CHAPITRE VI

Comment le mareschal est sans convoitise , et large du sien*

C'est chose notoire, et que chascun sçait , que à tout homme qui désire advenir à hault degré de vaillance est nécessaire qu'il soit sans convoitise d'amasser trésor, ne richesses. Car s'il mettoit en ce son soin, il est impossible que il peust vacquer es grandes poursuites qu'il convient faire en armes à ceulx qui en veulent avoir los, et ausquels si escharceté (0 estoit trouve'e et congneùe, elle leur osteroit l'amour et la compaignée de ceulx qu'ils hanteroient en celuy mestier, et par ainsi leur renom seroit esteint quoy qu'ils feissent. Si n'est mie vrayement de ceste tasche tasché le vaillant mareschal, comme il appert. Car oncques. en sa vie n'achepta ne acquist seigneurie, terre, ne heritaige,etmesmementde ce qu'il a de son patrimoine peu de compte en tient. Si monstre bien semblant que ailleurs sont ses pense'es.

Parquoy sans faillir tout ainsi se peut dire de luy qu'il est escript du saige philosophe Anaxagoras^

(0 Escharceté : épargne, économie.

igB LÏVÎtE DES FÀICTS

lequel après que il eut longuement délaissé Son pays", pour recercher science retourna a ses possesions, lesquelles il trouva gaste'es, et désertes, et non cultivées, dont ses amis le blasmerent, ausquels il respondit, j'aime mieulx, dit-il, que je me soye faict, que si j'eusse faict mes possessions. C'est à dire , que s'il eust entendu à cultiver ses possessions il n'eust mie acquis la grande perfection de science que il avoit. Si fut sa parole bien suivant sa sapience. Car il eut plus cher avoir vacqué à cultiver science, et d'acquérir sçavoir, que à celuy de ses terres et heritaiges, laquelle occupation luy eust osté l'exercice de l'estude.

Ainsi ce bon mareschal dont nous parlons, qui vrayement tout ainsi que les anciens appelloient les saiges philosophes chevaliers de sapience, se peult bien appeller philosophe d'armes, c'est-à-dire amateur de la science d'icelles , qui aime mieulx s'estre faict en vaillance, vertu, et aultre renommée, que s'estre entendu à acquérir terres, richesses, et manoirs. Mais il a acquis un très-grand trésor, qui est la suffisance. Et c'est la propre richesse, ny point n'en est d'autre. Car, dit Aristote, celuy est riche qui rien ne convoite, et ceSte richesse ne luy peut estre ostée : Car bonne pensée ne craint nulle maie fortune. Et ainsi ensuit les vaillans preux qui oncques nul compte ne teindrent d'amasser avoirs. Et qu'il n'en tienne compte, sans faillir il le monstre bien. Car nul noble homme ne pourroit plus abonder en saige et bien ordonnée largesse de ce qu'il a que il faict. Car aux chevaliers et aux gentils-hommes estrangers et privez donne largement, tost, et sans demander, à chascun selon le mérite de son bien faict, et selon

du màreschàl de boucicaut. 199

ce qu'il vault grandement guerdonne celuy qui luy faict aulcun service ou plaisir. Ny ne veult rien debvoir, ains paye et contente les marchands qui le leur luy livrent. Et à brief parler, tant faict en ce cas cy, que tout homme à qui il a à faire a cause de se louer de luy. Ne il n'est aise fors que quand il faict bien à aultruy. Et toutesfois, ainsi que doibvent faire tous hommes saiges, bien regarde à qui, quoy, comment, et pourquoy il donne. Et non mie par folle largesse , qui moult est desprisée , mais par pure franche libéralité, saigement assise, et du sien propre, et non pas de l'autruy, ainsi que sainct Augustin dit que largesse se doibt faire. Car il se garde moult bien de faire tort, grief, ne extortion à quelconque personne, Car ce ne luy soufFriroit mie la grande charité dont il est plain.

Ne dons ne esmolumens quelconques ne veult prendre que on luy veuille donner à cause de l'office du gouvernement qu'il a. Et en ce faisant tient bien l'enseignement du saige duc d'Athènes, qui fut appelle Pericles, qui disoit^ comme rapporte Justin, que il affiert (0 à chasque homme qui a l'administration de justice , de ne contenir pas seulement ses mains et sa langue, mais aussi ses yeux. Et en ce il monstroit que un prince ou homme qui a à gouverner les autres , et tout justicier, se doibt garder de recevoir dons qui corrompent les jugemens humains, et aussi de trop parler, et en t)utre de l'incontinence de la chair. Car le menu peuple, ce dict-il, tire tantost la vie des souverains en exemple. Et de toutes ces choses bien se sçait garder le mareschal, si comme cy après sera dict

0) Il affiert : il convient.