CHAPITRE XV
Cj dit comment le mareschal par la vaillance de son couraige entreprit d'aller prendre Alexandrie. Et des messaigers qu'il envoya pour ceste cause au roy de Cjpre.
En Fan 1407 le bon mareschal, qui ne pense à autre chose fors comment tousjours augmenter et accroistre le bien de la chrestienté , et l'honneur de chevalerie, advisant la grand pitié et honte aux Chrestiens que les Sarrasins soyent seigneurs et subjuguent les nobles terres d'oulti e mer , qui deussent estre propres heritaiges des Chrestiens , si mauvaistié et lasche couraige ne les destournoit de les aller conquérir, luy va venir une haulte emprise au couraige. C'est à sçavoir que faisable chose seroit et assez légère qui l'oseroit entreprendre , et par bon moyen , que la cité d'Alexandrie , qui tant est noble et de grande renommée, feust prise et ostée des mains des Sarrasins : laquelle chose s'il advenoit seroit grand honneur aux conquesteurs, et très- grand profit à toute la chrestienté. Si proposa que en ceste chose mettroit corps, chevance et pouvoir, et une saison y employeroit , et plus long temps si mestier estoit. 7. 10
En ce temps estoit venu à Gennes un ambassadeur de la part du roy de Cypre, le tres-noble et révérend messire Raymond de Lesture , prieur de Thoulouze , et commandeur de Cypre , homme de grand honneur, saige, preud'homme , et expert en toutes choses* Si pensa le mareschal que il se descouvriroit à luy de ceste chose , tant pour en ouir son bon advis , comme pource que il avoit hanté le pays et grand pièce fréquente' avec les Sarrasins en la dicte ville d'Alexandrie. Si le pourroit adviser d'aucun bon point.
Et comme le mareschal a de coustume de ne rien entreprendre sans premièrement y appeller le nom de Dieu , et son ayde , alla un jour en pelerinaige à une dévote église qui est à une lieue de Gennes que on appelle nostre Dame la couronnée , et là manda le prieur de Thoulouze. Et après la messe qu'il feit dire à grande solemnité, luy descouvrit le dict secret et toute son intention de ceste chose, de laquelle le dict prieur feut tres-joyeux, et moult l'en reconforta. Et dit que sans faillir par ce que il luy pouvoit estre advis estoit chose très-faisable, et que luy mesme volontiers y ayderoit de son corps, de gens et de chevance. Car l'emprise estoit agréable à Dieu , profitable à la chrestienté, et tres-honnorable à qui s'y employeroit. Si fut de ceste chose encores plus reconforté le mareschal. Et quand toute la manière de ce faire eut bien advisée et tout délibéré en son couraige et advisé ceulx qui propices et bons luy sembloient pour descouvrir ceste chose, et envoyer en ambassade là où convenable luy sembloit , comme sera dict cy après, il les feit appeller, c'est à sçavoir un
tres-noble et notable religieux de Tordre de Sainct Jean , appelle frère Jean de Vienne , et son escuyer Jean de Ony cy dessus nommé. Et leur dit toute son intention, et leur devisa ce qu'il luy plaisoit que ils feissent. Mais pour ce que mémoire ne peult bonnement toutes choses que les oreilles oyent si enclorre en soy que retenir les puisse, affin que rien n'oubliassent de leur commission , leur bailla par bel mémoire escripte la manière que il vouloit que ils teinssent. Laquelle dicte instruction et mémoire, affin que rien je n'y adjouste du mien, comme elle veint de luy , celle mesme par articles , comme elle m'a esté baillée, ay incorporée et mise cy endroit, comme il s'ensuit.
« C'est l'instruction de toutes les choses que nous Jean leMaingre dictBoucicaut, mareschal de France, avons donné en commission de poursuivre de par nous es lieux cy après déclarez , le septiesme jour du mois d'aoust, en l'an de nostre Seigneur i4°7 ? à vous noble religieux frère Jean de Vienne, commandeur de Belleville, et à vous Jean de Ony, nos tres-feaux et bien aimez.
« Premièrement voulons et vous enjoignons que ceste chose teniez secrète sur toute chose , par telle manière que personne quelconque appercevoir ne le puisse, et à nul soit descouverte fors au roy de Cypre , vers qui vous envoyons , et à aulcun de son conseil. Pource que si apperceiie estoit, nous pourroit tourner à destourbier. Et que vous partis de nous , au plaisir de Dieu, avec la charge que nous vous commettons et ordonnons , pour accomplir nos désirs , comme ceux en qui spécialement nous nous fions, que mettiez
ï48 LIVÏIE DES FÂICTâ
toute diligence et peine de à vos pouvoirs l'accomplir, selon la forme et manière de vostre instruction. Et supposé que vous avons très-bien informez des besongnes selon nostre volonté' , lesquelles sçavons bien que vostre bon sens les aura très-bien en mémoire, et que les mettrez à elFect tres-diligemment selon vos pouvoirs ; neantmoings pour vostre seureté, et affin que ayez plus parfaicte mémoire de nous et de nostre plaine intention, vous baillons par escript ce qu'il nous plaist estre par vous accomply au dict voyage.
