CHAPITRE XVI
Encores de ce mesme, de V instruction que le tnareschal bailla à ses ambassadeurs de ce que dire débit oient au roj de Cjpre.
« Apres que vous aurez dict bien et bel ordonnément toutes ces choses au dict roy de Cypre, vous prendrez
l5a LTVIIE DES FAICTS
bien garde au changement de son visaige, mesmement quand vous parlerez à luy. Car par ce pourrez adviser si la besongne luy plairra, ou non, et par ce pourrez estre plus advisez de parler. Et s'il vous deinonde comment se pourroit faire ceste entreprise sans qu'il feust sceu, et où seroit prise si grand finance comme il y conviendroit. A ces deux choses vous respondrez, en luy demonstrant comment il pouiroit faire son armée en son pays, tenant manière que ce feust pour la guerre que il a au Souldan, et nous prest au temps et au terme que luy mesme vous diroit. En telle manière que quand nous luy ferions sçavoir nostre venue montast sur mer, se partist, et feist semblant de venir à Rhodes. Et adonc luy serions au devant à Chastel Rouge^ et là nous assemblerions, et partirions à tout nostre ost au nom de Dieu toutpuissant, et tiendrions nostre chemin vers Alexandrie. Et aussi feroit bien au faict, que il trouvast manière d'envoyer secrètement un Cyprien ou un Arménien demeurer au dict lieu d'Alexandrie, par lequel il sceust toutes nouvelles, et feist à croire à celuy mesme que ce seroit pour la guerre qu'il a au dict .Souldan , et ceste voye seroit bonne.
« Et quant à la mise qu'il y conviendroit, luy direz que nous sçavons bien que soustenir ne pourroit si grands charges et despens que feirent ses prédécesseurs , par lesquels la dicte cité feut autre fois prise , mesmes de nostre aage. Car trop a esté du depuis le pays grevé. Et pour ce tout ainsi que le voulons ayder de nos personnes et de gens , semblablement nous plaist le faire de nostre chevance. Et affin que il voye et sçaiclie que ceste chose avons bien en tous les
DU MAIIESCHAL DE BOUClCAUT. l53
points advisée, nous semble que pour ce faire telle quantité de gens d'armes suffiroit , toutesfois selon nostre advis, lequel remettons tout en sa bonne ordonnance et discrétion. Tout premièrement mille hommes d'armes de bonne estoffe, mille varlets armez, mille arbalestriers, deux cent archers, deux cent chevaulx, sans ceulx que nous prendrions par delà. Item de navire cinq grandes naves, deux galées, et deux galées huissiercs garnies de vivres pour six mois. « A,pres ces choses dictes, vous Juy pourrez dire la despence qu'il convient, laquelle n'est pas grande selon l'effect, et peult monter environ cent trente deux mille florins. Les deux galées et les deux dictes huissieres valent de naule pour mois cinq mille florins, qui monte pour quatre mois vingt mille florins. Les mille arbalestriers valent pour mois cinq mille florins. Les deux cent archers valent pour mois mille florins, qui monte pour quatre mois quatre mille francs. Les mille hommes d'armes, avec les mille varlets, et les deux cent chevaux, valent par mois douze mille florins; sont pour quatre mois quarante huict mille florins. Item pour les vivres dix mille florins, et pour l'artillerie et autres habillemens nécessaires dix mille florins. Somme pour toutes choses cent trente deux mille francs. Laquelle finance conviendront toute avoir en la ville de Gennes , qui feust preste environ le mois de décembre prochain venant, affin de faire les provisions comme il appartiendront , nonobstant que toutes ne seraient mie prises à Gennes , mais en plusieurs lieux, affin que la chose ne peust estre imaginée. Et conviendroit que ladicte armée partist de .par deçà environ le mois d'avril.
« De ceste dicte finance que mettre hors conviendront vouldrions de bon cœur payer nostre part; mais veu et considère' que ceste chose viendra tout à l'honneur et renommée du dict Roy, nous semble que bien est droict que à tout le moins en paye la moictié , qui seroit en somme soixante six mille florins. Et encores au cas qu'il ne pourroit fournir à ceste dicte somme, payast soixante mille. Mais besoing seroit que le piustost que faire se pourroit que on les eust à Gennes. Car le mieulx seroit tost que tard. Et encores s'il n'avoit toute la dicte somme preste à temps, que au besoing on le supporteroit jusques à ce qu'il feust retourné en son pays jusques à la somme d'environ dixhuict ou vingt mille florins : mais que faulte n'y eust que lors on les trouvast prests. Et sur ce point dire au Roy comment monseigneur de Thoulouze, qui tant l'aime et désire loyaument le bien , l'honneur et exaussement de sa personne, loue ceste chose plus que autre chose du monde, auquel il pourroit envoyer fiablement la dicte finance; et mesmement si le Roy ne l'avoit, le dict monseigneur de Thoulouze en feroit finance au nom du Roy par deçà ayant de luy le commandement et puissance. Car de ce faire pour l'authorité de luy est suffisant, et de plus grande chose, si mestier estoit. Ainsi et par ceste forme direz au dict Roy de Cypre<
« Et s'il repliquoit que il eust aucune doubte d'aucun de son royaume, pourquoy pourroit estre péril pour luy à aller hors, respondre luy pourrez que il mené avec luy tous ceux de qui doubter se pourroit. Item, s'il disoit qu'il sçait bien que les Genevois ne l'aiment mie , si se doubteroit de la quantité des Genevois qui
viendroient en la dicte armée. Response, que tous les gens d'armes, varlets et archers qui seroyent de France, seroyent tous à son commandement et obéissance, de ce ne feist nulle doubte. Et s'il advenoit que le Roy feust bien d'accord de ceste chose, et que il voulust y mettre plus grande mise du sien, et plus grande quantité' de gens d'armes et de navire qu'il n'est devisé : dire luy pourrez que de tant que plus y mettroit, de tant prendroit-il plus en butin, et raison seroit. Car qui plus y mettra, plus prendra. Par ceste manière direz toutes les choses sus escriptes au roy de Cypre. Et du surplus que il escherra à dire, si mestier est, nous en attendons à vostre bonne discrétion ; et tenons à faict et dict ce que vous en ferez. »
