CHAPITRE IL

Comment le duc Charles de Bourgongne,, ayant couru par Vermandois ., assiégea Beauvais : et comment le Roy s3 estant trop fié en luy à Peronne^ fut contraint de l 'acompaigner en armes contre les Liégeois j, par-avant ses aliés.

Le duc de Bourgongne, qui avoit faict douze cens lances, ordonna ses capitaines, et se mit aux champs, et vint devant Roye , et devant Neelle : où estoit Loïset de Balignen , et autres capitaines françois : et , au regard de Roye , ledict Loïset et ses compaignons s'en partirent par traitté. De Neelle, le duc la prit légèrement : et fit grand'discipline de François : et ainsi fut ce quartier achevé {}) : et tourna le duc de Bourgongne son armée sur Beauvais, et par un matin vint assiéger icelle vile : mais les François furent diligens, et se boutèrent audict Beauvais, à l'autre costé de la rivière , bien huict cens hommes-d'armes , et grand nombre de francs-archers : et le duc de Bourgongne par un matin fit assaillir Beauvais : mais il n'y gaigna rien , ains y perdit beaucoup de ses gens : et là mourut un vaillant chevalier bourgongnon (que l'on nommoit le signeur d'Espiry) dont ce fut dommage : car il estoit moult-vaillant chevalier. Au l'en-demain de l'assaut, les François firent une emprise : et vindrent, sur un poinct du jour, donner en fost du duc de Bourgongne : et là fut tué messire Jaques Dorsan, maistre de l'artillerie, et plusieurs des Bour-

(0 Ce quartier achève' ': en 1 4^? 2-

d'olivier de la marche. ^83

gongnons, et des Picars, pris et tués, avant que les compaignies fussent rassemblées : et ainsi les François s'en retournèrent à Beauvais : et le duc de Bourgongne fit garder son camp , plus-prés qu'il n'avoit fait par-avant : et, voyant que l'on ne profiteroit rien devant Beauvais, le duc de Bourgongne manda les trois cens lances, qui estoyent à Abbevile : et y mit messire Baudoin de Launoy et sa compaignie : lequel gaigna Sainct-Vallery : mais il ne la tint pas longuement : et fut conseillé d'abandonner sa prise : et le duc de Bourgongne marcha en pais et entra en Normandie , et gaigna le Neufcbastel , et toutes les petites viles, qui sont deçà Bouen : où le connestable de France s'estoit bouté à plus de quatorze cens lances.

Vivres estoyent courts au duc de Bourgongne : tellement qu'un petit pain y valoit trois patars (0, et un pot de vin dix patars : et ne mengeoyent les povres gens que prunes et fruits (car c'estoit la saison) dont la courance se prit en l'ost : et y moururent beaucoup de noz gens : et le duc de Bourgongne le plussouvent se présentoit à la bataille, à-1'encontre du connestable de France : mais les François se tenoyent serrés en leur vile : et n'estoyent pas conseillés d'eux aventurer. Ce pendant un marchand de l'Isle, nommé Gantois, envoya à monsieur de Bourgongne certain nombre de chariots, chargés de biscuit : et donna, en pur don, et biscuit et charroy : et fit iceluy biscuit grand confort à l'ost.

Apres avoir demouré douze jours devant Bouen, le duc de Bourgongne se conseilla (veu qu'il ne pouvoit finer de la bataille) qu'il se retrairoit : ce qu'il fit, à

(•) Lepalar valoit quatre deniers.

moult-belle ordonnance : et retira contre xAmiens : mais le connestable faisoit tousjours ses diligences, et tellement, qu'il se boutoit tousjours es viles : dont le duc de Bourgongne pouvoit peu profiter : et, à l'aborder qu'il fit devant Amiens, il y eut une grande écarmouche, d'une part et d'autre , et plusieurs gens morts, François et Bourgongnons.

En ce temps estoit venu, devers le duc, Nicolas, fils du duc Jehan de Calabre, en intention d'avoir xnadame Marie, fiîle du duc Charles, en mariage : et, pour dire le vray, il y eut des promesses faictes par l'ordonnance du duc Charles : et certes il avoit un bon esquadre de gens-d'armes, et bien en poinct : et acompaigna le duc de Bourgongne en toute celle raze , et mesmement devant Rouen : et, après que le duc de Bourgongne eut livre son écarmouche , grosse et fiére, devant Amiens, il se retira contre ses païs : et fit un gros logis à Falvy sur Somme, où il demoura assez longuement : et, pendant ce temps, parle moyen et enhort d'un nommé Anthoine du Monet (qui estoit fort privé dudict fils de monsieur de Calabre ) iceluy délibéra de s'en retourner en ses païs : et demanda congé' au duc de Bourgongne : et ne fut pas acordé du premier jour : car le duc de Bourgongne avoit des imaginations, et mesmement des promesses faictes entre luy et sa fille : et tellement pratiqua, que ledict fils de monsieur de Calabre quila toutes promesses, à luy faictes par la fille du duc : et renouvellérent autres aiiances : et ainsi se départirent : et le duc de Bourgongne vira à Peronne, et en ses païs : et ordonna ces douze cens lances par les frontières : et, de ma part, je fu logé ù Royc", et à Mondidier : et

