CHAPITRE PREMIER

Comment le duc Charles de Bourgongne^ par-avant comte de Charolois ^ ayant succédé au bon duc Philippe de Bourgongne j son père > ala de-rechef contre les Liégeois : et comment nouvelle querelle s'émeut entre le roy Louis et hty, tant pour les partialités d'Angleterre, que pour les viles de la rivière de Somme,

V ous avez bien entendu comment je me parti de monsieur le bastard de Bourgongne, pour aler faire ce, qui m'estoit commandé, en Bretaigne. Sur mon chemin je fu averti de la mort de monsieur, le duc Philippe, mon signeur et mon prince : qui me furent piteuses nouvelles. Toutesfois je passay en Bretaigne : pource que ma charge es toit et du pe're et du fils :

et, quand je vein en Bretaigne, je trouvay que le duc se monstroit moult-troublé de la mort du duc Philippe : et avoit fait préparer un service et un oséque, le plus-beau que je vey onques : car il y avoit quatorze prélats revestus : et toute la nef de l'église estoit toute parée de soye et de bougran, aux armes de monsieur de Bourgongne, et non pas armes atachees à espingles, mais couchées et moulées, comme Ton fait les cottes-d'armes. Les cierges, et le luminaire, furent grans et planteureux. Cinquante povres y eut : qui portoyent cinquante torches : et ne voulut souffrir le duc, que nuls des signeurs de Bretaigne (combien qu'il y en avoit assez, qui estoyent partis de Flandres) portassent le dueil aveques luy : et disoit qu'il ne sçavoit nul en sa duché, qui fust suffisant pour porter le dueil de si-haut prince : et ainsi porta le dueil tout seul : et, au partir du service, je l'alay mercier de l'honneur, qu'il avoit fait à la maison de Bourgongne : et il me respondit qu'il le devoit bien faire : et ainsi se passa iceluy service : et exploitay ma charge, le plus-tost que je peu : et puis repassay la mer, et m'en revein devers mon maistre.

Quand les Liégeois, ennemis de leur bonne fortune, entendirent que ceste signeurie estoit changée de père à fils, et que le duc, qui si bien les avoit chastiés, estoit mort, ils vouldrent éprouver et essayer si leur fortune ne seroit pas meilleure à l'encontre du fds, que contre le père : et, pour commencer leur malheur, ils reprirent la vile de Saintron sur le duc de Bourgongne : laquelle vile, par les traités passés, le duc de Bourgongne avoit retenu en ses mains, pour faire barrière entre Liège et ses païs : et disoyent iceux

d'olivier de la marche. 27 3

Liégeois, « Pourquoy ne reprendrons nous Saintron, « qui est une des filles de Liège? »

Et le duc Charles de Bourgongne ne se voulut point contenter d'icelle prise : mais à son commencement voulut bien monstrer aux Liégeois, qu'il estoit homme pour garder le sien : et fit prestement une grosse armée : et manda, par le mareschal de Bourgongne, les Bourgongnons : et prestement se mit aux champs, à grande puissance d'archers et hommes-d'armes : et , par une avantveille de Toussaints , se vint loger devant Saintron, du costé du Habsbain : et trouva dedans Saintron, pour capitaine, messire Regnaud de Rouvray, dont j'ay parlé cy-dessus : lequel messire Regnaud se conduisit en ce, qu'il avoit de charge, sagement et honnorablement, et gardant sa loyauté' et son parti.

Le duc de Rourgongne se logea celle nuict devant Saintron, comme dit est : et en vérité son logis estoit si profond et si mol, qu'a peine pouvoit on aler de logis à autre : et celle nuict le noble duc ne dormit pas tousjours, mais mit par escrit les ordonnances de ses batailles, et fit faire bon guet et bonnes escouttes: car les Liégeois ont une manière de parler, qu'ils tiennent que nul ne passe le Habsbain, qu'il ne soit combatu le l'endemain : et bien le monstrérent : car le l'endemiin, assez matin, ils vindrent gaigner le vilagedeRrustan, au plus près du duc de Rourgongne, à grosse puissance de Liégeois : et les conduisoit un chevalier de Liège nommé messire Rare : et tantost les compaignies du duc de Rourgongne se mirent aux champs : et me souvient que le duc de Rourgongne monta sur un couitaut, et s'en ala devant ses com- 10. 18

2^/f MEMOIRES

paignies : et portoit son ordonnance par escrit, en ses mains : et mit ses gens-d'armes en ordre et en bataille, ainsi qu'il avoit consulte' la nuict devant : et monsieur de Roussi, fils du connestable de France, et le mareschal de Bourgongne amenèrent les Bourgon gnons à moult-bel ordre, pour donner et ferir à leur bout, et à leur endroit de la bataille des Liégeois.

