CHAPITRE XXXVII

Comment le bastard Antoine de Bourgongne aîa faire armes en Angleterre : et comment le bon duc Philippe, son père j mourut ce pendant.

Ces choses faiotes, le duc envoya son fils naturel en Angleterre, moult-bien fourny de toutes choses : et y fut messire Symon de Lalain pour son principal conduiseur , et messire Claude de Toulongeon , signeur de la Bastie, messire Philippe, bastard de Brabant, messire. Jehan de Montferrant, Gérard de Rossillon, le signeur de Tibaville, et plusieurs autres : et en ce temps je me trouvay en Angleterre, et m'y arrestay , pour veoir icelles armes : et certes le bastard de Bourgongne tenoit tel estât et tel triomphe, que peut faire le fils aisné le'gitime de Bourgongne. Mais nous nous tairons de toutes ces choses pour le présent, pour parler de l'exécution d'icelles armes.

d'olivier de la marche. 261

Le roy Edouard d'Angleterre avoit fait préparer les lices, grandes et pompeuses : et pour sa personne fut faicte une maison , moult- grande et moult-spacieuse : et estoit icelle maison faicte en telle manière, que Ton y montoit par degrés, au dessus, où estoit le Roy. Il estoit vestu de pourpre, la jartiére en la jambe , et un gros bâton en sa main : et certes il sembloit bien personne digne d'estre roy : car il estoit beau prince, et grand, et bien amaniere'. Un comte tenoit l'espee devant luy, un peu sur costie're : et au tour de son siège estoyent vingt, ou vingtcinq, conseillers, tous blancs de cheveleures : et ressembloyent sénateurs1, qui fussent là commis, pour conseiller leur maistre. Le comte de Volsestre tint lieu de connestable : et estoit acompaigné du maresclial d'Angleterre : et sçavoit moull-bien faire son office. En descendant du hourd, avoit trois hourds, deçà et de là desdicts degrés. Au premier estoyent chevaliers : au second estoyent escuyers : et au troisième les archers de la Couronne, chacun un voulge (0 en la main : et au pie desdicts degrés avoit deux chaizes, Tune pour le connestable, et l'autre pour le mareschal : et, à l'opposite, de l'autre costé de la lice estoit un hourd, non pas si haut que la maison du Roy, pour loger le maire de Londres, et les hondremans (2), servans pour celle année.

Tantost après que le Roy fut assis en son trosne , et en sa chaize ( qu'il faisoit moult-beau voir ) le maire de Londres, acompaigné des hondremans , et de ceux de la loy , entrèrent en la lice, l'espee devant luy : et

'0 Voulge : dard. — (») Hondremans : aldermans.

tira contre son hourd : et, en passant par devant le Roy, n'y eut autre différence, si-non que celuy, qui portoit l'espee devant le maire, en se mettant à genoux le maire et tous les autres , mit la pointe en bas , en signe d'humilité, et puis se releva prestement : et s'en ala le maire de Londres mettre au hourd, pour luy ordonné : et là demoura pour veoir les armes, et tousjours l'espee devant luy : et ne demoura guéres que les gardes de ïa lice ( asçavoir huict hommesd'armes , bien-montés et bien-armés) firent leur entrée en ladicte lice, par le congé du connestable : qui leur ordonna ce qu'ils devoyent faire.

Tantost après , monsieur d'Escalles vint à l'entrée de la lice : et le connestable ala au-devant de luy, et demanda qu'il queroit : et il respondit qu'il se venoit présenter devant le roy d'Angleterre, son souverain signeur , pour faire et acomplir les armes , qu'il avoit emprises à l'encontre du bastard de Bourgongne : et sur ce luy fut faicte ouverture : et certes il estoit monté et armé richement : et avoit dix ou douze chevaux de pareure , bien-richement couverts : et, après sa présentation faicte devant le Roy, il se tira de sa personne en une petite tente , qui luy estoit ordonnée. Puis tantost après vint le bastard de Bourgongne : qui pareillement demanda entrée. Ce que l'admirai luy acorda : et se présenta ledict bastard devant le Roy , pour fournir ses armes : et devez sçavoir qu'il estoit moult- pompeusement acoustré : et avoit douze chevaux couverts, les uns de drap d'or , les autres d'orfaverie , les autres de velours , chargés de çampanes, et les autres couverts de martres, que l'on dit sables, si-belles et si-noires, qu'il estoit

