CHAPITRE XVIII

Cy devise comment le roy de Cypre s'excusa vers les messaigers du mareschal de non aller sur Alexandrie.

Sur ceste forme et manière parla au commencement de leur venue le roy de Cypre aux dicts ambas-

DU MARESCHAL DE BOUCICÀUT. l5<)

sadeurs du mareschal. Mais avant que gueres de jours passassent après, il ne se parforçoit pas moult de leur tenir compte de la dicte besongne. Parquoy ils peurent bien appercevoir que autre conseil l'avoit desmeu, et que celuy Perrin dessusdict , à qui les lettres de par le mareschal avoient baillées, n'avoit pas bien tenu ce qu il leur avoit promis. Si commencèrent à solliciter le Roy que response absolue de son intention leur voulust bailler : car ja avoyent assez demeuré , et ainsi plusieurs fois luy dirent , et luy aucunes fois leur faisoit response , qui leur donnoit espérance que il y voulust bien entendre. Mais il disoit que il y convenoit grand regard , pour la chose qui estoit moult pesante. Et autresfois faisoit response assez froide, pour les doubtes que il y mettoit.

Toutesfois tant le sollicitèrent , que le vingt quatriesme jour d'octobre, l'an dessus dict, leur feit absolue response , qui fut telle. Il dist que sans faillir depuis leur venue n'avoit cessé de pensera celle besongne, comme à la chose en ce monde à quoy il desiroit plus entendre. Mais que moult luy estoit griefve, et de grand poids pouvoit bien estre, pour sa petite congnoissance. Car ce qui seroit par advanture léger à une aultre, et de briefve délibération à un saige , estoit un grand travail et obscur pensement à luy pour son jeune aage, qui excusoit son petit sens. Et pour ce avoit conclu , nonobstant que il sçavoit bien que son très-cher et especial amy le mareschal l'avoit imaginé et pensé pour sa très- grande vaillance, et luy avoit annoncé loyaument pour son bien et advancement , que il n'y entendroit mie pour ceste fois. Et que à ce le mouvoient trois principales raisons, L'une estoit le

ïGo LIVRE DES PAICÏS

très-grand péril où il se mettroit de laisser son pays, veu et considéré les Turcs qui luy sont voisins , qui sont gens de grande puissance, qui pourroient tandis courir son pays , et paradvanture l'en déshériter. Combien que de ce premier point se departiroit assez légèrement. Mais quant au deuxiesme, que il doubteroit plus la guerre couverte que la guerre ouverte. Car il sçavoit bien que luy party de son pays, il y en avoit maints par advanture que on cuideroit qui feussent ses meilleurs amis, lesquels ne se faindroient miedeluy tollir sa seigneurie, et ainsi pourrcir perdre le seurpour le non seur. La tierce raison estoit pour le doubte que il avoit des Genevois, qui de long temps Tavoient si mal traicté, comme cliascun pouvoit sçavoir, et pis luy eussent faict, ce sçavoit-il bien , si ne feust son bon amy le mareschal qui les en avoit garde'. Et que ainsi ces trois principales raisons, avec leurs dépendances, c'est à sçavoir le doubte du faict de guerre, dont nul ne peult sçavoir la lin, fors Dieu , ne à qui la victoire en sera , luy font sembler la chose trop périlleuse et doubteuse pour luy. Et veu mesmes que le mareschal ne seroit mie à Gennes, qui garder peust les dicts Genevois de luy porter dommaige. Et que ce n'estoit mie par faulte de couraige, ne lascheté, ne de petit désir de n'y vouloir entendre, mais seulement pour les susdictes doubtes. Car feust le mareschal certain que la chose ne luy partiroit du cœur jour de sa vie, quoy que pour le présent n'y entendist. Mais que au plaisir de Dieu mettroit toute peine de disposer tellement et de longue main ses besongnes, qu'encores un temps viendroit qu'il y entendroit. Et que il prioit le dicl, mareschal , en

DU MARESCHAL DE BOUCïCAUT. l6l

qui il avoit fiance sur tous les hommes du monde, que il ne voulust départir son cœur de ceste chose , ains luy pleust l'ayder à se préparer et ordonner , comme il le pouvoit bien faire. Si que eulx deux peussent encores user leurs vies ensemble au service de nostre Seigneur. Et que il luy pleust le reputer et tenir à fils. Car quant à luy il le tenoit pour père, et par son bon conseil se vouloit gouverner. Et pour conclusion, que il se reputoit tant tenu à luy de ce que tel soin avoit de son bien et advancement , et des grandes offres que il luy faisoit, que jamais mériter, remercier, ne guerdonner assez suffisamment ne le pourroit.

Et à tant se teut le Roy, et les dicts ambassadeurs prirent congé de luy, et au plus tost que ils peurent s'en retournèrent à Gennes vers le mareschal , et tout luy racompterent ce que trouvé avoyent.