CHAPITRE XIX

Cy parle du faict de V Eglise > et comment le mares* chai voulut empescher le roj Lancelot que il naU last prendre Rome.

En la manière dessus dicte le bon mareschal a employé son aage et tout son temps en bien faire perseveramment de mieulx en mieulx. De laquelle chose n'est encores lassé, ny ne sera toute sa vie, si comme on peult par raison penser. Car le proverbe commun lequel est vray dit , « la bonne vie attraict la bonne fin. » Si ne pourroye racompter toutes les choses belles et notables en faicts et dicts, que il a faictes, et conti- 7- ït

l62 LIVRE DES FÀICTS

ïiuellement et par cliascun jour et heure faict et sont par luy terminées : car tant en y a que c'est un abysme. Si me passe seulement de dire grossement et en gênerai ses principales emprises , et les advantures qui luy adviennent, et où il se treuve, afin de continuer mon propos , qui est de monstrer sa grande vaillance , pour ce que ce peult estre un exemple à tout noble chevaleureux qui oiiir le pourra , d'estre bon en faicts et en mœurs.

Si ay racompté cy dessus comment entre les autres bons désirs et nobles faicts que il avoit en volonté , estoit son intention et est par grande affection de travailler à la paix de saincte Eglise. Lequel désir nulle heure ne départ de son bon couraige, comme il le monstre pareffect, comme celuy qui ne cesse à son pouvoir, et tousjours à faict. Mais la faulse convoitise attisée et enflambée par l'ennemy d'enfer es cœurs d'aucuns prélats de l'Eglise, aveuglez par détestable et mauvaise detraction, et par maie ambition et desordonnée avarice, ne souffre, quelque peine que le dict bon mareschal et les autres bons y mettent, terminer si tostla chose, ne tirera bon effect.

O faulse convoitise, gouffre d'enfer insatiable, comment as-tu puissance de tellement aveugler le cœur de l'homme, que nonobstant que il congnoisse que longuement au monde ne peult vivre, toutesfois tu luy fais perdre comme toute congnoissance de la punition de Dieu? Et ce appert quand mesmement deux vieillards sur leur fosse , assis non deùement en siège papal, ce sçavent-ils bien, (qui pour un seul fut estably de Dieu, ne autrement ne peult licitement estre,) sont tant embrasez de ceste maudite convoitise , ac-

DU MÀUESCHAL DE BOUCICAUT. l63

compaignée d'orgueil , que ils ont plus cher eulx damner, et tout le monde mettre en perplexité et douleur, et estre cause de la damnation de infinies âmes, que renoncer à un petit de brief honneur mondain receu induëment , que leur adherens leur font. O profond puis d'enfer, logis de Cain et de Judas, à quoy tardes -tu que tu ne les appelles à toy, et que ceste playe en chrestienté cesse, laquelle tant dure pour les péchez des defaillans Chrestiens , Dieu ainsi le consentant?

Mais à venir à nostre propos de monstrer comment le bon preud'homme, dont nous parlons, c'est à sçavoir le mareschal, mect tousjours toute peine à tirer à fin d'union ; pource que toutes choses ne se peuvent dire ensemble, comme dict est, adveint comme assez de gens le sçavent, que nostre pape d'Avignon et celuy esleude Rome, (tant y avoit travaillé le bon mareschal, et plusieurs autres bons seigneurs, ) feurent tous deux d'accord ou feignirent estre , ( car feintise voirement estoit ce, comme il y a paru,) de céder. Si avoit chascun d'eulx promis que pour mettre l'Eglise de Dieu en paix il cederoit , à condition que l'autre le voulust semblablement faire. Mais les faulx hypocrites, ( tels se peuvent-ils par l'effect de leurs œuvres appeller, ) s'entre entendoient bien. Car ceste malicieuse voye ont faict à sçavoir entre eulx, pour se excuser chascun sur son compaignon, disant , mais que il cède je cederay. Et semblablement respond l'autre. Et ainsi est la fable du ricochet. Car ils ont plus cher avoir ce morceau eulx deux, que un tiers y soit mis, et eulx déposez. Mais c'est le morceau qui les estranglera. Dieu advance l'œuvre. Et ainsi par ceste voye passent

l6-4 LIVRE DES FAICTS

et dissimulent le temps , et font muser en vain après eulx et leurs fallacieuses responses tous les princes du monde.

Et debvoit lors que le dict accord fut pris le pape de la Lune, dict d'Avignon, aller en un chastel appelle Portovenere, qui sied au bout de la rivière de Gennes, et celuy de Rome debvoit aller en la ville de Lucques> qui est à une petite journée du dict chastel de Portovenere. Et là debvoient ordonner un certain lieu, auquel s'assembleroient pour renoncer au papat , présente l'assemblée des cardinaulx et du concile gênerai, à ce que eslection d'un seul pasteur feust faicte par la voye du sainct Esprit comme Dieu Ta ordonné.

Pour conclusion de ceste chose, tant feurent timonnez du mareschal et des autres bons , qui tendoient et tendent au bien de paix, tous les deux, que excuser bonnement ne se peurent que ils n'allassent es dicts lieux ordonnez. Mais leur venue* peu profita. Car aie faire brief, la conclusion feut telle, que la difficulté du lieu trouver où s'assembler debvoient feut si grande , que ils n'en peurent estre d'accord. Et quand l'un vouloit une chose, l'autre le contredisoit, et eslisoit une autre voye, laquelle semblablement l'autre desnioit. Si s'entendoient bien les faulx damnez. Car il n'est pas doubte que entre eulx avoyent faict ceste faulse conspiration , pour abuser le monde par telles fallaces , et ainsi feirent semblant de non pouvoir accorder. Et dire les causes de leurs frivoles excuses, seroit long procès sans nécessité. Mais à dire en bref vrayement ; tout ainsi que un diable est plus malicieux que l'autre, et s'entredeçoivent, nonobstant qu'ils soyent çompaignons , nostre pape de la Lune

BU MARESCHÀL DE BOTJCÏCA.UT. l65

sceut tenir telle voye et manière, que de ce desaccord bailla tout le tort à celuy de Rome, au dire de tous, tant d'un costé que d'autre.

Pour laquelle cause les cardinaux de Rome le laissèrent, et s'en allèrent malgré hiy en la cité de Pise, et tant que il ne demeura en toute Italie seigneur ne terre qui le favorisast. Parquoy quand il veid ce, envoya requérir au roy Lancelot de Naples que il le secourust , laquelle chose volontiers accorda ; en intention d'usurper et tirer à soy par celuy moyen et voye la cité de Rome et tout le patrimoine , comme il feit après, comme il sera dict. Si promeit le dict Lancelot que il luy aideroit de tout son pouvoir par tout et contre tous. Dont pour ceste cause tant s'orgueillit le dict pape de Rome, que du tout fut obstiné en son propos de non condescendre à la volonté d'un concile gênerai. Si alla tant ceste susdicte alliance de Lancelot avec l'antipape de Rome, que ils traicterent entre eulx par leurs messaigers , que par certains moyens, comme dict sera, Lancelot prendroit la seigneurie de Rome, par telle condition que quand il l'auroit, luy mesme à si grande puissance que nul ne luy oseroit contredire, l'iroit quérir à Lucques et L'emmeneroit. Et ainsi feut délibérée ceste chose.