CHAPITRE XXIII

Comment les Gandois coururent le plat - pais de Flandres , y prenans quelques chasteaux et fortresses : et comment ils assiégèrent Audenarde.

Il convient donques savoir comment la guerre, que firent les Gandois contre leur signeur, le comte de Flandres, fut démenée. Vérité' fut que les Gandois mirent sus une grande compaignie, de gens de-cheval, et à pie : qui tous portoyent blancs chaperons : et furent plus de quatre mille hommes , en diverses compaignies : et coururent parmy le païs de Flandres, par cens, et par quarterons : et , s'ils sçavoyent un riche païsan, ils luy mettoyent sus, qu'il estoit contre les signeurs de Gand : et le roboyent et pilloyent : et faisoyent oeuvres, que gens sans raison et sans conduitte peuvent faire : et toutesfois envoyèrent les Gandois, à Brucelles, leur ambassade, devers le duc : et, le jour du grand vendredy (0, luy crièrent mercy : et tenoyent manière qu'ils ne demandoyent que de demourer bons sugets : et estoyent en celle ambassade des plus - notables religieux de Sainct- Bavon et de Sainct-Pierre, et des plus-notables bourgeois de Gand. Mais, à la vérité', la chose estoit à ce venue, que les gens-de-bien n'avoyent, à Gand, plus de pouvoir, ne d'authorité en icelle vile : et gouvernoyent les médians, et les gens voulontaires : et ceste

(0 Du grand vendredy ; te vendredi saint de l'année i/j52. 10. .5

(j(j MEMOIRES

chose congnoissoit bien le duc, el que le pardon, ne le traitté , ne servoit de rien à estre fait aveques ceux, qui nul pouvoir n'avoyent : et d'abondant sçavoit, et oy oit, les outrages faicts par les blancs-chaperons, sur le plat-païs de sa comté de Flandres.

Si leur respondit qu'il sçavoit bien qu'eux, qui parîoyent de-par les rebelles de Gand , le disoyent en bonne intention, et qu'ils voudroyent les choses telle, et ainsi qu'ils disoyent : mais ceux de Gand ne demandoyent point grâce, comme l'on doit venir à son prince, pour avoir pardon : mais demandoyent traitte' , l'espee au poing , en grande assemblée , et en armes : comme s'ils envoyoyent devers leur voisin, ou leur compaignon. Parquoy il ne voyoit nulle cause, pour leur faire response : mais quand ils viendroyent à. mercy, en l'ordre que sugets doivent venir ( quelque ofîènse qu'ils eussent faicte par-cy-devant) il leur tiendroit terme de prince misericors, et auroit regard à non punir ou grever les bons, pour le pèche' des mauvais : et sur ce point se retrait le duo en sa chambre : et n'eurent autre response de luy.

Ce mesme jour du bon vendredy, que les ambassadeurs crioyent mercy, les Gandois envoyèrent aucuns de leurs gens au vilage de Gaures (0, sur l'Escaud : et espiérent que le chastelain estoit au service, et au monstier : et ne se doutoit on de rien. Si entre'rent les Gandois au chastel ( qui est bon et fort ) ferme'rent la porte, et prirent les biens et la maison : et demoura le chastelain hors, en tresgrand danger de sa vie. Celuy chastel est au signeur de Laval (qui est

0) Gaures : c'étoit un gros village situé sur l'Escaut entre Gand et Oudenarde : il étoit défendu par un château.

un grand baron en Bretaigne) et lny vient par partage de Flandres : dont ceux de Laval sont descendus, d'une fille. En ce temps, et par subtil moyen', prirent les Gandois le chastel de Poucques , et celuy d'Escandreberch (0 : qui marchit à Hainaut.

Les nouvelles venues au duc de Bourgongne, il fit haster ses mandemens et ses gens-d'armes par tous ses pais : et desja estoit le comte d'Estampes en Picardie : qui faisoit lever les gens-d'armes. Le duc de Gléves assembla ceux de son païs, pour venir secourir le duc, son oncle. Le mareschal de Bourgongne levoit les Bourgongnons. Le comte de Sainct-Pol , et messire Jehan de Crouy, signeur de Chimay, levoyent les Hannuyers et Namurrois, et aucuns de Flandres et de Picardie. Le comte de Nassau , messire Philippe de Homes, signeur de Bausignies , et autres, levoyent les Brabançons. Ceux de Hallewin , messire Simon de Lalain, Louis signeur de Gruthuse, et autres, levèrent la noblesse de Flandres. Le signeur de la Vére et le signeur de Breda levoyent les Holandois , et Zeelandois : et ainsi se levoit l'armée, et se faisoit l'assemblée des gens-d'armes, de toutes pars : et le duc et ceux de son hostel se préparoyent, chacun qui mieux mieux. Au regard de monsieur Charles de Bourgongne, comte de Charolois, il travailla toute celle quaresme : et Tavoit on envoyé faire honneur de sa personne, à messire David de Bourgongne, son frère naturel ( lequel fut lors sacré evesque de l'evesché de Terouenne) et de là fut renvoyé à Bergues sur la mer, et jusques en Zeelande, pour l'accord

