CHAPITRE VIII

Comment le maresclial se travailloit tousjours que ceulx de Pise se donnassent au roj de France.

Quani> les desloyaux Pisains eurent faict cest exploict , ils doubterent l'ire du maresclial , et que il leur voulust courir sus pour les destruire , comme bien l'avoyent desservy, et que faire le vouloit. Mais pour dissimuler et couvrir leur mauvaistié , et pour en faire encores une plus grande , envoyèrent des principaulx d'entre eulx en ambassade devers luy : lesquels luy dirent que pour Dieu il ne se voulust mie courroucer contre eulx, et que ce qui avoit esté faict outrageusement et à leur grand tort , que ce avoit faict le menu peuple sans le consentement des principaux , et qu'ils estoyent tous prests de luy en faire telle satisfaction et

amende qu'il sçaui oit demander , et que ils estoient bien d'accord de eulx donner au Roy, comme ils avoient promis.

Le mareschal -qui ainsi les ouit parler, ne voulut mie user envers eulx de grand rigueur , pour ce que il tendoit tousjours que il peust tant faire que il les teint suhjects du Roy. Si leur dict <jue voirement tant avoyent meffaict que plus ne pou voient , et plus luy pesoit de ce que le Roy avoient injurie' , que de luy , ne de ses gens : mais que au fort tout leur seroit pardonné 9 mais que ils se donnassent au Roy, ainsi que promis avoyent. Et ils dirent que si feroient-ils sans faillir. Si retourneroient par son bon congé devers les autres citoyens de Pise , leur dire la bénignité qu'ils avoient trouvée en luy, et qu'ils veinssentlà pour du tout confirmer la chose. Mais que pour Dieu ils le prioient que pendant ce traicté il ne voulust aucunement procéder rigoureusement contre eulx , et il leur promeit que non feroit-il.

Et à tant partirent les desloyaulx, qui tout ce ne faisoient que pour le tenir en paroles, pour tandis mettre à fin le desloyal exploict où ils tendoient. Car au temps que ce traicté duroit, de toute leur puissance assailloient la citadele de jour et de nuict d'engins de traict , et de canons. Et plus grande mauvaistié feirent. Car chascun jour à force d'engins jectoient en la forteresse plus de cent cacques plains des ordures de la ville, de poisons, de charongnes pourries , et de toutes punaisies. Si feirent grands fossez entre eulx et la citadele, et la séparèrent de la ville. Et pource que elle sied à un des bouts de la cité, comme faict le chastel de la Bastille Sainct

ïïG LIVRE DITS FAICTS

Ànthoine à Paris , ils les enfermèrent du coste* des champs à fossez et bastilles que ils fortifièrent , afin que ils ne peussent avoir secours. Et ainsi les assiégèrent de toutes parts , et s'efForçoient sans cesser de les prendre par force. Mais ce n'estoit mie légère chose ; car moult est la place forte. Et avec toutes ces choses, bien faisoient garder tous les passaiges , afin que le mareschal n'en peust avoir nulles nouvelles.

Plus grande trahison voulurent encores bastir et faire. Car ils envoyèrent leurs ambassadeurs à Flo* rence garnis de belles lettres de puissance de pouvoir donner à la dicte seigneurie de Florence quatre chasteaux lesquels ils vouldroient prendre et choisir en leur seigneurie de Pise , et avec ce les affranchir de toutes les marchandises que ils feroient jamais en leur seigneurie, mais que ils voulussent aller à toute leur puissance avec eulx mettre le siège devant le chastel de Ligourne, où le mareschal estoit, et leur seigneur messire Gabriel avec luy , et faire tant que ils feussent pris et livrez à eulx. Mais a ceste chose ne voulurent point les Florentins se consentir.

