CHAPITRE XX

De ce mesme ; et comment Paul Ursin Romain meil le roy Lancelot a Rome par argent qu'il receut.

Les nouvelles de la susdicte emprise, comment le roy Lancelot debvoit favoriser et secourir le pape de

l66 LIVRE DES FAICTS

Rome, et comment son intention estoit de se parforcer de prendre la cité de Rome , veindrent aux oreilles du mareschal. De laquelle chose feut durement irrité. Car bien luy sembla que ce pourroit estre grand empeschement et empirement de traicté de paix au faict de l'Eglise. Et aussi moult luy pesa que la cité de Rome, qui doibt estre et est le droict patrimoine de l'Eglise, deust par telle tyrannie estre ravie et usurpée. Et par especial drun si mauvais Chrestien comme il est, et ennemy du roy de France, et si grand adversaire du roy Louys, cousin germain du dict roy de France. Si sceut comment le dict roy Lancelot alloit ja à toute sa puissance par mer et par terre , pour y mettre le siège. Si feut moult en grande pensée de trouver aulcune voye que ceste chose feust empeschée. Et quand il eut délibéré de ce qui estoit le meilleur à faire , il appella un de ses gentils-hommes que il sçavoit vaillant, saige, bon et diligent, nommé Jean de Ony, duquel est parlé autre fois en ce livre. Si luy dit en ceste manière.

« Vous vous en irez de tire à Rome, et parlerez « à Paul Ursin, auquel me recommanderez, et de par « moy luy direz , que luy qui est comme le chef et « principal de Rome, et qui Ta en gouvernement, « veuille monstrer par efïect à ce grand besoing la « loyauté, preud'hommie et vaillance qui tousjours a « esté en luy, et en ses nobles et anciens devanciers, si « que de toute sa puissance et force il monstre la « feauté et bon amour que il porte, comme il est tenu « à la cité de Rome. En telle manière que il ne veuille « souffrir que elle soit ainsi contre droict et raison « baillée, ne soufferte en mains estrangeres, et en sei- « gneurie de nouvel tyran. Laquelle chose s'il ad-

DU MARESCHAL DE BOUCICÀUT. iG0]

« venoit seroit très - grandement à l'empirement de « l'honneur de la cité et des Romains. Et que s'ils ont « esté et sont grands et de noble couraige , desprisans « servitude plus que gens du monde, à ceste fois le « veuillent monstrer.Et que de ce je le prie tant comme « je puis, et le fais certain etluy promects que s'il se « tient hardiment , et s'il se deffend par grand vigueur « contre le dict Lancelot, si y aura grand honneur à « tousjoursmais , et que je le secoureray à tout grand « puissance sans nulle faulte dedans quinze jours. »

Jean de Ony à tout ceste commission s'en alla bâtant à Rome, et avec luy par le commandement du mareschal un autre escuyer bon et appert, nommé le Bourt de Larca. Si feit sa légation à Paul Ursin bien et saigement, tout en la forme et manière que enjoint luy estoit. Et oiiyes les paroles, à dire en brief ce que Paul Ursin en feit, il monstra semblant que moult estoit liez de ce que le mareschal luy mandoit, en disant qu'il l'en remercioit de bon cœur. Et que par faulte de couraige, et de mettre toute peine, diligence, corps, avoir , et vie , ne demeureroit mie que Lancelot ne trouvast grande résistance. Et que à Rome y avoit assez vivres pour cinq mois, et puissance pour souffrir tant que ils feussent secourus. Si mettroit grand soin que ils se teinssent forts contre le siège. De ainsi faire et tenir loyaument le jura et promeit Paul Ursin à Jean de Ony , et que sans faulte deffendroit la cité hardiment jusques au dict terme , et tousjours à son pouvoir, attendant le dict secours. Et po ur mieulx monstrer au mareschal la voye que il debvoit tenir, luy mesme figura de sa propre main la cité de Rome sur un peu de papier, et la cité d'Ostie qui là près sied, et la manière et place où l'on pourroit combatre par mer le

ï68 LIVRE DES FAICTS

navire du roy Lancelot. Aussi devisal'ayde que il feroit au mareschal, bailla enseigne comment on le congnoistroit , et dict la manière comment Lancelot pourroit estre desconfit par terre.

