CHAPITRE XIV

La fin du Hure ou la personne qui Va faict s'excuse vers le mar^eschalde ce que il Va faict sans son sceu et commandement, et non si bien mis par escript que il appartiendroiU

Or est temps que je tire à fin la matière de mon livre, nonobstant que dire encores assez se pourroit. Mais pour ce que l'entendement de l'homme se travaille aulcunes fois de moult oiïir, tant soyent les choses bonnes, icy concluëray mon dire, délaissant à parler de luy au temps qu'il est encores en la droicte fleur de son aage, dont j'espère que ses biensfaicts ne fauldront mie à tant, ains croy que tousjours iront croissans de mieulx en mieulx. Car tout ainsi que on veoid que l'un vice attire l'autre, pareillement croissent et multiplient les vertus. Donc comme nous soyons tous mortels, s'il advient que mort ou autre encombrier me défende à plus escrire et adjouster à mon livre ce que le dict mareschai fera doresnavant , je supplie tous saiges escrivains que aucun d'eulx veuille parfaire le surplus, jusques à sa fin, que Dieu bonne luy octroyé.

Si prie et requiers humblement aux nobles, et notables personnes par l'ordonnance desquels il a esté faict, que ils me veuillent pardonner si si suffisamment

2'lS LIVRE DES FÀICTS

que la haulte matière le requiert ne l'ay sceu traicter, ne mettre en ordre. Car vrayement il n'a mie tenu à faulte de bonne volonté, mais à non plus sçavoir. Si leur plaise corriger les defaulls , et avoir agréable mon labeur tel comme il est.

Et aussi je supplie très -humblement le bon chevalier de qui il est faict, que s'il advient que en son vivant il vienne entre ses mains, ou en oye parler , que pareillement me veuille pardonner , si si suffisamment que il appartient n'y ay enregistré et mis ses nobles faicts et dignes mœurs, ne mauvais gré ne me veuille sçavoir, si j'ay eu hardiesse d'entreprendre à parler de luy, et de sa vie, sans en avoir auparavant congé de luy et licence, et sans son sceu. Car j'ay receu la charge et commission de ce faire volontiers, et à bonne intention, pour ce que la belle matière dont il traicte, pourra à tousjours mais estre cause de bon exemple à ceuîx qui désirent hault attaindre, et qui mirer s'y voudront. Si ne luy debvra pas desplaire d'avoir le payement de ce qu'il a bien desservy , c'est à sçavoir los et renommée à tousjoursmais au monde par les mérites de ses biensfaicts. Car il ne desplaisoit pas jadis aux vaillans preux, que mémoires authentiques et perpétuels feussent faicts de leurs bontez, ainçois, dit Valere, et maints aultres autheurs le tesmoignent, que en intention et espérance que ils acquissent bonne renommée faisoient et tiroient à chef les merveilleuses choses que ils entreprenoient. Et dict à ce propos Aristote, que los et honneur n'est mie encores assez suffisant mérite à donner à l'homme qui est vertueux.

Et qu'il soit vray, que un chascun prince et gouverneur de pays , ou chef de chevalerie ou de communauté de gent , doibve raisonnablement vouloir avoir los, gloire, et honneur, afin que la réputation de leurs personnes soit tenue en plus grande révérence de leurs subjects, par quoy ils en soyent plus craints et plus obéis, dit Varron, qui feut un tres-saige autheur des Romains, que il estoit expédient que les roys et les grands princes se faignissent estre du lignaige des dieux, comme plusieurs le feirent jadis, comme le roy Alexandre, les empereurs de Rome, et autres. Et de ce faict mention sainct Augustin au livre de la Cité de Dieu. Parquoy nous pouvons dire que c'est chose convenable que ceulx qui ont soubs eulx administration de gens et de peuples, accroissent leurs authoritez le plus que ils peuvent, non mie par orgueil, mais pour estre plus craints, et obéis comme il appartient. Doncques ne me sçaura pas mauvais gré ce vaillant preud'homme, si je luy ay procréé et enfanté un nouvel hoir, voire si durable que il ne pourra jamais mourir au monde. Car voirement les livres qui sont faicts représentent les personnes de ceulx de qui ils parlent, si comme faict le fils la mémoire du père. O il ne sera pas plus desdaigneux que fut jadis Pompée le grand, à qui ne despleut mie de ce que le saige poète, qui feut nommé Teophanes, avoit escript sans son sceu ses gestes, et ses nobles faicts, que il meit en moult beau langaige, et notable style. Il ne l'eut pas à desdaing, ains quand le volume luy présenta, il en feit joye à grand merveilles , et dit que celuy qui avoit mis peine à prolonger sa

230 LIVRE DES FÀICTS -

mémoire à tousjours-mais au siècle, Taimoit de grand amour, quand il desiroit sa perpétuité, si avoit bien deservy que grand guerdon luy rendist de tel bénéfice, et service. Si le rémunéra si grandement, que il le pourveut de son vivre très -honnorablement, et avec ce pour ce que il avoit honnoré et exaussé son nom par escript, pareillement le voulut honnorer. Car il le meit au rang des chevaliers, et le feit citoyen de Pvome, qui estoit adonc le plus grand honneur que on peust faire à homme, et n 'estoit mie chose accoustumée que on y receust nuls estrangers. Si estoit moult grande dignité pour les grands privilèges, franchises , et excellences de quoy usoient les dicts citoyens. Et avec ce l'honnora de grand louange en ses escripts, en moult bel langaige, ettres-orné, en luy rendant grâces de ce qu'il avoit dict de luy, et à tousjours feut son familier, et amy singulier, avec les guerdons d'autres grandes largesses que il luy rendit.