CHAPITRE V

Comment le mareschal tendoit que FEglise feust en union, et soubs V obéissance d'un seul Pape esleu par concile général.

Or estoit venu le mareschal à Tune des conclusions que long temps avoit désirée à attaindre , qui estoit de rendre les Genevois obeissans à nostrePape, comme dict est devant. Si voulut tendre s'il pouvoit à l'autre conclusion qu'il desiroit.

Il est à sçavoir que il avoit bien en mémoire et estoit informé comme le dict roy Charles, avant que il trespassast, comme bon et juste Roy et tres-chrestien , qui avoit sur toute chose à cœur le faict de l'Eglise, voyant que il ne pouvoit mettre toute chrestienté en l'obéissance d'un seul Pape , comme elle doibt estre , et que grand meschef estoit de telle division entre Chrestiens , advisa et considéra que bon

DU MARESCHAL DE BOUC1CAUT. Il5

seroit pour appaiser ce maudit schisme, que concile gênerai feust faict de tous les prélats dechrestienté ou de la plus grand partie assemblez en aucune part, où au mieulx seroit regardé : et que là feust délibéré et ordonné que tous les deux esleus cédassent, et que si par amour ne le vouloient faire, que à tout l'ayde et le port des princes terriens , qui tous en feussent d'accord, on les y contraignist par force. Et que quand ce seroit faict, adonc bien et dignement feust un seul esleu par voye du sainct Esprit, comme faire se doibt. Telle estoit l'intention du bon Roy, qui l'eust traicté à chef, mais la mort l'en desadvancea, au grand dommaige et préjudice de toute la chrestienté, et singulièrement de son royaume.

Ceste chose sçavoit le mareschal, et aussi comment le Roy qui à présent règne, fils et successeur d'iceluy, et nosseigneurs les princes de France, ont tousjours depuis prétendu à celle voye, pour venir au faict d'union. Et pource que bien luy sembloit que ce chemin tenir estoit juste, ne par autre ne pouvoit estre mise paix en l'Eglise, à son pouvoir vouloit travailler que ceste chose peust estre terminée , et traictée à chef de paix. Et cestoit la cause principale et singulière qui l'avoit raeu à tant désirer et travailler que les Genevois se déclarassent pour nostre Sainct Père. Car son intention estoit que quand il auroit tant faict à l'aide de Dieu comme il feit, que les Genevois feussent obeissans au Pape , que adonc par l'ayde de eulx qui est moult grande, et par les autres d'Italie, aulcuns se pourroient pareillement convertir.

De laquelle chose se voulut travailler, comme il feit après du seigneur de Padoiie, et de celuy de Pise,

ï 1 6 LIVRE DES FATCTS

dont cy dessus est parlé, et d'autres, dont mention sera cy après faicte , que il iroit courir sus aux Pvomains , si besoing estoit : au cas qu'ils ne vouldroient souffrir que l'antipape cedast, ou qu'il ne le voulust faire. Plus feit encoresle mareschal. Car comme dict est cy devant , pour sa grande renommée et bonté il attiroit plusieurs nobles hommes à son amour, dont il adveint que mesmement un des plus principaulx cardinaulx qui feust à Rome de la partie de l'antipape , appelle le cardinal de Flisco , l'aima tant et prisa que il désira son accointance , et luy escrivit plusieurs lectres, et le mareschal à luy, dont à la parfin tant bien y ouvra le mareschal que il se soubstrahit de l'antipape, et s'en partit, et laissa bien la valeur de seize mille francs de bénéfices que il tenoit , si rendit obéissance à nostre Pape.

Mais à parler de l'autre conclusion où il tendoit , pour venir par ces deux à une seule fin , c'est à sçavoir de union , par la première il entra en l'autre. Car nostre Sain et Père luy sceut merveilleusement bon gré de ce qu'il avoit mené les Genevois qui plus luy souloient estre contraires que gens du monde à son obéissance. Si l'en beneist moult et pria pour luy. Mais enco-res feit plus pour luy le mareschal: car pour tousjours le tirer à plus grand amour, luy presta en ses affaires de grands deniers , et luy feit maint secours à ses propres despens. Et tant alla la chose que le Pape alla vers luy, et le mareschal luy feut à l'encontre, et le receut à très-grande révérence et honneur, comme il debvoit faire. Et lors quand il le teint à séjour avec luy , le prist à enhorter que pour le bien et la paix de l'Eglise, et de toute chrestienté, il voulust estre

d'accord, comme il avoit autresfois promis à nosseigneurs de France, de céder toutes les fois que on auroit tantfaict ou par force ou par amour, (à laquelle chose il travailleroit de toute sa force et puissance , ) que celuy de Rome cedast, et que requis en seroit.

De ceste chose timonna le mareschal tant le Pape, que il luy promeit et jura que ainsi feroit-il sans faulte. Et ainsi parveint le dict mareschal à ses deux conclusions, dont si grand bien en est ensuivy, que les Romains qui ont bien veu et sceu son intention, ont si redoubté et redoubtent sa vaillance, force et puissance, que après la mort du dernier leur antipape trespassé , voulurent eulx mesmes et requirent de leur bonne volonté , sans contrainte , c'est à sçavoir les cardinaulx de delà, par le consentement de ceulx de la cité , que un que ils esleurent cederoit et delaisseroit la chaire toutes les fois que le nostre ainsi le feroit : afin que par saincte et juste voye un seul pasteur feust esleu. Toutesfois ceste saincte volonté de céder et de prétendre à union, qui est venue à nos adversaires, c'est à sçavoir aux cardinaux de Rome, je tiens que ce soit œuvre du Sainct Esprit, qui a pitié de son espouse la saincte Eglise, qui tant est désolée , si la veult mettre en paix. Laquelle chose, si Dieu plaist, briefvement sera, et non par quelconque autre œuvre d'homme mortel. Combien que nous avons couleur de penser que le mareschal, comme dict est en soit cause, par ce que oncques mais, fors que lors que ils sceurent son intention, ne s'y voulurent consentir. Si peut bien estre que ce y a valu. Si ne sera au plaisir de Dieu nul besoing de mouvoir guerre , et aurons vraye union , que Dieu nous o^troye par sa grâce. Et combien que

I I 8 LIVRE DES FAICÏS

le faulx hypocrite que les cardinaux de la partie de delà esleurent dernièrement , se monstrast au premier bonne et saincte personne, ( car il voua et promeit de faict devant tous que il cederoit tantost et sans delay toutes les fois que le nostre le feroit, et ainsi le certifia par ses lettres à tous les roys et princes chrestiens : ) toutesfois ce ne feut fors que hypocrisie et fcintise. Car sa volonté estoit toute plaine de fallace, comme à la fin y parut, et comme je diray cy après.