CHAPITRE IX
Comment avec ce que le mareschal est justicier j il est piteux et miséricordieux. Et preuve par exemples que ainsi doibt estre tout vaillant homme.
Mais avec ce que le mareschal est droicturier justicier, ne default mie en luy plaine miséricorde et s pitié. Car de ce l'a Dieu bien garny j tout ainsi que il affiert à tout bon seigneur et gouverneur de gent. Car maintes fois luy ont ses privez oiiy dire, que il voudroit que il ne souveint jamais à luy ne à aultre de injure que on luy eust faicte, afïin que il n'eust cause ne volonté de s'en vanger. Ne oncques ne refusa à nul pour quelconque mal qu'il luy eust faict miséricorde, s'il l'a demande. Et qu'il soit vray que pitié et miséricorde soyent en luy , bien Fa monstre n'a pas grandement , que il luy veint à congnoissance que plusieurs de ses serviteurs , c'est à sçavoir de ceulx qui avoyent le gouvernement de sa despence le desroboient , et avoient desrobé bien de quatre à cinq mille francs, l'un plus, l'autre moings. Si feit tant qu'il en sceut la vérité, non mie par géhenne, ne par force, mais par faire prendre garde par bonnes gens que pouvoit monter chasque jour sa despence, à le prendre «au large. Si fut trouvée clairement la mauvaistié. Mais le bon seigneur ne voulut que aultrement en feussent punis, ains leur feist bailler de l'argent trèslargement à chascun selon le temps que ils Favoient
DU MARESCHAL DE BOUCïCAUT. 20O,
servy , et courtoisement leur donna cong'. Et pour ce que ils disoient que on pourroit avoir aulcun mauvais soupçon sur eulx , pour ce que ils estoyent congédiez de son service, il voulut que bonnes lettres (0 eussent que ils estoyent en sa bonne grâce, et que de son bon gré se partoient tant que il les remandast.
Il espargne aussi les simples et ceulx qui aucunement mesprennent non par malice, mais par non sçavoir, et par simplicité, et pardonne de léger à ceulx qui sans feintise et de bon couraige se repentent, posons que à luy mesme ayent mefîaict. Tout en la manière qu'il est escript de la grande debonnaireté de l'empereur Octavian, qui seigneuria tout le monde, que un chevalier que on nommoit Lucius Cuminus par desraisonnable ire luy dit moult d'injures et de vilainies. Mais toutesfois oncques l'Empereur ne s'en esmeut à nulle impatience, ne ire. Dont il adveint que quand le lendemain cestuy homme feut refroidy de son vin et de son ire, il luy souveint comment outrageusement il avoit parlé à l'Empereur, il en eut telle honte et telle repentance, que il se vouloit occire. Quand l'Empereur le sceut , il en eut grand pilié,et alla vers luy. Si le trouva tres-honteux et confus de sa follie, ill'accolla et reconforta, et dit qu'il luy pardonnoit, et que ja pour ce ne seroit en sa disgrâce, mais son amy comme devant.
Le mareschal est aussi moult piteux sur les vieulx hommes d'armes, qui plus ne se peuvent ayder, et ont esté bons en leur temps : mais rien n'ont espargne,
(0 II voulut que bonnes lettres, etc. C'étoit porter l'indulgence trop loin. Ce trait est le seul où l'on remarque l'exagération d'un panégyriste.
ains sont pauvres. Si ne faict mie à la guise que on faict en maints lieux, que quand on ne se peut plus ayder d'un vieulx et affolé homme d'armes , tant il ait esté bon, et il soit pauvre, on le boute hors comme un vieulx lévrier de quoy on n'a plus cure. Si ne faict mie ainsi le mareschal : ains à tousjours les prise et honnore, et pourveoit à leur vie, et supporte piteusement et tres-humainement leurs vieillesses : tout ainsi qu'il affiert à faire à tout vaillant et bon chevetaine, et gouverneur de gent. Et par telles manières luy veoir tenir il acquiert l'amour des gens d'armes, qui de meilleur cœur l'en servent, et l'en aiment, prisent, et honnorent, en pensant autant feroit-il de nous si nous estions affolez du corps , ou envieillis en sa compaignée. Et à ce propos est escript que ainsi le faisoit le roy Alexandre le grand, dont il adveint que il estoit par un grand hyver en la conqueste d'un pays, si va d'advanture veoir un ancien chevalier de son ost, qui estoit aux champs tout mourant de froid, et quasi tout enroidy. Si en eut moult grand pitié, considérant ses anciens jours, et sa bonté, qui encores luy faisoit suivre les armes. Adonc le Roy luy mesme alla prendre le chevalier entre ses bras , et l'ayda à mener en son pavillon, et l'assist en son propre siège , et le frota devant beau feu, et l'eschauffa, pour le faire revenir. Et ainsi ce noble Empereur humilia la grandeur de Sa Majesté, par pitié et miséricorde. Et tels exemples doibvent mouvoir les cœurs des princes et chevetaines de semblablement faire.
