CHAPITRE V

Comment le mareschal est hardy et seur en ses saiges entreprises.

Avec ce que le mareschal est en armes tres-saige et tres-advisé; il est tres-hardy, chevaleureux, diligent, et de grande entreprise, en telle manière que il ne se trouva oncques en lieu que il eust à faire avec ses ennemis, que il n'en saillist à son honneur, et qu'il ne feust de son bien faict très-grandes nouvelles. Et toutes ces choses en luy se sont esprouvées par maintes fois où il s'est trouvé en lieu et place que il entreprenoit de telles choses, et-achevoit, que elles sembloient comme impossibles à venir à bonne fin. Mais par sa grande hardiesse, et par l'ordonnance que il rnettoit en ses gens, il faisoit ce qu'il vouloit. Car quand il se trouvoit en aulcune très-grande et trèsdifficile et pénible besongne, et qu'il voyoit bien que sans grande force, et sans moult y souffrir n'en viendi oit-il mie à chef, adonc faisoit crier en son ost que

îg6 L1VÎIE DES FAICTS

soubs peine de mort nul ne feust si hardy de partir de sa place, ne retourner au logis. Et par ce ses gens qui redoubtoient sa justice et punition qui rien n'espargnoit, aimoient mieulx mourir en la bataille s'il le convenoit, queestre morts et deffaicts honteusement par punition, si s'exposoient à si grands périls, que il terminoit honnorablement tout ce qu'il entreprenoit.

Et de ceste notable et tres-honnorée manière en faicts de guerre que il avoit , le puis derechef comparer aux vailians anciens, comme Valere recite de eulx et de leurs faicts. Dont entre les autres exemples dict que comme l'ost des Romains feut une fois logé sur le fleuve de Lombardie pies de Plaisance, adveint que par force leurs ennemis les en deslogerent. Quand leur consul, c'est à dire leur duc le sceut, il commanda au maistre de la chevalerie qui les menoit, et à eux tous ensemble, que ils allassent recouvrer leur place, ou tres-griefvement les en puniroit. Et ne le feist pas iceluy duc en espérance qu'il eust que ce peussent-ils faire, mais à fin que ils ne demeurassent deshonnorez d'avoir gauchy ou fuy. Si feit un edict et un commandement que si nul estoit veu fuir ne tournant arrière que tantost feust tué comme ennemy. Par laquelle sévérité, ce dict Valere, encores que ils feussent fatiguez de corps et d'esprit, pour le desespoir de leur vie, ils dirent, que mieulx vouloient mourir sur leurs ennemis honnorablement, que on les tuast honteusement. Dont il adveint que nonobstant la multitude des ennemis, et la force du lieu, ils gaignerent la place.

Si sçait bien tenir ces manières le bon mareschal , dont nous parlons. Et suffise à tant de ceste matière

d'armes, à laquelle fay produit exemples pour mieulx prouver l'authorité de sa vaillance. Et aussi l'ai faict, pource que ramentevoir les faicts des bons doibt donner couraige aux nobles qui leurs faicts oyent de les suivre, et faire comme eulx.