CHAPITRE X
De la belle éloquence que le mareschal a.
Des vertus de cestuy bon mareschal pourroye dire sans cesser , mais pour tirer à la fin de mon œuvre , vrayement par ce que moult de gens me rapportent, et comme dit l'Escripture, « Le tesmoingnage de plu- « sieurs doibt estre creu, » je tiens que nulle en Juy ne default. Et à tout dire, tant en y a, que tous cculx qui le voyent et hantent, qui ont bonne volon te' de bien faire, prennent à leur pouvoir exemple à luy de toutes choses , et mettent peine à le resembler. Et avec ce que il est tres-vertueux , et tres-saige de bien et pourveiïement ordonner tous ses faicts , comme devant est dict, et que par sa bonté il est aimé, et par sa justice craint : son très-beau langaige doulx, bénin, et bien ordonnent sans fraude, attire les cœurs de maintes gens, comflae j'ay ja prouvé par le faict de l'Eglise, où il ramena par sa saige et doulce parole les Genevois à vraye obéissance, et aussi par autres grands faicts que il a tirez à fin par sa discrète éloquence.
Si pourroit par advanture sembler à aulcuns qui oiront ou liront ceste Histoire , que forte chose soit que un homme sans avoir grandement estudié puisse avoir si bel et si orné langaige comme je dis. Mais ce ne doibt sembler merveille à nul qui a discrétion. Car il n'est sçavoir quelconque qui soit impossible à ac-
212 LIVRE DÈS FÂICÏS
quérir à homme qui mettre y veult grande diligence, s^il a entendement. Posons encores que l'homme soit de rude entendement, si est-ce comme dict le proverbe, « Que l'usaige rend maistre. » Etpource que c'est moult belle chose et bien séante à tout prince et chevetaine de gent, et à tout gouverneur de peuple, et dont maints grands biens peuvent venir, que avoir beau langaige, et affin que chascun mette peine de l'acquérir, ne que nul se désespère de le pouvoir apprendre, tant ait rude manière de parler, je diray à ce propos aucuns exemples.
Sainct Hierosme en son livre tesmoigne queDemosthenes acquit, par y mettre peine, la science de tressolemnele éloquence, et toutesfois, ce dit-il, estoit-il bègue à son commencement, et de tres-laide voix, et ne pouvoit proférer ses lettres. Mais il se travailla tant par grande peine et estude , et tant meit peine à matter le vice de sa langue, que il prononcea souverainement ses mots. Et ainsi par force de accoustumance il corrigea le default naturel de sa langue et de sa bouche. Celuy mesme aussi feut souverain musicien ,tet toutesfois avoit^-il naturellement tres-laide voix yt mais par longue accoustumance il ramena à douceur et accord mesure' et plaisant à oiïir sa voix, qui souloitestre laide et mal accordable, et desplaisante à oiiir. Et à brief parler, il estoit en toutes choses par nature si rude, excepté au désir de sçavoir qui estoit en luy , que Valere en le louant grandement dit de luy qu'il se combatit avec la nature des choses, et en feut vaincueur, en surmontant sa malignité' par force de couraige tresperseverant. Et ainsi, ce dit Valere, sa mère enfanta
DU MÀItESCIïAL DE UOXJCICACT. 2l]
un Demostlienes défectueux, et non parfaict, et l'estude et acconstumance le rengendra et refeit maistre vertueux et parfaict.
Et pourtant, dit le philosophe, du grand bien qui vient de l'éloquence et du gracieux et saige langaige , peut-on tirer à exemple ce que dit Tuiles, que jadis les hommes habitoient es bois et es forests en guise de bestes, sans user de nulle raison, fors seulement de force corporele, par laquelle ils pourchassoient leur vie. Mais adonc un homme de grande authorité , qui par éloquence et beau langaige leur monstra le grand bien de la vie civile , c'est à dire de la communauté de gens, et d'habiter et converser ensemble, soubs loix et ordre de raison ; tant de ce les enhorta, que il les attira à icelle civilité', et que ils s'assemblèrent ensemble, et prirent à converser l'un avec l'autre. Et ainsi par la vertu d'éloquence feurent premièrement fondées les citez. Et à ce s'accorde assez la fable de laquelle faict mention Stace , qui dict que Amphion fonda les murs de la cité de Thebes , par la douceur de sa chanson. Ce que nous pouvons entendre, que par son beau langaige il peupla ceste cité. Et pareillement se peulfc entendre d'Orpheus , lequel les poètes dient que il attiroit mesmes les bestes sauvaiges, les serpens et les lyons au son de sa harpe. Ce sont les fieres gens, et cruels qu'il amolhssoit et rendoit privez par son beau langaige,
2l4 LIVRE DES FAICTS
