CHAPITRE XIII

Cj dict en parlant au mareschal , que pourtant ne se veuille fier en fortune > qui tost se change. Et donne exemples.

O noble mareschal , je veux un petit parler à toy. Et nonobstant qu'à ton bon sens ne faille rien apprendre , toutesfois pour ce que l'entendement de l'homme, quand il est occupé de plusieurs grandes choses, oublie aulcunes fois l'une pour l'autre, le ramentevoir mesmes aux saiges , de ce qui leur est bon à faire ou à laisser ne leur peult nuire, ne desplaire ne leur en doibt. Posons que la personne qui pour bien leur dict soit simple et moins sçavante que eulx. Vaillant homme , tu te lies paradvanture es grands biens que tu as faicts, et chascun jour, Dieu mercy, y persévères , tant au royaume de France , dont es mareschal , où tu as par long temps et dés enfance esprouvé ta vaillance , et faict maints biens , comme en ce que tu as reparé la ruine de la cité de Gennes , et aussi aux grands encombriers que tu as faicts par maintes fois aux mescreans et Sarrasins , en l'exaussement de la foy , et en ce que tu as mis peine en la paix de saincte Eglise, et maintes autres choses profictables. Si te pourroit sembler, ce qui est vray, que tu as moult bien mérité par tant de peines endurer > et par tant de services faire , que tu soyes aimé et de

t)U MABJESCHAL DE BOUCICAUT. 22 ï

grinces et de nobles, et de ceulx que tu gouvernes, et généralement de tous Chrestiens, pour laquelle cause peult-estre tu en serois moings sur ta garde comme de nul doubter.

Ha vaillant chevalier, il va tout autrement. Car nonobstant que le proverbe die : « Fais ce que tu doibs, et « advienne ce qu'il pourra. » Sçaiches que à tout homme qui faict bien , envie luy engendre foison de haineux. Et affin que tu t'y prennes garde , et que de plus en plus ne soyes pourveu, ne point ne l'oublies, et que si aucune chose mal à point le temps advenir t'advenoit , dont Dieu te garde, affin que les simples gens et aussi que les envieux ne peussent dire que ce feust par ta desserte, il est bon que je die aulcuns exemples de plusieurs tres-vaillans preud'hommes qui ont esté hays et chassez de leur seigneuries, et aucuns occis par l'envie et ingratitude de ceulx à qui ils avoyent bien faict.

Et le premier exemple, affin que toy ne autre ne te fies en vaillance , ou renommée , parquoy en cuides estre plus asseuré , te diray premièrement de Theseus. Cestuy preux Theseus feut roy et prince d'Athènes , et compaignon de Hercules le fort , et feut avec le dict Hercules en tous les principaulx faicts qu'il feit. Iceluy feit tant de bien aux Athéniens , que il les affranchit de la servitude que le roy Minos.avoit sur eulx, qui estoit si horrible que il convenoit que tous les ans luy envoyassent de leurs enfans, pour nourrir un fier monstre qu'il tenoit en une caige , qui les devoroit tous, et jectoient les gens de la cité aux lots, et ceux sur lesquels les lots escheoient convenoit que ils y allassent. Mais de ce meschef par sa force et bon

sens les tira Theseus. Plus leur feit encores : car il redifia, peupla et augmenta moult et accreut la cité d'Athènes, qui estoit devant comme tout en ruine , et feut le principal commencement de sa prospérité, et de la grande gloire où elle veint. Mais les Athéniens luy en rendirent si bon guerdon que ils se rebellèrent contre luy , et le chassèrent en exil en une petite isle que l'on nommoit Scyros, et là pauvrement finit ses jours celuy qui avoit eu tant de haults honneurs, et si grande renommée.

Que par envie telles nuisances souventesfois adviennent aux bons et vaillans , peut estre aussi prouvé par ce que Valere racompte du tres-vaillant chevalier , et un des princes de Rome , qui feut nommé Furius Camillus, auquel toutes les bontez ensemble estoyent. Et pour ce que il estoit tant vaillant et preud'homme , que il sauvoit les bons d'estre persécutez des mauvais, envie luy brassa tel breuvaige que elle feit controuver sur luy que il n'avoit pas bien party les despoùilles et les proyes aux gens d'armes d'une grande victoire que luy mesme avoit eue de la cité de Veies, qui moult avoit longuement grevé les Romains, et il l'avoit subjuguée. Et pour ceste cause les Romains plains d'ingratitude , nonobstant le grand bien que il avoit faict , l'envoyèrent en exil. Mais tout ainsi que bons preudes hommes ne doibvent mie regarder à la perversité des mauvais que ils ne facent tousjours bien, et que ils ne rendent le bien pour le mal, comme nostre Seigneur le commande, ce tresvaillant preud'homme qui mieulx aimoit le bien commun de Rome que le sien propre , ne laissa pas

pour ce de monstrer le bien que il leur vouloit. Car il adveint au temps que il estoit en exil, que les Gaulois destruirent Rome, Mais luy qui de ce feut moult dolent , feit tant que il assembla ses amis , et alla contre iceulx, et les Romains qui s'enfuyoient rassembla. Si feit une embusche , et courut sur les Gaulois qui garde ne s'en donnoient , et les desconfit , et recouvra une grande partie des biens que ils avoient pillez à Rome. Si donna tout pour refaire la cité, et défendit que ceulx qui estoyent demeurez ne s'en allassent : car tous s'en vouloient aller, et laisser Rome. Si feut adonc la dicte cité de Rome ainsi que de nouvel refondée , et pource feust-il appelle le second Romulus. Car ainsi que Romulus la fonda premièrement, ainsi cestuy Furius la refonda secondement.