Le duc de Bourgongne s'arma : et furent ordonnés vingt chevaliers (dont je fu l'un ) pour avoir le regard sur sa personne : et maintenant commença la bataille fiére, et bien-combatue : et furent envoyés, pour renfort, en ladicte bataille, les archers du signeur des Cordes , et du signeur d'Emeries : où il y avoit une grosse bande d'archers (et vous le certifie) à coinbatre icelle bataille. Le duc de Bourgongne eut tousjours douze cens hommes-d'armes : qui ne se bougèrent , mais regardèrent la bataille combatre devant eux : car le duc de Bourgongne estoit averti que le roy de Fiance envoyoit une grosse bande d'hommes-d'armes, pour rompre l'emprise du duc : mais le duc y avoit bien pourveu. La bataille ne dura pas longuement : car les archers bourgongnons estoyent embatonnés de grandes espees, par l'ordonnance que leur avoit faicte le duc de Bourgongne : et, après le traict passé, ils donnoyent de si-grans coups de celles espees, qu'ils coupoyent un homme par le faux du corps, et un bras, et une cuisse, selon que le coup s'adonnoit : et se mirent les Liégeois (qui ne peurent la puissance des archers soustenir ) à fuir, et eux sauver, qui mieux mieux : et ne trouvèrent garant, si-non en la noire nuict (qui fut tantost obscure) et le duc de Bour-

d'olivier de LA MARCHE. 2^5

gongne vouloit aler après, passer la nuict, et poursuivre la chace : mais ceux, qui l'avoyent en charge, ne le souffrirent pas, pour les dangers, qui en pouvoyent avenir.

Là fut occis messire Barre, Liégeois : et maints autres Liégeois : et eut le duc de Bourgongne une belle aventure pour son premier avancement, et avènement à estre duc : et avoit laisse' le duc le comte de Marie, et sa compaignie, devant Saintron, pour garder la saillie des ennemis : et se logea chacun, qui mieux mieux, en grande joye de la bonne aventure : et furent gens envoyés celle mesme nuict parlementer à messire Regnaud : mais ledict messire Regnaud ne respondit onques mot : et ne fit point de semblant d'avoir veu la bataille perdue pour eux. Plusieurs Liesjeois furent tués devant Saintron, les uns de coup à poudre, et les autres autrement : mais leurs parens boutoyent les corps par pièces , et les boutoyent en tonneaux de chaux, en intention de les mener prendre sépulture, aveques leurs ancesseurs : et certes ils monstroyent un merveilleux courage : et, fin de compte, messire Piegnaud de Rouvray tint le duc, et son armée, trois jours, avant qu'il voulust parlementer : et durant ce temps tua des gens au duc, par traict à poudre, et autrement : et mesmes y fut tué un de ceux de Velu, moult-honneste gentilhomme.

En fin de compte, messire Regnaud parlementa : et fit un traitté honneste , pour luy et ses compaignons Liégeois : et par ce moyen fut la vile de Saintron remise es mains du duc de Bourgongne : et s'en ala messire Regnaud à Liège, à son grand honneur : et monstra bien qu'il estoit chevalier de grand sens ,

et de grande vertu : et le duc de Bourgongne marcha avant, et son armée : et vint devant Liège : et tellement y exploita, que les Liégeois luy crièrent mercy de rechef, et abaiirent leurs portes et leurs murailles : et ainsi fuient les murailles de Liège abatues et rasées : et le duc s'en retourna en son pais, après celle victoire.

Si nous tairons à présent des guerres de Liège , pour deviser de ce qui avint depuis. En ce temps vint aucun discord entre le roy Edouard d'Angleterre, et le duc de Glarance , son fi ère : et se doutoit le roy d'Angleterre de luy : pource qu'il estoit beau prince, fort-aimé au royaume, et porté et soustenu du comte de Varvicli, dont il avoit espousé la fille : et en estoit le roy d'Angleterre en grande diffidence, et si grande, que la guerre se meut entre eux : mais le roy d'Angleterre se trouva le plus-fort : et* fut force au duc de Clarance , et au comte de Varvich , de vuider le royaume d'Angleterre : et par une nuict traversèrent la mer, et tirèrent en France, devers le roy Louis : qui les receut amiablement , bien joyeux de ce qu'ils estoyent venus à garant devers luy, et en son royaume. Cestuy comte de Varvich fut homme sage et subtil en ses affaires : et entretint la cité de Londres, et le royaume d'Angleterre par trois voyes. La première, par caperonnees (0, et par humilité feinte, au peuple de Londres : dont il estoit moult-aimé. Secondement il estoit maistre des cinq ports d'Angleterre : où il soufïroit grand dommage faire : et jamais de son temps on ne fit droit, en Angleterre, à aucun estran-

(') Coperonnces : flattei ies.

