CHAPITRE VIL

Comment la vertu de continence et de chasteté est au mareschaU

Que cestdy homme dont nous parlons soit continent et chaste, appert par ses contenances et faicls. Car en trois signes principaux est apperceu le luxurieux. L'un est en estre trop délicat de la nourriture du corps, et en la curiosité de la vesture et des habillemens. Le deuxiesme en contenance et regards. Et le tiers signe est es paroles. Car, dict le proverbe, « où la dent se deult la langue va. » Et dict l'Escripture, « qui de terre est de terre parle. »

Quand est de la nourriture du corps, sa coustume est telle, que quoy qu'il soit très-largement servy, et que son hostel soit moult plantureux de tous biens, jamais à table ne mange que d'une seule viande, c'est à sçavoir de la première à quoy il se prend, soit boully, ou rosty, ou poulaille, ou grosse chair, ny ne boit vin qui ne soit le quart d'eaue, ny nulle heure ne boit fors à disner et soupper, ny en estranges viandes ne.saulses ou saveurs diverses ne se délecte. Il boit et mange tres-atrempément et sobrement. Et quoy que ses gens soyent servis en argent doré moult richement, et qu'il ait assez de vaisselle, jamais son corps n'est servy de nulle chose en or ne en argent : mais en estain, en voirre, ou en bois. De sa vesture et habillement n'est mignot ne desguisé, quoy que son

appareil soit propre et net : mais non trop curieux en deguisemens, ne moult ne s'y entend, ne amuse, ny ne dore son corps par diverses affiches, dont la superfluité ne sied pas moult à hommes solemnels, quoy que ils en usent assez en France. Tient bel estât de gent , et honnorable mesgnie de gentilshommes, veult que ils soient bien habillez, chascun selon son estât, et assez et largement leur donne de quoy.

A table peu parle, ne nulle heure n'a moult de paroles. Et quand de son mouvement se prend à parler, tousjours est son devis de Dieu, ou des saincts^ de vertu, ou du bien que aulcun a faict, de vaillance , et de chevalerie , d'aulcun bon exemple , et de toutes telles choses. Ne à nulle heure , soit en privé ou en public, on n'oit saillir de sa bouche parole vaine ne messeante , ne jamais ne dit mal d'autruy , ny n'en veult oiiir, ne paroles desraisonnables, ou vaines, et où il n'y a aucun bien n'oit point volontiers. Moult luy plaist oiiir lire beaux livres de Dieu , et des saincts , des faicts des Romains , et histoires anciennes. Davantaige nulles fois ne ment , et ce qu'il promet il le tient. Et veult estre obey tost et sans delay de ce qu'il commande. Il hait les mensongers et flateurs à merveilles , et d'avec soy les chasse. Il hait pareillement jeux de fortune , ne nul temps n'y joue. Ces vertus qui sont contraires à lubricité sont en luy.

Et si les signes sont par dehors de sa chasteté et continence, encores y est plus la réelle vérité du faict. Car le lien de mariage garde en très-grande loyauté et amour. Et vrayement Dieu a commis tout

202 LIVRE DES PAICTS

tel gouverneur à Gennes comme il y convenoit. Car comme par delà ils soyent moult jalouse gent, ny n'ont désir que on leur aille desbaucher leurs femmes , de cestuy leur est bien advenu. Car plus de semblant n'en faict que si de pierre estoit, nonobstant que les dames y soyent bien parées et bien attiffe'es , et que moult de belles en y ait. Et semblablement veult que ses gens s'y gouvernent , et si plainte luy en estoit venue d'aulcun , mieulx luy vauldroit n'y estre oncques entré. Car avec ce que il le faict pour le bien de vertu , outre ce il veult garder l'amitié des Genevois, que il congnoist en leurs mœurs et coustumes. Si ne veult que ils ayent cause de eulx tenir mal contents de luy, ne des siens, pas seulement mesmes au regarder.