d'olivier de la MARCHE. 285

avoye, à chacun d'iceux lieux, cinquante hommesd'armes : lesquels le duc fit treshien payer et contenter, ensemble tout le surplus des douze cens lances : et ainsi se menoit la guerre guerroyable, de toutes pars : et le duc de Bourgongne retourna à Arras : et manda ceux de Hainaut : et assembla ses douze cens lances autour de luy : et puis re marcha en païs, querant tousjours la bataille contre le roy de France : mais le roy ne monstroit voulontè de combatre. Le duc se tira à Lyons en Santers : et là fit un gros logis de gens-d'armes, et un camp, que l'on appela le camp d'honneur : et tousjoursse présentait pour la bataille : mais il perdoitle temps: car nul n'estoit délibéré de le combatre. En ce temps (0 un sommelier de corps du duc, nomme' Jehan de Boschuse, fut mande' par le roy de France : et par le congé' du duc y ala, et tant parlemente'rent ensemble, et fit ledict de Boschuse tant d'alees et de venues, que le duc asseura le Roy : et le Roy vint à Peronne, aveques le duc : et en cedict temps l'evesque de Liège, cousin germain, et beaufréte du duc, et le signeur d'Imbercourt, messire Guy de Brimeur (lequel messire Guy estoit lieutenant dudict monsieur le duc, en toute la terre de Lie'ge , et comte de Los) tindrent un parlement en la vile de de Tongres : et, durant ce parlement, aucuns Liégeois s'assemblèrent, et par nuict entrèrent à Tongres, et prirent l'evesque de Liège, et le signeur d'Imbercourt : et fut ledict signeur d'Imbercourt prisonnier au signeur de Hautepanne : et ainsi traitla ledict d'Imbercourt, que ledict de Hautepanne ne l'emmena pas prisonnier : mais il promit de se rendre prisonnier

(') En ce temps : Comiaes place cet événement en 1.468.

audict de Hautepanne, à certain jour, qui fut limite entre eux : et, au regard des Liégeois, ils traittérent bien leur evesque : mais ils gouvernoyent et conduisoyent ses affaires à leur plaisir et voulonté.

Le Roy estant au chasteau dePeronne, le duc de Bourgongne tint un parlement aveques son chancelier, et aucuns des chevaliers de l'ordre, et autres : et disoit le duc de Bourgongne, que le Roy luy avoit promis d'aler en sa personne aveques luy, pour recouvrer et reconquérir l'evesque de Lie'ge, et le signeur d'Imbercourt : et que sans faute il ne feroit point de conscience de contraindre le Roy à faire ce qu'il luy avoit promis : et de ceste matie're fut grand débat et grande question entre eux : et disoyent les anciens et notables chevaliers, qu'il avoit fait venir le Roy à sa seureté, et grande charge seroit à la maison de Bourgongne, si le Roy avoit détourbier sur cest asseurement : et le duc respondoit tousjours, « Il le « m'a promis : et il le me tiendra. »

Le chancelier, messire Pierre de Goux, persuadoit tousjours que monsieur de Bourgongne jurast la paix, qui estoit escrite , et qu'il avoit promis une fois de jurer, et le Boy et mondict signeur : mais le duc ne vouloit entendre à la paix, que préalablement il ne fust seur que le Roy luy tiendroit ce qu'il luy avoit promis : et fut la conclusion telle, que lesdicts signeurs iroyent devers le Roy, pour sçavoir son intention : et ne retint mondict signeur, aveques luy, que moy seulement : et devez sçavoir que le Roy avoit bien ouy les aigres paroles, que disoit le duc Charles : et n'estoit pas sans peur, ne sans effray : et, quand les chevaliers furent venus, ils pratiquement qu'il se

d'olivier de la marche. 287

déclairast pour aler à Liège, comme il avoit promis : et il pratiqua que la paix fust jurée entre eux, selon qu'elle avoit esté pourparlee. Si revindrent querre le duc les signeurs de Chai ny, de Crequi , et de la Roche : et menèrent le duc devers le Roy : qui n'estoit pas bien asseuré de ses besongnes : et, si tost qu'il veit entrer le duc en sa chambre, il ne peut celer sa peur : et dît au duc, « Mon frère, ne suis je pas seur en « vostre maison, et en vostre païs? » Et le ducluy respondit, « Ouy, Monsieur : et si seur, que, si jevoyoye « venir un trait d'arbaleste sur vous, je me mettroye « au-devant pour vous guarantir. » Et le Roy luy dît, « Je vous mercie de vostre bon vouloir : et veuil aler a où je vous ay promis : mais je vous prie que la paix « soit des maintenant jurée entre nous ».