D OLIVIER DE LA MARCHE. ZJ'j

ger, de perte qui luy fust faicte : parquoy il estoit aimé par les pillars d'Angleterre : qu'il vouloit bien entretenir. Et tiercement il entretint la vile de Londres, par tousjours y devoir trois ou quatre cens mille escus, à diverses gens, et à diverses parties : et ceux, à qui il devoit, desiroyent sa vie et sa prospérité i afin d'estre une fois payés de leur deu.

En ce temps firent le roy d'Angleterre et le duc de Bourgongne une grosse armée par mer : dont fut chef, pour les Anglois , le signeur d'Escalles, et, pour le duc de Bourgongne le signeur de la Vére, comte de Grandpré (lequel estoit moult expérimenté en la mer) et certes le duc de Bourgongne fit son armée par mer si-grande, et si-puissante de gens et de navires, que c estoit moult-fiére chose à voir : et tira ceste armée à la Hogue-Sainct-Vas, en Normandie : pource que les navires du duc de Clarance et du comte de Varvich s'y estpyent retirées : et estoit l'intention du duc de Bourgongne de leur détourber leur retour en Angleterre. Le roy Edouard et le duc de Bourgongne conclurent ensemble de retirer icelle armée : et ainsi fut icelle armée rompue, pour celle saison : et depuis le roy d'Angleterre trouva manière de ravoir son frère : et le fit mourir en un baing, comme l'on disoit : et, au regard du comte de Varvich, il demoura en Fiance assez longuement, et jusques à ce qu'il descendit aveques la royne Marguerite, fille du roy de Cécile, et aveques son fils : qui se disoit prince de Galles. Mais le roy Edouard les déconfit en bataille : et là mourut le comte de Varvich, le prince de Galles, et le duc de Sombresset , et plusieurs autres grans personnages : et ainsi fut celle guerre achevée,

et le roy Edouard asseuré , tant du prince de Galles, que du duc de Clarance , et de ses autres principaux ennemis.

En ce temps le roy de France, par moyen, et principalement par le moyen du connestable de France, fit tant que les viles d'Amiens et de Sainct -Quentin (0 se mirent en l'obéissance du Roy, et abandonnèrent le duc de Bourgongne (combien qu'elles fussent de terres enclavées sous le traitté d'Arras) et prestement comme le duc de Bourgongne en fut averti, luy, comme prince courageux et de vertu , fit une grosse armée, et se vint loger devant Amiens : et se logea, de sa personne, à Sainct- Acheu, et fortifia son camp, tellement qu'il estoit périlleux à y entrer : et le connestable de France, à tout quinze cens hommesd'armes des ordonnances, se bouta à Amiens : et ainsi se commença la guerre de tous costés et de toutes pars.

Le duc de Bourgongne (qui faisoit tirer son artillerie contre Amiens ) deffendit expressément que l'on ne tirast point contre l'église : ce qui fut bien gardé : et tint toute une quaresme le duc de Bourgongne iceluy logis : et là furent faictes plusieurs armes de nobles-hommes, d'un costé et d'autre. Le signeur de Molembais , messire Baudoin de Launoy, fit armes à-1'encontre du signeur de Sainct-Simon, de certains nombres de courses de lances, à fers émoulus : lesquelles armes furent bien-acomplies. Messire Claude de Vaudrey fit armes à-1'encontre du Cadat de Bueil : et estoyent d'une course de lance, et puis

(3) Sain et- Quentin : ce renouvellement d'hostilités eut lieu en décembre 1470.

