CHAPITRE VI

Cy commence a parler comment les Pisains se rebellèrent contre leur seigjieur, et comment le mareschal se peina d'y mettre paix,

Pource que tout ne se peut dire ensemble , convient racompter les matières Tune après Vautre, combien que plusieurs des choses dont nous parlons soyent advenues en un mesme temps. Si est vray que en l'an i4o5 les Pisains se rebellèrent contre leur seigneur, et le chassèrent de la seigneurie dePise, selon la générale coustume qui est au pays de delà de non eulx tenir longuement soubs une seigneurie , quand ils se trouvent les plus forts. Donc quand iceluy seigneur se veid ainsi débouter de son heritaige par ses mauvais subjects, pour ce que il sentoit que il n'avoit mie assez de gens et force pour les remettre en subjection, se va retirer vers le mareschal, comme à lieutenant du roy de France son souverain seigneur, à qui il avoit faict hommaige de son dict heritaige, luy re-

quérir ayde au nom du Roy, comme seigneur doibt au besoing secourir son vassal qui le requiert à son ayde.

Quand le mareschal entendit ceste chose moult luy en pesa. Si luy respondit que avant que on allast sur eulx par voye de faict et de punition , que luy mesme se metti oit en toute peine pour les remettre en accord et en bon amour. Car si par armes destruisoit son pays, le dommaige luy en demeurèrent , pour ce ne luy conseilloit, si iroit parlera eulx.

Et adonc se partit de Gennes, et alla en un lieu qui est assez près de Pise, que on appelle Portovenere. Si feit sçavoir aux Pisains qu'il estoit là venu pour parler à eulx. Adonc veindi ent vers luy les principaulx d'entre eulx, et grand peuple en leur compaignée. Lors leur prit à dire le mareschal par amiables paroles , que il estoit bien courrouce de ce que ainsi s'estoyent rendus desobeissans et rebelles à leur seigneur, qui tant leur avoit esté et estoit bon et amiable, et qui si chèrement luy et sa mère madame Agnes les avoit aimez et gardez soigneusement de tous encombriers à leur pouvoir, comme bon seigneur doibt faire ses subjects, et encores avoit volonté de leur faire de mieulx en mieulx. Si se voulussent adviser et venir vers luy à miséricorde et à mercy , et luy amender ceste grande pffense ; et il feroit tant vers luy que il les prendroit à mercy et leur pardonneroit son maltalent. Car pour mettre paix entre eulx estoit-il là venu.

En ceste manière les prescha le mareschal , et moult leur dict de belles paroles. Et quand il eut dict, ils respondirent à brief parler qu'ils n'en feroient rien , et que plus ne vouloient de sa seigneurie : mais que ils

I20 LIVRE DES FATCTS

le supplioient que luy mesme voulust estre leur seigneur, et accepter et prendre la seigneurie de Pise et de tout le comté. Car luy seul avoient agréable, et non autre : car ils sçavoient bien que par luy seroyent gardez, portez et défendus, et que si prendre les vouloit ils luy obeiroient doucement, et loyauté, honneur et amour luy porteroient si loyaument comme bons et loyaulx subjects doibvent faire à leur seigneur, si ne voulust mie refuser cest offre que de bon cœur luy faisoient.

Le mareschal respondit que jamais telle pensée ne leur veinst au cœur, car ce n'estoit mie l'usaige des François d'user de tels tours , et ne le feroit pour mourir : mais les prioit que ils le voulussent croire, et retournassent vers leur seigneur, et feussent bons, subjects et vrais obeissans, et que il leur promettoit que si ainsi le faisoient il seroit leur amy, et leur aideroit , et les portèrent contre tout homme, tout en la manière que s'ils feussent à luy proprement, et mesmement contre leur seigneur, s'il luy venoit à congnoissance que il voulust sur eulx user d'aulcun tort. Que plus en diroye? Les Pisains respondirent que pour néant en parloit, et que jamais messire Gabriel ne seroit leur seigneur pour chose qui peust advenir ; et que ainçois tous se laisseroient destrancher (0. Mais puis que luy mesme ne vouloit estre leur seigneur, et les prendre à subjects, ils le prioient que il allast à un cliastel qui sied sur la mer que on appelle Ligourne, et là est le port de Pise , et que là iroient à luy , et se donneroient au roy de France tout en la manière que avoient faict les Genevois.

0) Dçstrancher .- couper par moreeaux,.