CHAPITRE IX

Comment le mares chai dit et manda aux Pisains que s'ils ne se donnoient au Roy leur seigneur, les vendrait aux Florentins.

Le Seigneur de Pise qui veid que il n'y avoit plus d'attente que les Pisains se consentissent à vouloir estre subjects du Roy, prist adonc fort et ferme à continuer son traicté avec les Florentins de la vendition de Pise , c'est à sçavoir de leur transporter son droict entièrement. Si pourparlerent tant ceste chose, que ils feurent d'accord ensemble pour quatre cent mille florins que les Florentins debvoient bailler à messire Gabriel. Mais toutesfois les Florentins vouloient tout avant œuvre que le mareschal consentist, jurast et agreast cest accord, ou autrement marché nul. Si le veint dire messire Gabriel au mareschal, et luy requist que il luy rendist la citadele que il tenoit encores, laquelle il luy avoit juré et promis de luy rendre sans contredict, au cas qu'il ne seroit d'accord avec les Pisains, si ne le pouvoit ny debvoit refuser.

Le mareschal respondit que il luy tiendroit sans 7- 9

ï3o LIVRE DES FÀICTS

faillir ce qu'il luy avoit promis ja n'en cloubtast. Mais quand estoit de accorder les convenances qu'il avoit faictes avec les Florentins de la vendition de Pise, jour de sa vie il ne seroit d'accord que le Roy perdist sa seigneurie, dont luy mesme luy avoit une fois faict hommaige, et estoit entré en sa foy. Et que il vouloit veoir les lettres de l'accord et des convenances qu'il avoit faictes avec les Florentins, et il dit que volontiers les luy bailler oit. Et quand le mareschal les teint, et que bien les eut visitées, il en envoya la coppie à Pise, et manda aux Pisains que nonobstant toutes les trahisons et mauvaistiez que ils luy avoyent faictes et voulu faire, si avoit-il grand pitié' du grand meschef qui leur estoit à advenir, et de leur destruction, où eulx-mesmes par leur follie se fichoient. Et que pour eulx adviser leur envoyoit la coppie du Iraicté qui estoit ja tout consommé et parfaict entre leur Seigneur et les Florentins, auquel il ne s'estoit pas encores voulu consentir. Afin que Dieu, ny le monde ne le peust accuser que il n'eust suffisamment faict son debvoir de les bien adviser avant que ils feussent destruits. Si les admonestoit derechef que ils se donnassent au Roy comme ils avoient promis, et il les jetteroit hors de celle tribulation, et les mettroit en paix, et que ceste fois pour toutes leur disoit. Car plus ne pouvoit dilayer ne empescher la dicte vendition, et que si alors ne l'accordoient, deux jours après passez jamais plus n'y pourroient advenir. Car il luy convenoit consentir la chose, et promis avoit à leur seigneur que il s'y consentiroit, au cas que ils ne se vouldroient donner au Roy, si le tenoit 'de si près de sa promesse que plus reculer ne

DU MARESCHAL DE BOUCÏCAUT. l3l

pouvoit. Si feussent certains que quand il l'auroit consenty, jure' et promis, que jour de sa vie n'iroit au contraire. Si délibérassent à ceste fois ce que faire en vouldroient. A. ceste chose respondirent les Pisains que brief et court rien n'en feroient, et que plus on ne leur en parlast.