« Tout premièrement vous en irez à Venise , et là prendrez vostre passaige jusques à Rhodes. Si nous plaist bien que là puissiez demeurer de huict à neuf jours, si bon et expédient vous semble, et visiterez monseigneur le grand maistre de Rhodes, auquel nous recommanderez, et aux autres seigneurs, et de nos nouvelles leur direz, Testât de par deçà, et que la cause de vostre allée est pour aucunes besongnes qui bien nous touchent , c'est à sçavoir pour les joyaux du roy de Cypre , quil bailla en gaige aux Genevois au temps que nous feusmes en Cypre, pour recompense de trente mille ducats de despens que les dicts Genevois avoyent faict en l'armée de Famagouste , laquelle ville le Roy cuida usurper et tollir aux dicts Genevois , et par la paix et accord que nous feismes la rendit, et s'obligea à la dicte somme de deniers pour nos frais. Et luy dictes la forme et la manière que nous avons tenue avec le prieur de Thoulouze , et la somme de deniers que luy avons baillée pour rachepter les dicts joyaux au nom du Roy. Et en cest espace de temps vous pouivoyez de navire pour vous porter en Cypre, et si par advanture ne le trouvez;
DU MARESCHAL DE BOUCICAIjT. I.jl)
vous prierez de par nous le dict monseigneur le Grand Maistre qu'il luy plaise le vous faire avoir.
« Estans partis de Rhodes , quand il plaira à Dieu que soyez en Cypre, tout droict vous en irez à l'hostel de Sainct Jean en Nicosie, et par le lieutenant du prieur de Thoulouze ferez sçavoir au roy de Cypre vostre venue, et quand luy plaira que luy alliez faire la révérence. Et de luy aiïye la responce , et venus en sa présence, nous recommanderez à sa seigneurie, et a messeigneurs ses frères, puis luy baillerez nos lettres de créance. Et quand son bon plaisir sera d'oiïyr vostre créance, priez-le de par nous que ce soit si secrètement que nul fors que luy entendre le puisse , ne s'en donner de garde. Et vous mesmes soyez bien advisez que si secrètement soit que ne puissiez estre entendus.
« Et tout premièrement le prierez de par nous très à certes, que les choses que luy aurez à déclarer veuille bien tenir secrètes , pour les périls qui s'en ensuivroient, et pour son propre honneur et exaussement. Apres commencerez vostre narration, en disant que la bonne renommée qui en Fiance et par tout le monde court desja de ses grands biensfaicts , des belles envahies qu'il a par plusieurs fois faictes sur les Sarrasins , et chascun jour faict , en s'efforeeant de les grever, en quoy comme il appert n'espargne corps, vie,. ne avoir, par très-grand diligence, le faict tenir aujourd'huy un des jeunes princes du monde qui le plus bel commencement a, et qui plus faict à louer. Parquoy on espère que il veult et a désir d'ensuivre en hault honneur et pris de chevalerie ses tres-nobles prédécesseurs , qui tant acquirent de
l5o LIVRE DES FAICTS
los en terre par les mérites de leurs vertus, et des grandes guerres et nobles emprises que ils feirent en leur propres personnes contre les mescreans, et ennemis de la foy de Jésus Christ , qu'à tousjours mais avec les vivans sera mémoire de leurs grands bontez et vaillance.
« Et pource nous qui desirons de tout nostre cœur l'honneur et exaussement de son noble estât et seigneurie : pour laquelle chose vouldrions exposer corps et avoir, par plus grande affection que pour prince qui vive , après la personne du roy de France et de nos seigneurs de son sang, pour les dicts grands biens qui sont dicts de son bel et bon gouvernement es terres voisines, et en toute part desirans d'estre cause que tousjours sa belle jeunesse continue de mieulx en mieulx , avons advisé une haulte et noble emprise digne de mémoire à tousjours mais , et de souverain los pour luy , si Dieu par sa grâce la donnoit venir à bonne fin, ainsi que elle est bien faisable, si à ce luy plaist entendre. Et pour ceste cause, c'est à sçavoir pour luy annoncer la chose que avons bien discutée en nous mesmes avant que délibérée l'ayons, laquelle nous semble agréable à Dieu , et proffitable à toute chrestienté, si Dieu la donne achever, vous avons envoyez devers Sa Royale Majesté.
« Etadonc vous envoyez de par nous descouvrirez au dict roy de Cypre tout le dessein que pris avons sur la prise de la cité d'Alexandrie. Et tousjours bien luy notez et répliquez si mestier est où il escherra, que pour ce que nous voyons sa bonne volonté, voulons employer nostre propre personne, et celles de nos parens , amis, et serviteurs, en sa compaignée ,
DU MARESCHAL DE BOUCICAUT. l5l
avec nostre chevance. Et que à ce faire nous meuvent quatre principales raisons. La première est, pour le pur amour de nostre Seigneur , voulons nous employer à son service , et le bien et exaussement de chrestienté. La seconde , pour acquérir mérite à nostre ame. La tierce, pour ce que nous vouldrions estre cause , comme dict est , que sa force et sa belle jeunesse s'employast à tout bien faire : parquoy los à tousjours luy en demeure. Et la quarte, pour la cause qui doibt esmouvoir tout chevalier et gentilhomme que son corps incessamment employé en la poursuite d'armes, pour acquérir honneur et renommée. Et après ces choses dictes, pour mieulx animer et accroistre le désir du dict Roy à entendre à ceste chose, luy monstrerez par bonne manière comment Dieu luy monstre grand signe d'amour , quand il luy mect en main si haulte chose , sans grand coust de sa part , mais le plus aux despens et labeur d'autruy. Et que s'il le refusoit , peur debvroit avoir que Dieu s'en courrouçast, et que aussi jamais nul n'auroit fiance que de grand et haultcouraige feust ne entreprenant. »