De laquelle chose j'ay oiïy dire à un de ses gentilshommes que une fois entre les autres le mareschal chevauchoit par la ville de Gennes , si y avoit une des dames de la ville qui au soleil peignoit son chef, qui moult estoit blond et bel, comme par delà en sont communément curieuses. Si adveint que un des escuyers, qui chevauchoit devant luy, la veid par une fenestre, et va dire : « O que voila beau chef ! » Et quand il fut passé oultre , encores retourna pour regarder la dame* Et adonc le mareschal , qui le veid ainsi retourner va dire : « C'est assez faict. » Ainsi de faict et de semblant le mareschal est net de cestuy vice de charnalité, et de toute superfluité, qui est parfaict signe de sa continence. Car , dient les autheurs , que le vice de luxure abonde en jolivetez , en regards, et contenances, et s'adjoint à convoitise de choses délectables, et d'ornemens vagues, qui font

DU MAHESCHÀL DE BOUCICAUT. 2o3

le couraige volant par divers mouvemens de délices. Si a bien regardé et advisé cestuy saige dont nous parlons que c'est un vice qui damne l'âme, et estaint les vertus, comme le tesmoigne sainct Augustin. Et pource l'a voulu du tout bannir de soy : et mesmement dés sa très-grande jeunesse, qui moult est grande vertu.

Si est plus que chose du monde luxure contraire à vaillant homme d'armes. Car mesmement Jules César, qui feut si vaillant conquereur, tant comme il feut en la contrée d'Egypte, en feut tres-vilainement diffamé. Et tellement, que si plus eust continué sa vie luxurieuse en celuy pays tant qu'il y demeura, en s'occupant en folles plaisances et délices, il eust perdu tout honneur, et toute vaillance d'armes. Car ja le vouloient laisser ses chevaliers et ses gens d'armes, qui moult en murmuroient , et le tenoient pour homme perdu. Et qu'il soit vray que contraire chose soit à tout vaillant homme , dit Bocace au cinquiesme livre de la ruine des nobles hommes , du roy Antiochus, duquel Antioche feut nommée, et qui tant feut hault, riche et puissant prince, que assez avoit pouvoir , richesse , et gent pour tout le monde conquérir, et qui ja avoit subjugué et conquis par force d'armes moult grand pays, ny nul ne pouvoit résister à sa force et puissance, et devant lequel toutes terres trembloient , que il feut deffaict et mis bas par sa luxure et délices. Car après qu'il eut conquis une partie de la Grèce , il s'en alla hyvei ner en Calcidie , auquel pays il feut pris de folles amours. Pour laquelle chose, pour soy occuper en jolivetez et délices, en jeux et esbatemens , son fier cburaige feut amolly.

2û4 UVUE DES FAICTS

Si démena ccste vie tout Fhyver , et tant que non pas seulement les princes de son ost : mais aussi les chevaliers et simples hommes d'armes ensuivirent ses folles plaisances et délices. Et tellement délaissèrent Tordre de la discipline de chevalerie, et manière de vivre que ils avoyent apprise et accoustumée à mener , qu'en la première assemblée où ils se trouvèrent après , qui fut contre les Romains, ils feurent vaincus, et s'enfuit le roy Anthiochus en la cité d'Ephese. Justin aussi confirme ceste chose , en disant que cestuy Roy par un hyver estoit tous les jours à nopces nouvelles , et dict que il estoit moult curieux en superfluitez , qui sont choses désirables aux luxurieux , et qu'il portoit doux d'or en sa chaulsure , et avoit vaisseaux d'argent à Fusai ge de sa cuisine, et les paremens de tous ses habillemens estoyent de moult grande richesse et magnificence. Dont dit Valere, que telles choses sont plus désirables proyes aux ennemis , que elles ne sont cause de les vaincre et surmonter. Et me semble que les autheurs qui escripvirent ces choses en leurs livres, en ayant merveilles que telles superfluitez feussent en homme , tant feust hault roy , ou empereur , n'avoient pas veu en leur temps courir les oultraiges et desrois qui sont en usaige au temps présent en France , et autre part. Et non mie seulement es princes et es gentils-hommes, mais aussi en de petits ministres de leurs hostels, plus grands bombans en de tels y a , que n'avoit le roy Antiochus en sa personne. Et pource à FefFect qui s'en ensuit, peut-on veoir les causes , et selon les causes peut-on juger quels effects en peuvent ensuivre.