rendre obéissance à la seconde eslection. Et que s'il leur cheoit au cœur, et sembloit que si digne personne que estoit le saige roy Charles en eust faicte suffisante information et enqueste comme il leur avoit recordé, (laquelle chose estoit assez notoire que maintes gens encores vivans sçavoient, et luy mesme certainement le sçavoit, car ce avoit esté de son temps, nonobstant que il feust moult jeune adonc ; mais assez de fois l'avoit depuis oûy recorder, ) que ils se voulussent sembiablement déclarer pour nostre partie , si leur conscience s'y adonnoit.

Quand le mareschal eut finy sa parole, les Genevois qui bien et bel avoient noté ce qu'il avoit dict, respondii ent que bien Favoient entendu , mais que la chose leur estoit moult nouvelle, et si touchoit conscience, et ne debvoit estre délibérée sans grand advis, si penseroient sus, et puis luy en respondroient, et il dict que ce luy plaisoit bien. Et à tant se départirent : mais depuis par plusieurs fois en feurent assemblez ensemble , et tant que à dire en brief , à la parfin de leur très -bonne volonté et sain consentement, comme Dieu pour le bien de chrestienté le voulut, se déclarèrent pour nostre partie, et rendirent vraye obéissance au Pape. De laquelle chose le mareschal feut moult joyeux , et en remercia nostre Seigneur. Et ainsi en veint à chef par son grand sçavoir et prudence. Car c'estoit la nation de toute Italie qui depuis le schisme plus soustenoit en faicts et dicts le party de l'antipape. De quoy tous les saiges et les clercs de la seigneurie de Gennes dient et tes- 7- *

I l4 LIVRE DES FAICTS

moignent que ils sçavent de vray que si tous les roys, princes et clercs du monde les eussent de ce enhortez , suppliez et requis , que ja n'y feussent advenus pour sermons , ne dons, ne offres que leur sceussent avoir faict. Si doibt estre réputée ceste chose, comme ils dient, et il est vray, entre les grands faicts du dict mareschal , comme miraculeuse- Car par de là ils tiennent que c'est la plus grand merveille, et le plus grand faict d'en estre venu à chef, que de chose qui adveint au pays d'Italie passé a deux cent ans.