CHAPITRE VIL

Comment les Pisains foirent entendre au mareschal par feintise que ils vouloient estre en l'obéissance du roy de France > et devenir ses hommes , et la mauvaistié qu ils foirent*

Quand le mareschal veid que pour prières , ne sermon, ne belles paroles qu'il sceust dire aux Pisains, ne pour offre que il leur feist ne se vouloient désister de la mauvaise volonté que ils avoient vers leur seigneur , et que remède n'y pouvoit mettre , ny aucun accord, il se partit de là :. et manda vers luy le dict messire Gabriel, et luy dit tout ce qu'il avoit trouvé vers eulx , et comment absolument luy avoient respondu que plus ne s'attendist d'avoir la seigneurie de Pise : car ja n'y aviendroit.

De ceste responce feut moult dolent messire Gabriel , et le mareschal luy dit qu'il regardast ce qu'il vouloit faire de ceste chose , et que puis que ainsi estoit que il n'y avoit remède que jamais il en joûist , et ils se vouloient donner au roy de France, que mieulx vauldroit que le Roy les eust que autre seigneur estranger , considéré que luy mesme luy en avoit faict hommaige. Toutesfois , que il ne vouloit mie que on peust dire que le Pvoy voulust s'attribuer les terres et seigneuries de ses vassaulx, feaulx et subjects. Et pource , si de sa bonne volonté et accord se demettoit de la seigneurie de Pise et de tout le comté

122 LIVUE DES FAICTS

es mains du Roy, et luy transportent son droict, que il le feroit recompenser de aultant de terre et de seigneurie , et de revenu autre part. Et de ce que il se chargeoit de ceste chose , feut d'accord et bien content messire Gabriel.

Et parce le maresclial alla au cliastel de Ligourne, comme les Pisains luy avoyent dict, en intention que là veinssent à luy pour eulx donner au Roy , et qu'il en receust d'eulx les hommaiges. Mais eulx qui oncques ne l'eurent en pensée , et qui ne taschoient que à mauvaistié, et toute trahison et decevance, comme après bien le monstrerent , avoient pris autre conseil, et luy dirent quand ils feurent devers luy, que avant que ils se donnassent au Roy ils vouloient que les gens de messire Gabriel, qui estoyent en une forte place de la cité de Pise, que on nommoit la citadele , vuidassent , et que le mareschal l'eust en sa main , et que lors ils fei oient ce qu'ils avoient dict. Et ainsi luy promeirent et jurèrent de faire sans nulle decevance.

Et le mareschal encores leur agréa ceste chose, et en feit tantost aller les gens qui tenoient la dicte citadele, et la feit garnir des siens, desquels feut chef messire Guillaume de Muillon. Mais pour ce que les vivres y estoyent ja comme faillis, il feit charger une galée et une grand barque de tous vivres. Et avec ce, pour plus renforcer la garnison de la forteresse, envoya avec son propre nepveu le Barrois, et la plus grand part des gentils-hommes de son hostel , et aussi foison de gentils-hommes et de citadins de Gennes : et menoient avec eulx une grand partie des meubles et des habiliemeos du corps du mareschal qui y pen-

soit aller, et deux mille escus en or que il envoyoit aux gens de messire Gabriel, afin qu'ils se teinssent pour contents et bien payez , et plus volontiers délivrassent la place, ne plaindre ne se peussent. Et ainsi se partit du port la dicte gale'e et la barque, et cuidoient aller en terre d'amis, et de nul ençombrier ne se donnoient garde.

Mais quand ils se feurent boutez en la rivière de Pise , et ja feurent arrivez près de la citadele , les desloyaux Pisains, qui bien les avoycnt advisez , s'assemblèrent : mais ce feut coyement, qu'ils ne les apperceussent , et se meirent en embusche. Et quand nos gens eurent pris port, et feurent tous descendus en terre, sans avoir quelconque doubte de nul, ainçois cuidoient que si les estrangers les venoient assaillir, que les Pisains qu'ils reputoientamis, et à qui oncques n'avoyent mesfaict, les veinssent ayder, il alla tout aultrement. Car ils leur veindrent courir sus plus de six mille. Et acourut là tout le peuple à grand cry et à grand fureur , disant grandes vilenies du roy de France , du mareschal et des François, et comme chiens enragez les environnèrent, dont nos gens se trouvèrent moult esbahis, car en pièce ne l'eussent pensé. Si prirent, bâtirent, navrèrent et tuèrent aucuns, et menèrent en obscure et vilaine prison. La gale'e et la barque pillèrent, et pour plus les injurier prirent la bannière du roy de France qui sur la gale'e estoit, et Fallerent traisnant au long des boues, et. marchèrent et crachèrent sus, disans, comme dessus est dict, très-grandes vilenies du Roy et des François, Et en faisant ce vilain exploict, venoient par devant la dicte citadele à tout grande procession de peuple

1^4 LIVRE DE^PAICTS

pour faire despit aux gens du maresclial , tant François que Genevois , qui là dedans estoyent , que ils ailoient menaceant , et disant que ainsi feroient-ils d'eulx. Si faict icy à noter leur grande trahison et mauvaistié : car oncques le maresclial ne les siens ne leur avoyent mefFaict, ains leur avoit faict maints biens. Car les Florentins si tost que ils avoient sceu que ils estoyent en division avec leur seigneur leur voulurent courir sus, et il les en avoit gardez ja par deux fois, et les desloyaux plains d'ingratitude le sçavoient bien, et comment tousjours avoit tendu à leur bien , si luy en rendoient mauvais guerdon.