(0 Escandreberch, lisez Schendelùeke. L. Cétoit un village situé h une demi-lieue de Grandmont.

d'aucun aide, faicte au duc son père •* et certes ne luy ne la plus-part de ses jeunes serviteurs ne furent pas prests du premier jour : et ne sçavoyent guéres qu'il faloit pour le faict de la guerre ( qui leur estoit nouvelle chose) et disoit on que le bon duc et la duchesse (pource qu'ils voyoyent l'orgueil des Gandois, et la bataille preste) et aussi plusieurs sages et doubtifs (0 des païs (qui les en prioyent et conseilloyent) eussent bien voulu que, sous ombre de soy apprester, et mettre en tel estât qu'il appartenoit, le comte fust demouré à Brucelles, jusques à ce que la bataille enst esté passée. Mais ledict comte (à qui le cueur croissoit aveques les jours) fit faire ses apprests à toutes diligences : et jura par sainct George (qui fut son plus-grand serment) qu'il iroit plustost en son pourpoint, qu'il n'acompaignast son signeur et père, à soy venger de ses rebelles sugets : et ainsi s'apresta le comte de Charolois, ses gens, et ceux de la maison du duc.

Le duc, voyant les Gandois obstinés de plus en plus fort en leur orgueil, envoya le signeur de Ternant , acompaigné des nobles hommes qu'il peut assembler en la Court, et selon qu'il les trouva premiers prests , en la vile d'Allost : et y mena environ cinquante gentils hommes, et deux cens, que varletsde-guerre, qu'archers : et trouva ledict signeur de Ternant les bourgeois, et les habitans de ladicte vile, bons, et délibérés à garder et deffendre leur vile, contre les Gandois, et à maintenir la querelle de leur prince et signeur : et les reigla le noble chevalier à eux départir par connestables, et par dizaines, pour

(0 Doubtifs : craintifs.

d'olivier de là marche. 69

prendre les deffenses des murailles , ainsi qu'elles furent ordonnées et baillées par luy, et par les commis de ladicte vile : et fit garder les portes, et les clefs , par les gens de la court du duc , qu'il avoit amenés aveques luy : et d'autre part envoya le duc, à Audenarde, messire Simon de Lalain, signeur de Montigni, et le signeur des Cornets (0 : qui estoyent aimés et congnus en Audenarde : et, pour asseurer plus le peuple, y menèrent iceux deux signeurs leurs femmes, et leurs mesnages, et envoyèrent, de leur charge, bien soixante lances, et trois cens archers, qu'à pié, qu'à cheval : et certes tout le peuple, et tous les bourgeois , d'anciéneté ont esté bons et loyaux pour leur comte et signeur, comme plus-àplain se peut veoir, à lire par toutes les croniques, par-avant escrites. Moult-joyeux furent ceux d'Audenarde, quand ils virent que le duc leur envoyoit tels deux notables personnages, pour les aider et deffendre contre les ennemis. Si se pourveurent d'armes et d'artilleries, et de tant que mestier leur estoit, sans y rien épargner , ne regretter.

Or lairrons à parler du duc , et de son appareil : et reviendrons aux Gandois, et à ce qu'ils firent : et peut on légèrement entendre que ce peuple, émeu et déreiglé, estoit parmy Gand en merveilleux nombre, armés et embattcmnés : et, quand ils se trouvoyent en un marché dix ou douze mille assemblés, il leur sembloit qu'en tout le monde l'on ne trouveroit pas encores autant de gens, ne n'acomptoyent à puissance d'autre : et parloyent et murmuroyent tous ensemble : et crioyent, disans pourquoy on ne les

