CHAPITRE V
Oy dit comment le mareschal pour sa vertu et vaillance fut esleu et establj pour estre gouverneur de Gennes.
Ainsi comme j'ay dict et prouvé cy devant comme par vertu l'homme doibt estre esleve' en honneur, comme fut jadis le vaillant chevalier Scipion l'Africain, à nostre propos traire ce qui est dict, ne fut mie moindre honneur au mareschal de Boucicaut dont nous parlons , quand pour ses vertus les Genevois qui n'estoient mie de sa parenté , nation , ny affinité , comme ceulx de Rome estoient à Scipion , mais estranger de toutes choses , parquoy nulle faveur ne pouvoit estre cause de celle eslection , l'envoyèrent requérir au roy de France pour estre leur gouverneur , nonobstant que il feust encores assez jeune homme pour telle charge avoir. Car comme les dicts Genevois qui de leur usaige fréquentent communément les parties d'outre mer, l'eussent veu au dict pays en plusieurs voyages, tant en la compaignée du comte d'Eu prochain parent du roy de France , comme au voyage de Hongrie , en celuy de Constan-
tinople, et maints autres où il feut, comme est dict cy devant en la première partie de ce livre , les dicts Genevois qui par longue main et grand advis avoient veu, considéré et advisé la bonté du dict mareschal, tant en bon sens et preud'hommie, comme en chevalerie et vaillance de corps et de hardiesse, parquoy selon leur jugement leur apparoissoit et sembloit bien digne en toutes choses de recepvoir charge d'aulcun grand gouvernement. Et par ce non mie tost ne par soubdain advis , mais par grande délibération de conseil , et par le commun accord d'entre eulx envoyèrent au Roy par leurs honnorables messaiges requérir et prier que la charge du gouvernement de Gennes luy feust establie , et que envoyé leur feust. Car de commun accord l'avoient esleu , si au Roy plaisoit.
De ceste chose eut conseil le roy de France. Car nonobstant leur demande juste et droicturiere, n'estoit mie petite chose au royaume de France eslongner la présence du mareschal si preud'homme, pour laquelle chose furent entre les saiges plusieurs opinions pour et contre, de faire ou de laisser. ïoutesfois à la fin, considéré que le royaume n'estoit mie pour le temps oppressé de grandes guerres , et aussi que c'estoit chose deiie de pourveoir à la ruine de la cité, et pays de Gennes, qui adonc estoit moult malade, et adonc au bas et grand disete avoit de saige repareur, la-< quelle dicte cité en espoir d'avoir secours et aide à sa misérable douleur, s'estoit mise et rendue es bras du roy de France comme à souverain prince, feut délibéré que il iroit.
Adonc par le Roy feut commis au bon et saige ma-
reschal Boucicaut le gouvernement de Gennes et de tout le pays qui aux Genevois compete et appartient, et feut faict propre lieutenant du Boy, représentant sa personne, et ayant l'administration et baillie de tout en tout, et tenus à faicts et dicts tous ses esta-^ blissemens, ordonnances, et commandemens, comme si le Roy feust en personne ; comme le Roy luy certifia par ses lectres patentes, passe'es, signées et seellées présent son conseil.
