CHAPITRE XL
De V ordonnance de vivre du mareschal.
Aucuns dient que diligence passe sens. Mais qui tous les deux peult avoir ensemble il ne fault mie à attaindre à maints grands biens.- Et de ce est bien garny le mareschal. Car tant aime la vertu de exercice , et tant hait oisiveté, que à peine pourroit-il estre pris ne trouvé à nulle heure, que il ne s'exercitast à aulcune bonne ceuvre. Si dirons de sa manière de vivre , et de employer le temps, après que nous avons dict de ses vertus. Il se levé par chascun jour coustumierement moult matin. Et se faict-il, affin que il puisse employer la plus grande partie de la matinée au service de Dieu, avant, que l'heure vienne que il doibt vacquer aux autres besongnes mondaines que il a à faire. Si se tient en œuvre d'oraison environ trois heures. Apres ce il va au conseil qui dure jusques à heure de disner. Apres son disner, qui est assez brief, et en public, (car nulle fois ne mange que d'un mets de viande, ny ne sçait que l'on luy doibt apporter à manger, ne jamais mange saulse d'espice, ne autre, fors verjus et sel, ny n'est servy en argent, ny en or, ) il donne audience à toutes manières de gens qui veulent parler à luy, et luy faire aucune requeste.
Si n'y a mie petite presse souvent advient , mais si grande, que toute la sale en est plaine, que d'estrangers, que de ceulx qui nouvelles luy apportent de
DU MARESCHAL DE BOUCICAUT. 21 j
divers pays , et d'uns et d'autres. Et à chascun il parle gracieusement , et rend responces si bénignes et si raisonnables que tous s'en tiennent contents selon leurs demandes, et tous expédie l'un après l'autre. Et tost et brief les délivre, sans leur faire longuement en la ville en long séjour despenser le leur. Apres il se retire, et adonc faict escrire lettres où il les veult envoyer, et ordonne à ses gens ce qu'il veult qu'il soit faict. Puis va à vespres, s'il n'a autre trop grande occupation. Apres vespres derechef ilbesongne un petit, ou parle à ceulx qui ont à parler à luy, jusques à l'heure que il se retire. Et adonc achevé ce qu'il a à dire de son service, et puis va coucher. Aux jours des dimanches et des festes il occupe le temps à aller en pelerinaiges tout à pied, ou à oùir lire d'aucuns beaux livres de la vie des saincts , ou des Histoires des vaillans trespassez, soit Romains, ou autres, ou à parler à aucunes gens de dévotion. Et telle est la manière et l'ordre de vivre qu'il tient quand il est à séjour en la cité de Gennes, dont il est gouverneur.
Et quand il chevauche en armes , nul ne pourroit prendre plus grand soing ne greigneur (0 peine qu'il prend pour faire toutes choses convenablement, et comme il appartient , et si bel et si bien que nul ne se plaint fors les ennemis. Et ainsi que dit le proverbe commun, selon seigneur mesgnie (2) duite, il prend garde de prendre gens à son service qui soyent bons et de bonne vie, et s'il y avoit en aulcuns quelque mauvaise tasche ou laid vice , ja si grand ne seroit
(0 Greigneur : plus grande. — 00 Selon seigneur mesgnie duite. Ce proverbe a été expliqué page 5i.
2lG LIVRE IVES FAICTS
que il ne chassast d'environ soy. Si faict moult de biens à ceulx qui le servent , et ils l'aiment loyaument , comme ils doibvent, et le servent diligemment, obéissent, craignent, et doubtent.
Et ainsi ce tres-yailiant homme pour la très-grande ardeur qu'il a continuellement que toutes choses qui luy touchent soyent bien faictes , ne prend comme point de repos, ne nul esbatement. Laquelle chose vrayement tous ceulx qui l'aiment et qui désirent sa santé, et longue vie, laquelle est bien séante, et comme nécessaire au monde, et Dieu luy tienne, luy debvroient déconseiller de prendre si grand soing, et si continuel , sans aucune récréation de quelque esbatement. Car comme dient les autheurs, si grande sollicitude est moult préjudiciable à la vie et santé du corps, à demeurer en si grand soing sans délaisser. Car quand l'imagination est travaillée de plusieurs choses diverses l'une sur l'autre, elle rend l'entendement qui est las de comprendre tant de choses comme tout aveugle , et par longue coustume engendre mélancolie, qui trouble aucunesfois la mémoire : dont peuvent sourdre plusieurs maladies : et mesmement disent les saiges que c'est grand péril de s'endormir ne aller coucher en telle lasseté d'entendement , et sans avoir prins auparavant aulcune récréation de joyeuseté ou d'esbalement. Car ils dient que adonc que l'homme dort à tout sa fantaisie ainsi travaillée, l'esprit souffre peine en songeant choses mélancoliques et desplaisantes.
Et pour ce affin de remédier aux inconveniens qui en peuvent ensuivre, les dicts saiges conseillent à ceulx qui sont tant occuppez ou d'estude, ou d'autre conti-
nuel affaire, auquel il convient que l'entendement travaille, que ils cessent aucune heure du jour de ouvrer, et qu'ils recréent et resjouissent leur esprit d'aucune joyeuseté et esbatement qui puisse reconforter nature, qui peut estre grevée par prendre trop grand et continuel soing. Si est moult à propos au reconfort de telle lasseté oiiir chanter doucement , ou jouer d'aucuns doulx instrument , oiiir paroles joyeuses sans péché, ne vice, ou quelque chose qui face rire, et qui réconforte aulcunement nature, laquelle est en créature humaine si tendre, que elle est de peu de chose grevée et affaiblie.
Et n'est point de mal de resjoiïir la vertu qui gist en l'ame et en l'entendement, pour recréer et reconforter aulcunement la sensualité du corps : mais que on ne face point de péché ne chose vitieuse , ne il ne desplaist point à Dieu. Car n'est-il pas escript mesmement que un sainct preud'homme hermite, quand il avoit esté une pièce en oraison, prenoit sa récréation et son esbatement en petits oiselets que il nourrissoit? Dont il adveint que une fois passoit par devant son hermitaige un gentil-homme qui portoit un arc derrière luy, va murmurer du bon homme qu'il voyoid esbatre à petits oiselets qu'il tenoit sur son doigt. Si dict en soy mesme, si cest hermite estoit si sainct comme on dict, il seroit tousjours en oraison, ny ne se joiïeroit pas à ces oiseaulx. Et lors le sainct homme, qui feut inspiré par vertu divine de ce que l'autre avoit pensé, le va arraisonner, et le va prier que il voulust tendre l'arc que il portoit, et l'autre le tendit. Et l'hermite le pria que il le laissast tousjours tendu : et il respondit, que non feroit ; car il gasteroit son arc, qui par
2l8 LIVRE DES FAlCTS
continuellement estre tendu pei droit sa force, et deviendroit si lascheque il ne pourroit tirer loing. Adonc luy respondit le bon homme , beau fils , ainsi est-il de nature humaine, dont la foiblesse est si grande que elle ne souffre à l'homme, sans trop grande grevance, estre continuellement en contemplation en aulcun labeur, si convient donner quelque plaisir à l'esprit, et qu'il se joiïe quelques fois, affin qu'il soit après plus prompt et plus prest à ouvrer de son entendement.