Toutes ces choses certifia à tenir le desloyal Paul Ursin , qui oncques rien n'en teint. Car deux jours après que le dict Jean de Ony partit d'avec luy, il meit luy mesme le roy Lancelot dedans Rome, moyennant vingt-six mille florins que il receut, et deux chasteaux. Et Jean de Ony, qui en pièce (0 n'eust pensé ceste mauvaistié, s'en retourna devers le mareschal. Toutesfois il laissa son compaignon à Rome, c'est à sçavoir le susdict Bourt de Larca , pour faire sçavoir toutes nouvelles au mareschal, et pour tousjours solliciter Paul Ursin des susdictes choses. Mais en s'en retournant trouva la venue du roy Lancelot plus advancée que luy ny le mareschal ne pensoient. Car ja estoit le dict Roy à toute sa puissance par terre et par mer au siège devant la cite' d'Ostie, qui sied à la rive du Tibre près de Rome. Et avoit en sa compaignée par terre environ de huict à neuf mille chevaux, et deux cent hommes à pied, Et par mer avoit en navire sept galées subtiles, et deux grosses galées huissieres, et bien soixante dix barques chargées d'habillemens de guerre et de victuailles.

Ces choses veiies et sceiïes, le dict Jean de Ony, qui veid le besoing de tost haster la chose, exploicta tant son erre, que en quatre jours feut de Rome à Portovenere. Auquel lieu trouva le mareschal, qui après le rapport ne musa mie , ains meit telle diligence en la besongne , que le quatriesme jour d'après il appresta toute son armée, tant de gens d'armes, comme de naves,

(0 En pièce : jamais.

d arbalestriers , de vivres , et de toutes choses à ce nécessaires. Et celuy jour monta en gaîée. Si avoit en sa compaignée huict galées et trois brigantins, les mieux armées et fournies de gens d'armes et d'arbalestriers que on peust veoir. Desquelles dictes gale'es avoit faict capitaines ceulx de qui les noms s'ensuivent. Luy mesme feut le capitaine de la première nave. Dom James dePrades de la seconde. Jean de Lune, nepveu du Pape, de la tierce. Messire Girard de Cervillon , et le mareschal du Pape, de la quatriesme. De la cinquiesme frère Raymond de Lesture, prieur de Tlioulouze. De la sixiesme le seigneur de la Fayette. De la septiesme messire Robert de Milly. Et de la huictiesme Jean de Ony. Si estoyent en ceste compaignée entre les autres nobles et renommez gens, ceulx dont les noms cy ensuivent, messire Guillaume Muillon, messire Lucas de Flisco , messire Gilles de Pruilly, messire Beraut du Lac, Guillaume et Hugues de Tholigny , le sire de Montpesât, Robert de Fenis, capitaine de l'un des brigantins , Gilet de Grigny , Chabrulé de Ony , nepveu du susdict Jean de Ony, et plusieurs autres, qui long seroit à dire. A tout ceste belle compaignée se partit le mareschal.

Mais comme Dieu le voulut pour son mieulx, tantost se leva un vent contraire, et un oraige si très-grand, que nullement ne pouvoit aller avant, dont tout vif enrageoit. Et contre le vent par droicte force alla jusques devant Moutron : mais pour néant. Car la tempeste s'enforcea si très-grande que il luy conveint tourner arrière. Et dura cest oraige par trois jours. De laquelle chose tant estoit dolent le mareschal que plus ne pouvoit. Et ainsi en attendant tousjours que la tourmente cessast, pour le grand désir que il avoit de par-

fournir son emprise , ne soufïroit que nul de ses gens ississent hors du navire, jusques à tant que le susdict Bourt de Larca, que le dict Jean de Ony avoit laissé à Rome, comme dict est devant, arriva, qui venu estoit à grand haste, et par maints périls. Lequel dict les nouvelles comment Lancelot avoit este' par Paul Ursin mis à Rome, comme dict avons devant.