A ce propos encoi es , que tousjours ne sont pas bien recongneus et rémunérez les bien faicts des bons : mais leur est rendu mal pour bien , n'en eust pas moins le tres-saige homme Scipion Nasica , qui tant s'estoit travaillé pour le commun de Rome, et tant leur avoit faict de bien , que maintes fois les avoit par ses belles et saiges raisons sauvez et gardez de maintes grandes servitudes. Mais la recompense feut telle, que les citoyens prirent si mal à gré ses vertus, et eurent tant à mal ses bonnes œuvres , que ils trouvèrent voye de eulx en délivrer. Car pour excuse l'envoyèrent en légation en Asie, et luy dirent que là attendis! tant que on l'envoyast quérir. Si usa là le demeurant de sa vie, sans que les Romains ingrats et mal congnoissans de tant de biens que il avoit faicts eussent nul désir de son retour. Et n'est pas de nouvel, ce dict

ï^4 LIVRE CES FAICTS

le translateur du livre de Valere , que ceulx qui veulent vivre à volonté, et sans raison, hayent ceulx qui les reprennent. Et ainsi feust ce preud'homme hay pour bien faire, et pour bien dire.

Mais pource que tu te pourrois fier en ton grand sçavoir et prudence , dont tu as si grand los par excellence, que les Italiens, lesquels sont les plus fines gens que nation du monde, te tiennent le plus saige homme qui vive aujourd'huy. Sçaiclies que iceluy Selpion, dont je dis, feut tant saige, que sainct Augustin au livre de la Cité de Dieu ramentoit ses vertus et ses dicts authentiques. Et aussi en parle Solin au premier livre, et dit, que cestuy Scipion qui mesmement fut de la lignée des autres Scipions , feut tenu pour le plus saige et le meilleur homme de Rome , et non mie par le tesmoignage de peu de gens) ne en privé, mais de tout le sénat, et en public, qui si bien luy guerdonnerent sa bonté. Si peult-on bien veoir comment les jugemens des hommes sont souventesfois iniques et reprouvables, quand mesmenient la cité de Rome , qui voulut estre tenue la plus morigénée et la plus usant de droict que cité du monde, feut par envie tellement aveuglée.

Si est bien à propos de ce que devant ay dit , que bien faire et bien dire engendrent souvent haine. Si ne veuille nul juger quand fortune nuit aulcunement à ceulx qui se travaillent pour le bien public, et qui se meslent de punir les mauvais, et soustenir les bons, que ce soit pour leurs dessertes, ny que pour leurs péchez secrets Dieu leur souffre encourir telle punition. Car plustost est-il souventesfois tout autrement,

comme il appert de Job, de qui Dieu voulut esprouver la patience, qu'il souffrit persécuter, et si estoit trèsjuste. Et de tels maulx rendus pour bien faire sont les histoires toutes pleines.

Le vaillant duc d'Athènes Milciades, qui tant feut preux , et plain de hardiesse , que il desconfit six cent mille Persiens, que Darius roy de Perse avoit assemblez pour destruire Athènes , encores qu'il n'eust en sa compaignée que onze mille hommes d'armes , par son sens prit ses ennemis despourveiïement, dont tant y ouvra qu'il meit Athènes en paix , et maints autres très-grands biens leur feit. Mais le guerdon qu'il eut à la parfin , feut que les Athéniens par leur faulse envie et mauvaistié le feirent mourir en prison vilainement. Aultant en voulurent faire un temps après à un leur duc moult vaillant et preud'homme qui feut nommé Themistocles, lequel quand il eut tant travaillé pour le bien d'Athènes, que il eust délivré la cité de tous ses ennemis , et l'eust rendue tres-puissante en faicts et renommée , riche , et princesse de la Grèce , le guerdon qu'il en eut feut que les Athéniens feurent tant ses ennemis, que il luy feut besoing de s'enfuir, pour garantir sa vie.

Mais pource que aucuns pourroient dire que telles haines viennent souventesfois de peuple à seigneur, ou chevetaine à ses gens, pour cause que le seigneur ou le. gouverneur ou chef prend trop grand subside sur eulx, ou leur est trop cruel , ou ne leur est pas par advanture assez abandonné et large de ses biens, sans faillir souventesfois ne tient mie là. Et il appert par un autre vaillant homme que les Athéniens feirent 7. i5

mourir, lequel estoit nommé Phocion , et si estoit-il tres-debonnaire , large , libéral , et sans convoitise , qui sont vertus par lesquelles communément l'homme est aimé, et ne souffrirent pas les desloyaulx Athéniens que le corps de ce vaillant homme feust ensevely en leur pays, ains le jetterent hors. Et de ces grandes ingratitudes qui feurent es Athéniens, qui estoit la cité du monde où l'estude et les sciences estoyent plus authentiquement leiies dict Valere en les blasmant, que nonobstant que ils feussent plus en doctrine que les autres , et que ils adorassent Minerve , déesse de sapience, et des armes, selon leur loy, et ils se teinssent pour les plus saiges du monde, et dont tant de solemnels philosophes estoyent issus , leur iniquité que ils monstrerent par tant de fois à ceulx qui tant de bien leur avoyent faict, estaignoit et amoindrissoit tout le bien qui pouvoit estre en eulx. Comme s'il eust voulu dire que les vices plus sont griefs et plus sont à blasmer es grands puissans et saiges hommes que es petits et ignorans. Et par ce conclud Valere, que les Athéniens usoient plus de leurs mauvaises conditions que de leurs justes loix. Et parce il dit, que plus faict à louer l'homme qui est si ignorant que il ne congnoist les vices, ne point ne les faict, que celuy qui a congnoissance des vertus, et point n'en use.