CHAPITRE IV

Comment le mareschal se garde de trespasser la loj de Dieu et ses commandemens j mesmement en faict de guerre , et de la mesure que il y tient.

Tout homme qui aime Dieu , et le redoubte , de quelque estât qu'il soit, se garde communément de faire chose qui soit contre ses commandemens. Et quoy que tel homme ait à faire en l'office où Dieu l'a appelle, ne se départira point de ce qui est de la raison.

Et pource à propos des mœurs et manière de vivre du mareschal en l'office que Dieu luy a commis, c'est à sçavoir des armes, nonobstant que à plusieurs pourroit sembler qu'en celuy exercice forte chose soit à se sauver, bien y a sceu et sçait tenir reigle juste et mesurée le mareschal. Si comme ont faict en leur vivant plusieurs vaillans nobles hommes des temps anciens, que je ramenteveraycy après, ausquels, par ce que je trouve d'eulx et de luy je le puis accomparer. Mais pource que Dieu doibt aller devant toutes choses, et que aussi luy mesme en tous ses faicts mect tousjours l'ayde de nostre Seigneur au devant, ay premièrement voulu parler de sa charité, et puis de sa dévotion , si dirons tiercement de la belle reigle morale qu'il tient en armes, et du bien qui luy en est ensuivy.

En cestuy office certainement il est tres-saige, et souverainement advisé. Car avant que il commence guerre, bien considère s'il est bon qu'il la face ou non, et s'il a cause juste, et àquoy se pourra tourner, quelle puissance il a en gens et en finance, et quelle a celuy contre qui il veut guerroyer, la force du pays et du lieu , la saison et le temps , et tout ce qui luy pourroit nuire et ayder, et sur ce délibère par bon sens. Et quand il a conclu qu'il est bon que il la mette sus, et qu'il a assemblé ses gens, bien les sçait ordonner, commettre les plus saiges et les plus experts aux armes et les plus accoustumez pour estre les chevetaines des autres, et expressément commande que chascun à son capitaine obéisse, et si nul va alencontre qu'il en soit puny. Avec ce il prend bien garde quelles gens il prend avec soy, et s'ils sont

DU MÀKESCUÀL DE lîOLC[CAut. I () I

bons et duicts en guerre. Et a maintesfois laissé à mener gens d'armes d'aucunes nations est-il , pour le mal que ils font par tout où ils vont, et que à peine les en peut-on garder , quelque punition que on en face.

En quoy on peut dire que le mareschal tient la reigle et discipline de chevalerie que jadis faisoient les susdicts vaillans anciens. Comme il appert es histoires des Romains, qui punissoient très-fort leurs propres enfans et parens qui desobeissoient aux souverains. Ha Dieu , et en icelle discipline de chevalerie n'est-il mie semblable à Scipion l'Afriquain le tresvaillant, que j'ay ja pour sa bonté plusieurs fois allégué, lequel quand il feut commis pour estre chevetaine d'un grand ost que les Romains envoyèrent en Espaigne, il ordonna et feit un edict, que toutes choses superflues et sans nécessité feussent chassées et ostées de l'ost ? Pour lequel commandement une grande troupe de folles femmes vuiderent, et toutes manières de marchans qui apportoient à vendre choses délicates, et sans besoing. Semblablement ce tres-vaillant homme le mareschal faict en ses armées crier soubs grande punition, que nul ne soit si hardy d'appliquer son temps en vaine oisiveté, comme de jouer aux dez, ne à aultre jeu de fortune, et que il n'y ait en l'ost quelconque chose à quoy follement et vainement se puissent amuser, ne que on n'y vende chose sans nécessité, et que nul n'y jure vilainement Dieu, ne maugrée. Et si aucun le faict, il est griefvement puny.

Et que tenir telle voye en ost soit bonne, Valere dict que un noble chevetaine de Rome, que on appelloit Metellus, prist avec soy par le commandement des

19^ LÏV11E DES PAICTS

Pxomains l'ost et la compaigne'e de gens d'armes que un autre chevetaine souloit mener , lequel ost avoit este' si négligemment introduict, que leur valeur estoit comme toute amoindrie. Mais celuy Metellus, suivant la manière de Scipion, tantost qu'il feut revenu en l'ost , remédia aux mauvaises coustumes que ils souloient avoir. Et pour mieulx les contraindre > défendit que nulles choses délicieuses feussent vendues en l'ost, ne que nul y eut varlets, ne chevaulx , ne autres bestes, pour porter le harnois, et voulut que eulx mesmes se servissent. Et toutesfois il changeoit souvent de place, et si leur faisoit luy mesme clorre leurs logis.

