CHAPITRE XXXI

Du mariage de V aisnè fils de Crouy à une fille du comte de Sainct-Pol : du voyage du bon duc Philippe en Alemaigne : et du mariage du comte de Cliarolois , avec madame Ysabeau de Bourbon.

En ce mesme temps le signeur de Crouy, estant à Luxembourg , fit espouser Jehan de Crouy, son fils aisné, à la fille du comte de Sainct-Pol : laquelle fille fut baillée es mains du signeur de Crouy, quelle estoit jeune, et enfant : et fut traité iceluy mariage entre le comte de Sainct-Pol, père de la fille, et le signeur de Crouy, père du fils. Mais pour aucun mal content, ou autres causes, ledict comte de Sainct-Pol ne vouloit point que le mariage se parachevast : et toutesfois il n'avoit sa fille en ses mains : mais Tavoit le signeur de Crouy : comme dict est. Parquoy il fit consommer le mariage : et envoya prier le comte, et ses amis, notablement : mais le comte n'y voulut point aler, ne les amis : dont grande haine se conceut entre les parties : et toutesfois fut, et demoura faict, ledict mariage : et soubtiva chacun de troubler son compaignon, et de l'elTect, et de ce, qui en avint, je deviseray cy-apres.

D OLIVIER DE LA MARCHE. '20g

En ce temps du banquet du duc , se trouva à l'Isle le comte de Sainct Pol, comme l'on peut voyr cy-dessus: et ne se contenta point le duc du vœu, qu'il avoit fait en sa présence (') : pource qu'il ne se monstroit point suget, tel qu'il estoit. Or fit le comte une grande feste à Camhray, et une grande assemblée : où il y eut tournois et joustes, et grans entremets : mais, pour la cause susdicte, ne vou'ut souffrir le duc, que nul de son hostei y âlast : et commencement telles choses à mettre le comte en défidence, et sôupson : parquoy il s'élongna de la maison de Bourgongne : et se tenoit aveques le roy de France. En ce temps le comte avoit besongné aveques le duc Charles de Bourbon, pour avoir Ysaljel de Bourbon, sa fille, en aliance de mariage, pour Jehan de Luxembourg, aisné fils du comte : mais la damoiselle avoit esté nourrie avec la duchesse de Bourgongne : et estoit en la maison du duc : qui estoit son oncle : parquoy le comte ne parvint point à son emprise : et avint qu'en dissimulant, ledict mariage, le bon duc (qui avoit empvis d'aler à Rissebourg, et ne sçavoit s'il passeroit outre, ou s'il auroit autre détourbier) fut conseillé qu'avant son partement il mariast son fils : et, voyant les mœurs,

(0 Voici ce vœu dont il n'est pas fait mention dans le chapitre précédent : « Je voue aux dames et au faisan , que , avant qu'il soit six « seprnaines, je porteray une emprise en intention de faire armes à « pie et à cheval : laquelle je porteray par jour et la plus partie du « temps : et ne lairray pour chose qu'il m'avienne , si le Roi ne le me « commande , ou si armée se face aler sur les Infidèles par le Roy en « sa personne , par son commandement ou autrement, si c'est le bon a plaisir du Roy, j'iray en ladicte armée de tresbon cueur pour faire « service à la chrestienté : et mettray peine au plaisir de Dieu , d'estre « des premiers qui assembleront avec lesdicts Infidèles. »

vertus, et conditions de sa nièce, Ysabel de Bourbon, dessusdicte, il prit en son opinion de la donner à femme à son fils : et envoya querre le comte à toute diligence : qui desja a voit pris congé' de luy, pour aler en Hollande, es affaires du duc son père : lequel revint hastivement, pour obéir : et à la vérité', la duchesse ne conseilla point le mariage : pource qu'elle queroit et entendoit de marier son fils en Angleterre, à la fille aisnee du duc d'York (qui depuis fut duchesse d'Exestre ) pource qu'elle le vouloit alier en Angleterre : où elle avoit le cueur par nature : car elle fut fille d'une fille de Lanclastre , mariée au roy de Portugal , son pe're : et toutesfois fut le duc obeï de la mère et du fils : combien qu'à ceste cause furent aucuns differens en ceste matière. Moult prisoit et louoit la mère les vertus et conditions de la noble damoiselle.