d'olivier de LA MARCHE. 263

possible d'en trouver. Les autres estoyent couverts de brodures, faictes moult-richement. Les pages estoyent vestus de mesmes , comme il appartenoit : et certes ce fut une riche suite , et que le Roy veit voulon tiers. Sa présentation faicte, il se retira en une petite tente, faicte pour luy : et prestement se firent les cris et les deffenses acoustumees : et furent portées au Roy , par deux comtes, deux lances et deux espees, d'une façon et d'une grandeur : car le signeur d'Escalles par les chapitres devoit livrer les bâtons, au choix de sa partie adverse : et envoya lesdicts bâtons le Roy au bastard de Bourgongne, pour choisir ce qui luy seroit le meilleur. Le bastard de Bourgongne choisit assez légèrement : et furent mis :es deux bâtons, qu'il retint, es mains de deux officiers-d'armes : qui les tindrent dehors le pavillon, jusques il fust prest pour saillir : et, après cris et cere'monies faictes, les champions furent saisis de lances et espees, pour eux ordonnés.

Si mirent les lances aux arrests, et coururent celle course, sans atteindre ou consuir l'un l'autre : mais, au retour qu'ils firent , et qu'ils eurent mis les espees en leurs mains, le cheval de monsieur le bastard donna de la teste contre la hâve de la selle du signeur d'Escalles , et de ce coup ledict cheval se tua tout roide : et tomba mondict signeur le bastard sous son cheval , l'espee au poing : et tantost le fit le roy d'Angleterre relever : et se monstra moult-courroucé à l'encontre de mondict signeur d'Escalles : pource qu'il cuidoit qu'il eust fait fausseté en la pareure de son cheval : mais non avoit : ains avint ce coup et ce choc , par mesadventure , et comme je l'ay devisé :

et le Roy leur donna congé' pour celle fois : et s'en retourna mondict signeur le bastard en son logis : et me dît, en rentrant en sa chambre, « Ne vous souciez. « Il a aujourd'huy combatu une beste , et demain il « combatra un homme. »

Et à celle heure vint le connestable, par le Roy, pour sçavoir s'il estoit aucunement blecé : mais monsieur le bastard respondit, qu'il mercioit le Roy, et que nulle bleceure n'avoit : ains estoit prest l'endemain de faire ses armes de pié, priant qu'ainsi le vousist le Roy acorder : et le l'endemain , à heure ordonnée, comparurent au camp monsieur le bastard et monsieur d'Escalles : et fut tousjours acompaigné mondict signeur le bastard du duc de SufFort , qui moult cordialement l'acompaigna : et, après cris et cérémonies faictes , monsieur d'Escalles envoya trois manières de bâtons présenter au Roy, pour icelles armes de pié fournir et achever : et d'iceux bâtons devoit avoir le bastard de Bourgongne le chois. Les deux premiers bâtons estoyent deux lances à getter : et lesportoyent deux chevaliers. Les seconds bâtons estoyent deux haches : et les portoyent deux barons. Les troisièmes bâtons estoyent deux dagues : et les portoyent deux comtes : et, quand iceux bâtons furent présentés au Roy, le Roy retint en ses mains les deux lances à getter, et les quatre autres bâtons envoya à monsieur le bastard, pour en prendre le chois, selon le contenu des chapitres. Monsieur le bastard retint une hache et une dague : et le surplus fut aporté, par le connestable, à monsieur d'Escalles : et vindrent les escoutes de pié : asçavoir six hommes-d'armes de pié, bien-empoint, chacun un bâton de bois en la main.

