CHAPITRE VIÏI
Comment le mareschal suit la reigle de justice.
La vertu de justice , avec les autres biens qui sont au mareschal, reluit en luy merveilleusement, ne nul ne la pouri oit mieulx garder à l'ongle qu'il la garde , comme il est nécessaire , par especial au pays de par delà , voire sans ce que il use de rigueur non deiie, ne de cruauté à créature née. Ains en tous ses faicts plus tire, comme doibt faire tout bon justicier, sur miséricorde que sur rigueur , en gardant la ligne et la balance de droict, que il veult faire à tous, en rendant à un chascun ce qui est sien. Et s'il la tient bien, et tousjours a tenue , il y appert au lieu où il est. Qui est une grande merveille à considérer que par le sçavoir d'un seul chevalier gens tant rébarbatifs , si rebelles , et tant mal accoustumez de ne rien craindre , puissent estre ramenez à telle discipline, et à telle paix , que tout homme pourroit porter à toutes heures l'or , et le trésor sur sa teste ou en ses mains par toute la cité de Gennes, sans ce que nul luy ostast, ne luy en feist tort. Ny en un an pas une fois ne vient à justice une seule plainte d'une bulle (0 donnée , ou d'une barbe tirée , au lieu qu'ils se souloient entretuer par la ville tous les jours comme chiens, ny que l'un die vilainie, ne face oultraige à l'autre. Ains y court une telle générale parole entre grands et pe-
{l) Bujfe : cQup de poing, soufflet,
tits , quoy que ils ayent à faire ensemble , « fay moy « raison de toy mesme , ou monseigneur me la fera. » Si peut-on veoir que c est solemnelement bien garder justice.
Pour laquelle vertu de justice bien gardée est ensuivy et ensuit tel bien aux Genevois, que les riches, qui souloient eulx tenir enclos , et mussez pour peur des mauvais, comme devant est dict , monstrent maintenant manifestement eulx et leur avoir, sans avoir peur que tort ne grief leur soit faict. Et leur faict de marchandise , qui estoit comme tout destruict sur mer , et en moult petite quantité' de nefs , est maintenant à merveilles grand. Et monte leur navire, que ils envoyent par tout le monde , à plus de sept cent grosses naves. Et les mauvais , qui souloient vestir riches robes de leurs larcins , sont contraincts s'ils veulent vivre de bescher en la vigne, ou de mener un asne.
O Genevois , que tant debvez aimer celuy qui ainsi vous a mis de exil en franchise, de pauvreté en richesse, de deuil en joye, de ténèbres au clair jour, et qui a restauré de mort cent mille des vostres , qui ores feussent destruicts, s'il n'eust esté, et qui a gardé vostre cité de destruction! C'est chose vraye, et nul ne le peut nier, et il y paroist, et par son moyen vostre puissance s'estend à présent sur toute la mer et la terre. Quel guerdon rendrez-vous à votre bon duc et gouverneur, qui tant de biens vous a faicts et faict chascun jour de mieulx en mieulx , ou prendrez-vous mérite suffisant pour guerdonner ces grands biens ? Bien luy debvez obéir , l'aimer et le garder soigneusement , et prier Dieu pour luy , et qu'il le
vous veuille sauver : car s'il vous estoit failly, je me doubte que vostre gloire iroit au déclin. Car tous les mauvais d'entre vous ne sont pas péris, quoy que par crainte ils tiennent cachez leurs félons couraiges. O que grand bien seroit pour vous, si sa vie estoit perpétuelle ! Car plus n'y a de meschef en vostre faict fors ce qu'il est homme mortel, de qui la vie ne peult estre moult longue. Si le vous conviendra perdre une fois, qui vous sera grande désolation. Mais tant que vous l'avez, accoustumez-vous à bonnes coustumes, à tenir justice, et à suivre la voye de bonnes mœurs, et vous mirez en luy. Si délaissez vos cruautez , et anciennes mauvaises coustumes de ainsi vous entredeffaire.
De bonne heure vous estes donnez au roy de France, qui tel gouverneur vous a envoyé. Bien debvez bénir le jour que premier veistes celuy qui ainsi vous garde, gouverne , et deffend , et qui entre vous est si droicturier justicier , que l'empereur Trajan , lequel tant feut jadis renommé par sa grande justice, et que les histoires recommandent tant , oncques mieulx ne la garda, nonobstant que il descendist de son destrier, quand il estoit armé pour aller en bataille, et feist arrester tout son ost, pour faire droict et justice à la bonne dame veufve, qui luy requeroit droict d'un tort que on luy avoit faict.
£08 LIVRE DES FÂICTS