(0 Des Cornets > lisez D'Escornets. h-

employoit contre le duc de Bourgongne : et tant brairent et crièrent , qu'un nommé Lievin Bonne (qui est autant à dire en françois, Lievin Fe've) du mestier des maçons, emprit de les conduire et mener devant Audenarde : et aporta, en une besace, de grandes clefs : et leur fit à croire, et entendre, que c'estoyent les clefs des portes de ladicte vile d'Audenarde. Si fut créé Houlman (0 sur eux, et obeï, comme si ce fust leur signeur naturel : et le quatorzième jour d'avril, Fan 52, après Pasques, vindrent les Gandois devant Audenarde, à si grand nombre, qu'il sembloit que tout le monde fust là assemblé : et marchèrent en tresbelle ordonnance : et menoyent grand charroy de vivres, et d'artillerie. Quand messire Simon de Lalain sceut leur venue , il fit armer tous ceux de la vile, et monter à cheval les hommes-d'armes qu'il avoit amenés : et luy-mesme passa le pont de l'Escaud , et la porte, avec deux cens archers-à-pié, et ce qu'il avoit de gens-à-cheval : et se ferit sur les premiers, qui venoyent sans grand ordre : et en prit, tua, et navra plusieurs, avant que les Gandois se fussent rasseurés : mais ils faisoyent marcher urae compaignie de picquenaires (2), et d'archers : où ils pouvoyent estre quatre ou cinq mille hommes : qui se tenoyent serrés et en ordre. Si marchèrent roidement , contre ledict messire Symon : et rembarrèrent luy et ses gens-de-cheval : et les soustindrent les archers , qui estoyent à pié : et du long de la douve du fossé tiroyent fort et souvent : et si-bien fut la saillie dudict messire Symon

(0 Houlman, lisez Hooft-man, qui veul dire capUaine. — [*) Picquenaires : soldats armés de piques.

D OLIVIER DE LA MARCHE. *fl

conduite, qu'il retrait tous ses gens sans perte, et fit fermer la porte de celuy costé. Car à la vérité il veit si-grand peuple venir à rencontre de la vile, et en tel ordre, qu'il jugea légèrement, qu'il auroit le siège : et certes les Gandois furent bien trente mille testes armées : qui tous cuidoyent que Lievin van Bonne, leur houlmanet conducteur, leur deust ouvrir les portes de la vile, et qu'il eust les clefs, comme il leur avoit dit : mais ils trouvèrent autre détourbier, qu'ils ne pensoyent. Car ledict messire Symon et le signeur des Cornets pourveurent les murailles, les tours , et créneaux , de tout ce qui pouvoit estre nécessaire, pour soustenir et attendre sie'ge et assaut: et certes les bourgeois et les habitans d'Audenarde furent tous reconfortés, et résolus d'attendre ce, qui pouvoit avenir, et de tenir loyalement, et de grand courage, le parti de leur prince : dont ils furent mouît à louer.

Celle nuict se logèrent les Gandois devant Audenarde : et menoyent grand cry et grandes huées, en menaceant fort la vile et les habitans : et leur sembloit que grand tort leur estoit faict, que prestement on ne leur livroit la vile, à faire leur plaisir : et le l'endemain ils firent un pont sur l'Escaud, entre ladicte vile et le vilage de Hainue (0 (qui sied au plusprès dudict Audenarde) et par ce pont passèrent bien quinze mille combatans, étalèrent assiéger la porte, par où l'on va à l'Isle et à Tournay. Si trouvèrent ladicte porte bien pourveiie d'artillerie, et pouldre, et d'arbalestes : parquoy ils nepeurent mettre leur siège,

C1) Hainue, lisez Eyne, village situé à une demi-lieue d'Oudenarde , sur le chemin de Gand. L.

y ^ MEMOIRES

si-pres de ladicte porte, qu'ils eussent bien voulu : et ainsi se logèrent les Gandois devant Audenarde : et mirent leur siège deçà et de là : et par deux ponts, qu'ils firent sur l'Escaud, au lieu dessusdict, ils pouvoyent secourir et aider les uns les autres : et se cloïrent et fortifièrent, de chacun costé, de fossés et de palis : et sembloit, à veoir leur contenance, que jamais ne se deussent lever, pour chose qui leur avinst, qu'ils n'eussent la vile à leur bon plaisir : et ne fait pas à demander si messire Simon de Lalain travaillait pour la seureté de sa garnison et de son honneur : et, pour pourveoir à l'assaut de cestuy orgueilleux peuple , il fit crier que toutes femmes apportassent pierres et cailloux sur les murs : et, pour exemple, fit venir une dame, sa femme, et sœur germaine du signeur des Cornets, et plusieurs nobles femmes, ses parentes, et autres : et tout ce jour portèrent hottes et paniers, les unes sur leur dos, et autres sur leurs testes : et toutes autres femmes, bourgeoises et marchandes, et autres, y acouroyent : et devez sçavoir que moult-bien furent, et en peu de temps, les murailles et les deffenses garnies, et estofees de ce, qu'il y faloit. Or lairrons nous un peu le siège d'Audenarde : et retournerons au duc, et à son armée : et deviserons comment il départit sadicte armée aux deux costès de la rivière de l'Escaud, et ce qu'il en avint.