D OLIVIER DE LA MARCHE. â65

Le bas tard de Bourgongne estoit pare' de sa cotted'armes de Bourgongne, à une barre de travers, pour monstrer qu'il estoit bastard : et le signeur d'Escalles avoit sa cotte-d'armes au dos : et portoit sa bâche sur son col, et en guise d'un espieu : et venoit criant, Sainct George, par trois fois. Les champions se joindirent fièrement : et s'assaillirent l'un l'autre de grand courage : et fut moult-belle ceste bataille : ne je ne vey onques combatre de haches si fièrement : et certes monsieur le bastard monstra bien, à celle bataille, qu'il estoit un homme, voire un chevalier, duit aux armes et au mestier : et fuient tous deux pris et departis, sans grand'foule, l'un d'avec l'autre : et ainsi furent icelles armes faictes et acomplies : et, à la vérité, je vey, depuis, le harnois de monsieur d'Escalles, où monsieur le bastard avoit fait de grandes faulcees, de la dague de dessous de sa hache : et, au regard des dagues qui leur furent baillées, il ne s'en aidèrent point en celle bataille : et ainsi prirent les champions congé du Roy : et se partirent tous à une fois de la lice , leurs haches sur leurs cols , pour monstrer qu'ils n'avoyent esté débatonnés : et se retira chacun en son logis.

Au regard du roy d'Angleterre et de la Royne, ils avoyent fait préparer le souper en la Grange des Merciers , et là vindrent les dames : et vous certifie que j'y vey soixante ou quatre vingts dames, de sinoble maison, que la moindre estoit fille de baron : et fut le souper grand et planteureux, et monsieur le bastard et ses gens festoyés grandement et honnestement.

Au l'endemain firent armes à pié messire Jehan de

Chassa et un escuyer gascon, nomme Louis de Bretelles, serviteur de monsieur d'Escalles : et acomplirent icelles armes, sans grand fouîe l'un sur l'autre : et le l'endemain firent armes à cheval : esquelles messire Jehan de Chassa eut grand honneur : et fut tenu pour un bon coureur de lance : et le l'endemain fit armes messire Philippe Bouton, à l'encontred'un escuyer du Roy. Iceluy escuyer estoit gascon : et se nommoit Thomas de la Lande : et estoit iceluy Thomas beau compaignon, et homme-de-bien : et entre eux sourdit une question: car ceux, qui servoyent messire Philippe Bouton, disoyent que l'arrest de Thomas de la Lalande estoit trop avantageux. Si fut visité par les gens du Boy : et trouvèrent qu'il estoit vray : dont le Roy ne fut pas content : toutesfois ils conclurent de parfaire leurs armes : et fit chacun le mieux qu'il peut, comme il est coustume en tel cas : et ainsi furent les armes achevées, d'une part et d'autre : et monsieur le bastard pria les dames le dimanche au disner, et nommément la Royne et ses seurs : et fit un grand desroy, et une grande préparation : et nous partismes Thomas de Loreille, bailly de Caen, et moy, pour aler en Bretaigne , fournir nostre ambassade : et vinsmes à Pleume , attendant le vent, et navires, pour nous passer en Bretaigne : et en ce temps vindrent les nouvelles à monsieur le baslard, en Angleterre, que le duc de Bourgongne estoit trépassé : et devez croire que grand dueil eut ledict bastard (quand il ouit la mort de son père) et toute la noblesse, qui estoit aveques luy.

Si changèrent leurs plaisances passées à plours, et à larmes : car il estoit mort, comme prince de toute

vertu.: et fit en sa vie deux choses à l'extrémité' : dont Tune fut, qu'il mourut le plus-riche prince de son temps : car il laissa quatre cens mille escus d'or, contens, soixante douze mille marcs d'argent en vaisselle courant, sans les riches tapisseries, les riches bagues, la vaisselle d'or, garnie de pierreries, et sa librairie; moult-grande et moult-bien étofee : et, pour conclusion, il mourut riche de deux millions d'or, en meubles seulement : et, pour la seconde extime, il mourut le plus-large et le plus-liberal duc de son temps. Il maria ses nièces à ses despens. Il sous^ tint grandes guerres , et longuement. Il refit par plusieurs fois, h ses despens, l'église et la chapelle de Jérusalem. Il donna dix mille escus, pour faire la tour de Bourgongne : qui est en Rodes. Il donna dix miile escus au roy d'Albanie. Nul ne s'en aloit de luy, qu'il ne fust bien recompensé. Il tenoit grand estât, aprochant à estât de roy. Il entretint cinq ans monsieur le Dauphin en son estât : et fut prince si-renommé, que tout le monde en disoit bien. Ainsi fit le duc Philippe de Bourgongne deux choses à l'extrémité : comme dit est : car il mourut tout libéral, et tout riche: et trépassa de ce siècle, le quinzième jour de juin, l'an 1467 : et le bastard de Bourgongne prit congé du roy d'Angleterre, de la Royne, et des dames, moultpiteusement : et furent ses provisions perdues : et rompit le propos du festeyement : et s'en revint à Bruges : où il trouva le comte de Charolois (que Ton appeloit duc de Bourgongne) lequel luy fit grand chère : et d'oresenavant, quand je parleray dudict comte , je l'apelleray duc de Bourgongne : comme c'est raison.