Si furent fiancés secrètement : pource que le duc n'avoit le consentement, ne le sceu, du duc de Bourbon, père d'elle, ne de la duchesse, sœur germaine du duc : et tendoit le duc d'avoir la signeurie de Chasteau-Chinon, pour joindre à Bourgongne. Si fut envoyé Jehan Boudaut, escuyer, dessusnommé, pour conduire ceste matière : et s'en retourna le comte en son voyage de Hollande. Le bon duc ( qui tout ardoit de faire son voyage, et d'exécuter ce qu'il avoit promis) fit diligenter son partement : et se partit, à moins de cent chevaux, de la vile de l'Isle, le quinzième jour de mars, iceluy an 53 : et se fit guidera Chastel en Porcien : dont le signeurde Crouy estoit comte et signeur : et sied assez près de Bar-sur- Aube7 entrée du païs de Bourgongne : où il fut noble-

ment receu : et ainsi se mit le bon duc en son voyage d'Alemaigne : et laissa son fils gouverneur de tous ses païs, en son absence. Il laissa ses pais en paix et union, en richesses, en justice, et en toutes les bonnes prospérités, que prince peut laisser païs. Il laissa son fils pourveu de conseil : comme du chancelier Raolin , du signeur de Crouy, du signeur de Goux, et d'autres grans personnages : et certes ses païs demourérent en telle prospe'rité, que l'on pourroit dire d'eux ce, que dit le poète, quand il dit que les siècles estoyent dorés : et en ce gouvernement se gouverna le comte Charles si-bien et si-vertueusement, que nulle chose n'empira en sa main : et , quand le bon père revint de son voyage, il trouva ses païs entiers, comme devant.

En ce temps plusieurs nobles hommes et femmes, de l'hostel du duc, se rendirent en l'observance : et nommément Anthoine de Sainct-Simon, Anthoine de Sailly, Jehannin d'Or, et plusieurs autres : qui menèrent moult belle et saincte vie : et ainsi s'en ala le duc en Alemaigne : et son fils demoura gouverneur pour luy : et nous tairons un peu à parler du noble comte, et parlerons du père, et comment il exploita en Alemaigne.

Quand l'empereur Frédéric d'Austriche sceut la venue du duc Philippe de Bourgongne en Alemaigne, luy craintif de sa personne, et voyant que tous les princes d'Alemaigne faisoyent grand honneur audict duc, et le festeyoyent honnorablement, se retira es dernières parties de son empire : et manda au duc qu'il n'allast plus-avant pour celle fois, et qu'il envoveroit devers luy, pour eux entendre l'un l'autre.

Ce qu'il fît : et y envoya son chancelier (qui fut depuis pape Pie (0) mais ils ne se peurent acorder : et demoura la chose en roupture : et durant ce temps le duc Philippe prit une grande maladie : et fut longuement malade en une bonne vile d'Alemaigne : toutesfois par la grâce de Dieu il en échapa : et , sans faute, les princes d'Alemaigne le festeye'rent grandement (comme ceux de Bavière : à qui il estoit parent) et autres nobles princes : qui moult-honnorablement le receurent.et festeye'rent : et le bon duc, voyant et congnoissant qu'il n'auroit autre response de l'Empereur, se délibéra de s'en retourner en ses pais. Ce qu'il feit : et fut grandement festeyé en l'hostel du prince d'Orange : et en ce temps le signeur d'Antre maria son fils à la fille de Neufchastel : et de ceste aliance de Vergy et de Neufchastel , fut faicte grande extime en Bourgongne : pource que ce sont deux grandes maisons. Le signeur d'Antre fit diligence d'arrester le duc son signeur à icelles noces : lesquelles furent moult - plantureusement servies de vins et de viandes : et y furent toutes les dames du pais : et devez entendre que le signeur d'Antre fut le plus large et abandonne' de ses biens, qu'homme de son temps : et ne plaindoit nulle despense. Les noces durèrent quatre jours : et y estoit tout homme défrayé, et mesmes par les vilages, au fraiz et à la despense dudict signeur d'Antre : et, à la vérité, iceluy signeur d'Antre fut un des larges despensiers, et des libéraux hommes, qui fust de son temps. La feste achevée, le bon duc (qui avoit le cueur

(0 Pape Pie: iEneas Silvius Picolomini, connu sous le nom tic Pic II.

D OLIVIER DE LA MARCHE. 2l3

et la voulonté que le mariage se fist de son fils et de sa nièce) dépescha messire Philippe Pot, un sien chevalier privé : et par lettres, et par commandement de bouche, manda à son fils, qu'il espousast sadicte nièce , et qu'il trouvast le mariage consommé à son retour. Ce qui fut faict et acomply, selon le désir du père : et, à la vérité, ladicte dame estoit toute vertueuse, et digne de ce grand bien avoir. Les noces furent à l'Isle : et y eut riches joustes : car monsieur de Ravastain et monsieur le Bastard firent la feste grande et plantureuse : et ainsi fut madame Ysabel de Bourbon comtesse de Charolois : et fut ledict mariage en l'an i4^4*