eombatre d'espees tranchantes, et aiguës : et avint, en icelles armes faisant, que, la course de lance passée, ils mirent les mains aux espees, et se coururent sus fièrement et vigoureusement : mais, ainsi que la fortune meine les choses, messire Claude de Vaudrcy atteindit, de la pointe de l'espee, ledict Cadat, et luy perça le bras : et ainsi furent icelles armes acomplies : et tousjours se continuoit le siège : et avint un jour, que les François estoyent aies jouer dehors Amiens, en intention de revenir le soir, et ce jour le duc de Bourgongne faisoit ses reveiies : et les François cuidans rentrer paisiblement en la vile d'Amiens, rencontrèrent des gens du duc : et y en eut de pris et de tués : et cuidérent les gens du duc. gaigner une porte sur les François : mais elle leur fut bien deffendue : et là fut blecé, d'une fle'che, au visage, messire Philippe de Crouy, signeur de Sainct~Py, et fils du comte de Cimay (qui moult-bien se porta à l'assaut d'icelle porte) et ainsi se passa celle journée : et retournèrent chacun en son logis : et le roy de France faisoit pratiquer unes trêves pour celle saison : et , quand le duc de Bourgongne entendit l'intention du Roy , il envoya devers luy un sien grand page, nomme Simon de Quingeay : lequel ala tant et vint, d'une part et d'autre, qu'icelles trêves furent acordees, publiées et criées , tant en l'ost du duc de Bourgongne , comme à Amiens : et ainsi se rompit celle armée pour celle fois : et le duc de Bourgongne vint faire ses pasques à Corbie : et là luy vindrent nouvelles de la mort du comte de Varvich : dont les François furent troublés, et les Bourgongnons réjouis : car il nous estoit grand ennemy.

En ce temps (0 fut pratiquée la descente du roy d'Angleterre , en France : et passa la mer le roy d'An* gleterre, bien acompaigné : et descendit en France : et marcha jusques outre la rivière de Somme : mais il n'y aresta guéres : car le roy de France pratiqua les Anglois si-subtilement et par telle manière, que moyennant trente six mille escus que devoit payer chacun an le roy de France au roy d'Angleterre, il fut content de s'en retourner : et ainsi fut celle descente abolie et mise à néant.

En ce temps (*) le duc de Bourgongne mit sus douze cens lances : et fusmes envoyés , messire Jaques de Montmai tin , le bastard de Vie'vile, capitaine des archers, et moy, pour passer les reveiies des hommesd'armes , et archers , qui se presenteroyent, en icelles ordonnances : et en trouvasmes assez et largement, et de gens-de-bien : qui furent retenus et passés : et me fît le duc cest honneur, qu'il me fit capitaine de la première compaignie d'icelles ordoanances : et pour la seureté de la vile d'Abbevile, que le signeur des Cordes avoit nouvellement conquise, il ordonna trois cens hommes-d'armes r et entrèrent en celle vile : à sçavoir le bailly de Sainct-Quentin, messire Jaques, signeur de Harchies, et moy : et, pour le vous donner à entendre, chacun homme-d'armes et chacune lance d'icelles ordonnances estoyent huict combatans : à sçavoir l'homme-d'armes, le coustillier à cheval, deux archers, deux coulevriniers, et deux piquenaires à pic : et faisoit les compaignies moult-beau voir : et ainsi fusmes nous logés à Abbevile : où nous entre-

(0 En ce temps : cette expédition du roi d'Angleterre eut lieu en

3 475. — (a) En ce temps : i\~ i.

d'olivier de la marche. 281

tinsmes noz gens en si-bon ordre, et en telle discipline de guerre, que nous eusmes plus d'honneur que de honte :, et en ce temps nous coui usmes le païs de Vimeu , et ramenasmes grand butin en la vile : et mesmement nous courusmes Gamaches, et Loupy : et prismes le signeur de Loupy et ses enfans prisonniers : et , au regard de Gamaches , elle fut pillée et brulee : pource que le mareschal Joachin Rouaut s'estoit bouté à Beauvais contre monsieur de Bourgongne : qui mit le sie'ge devant Beauvais, comme vous orrez.

En ce temps (0 se traittoit le mariage de monsieur de bourgongne, et de madame Marguerite d'Yorch : et, pour ce faire, furent longuement à Bruges, et devers le duc un evesque d'Angleterre , nommé l'evesque de Salsbery , et Thomas Vagant , un gentilhomme, serviteur du roy d'Angleterre, né de la nation de Galles, et treshomme-de-bien : et tant traitèrent iceux ambassadeurs, que le mariage fut fait et conclu : et se partirent, pour retourner en Angleterre devers le Roy , pour faire leur raport.

(0 En ce temps : i\6^.