Si fut le corps de ce noble prince porte' solennellement, à grand dueil, souspirs, et larmes, en l'église de Sainct Donat, audict Bruges : où il reposa, et fut gardé jusques on le mena en Bourgongne, pour estre sépulture es Chartreux de Digeon, aveques ses prédécesseurs. Les préparations fuient faictes , pour mener le corps du duc Philippe en Bourgongne, et aussi le corps de madame Ysabel de Portugal, duchesse de Bourgongne : laquelle, après son trépas, gisoit à Gonnaut : et fut la préparation du duc moult bien ordonnée et faicte. Les chevaux du chariot couvert de velours : et pennons, bannières, et cottes- d'armes, estoyent bien-ordonnés. Le corps gisoit en son chariot : et par dessus avoit un paisle élevé : et après venoit le corps de madame de Bourgongne, en son chariot et chevaux couverts de velours : et sembloit bien que leans gisoit le corps d'une grande dame, et de noble recommandation.

Le duc leur fils, estoit desja en Bourgongne, et en sa vile de Digeon : et conduisoyent les corps, dessusdicts, le signeur de Ravastain , et messire Jaques de Sainct-Pol : et ne me puis passer de deviser comment iceux deux nobles corps entrèrent à Digeon , et la manière : et, pour monstrer et donner à entendre les cérémonies et les pompes qui furent tenues à iceluy enterrement, et mesmes à celle entrée de Digeon, mondict signeur voulut que l'on fist honneur à la nation de Bourgongne : et premièrement marchoit le signeur d'Irelain : qui portoit le pennon , armoyé des armes du duc : et puis venoyent les deux frères de Toulongeon : qui menoyent le cheval , couvert des plaines armes du duc : et puis venoit le signeur de Ray, qui

d'olivieii de la marche. 269

portoit l'espee du duc : et après venoit, à costiére l'un de l'autre, le signeur de Givry (qui estoit de Vienne) portant l'escu des armes du duc : et empres luy marchent messire Guillaume, signeur de Vergy, portant le heaume et le tymbre du duc : et puis venoyent messire Charles de Challon, neveu du prince d'Orange : qui portoit la bannière : et après venoit le roy-d'armes de la Toison d'or, vestu de sa cotted'armes : et portoit la cotte-d'armes du duc, depleyee entre ses deux mains: et puis venoit le duc Charles, à tout son habillement de dueil : et le suyvoyent les grans de son sang, qui estoyent ordonnés pour faire le dueil aveques luy : et puis si -grand nombre de chevaliers, escuyers, et nobles-hommes, que c'estoit belle chose à- voir. Les églises aloyent devant, par ordre. Les chevaliers de l'ordre, qui ne portèrent point le dueil, estoyent tous à pie, adextrans le chariot, et tenans le poisle couchant. Le poisle, élevé, fut soustenu par quatre des plus grans du païs de Bourgongne : et n'ay point de souvenance, pour les nommer. Apres venoit le corps de Madame, en son chariot : et estoit adextré (0 de huict ou de dix personnages, des plus-nobles du païs : et ainsi et en telle manière furent ces deux nobles corps menés à Digeôn, et reposèrent celle nuict en la chapelle de l'ordre : et toute nuict y eut grand luminaire, grandes prières, et grandes oraisons : et le l'endemain, en ce mesme estât et triomphe, furent les deux nobles corps menés es Chartreux de Digeon , et logés en leur sépulture : et là fut faict grand et notable service : et, après le

(0 sldextré : accompagné.

service faict, s'en retourna le duc en sa maison, ainsi qu'il estoit venu : excepté que les deux corps demourérent en leur sépulture : et je prie à Dieu qu'il en veille avoir les armes en son sainct paradis.