L'on fit aporter le bras Sainct Leu : et là jura le roy de France la paix entre luy et le duc de Bourgongne : et ne se pouvoit saouler de se fort obliger en ceste partie : et le duc de Bourgongne jura ladicte paix, et promît de la tenir et entretenir envers et contre tous. Le Roy et le duc dejeusnérent : et puis montèrent à cheval, pour tirer contre Liège : et passèrent par le Quesnoy : où. le duc festeya le Roy moult-grandement : et tirèrent contre Namur : et, eux là venus, firent marcher leurs gens-d'armes contre le pais de Liège, et contre la cité : que les Liégeois avoyent renforcée à leur pouvoir.

Le duc manda Philippe Monsieur, de Savoye, le mareschal de Bourgongne , le signeur d'Imbercourt , et autres : mais ledict signeur d'Imbercourt n'y peut venir: car il estoit blecé en un pié, d'une coulevrine : et là fut conclusion prise, que le dimenche suyvant,

au son d'une bombarde, chacun tireroit à l'assaut: ce qi:i fut faict, et bien entretenu : et celuy dimenche, au poinct du jour, la bombarde tira : et courut chacun à l'assaut de son costé : et mesmes le signeur d'Imbercourt, tout ainsi blecé qu'il estoit, se fit porter par hommes en une biéie de bois, armé de toutes pie'ces, et l'espee nue au poing : et vouloit bien monstrer qu'il estoit lieutenant du duc de Bourgongne, en tout le pais de Liège.

Le Roy et le duc marchèrent de leur costé, pour venir à l'assaut : mais monsieur de Bourgongne ne voulut souffrir que le Roy se mist en ce danger : et luy pria de demourer, jusques il le manderoit : et j'ouy que le Roy luy dît, « IVJon frère, marchez avant: « car vous estes le plus- heureux prince, qui vive. » Et prestement le duc entra dedans la vile, et gensd'armes de tous costés. Mais je reviendray au signeur d'Imbei court , et à ce qui luy avint celuy jour.

Vous estes bien recors que le signeur d'Imbercourt estoit prisonnier du signeur de Hautepanne, et avoit promis de se rendre à Hautepanne : dont il n'y avoit plus que trois jours à venir. Ainsi luy prit, et Dieu le voulut , qu'à celuy assaut ledict Hautepanne fut tué : et ne trouva plus le signeur d'Imbercourt, qui luy calengeast (0 sa foy : et par ce moyen fut quite et aquité de sa foy et prison.

Les Liégeois s'enfuirent par le pont de Meuse : et demoura la vile de Lie'ge en la main du duc de Bougongne : et le roy de France ( qui portoit en son chapeau la croix Sainct-Andrieu) entra en Liège N

(0 Calengeast : réclamât, demarulut. — (2) Entra en Lie'ge: celle ville fut prise le 3o octobre i.'jGS.

D'OLIVIER DE LA MARCHE» ftfîgj

tout asseurëment : et crioit, Vive Bourgongne : et commença le pillage de toutes parts (qui fut grand) et le duc de Bourgongne se bouta en l'église , pour sauver les reliques : et trouva aucuns archers, qui y faisoyent pillage : et en tua deux, ou trois, de sa main : et le Roy se tira en l'hostel du duc : et chacun se logea, pour garder son butin : et ainsi fut la cité de Lie'ge prise d'assaut , et pillée de tous costés : et, quand la chose fut refroidie, le duc se retira devers le Roy : et firent grand' chère l'un à l'autre : et le duc de Bourgongne lit faire justice de plusieurs mauvais garsons , et nommément de ceux , qui avoyent esté cause de la mort de Jehan le Charpentier.

Apres avoir demouré cinq ou six jours en la vile de Liège, le Roy parla à monsieur de Bourgongne, pour soy retirer en son royaume. Ce que le duc luy acorda libéralement : et le fit conduire jusquesà Nostre-Dame de Liesse, par le signeur des Cordes, et par le signeur d'Emei ies : et le Tendemain, après la messe, il appela iceux : et en leur présence fit le roy nouveau serment, sur l'image de Nostre-Dame, qu'il tiendroit la paix, ne jamais n'entreprendroit aucune chose contre la maison de Bourgongne : et s'en retourna le Roy en son royaume, et les signeurs des Cordes et d'Emeries s'enrevindrent à Liège devers leur maistre:

Le duc depescha à Liège ses ambassadeurs , pour aler en Bretaigne, pour signifier à monsieur de Berry, et au duc, ce qui avoit esté faict : car par celle paix le duc de Berry devoit estre comte de Champaigne et de Brie : et sembloit qu'on luy avoit bien asseuré son faict : veu qu'il estoit en Champaigne , et au 10. 19

plus-pres du duc de Bourgongne, pour en avoir secours et aide, si besoing en avoit : niais monsieur de Berry ne voulut point tenir cet apointement : ains marchanda avec le Roy son frère, pour estre duc de Guienne : ce qui luy fut libéralement acordé : dont depuis il mourut piteusement , par soy trop fier au Roy son fre're. Ainsi fut ceste paix faicte entre le roy de France et le duc de Bourgongne : dont tous les pais furent moult-réjouis.