Et en ces entrefaictes que ils bastissoient ceste chose , les ambassadeurs de Pise retournèrent devers le mareschal , afin que il ne s'apperceust de rien de ce que ils faisoient ; afin que ils peussent tandis que ils le tiéndroient en paroles prendre la citadele, et aussi trouver voye s'ils pouvoient de l'assiéger à Ligourne. Si luy dirent que les Pisains estoyent tousjours bien d'accord de eulx donner au P\.oy comme ils avoyent promis : mais ils vouloient que ainçois qu'ils s'y donnassent, que le mareschal leur baillasl

et delivrast trois chasteaux en leurs mains, c'est à sçavoir la citadele, le chastel de Ligourne, et celuy de Librefaicte, que tenoit encores messire Gabriel en sa main. Et le mareschal leur respondit adonc : « Que « voulez-vous faire de la citadele ? » Et ils respondirent : « Nous la voulons raser par terre, et tenir les « autres deux chasteaux en nos mains. — Quelle sei- « gneurie ce dict le mareschal aura doncques le Roy « sur vous , ne quel pouvoir auroit-il de justicier les « mauvais et de les punir ? • — Nous ne voulons ce « dirent-ils que il y ait autre seigneurie fors que le « nom d'en estre seigneur. — Peu de chose , ce dict « le mareschal, seroit au Roy celuy tiltre, mais donce nez-vous y comme ceulx de Gennes ont faict , ou « ainsi que vous vous donnastes à messire Girard de « Plombin, duquel le duc de Milan eust depuis la sei- « gneurie et le tiltre. » Adonc respondirent les Pisains une fois pour toutes que rien n'en feroient , et à tant se départirent.

Si veid bien et apperceut le mareschal que leur faict n'estoit fors toute tromperie, et que pour le mener à la longue l'avoient ja tenu en paroles l'espace de vingt deux jours. Et messire Gabriel qui voyoit que tout ce n'estoit que decevance , prit à traicter avec les Florentins de leur vendre Pise et tout son droict du comté. Mais le mareschal qui tousjours y avoit la dent, encores se voulut mettre en son debvoir de s'essayer avant que aux Florentins aulcune vendition en feust faicte. Si envoya six des plus notables de la ville de Gennes devers eulx , pour leur remonstrer et dire qu'ils ne se voulussent pas eulx-mesmes destruire. Car leur seigneur estoit en paroles de les vendre aux Flo-

1^8 LIVÏIE DES FÀICTS

rentins, lesquels ils sçavoient ])ien que point ne les aimoient, et qui mal les traicteroient, si se advisassent Lien , et se donnassent au Roy comme ils avoyent promis, et grand bien et profit leur en viendroit, si vivroient en paix et à seur.

Tandis que ces ambassadeurs estoient allez à Pise, les Florentins envoyèrent au mareschal la coppie des lettres du pouvoir que les Pisains avoient baille'es aux ambassadeurs de Pise, pour faire tant avec les Florentins que ils allassent assiéger le mareschal à Ligourne , comme dict est. Et ce mesme jour eust messaige et nouvelles de son nepveu le Barrois, et des autres prisonniers, comme vilainement estoyent traietez, et que on les avoit mis à rançon, et que pour Dieu, nonobstant que la rançon feust assez grande, que il les voulust délivrer de celle chartre : car ils estoyent à grande souffreté et péril de leurs corps. De ceste chose feut moult dolent le mareschal, et Lien luy estoit manifeste la grande trahison et mauvaistié des Pisains. Et si ne feust que il avoit ja mandé en France au Roy et à son conseil que ceulx de Pise s'estoyent donnez à luy, il n'eust pour rien tant attendu de leur courir sus, et de leur monstrer leur trahison et mauvaistie'. Mais il aimoit plus tost souffrir que les envieux, dont bien sçavoit que assez en avoit en France et ailleurs, peussent dire que le Roy eust par son arrogance perdu sa seigneurie. Si ordonna tantost de la délivrance des prisonniers. Et les messaigers genevois qui feurent envoyez à Pise n'y feirent rien : ains leur respondirent les Pisains telles paroles. « De tout ce que vous nous requérez nous ne « ferons rien, et ne nous en parlez plus, mais faictes

bu MAIIESCHAL DE BOUCICAUT. ï 2Q

« mieulx, ostez la seigneurie à vostre Roy, et tuez Bou- « cicaut et tous ses François, et vivez en republique « comme nous, et soyons tous unis comme frères vous « et nous, et vous ne ferez que saiges. » Geste responce rapportèrent les dicts ambassadeurs, qui autre chose n'en peurent tirer.