CHAPITRE XVII

Cy devise la grande chère et belle responce que le Roy de Cypre feit aux ambassadeurs du mareschal.

Tel que j'ay devisé fut le Mémoire de la commission baillée du mareschal au commandeur de Belleville,et à Jean de Ony, envoyez au roy de Cypre , pour l'emprise d'aller prendre Alexandrie. Lesquels deux ambassadeurs se partirent de leur seigneur, et à brief dire tant exploitèrent de leur erre, que ils arrivèrent au dict pays de Cypre, où ils parfournirent bien et bel et saigement leur ambassade, tout en la manière que commis leur estoit. Si nous convient dire la responce que on leur fist.

l56 LIVRE DES FÀICTS

Le roy de Cypre si tost qu'il sceut la venue des ambassadeurs , tantost les envoya quérir, et à très-grand honneur et chère les receut. Et quand il eut assez demandé de Testât et santé du mareschal, et de l'estre de Gennes, et qu'il les eut à certains jours oûy parler tout au long, respondit à joyeuse chère en telle manière, et par moult belles paroles. Comment il debvoit bien remercier Dieu qui si grand grâce luy donnoit, que si noble et haulte entreprise luy estoit annoncée de si vaillant homme que estoit le mareschal, et que il appercevoit bien la grâce, amour et affection que il avoit à luy et à son a dvan cément, et le désir que il avoit que luy qui estoit jeune, et encores de petit sens et vaillance, se peust advancer en pris et los, et que il y paroissoit bien, quand luy mesme en personne, ses amis et son avoir y vonloit employer. Si ne le pouvoit assez louer ne remercier à la centiesme partie de ce grand bénéfice, ne jamais faire chose qui y peust suffire. Et que moult avoit grand joye de ceste chose, laquelle estoit notable et de grande entreprise, et pour ce ne se debvoit encomuiencer sans grand advis et délibération. Si penseroit sans cesser la voye et la manière comment seroit le meilleur d'en faire, et tost et en bref leur en rendroit si bonne responce, que son honneur y seroit, et que pour contents s'en tiendroient, et que ils feissent boune chère, que très-bien feussent venus, et que si rien leur faik loit que ils prissent le sien comme le leur propre.

Adonc luy demandèrent les ambassadeurs si c'estoit son plaisir que un -de son conseil qui nommé estoit Perrin le jeune que il moult aimoit sceust ceste chose. Car au cas que il luy plairroit^ ils luy bailleraient

Ï)U MÀ11ESCIIAX DE BOUCICAUÎ. l5>J

unes lettres que le mareschal luy avoit escript de ceste besongne. Car il sçavoit que le R.oy Faimoit moult et se fioit en luy. Si respondit qu'il luy p'aisoit très-bien. Les dictes lettres présentées de la part du mareschal à iceluy, et la chose descouverte, et tous les points monstrez comme au Roy avoient faict, feit semblant que de ceste besongne eust une merveilleuse joye. Et sur tout remercioit le mareschal de toute son affection de ce qu'il luy en avoit daigné escripre, et que il luy plaisoit que il le sceust. Si y tiendroit si bien la main , en monstrant au Roy que comment que il feust ne feust refusant à si grand offre, que on s'en apperceveroit bien.

Ne demeura gueres après que le Roy arraisonna les dicts ambassadeurs, et leur prit à compter l'achoison que il avoit eue de faire guerre au Souldan, et que avant la guerre il souffroit ses gens marchander, et aller et venir en sa terre et pays paisiblement, jusques à ce que messire Raimond de Lesture , prieur de Thoulouze, et commandeur de Cypre, fut détenu en Alexandrie, et mené au Kaire. Pour laquelle détenue et encombrier il escrivit au dict Souldan que il le voulust délivrer et moult luy recommanda, desquelles lettres ne feit nul compte, ne rien n'en feit. « Parquoy « ce dict le Roy, quand je veis cela, considérant que « j'avois faict autres fois aux siens de grandes courtoi- « sies, je fus moult indigné, et poursuivis tant qu'il en c< feut hors moyennant vingt cinq mille ducats que il et paya. Et après en despit de ce envoyay deffier le dict « Souldan, qui peu de compte en teint. Si envoyay « tantost une galée courir sur le pays du dict Souldan , « qui rnoult grand dommaige luy porta, et prit la plus

l58 LIVRE DES FAICTS

« belle nave que ils eussent chargée de marchandises* « Et ainsi pays gastant, et prenant proyes, alla ceste « galée courir conti emont le fleuve du Nil bien quinze « milles. Parquoy j'apperceus leur lascheté, et depuis « leur ay porté maint dommaige , dont je remercie nos- « tre seigneur Dieu qui a voulu que j'aye eu achoison « de leur faire guerre, et affin que je les prise et doubte « moins, m'a donné cause de les congnoistre avant « que l'emprise que annoncée m'avez me veint entre <c mains. Car je fais moins de compte d'eulx cent mille « fois que devant ne faisoye , et plus les essaye et moins « les redoubte. Car des plus lasches et plus foibles, « encores qu'ils soyent grand nombre, les trouve, tant « que je veois bien que pour multitude de gens que « ils soyent, on ne les doibt accomparer à un peu de « bonnes gens. Si congnois bien que nonobstant que « soye pécheur, et non digne que Dieu m'aime, qu'il « veult qu'en moy soit relevée et renouvellée la re- « nommée de mes vaillans prédécesseurs, qui ceste « mesme entreprise achevèrent, ausquels de tout mon « cœur je désire ressembler. Et Dieu m'en doint la « grâce. Car quant est du coust et mise je n'en fais « compte, ne de quelconque autre peine. »