Laquelle chose moult pesa au mareschal. Mais tous ceulx qui avec luy estoyent regracierent nostre Seigneur de l'oraige et tourmente qui les avoit empeschez d'aller plus avant. Car sans faillir si jusques là feussent allez, tous eussent esté trahis, morts et péris. Mais Dieu, qui tousjours défend les siens, garda adonc son servant le bon mareschal, qui demeura dolent et courroucé de ce qui advenu estoit. Mais ne défaillit mie pourtant en luy l'ardente volonté de tousjours travailler au bien et paix de saincte Eglise. Ains puis qu'il avoit failly à une de ses voyes, pour venir où il tendoit, c'est à sçavoir d'empescher celuy de Rome que il ne feust favorisé par la puissance de Lancelot , comme dict est, il prist à penser que il cercheroit voye et manière de tant faire par toutes les parties d'Italie qui au dict pape de Rome obeissoient, que ils feussent adverlis et congneussent les grands maulx et inconveniens qui à cause de l'erreur du dict pape de Rome, et aussi de celuy d'Avignon, et par leur obstination, advenoienten la chrestienté. Et à ce tant se peina, que il leur ouvrit les yeux de vérité en ceste cause. C'est à sçavoir que bon seroit que un seul pasteur feust esleu par saincte voye , et ces deux maudits déposez. Et semblablement feit tant par ses saiges et bonnes manières, avec l'ayde de Dieu, vers tous les roys, et les terres et pays qui au dict pape de Rome obeissoient , comme

en Angleterre, Alemaigne, et ailleurs, et pareillement de celuy d'Avignon, comme France, Arragon, Espaigne, et autre part, que tous les princes de la clirestiente, et chascune puissance de pays mettroit peine à tendre à l'union , et que plus nul de ces deux ne seroit favorisé ny soustenu en son erreur.

Et ainsi par long travail, non mie tout en un jour, mais en l'espace de plus de trois ans, (car trop y a à faire de ramener infinies opinions, et diverses faveurs à une seule,) a tant faict par son saige pourchas, que il est venu à ce que il tendoit. C'est que tous les princes de la clirestiente qui leur obeissoient, et toutes les terres et pays sont aujourd'huy d'accord, et mesmement le roy Lancelot, (qui souloit favoriser celuy de Rome, comme dict est,) que tous deux cèdent, et un vray Pape soit esleu. Et chascun endroict soy y travaille. Et au cas qu'ils y soient contredisans, et ne aillent à la journée , qui pour ceste cause est prise à certain jour au mois d'avril , en cest an i4o8, en la cité de Pise, où le concile gênerai doibt estre assemblé, et eulx mesmes y sont appeliez, et ja de toutes parts y vont prélats, et ambassadeurs de tous les princes et pays, (en laquelle chose France a grand honneur, le Roy et les princes d'icelle, avec la noble Université de l'estude de Paris , qui grand peine et par long temps y a mis, ) ils seront délaissez seuls comme hérétiques damnez, mauvais et détestables, de tous leurs cardinaux, de tous les princes, et de toute gent, et leur sera ostée toute puissance, et punis s'ils peuvent estre tenus, et un nouvel esleu par le sainct collège, sans contraincte , en manière deiie , par la voye du Sainct Esprit. Laquelle chose Dieu par sa saincte miséricorde veuille terminer briefvement, au bien et paix

l^ LIVRE DES FÀICTS

de toute la chrestienté, comme mestier est. Car il n'est nul doubte que à cause de ce schisme sont venus par Tire de Dieu les maux qui depuis sont venus au monde moult merveilleux. Et en cest estât, et soubs la forme que en brief je devise, est à cestuy jour dixiesme de mars i4o8, le faict de l'Eglise. Environ lequel jour doibvent partir pour aller au dict concile les envoyez du roy de France, c'est à sçavoir le patriarche d'Alexandrie, et autres notables prélats, et nobles clercs de la dicte Université de Paris, et mainte gent d'authorité. Si en lairray à tant, et diray des autres bien faicts du vail-* lant chevalier en qui prenons nostre matière.