Le mareschal donc est saige à commencer guerre, et à bien les sçavoir mener, et instruire ses gens. Mais aussi nul ne sçauroit ne pourroit estre mieulx advisé* de bien congnoistre son advantaige en toutes places où il se loge en champ, ou quand il attend ses ennemis, c'est à sçavoir de mettre ses adversaires s'il peut au dessoubs du vent et de la poudre, et le visaige au soleil, et au bas de la montaigne. Et s'il veoid son mieulx, il n'attend mie qu'on le vienne assaillir, ains advise son point de courir sus, et de les prendre s'il peut despourveùement. Et s'il apperçoit que son meilleur soit il les attend pour les avoir par aulcune cautele. Si n'est ne chauld ne hastif pour leur courir sus à l'estourdie, ains attend lieu et temps convenable.

Tout en la manière que estoit le noble homme Fabius Maximus, dont Valere escript que il feut envoyé à tout grand ost par les Romains, pour résister à la puissance de Hannibal le prince de Carthaige, dont il adveint que luy qui estoit de grand sçavoir,

DU MARESCHÀL DE BOUCICÀUT. IO,3

considéra quand il feut approché de ses ennemis leur grand pouvoir , et l'orgueil en quoy ils estoyent montez > pour cause d'une victoire qu'ils avoyent eue contre les Romains , si ne voulut pas combatre si tost à eulx, combien que il eust grand gent, et ne faisoit que soy tenir sur sa^garde, et ses gens serrez avec luy > et suivoit ses ennemis d'assez près, sans les assaillir, et ainsi se passoit le temps. Et en ce tandis perdoit tousjours Hannibal de ses gens, qui avoyent de grands defaults, parquoy ils alloient afïbiblissans , et Fabius prenoit tousjours fortes places, et à son advantaige, et Hannibal toutesfois moult dommageoit le pays , par bouter feux où il pouvoit. Mais pour dommaige que il feist, oncques ne meut Fabius à nulle hastiveté, que tousjours n'attendist son point.

Quand ce eust dure' un temps, le maistre de la chevalerie de Fabius, qui estoit nomme' Minutius qui moult estoit hardy, et peu saige, par plusieurs fois incita Fabius de courir sus à Hannibal, et disoit, que c'estoit grand honte de tant souffrir sans leur donner bataille. Mais de ce ne s'esmeut en rien le duc Fabius. Tant que iceluy Minutius , qui plus y cuidoit sçavoir que son maistre, s'en retourna à Rome, et feit tant devers les maistres du conseil que il eut licence de combatre contre Hannibal. Et adonc les gens que avoit Fabius feurent partis en deux, et en eut Minutius la moictie', et gouverna chascun sa partie. Mais tousjours Fabius se tenoit en sa resolution ,' et de rien ne s'esmouvoit. Hannibal leur ennemy qui ja estoit si affoibly qu'il estoit sur le point de s'en partir, eut grand joye de ceste chose ; car il sçavoit bien que par 7- «3

la follie de Minutius il auroit tantost la bataille, et que aussi Fabius estoit affoibly de la moictié de ses gens. Si feit Hannibal , qui moult estoit malicieux , mettre une embusche en certain lieu, et Minutius, qui avoit grande envie de combatre assaillit Hannibal. Mais par l'embusche qui veint»sur eulx feut fcantost Minutius desconfit. Et le saige Fabius, qui avoit preveu la fin de ceste chose et ne vouloit pas pour la folie de cestuy faillir aux siens, s'estoit mis en une embusche, si courut sus à ceulx qui chassoient les fuitifs, et feit sonner ses buccines pour rassembler entour soy ceulx qui fuyoient. Et ainsi gaingna Fabius par sa saige souffrance, et Munitius perdit par sa folle hastiveté. Et c'est pour dire que l'atrempance du mareschal et de tous autres semblablement en faict d'armes faict à louer, et non mie folle hardiesse, et non deiïe hastiveté'. Et à ce propos encores , pour mieulx prouver, que saige cautele face moult à louer en faict d'armes, auquel sçavoir ne fault mie à estre bien appris le mareschal, si comme sur Sarrasins et autre part par maintes fois l'esprouva, dict Valere que au temps que le dict Hannibal et Hasdrubal son frère estoyent en Italie, qui tout destruisoient, deux nobles ducs de Rome feurent envoyez contre eulx, lesquels deux ducs si saigement s'y conteindrent, nonobstant que ils n'eussent mie tant de gens comme les autres, que les deux grands osts des deux frères ne peurent oncques estre joints ensemble. Car si ainsi feust, rien n'eust peu durer devant eulx , pour la multitude des gens que ils avoyent. Et feirent tant les deux Romains, pour destruire l'un des osts de leurs ennemis, que sans que Hannibal s'en donnast de garde , s'assemblèrent

DU MARESCHAL DE BOUClCAUT. 196

une nuict ensemble les deux osts de Rome, et alla l'un vers l'autre un très-grand pays toute nuict, et son compaignon le receut par merveilleux sens, tout en la manière que si ce ne feust que un mesme ost, et que secours ne leur feust point venu. Si se teindrent serrez et joincts ensemble, dont il adveint que Hasdrubal qui avoit baillé jour de bataille, et ne se cuidoit combatre que à une des parties, feut desconfit