CHAPITRE III

Comment le duc Charles de Bourgongne assiégea la vile de Nuz : et comment il s'en retourna par appoinctement , faict avec V Empereur.

Tost après se meut dissension et débat entre l'archevesque de Coulongne , et le chapitre de la grand'eglise. Cestuy archevesque estoit frère du comte Palatin, de la maison de Bavière, et prochain parent du duc de Bourgongne, à cause de sa grand mère : et fut requis (0 le duc de Bourgongne, d'aide, par son cousin l'archevesque de Coulongne : et le duc (qui ne demandoit que d'entretenir et empleyer ses gens-d'armes) luy acorda libéralement : et, pour commencer sa guerre, il mit le siège devant Nuz : qui est une vile bonne et forte, assise sur le Rin. En ce temps les Lombards et Italiens vindrent au service du duc de Bourgongne : et estoyent conduits par le comte

(») Et fut requis : ceci arriva en 1 474-

de Campobasse, par Jaques Galiot, par Troilus, et par les deux frères de Lignane : et se tira le duc à Pierrefort, pour veoir iceux gens-d'armes : et certes il y avoit une belle puissance d'hommes-d'armes, et tresbonne enfanterie, selon la coustume d'Italie. Le duc recueillit ses gens-d'armes : et se tira contre Nuz : où il mit le siège, comme dict est.

Entre le Rin et la vile avoit une isle : qui ne se pouvoit lors passer , que par le Rin : et là je vey une épreuve, que firent les Italiens : car ils entreprirent, montés, armés, et bardés, la lance sur la cuisse, de passer le Rin, et d'entrer en icelle isle, et la conquérir par icelle épreuve : et en vérité iceux hommesd'armes firent bien leur devoir : car ils se gettérent libéralement, une grosse flotte, en la rivière du Rin : mais le Rin estoit si roide et si fort à iceluy endroit, qu'ils ne peurent leur emprise fournir : et en y eut de morts et de noyés : dont ce fut dommage : car il y avoit de gentils hommes-d'armes. Toutesfois, par commandement du duc, ils se retirèrent, au mieux qu'ils peurent : et me sembla celle épreuve procéder de grand hardement.

Ainsi fut le siège mis devant Nuz : et ceux de Coulongne renforcèrent Nuz de bons gens -d'armes : et passoyent le Rin en petis bateaux : et n'y pouvoit on remédier : car le duc et ses gens estoyent nouveauvenus à ce siège : parquoy il falut qu'il endurast ce renforcement : toutesfois à force de bras fit aporter tant de terre, qu'il sécha le Rin du costé de l'isle : et entra en ladicte isle, à puissance : et prestement furent faicts tranchis : où se pouvoyent couvrir les srens-d'armes bourgon gnons : et garda ladicte isle à

io.

son profit. Le duc feit tourner deux rivières : et logea ses gens au long des rivie'res perdues, encloant son ost : et mesmes y logea les Liégeois : que l'evesque du Liège avoit amenés au service dudict duc : et ainsi fut Nuz assiégé de toutes pars : et estoil le siège bienétofé de toutes choses. Il y avoit hosteleries, jeux de paumes et de billes, cabarets, tavernes, et toutes choses, que l'on sceut demander.

Le siège dura par tous les mois de l'an : et fut le plus beau siège et le mieux-étofé de toutes choses, que Ton veit pieça. Les Lombards du comte de Campobasse perdirent un trenchis (que les Alemans gaignérent sur eux) et en y eut beaucoup de morts et de tués : et le duc fut moult mal-content, contre les Lombards : et entreprit de leur faire regaigner ce qu'ils avoyent perdu : mais il n'estoit pas conduisable.

En ce temps je fu envoyé pour ravitailler la vile de Lints (qui estoit en grande nécessité) et me bailla le duc, pour renfort, le viscomte de Soissons, neveu de monsieur de Moreul : qui menoit une bonne bande d'archers à pié. Il me bailla environ cent hommesd'armes italiens : et si me bailla messire Philippe de Bergues, qui menoit et conduisoit cent lances : et en celuy païs (qui estoit hors de nostre congnoissance) nous fusmes conduits par messire Evrard de la Marche : qui nous livra les vivres et les chevaux, pour porter le ravitaillement de Lintz, comme dit est : et une froide matinée nous nous trouvasmes sur la montaigne d'un vignoble, où nous tinsmes conseil qu'il estoit de faire. Le signeur de Haremberch (qui nous avoit fait venir) ne nous osoit aventurer : et toutesfois nous voulions faire et essayer cef pourquoy nous estions

d'olivier de là marche. 2o,3

Venus : et sur le poinct du jour nous mena messire Evrard sur une haute montaigne : duquel lieu l'on pouvoit voir la vile de Lints (qui sied de l'autre costé du Rin) et si pouvoit on voir la puissance de l'empire, là logée, et qui tenoit le siège devant ledict Lintz : et d'un costé y avoit une vile , et de l'autre y avoit un vilage.

En ladicte vile estoit logé l'evesque de Trêves, et sa puissance : et en ce gros vilage estoit logée la puissance du duc de Zasse : mais il n'y estoit point en personne. Pource que nous ne vismes nulles assemblées entre la vile et le vilage, nous prismes conclusion de descendre : et fut ordonné que le signeur de Sistain, à tout un nombre de cranequiniers, descendroit le premier (pource qu'il sçavoit le païs) et faloit descendre par une vigne, au plus-près du chasteau. Le viscomte de Soissons descendit après, à tout les archers à pie : et, selon qu'ils descendoyent , ils se inettoyent en bataille. Je descendy pour le tiers , à tout six vingts hommes-d'armes. Messire Philippe de Bergues descendit pour le quart, à tout cent hommesd'armes : et puis descendirent les Italiens en deux esquadres, et en moult-belle ordonnance : et puis descendirent les vivres, chacun cheval chargé de blé, ou de farine , et un homme , qui menoit chacun cheval par la bride : et ainsi marchasmes contre Lints : où nous trouvasmes des bateaux , qui prestement passèrent noz vivres en la vile de Lints (car le passage estoit plus-près) et prestement les gens-d'armes alemans de la vile, et du vilage ennemis, coururent aux armes : et y eut de grandes écarmouches d'une part et d'autre : et, tandis que les ecarmoucheurs se ba-

igi MEiroir.Ls

toyent, les vivres passoyent la rivière, comme dit est : et deçà l'eaue avoit un gros boulovart, que les Àlemans avoyent fait pour garder la rivière : et ce jour là estoyent, dedans, les bourgeois d'Àudrenac, et leurs voisins. Noz gens-de-pié perceurent ledict boulovart : et de premier sault le vindrent assaillir : mais ils furent reboutés : et, ainsi que noz dicts gensde-pié se retiroyent d'entre iceux du boulovart, par inconvénient le feu se bouta en la poudre d'une coulevrine : qui fit tantost un grand effray parmy le boulovart : et cuidérent noz gens que ceux du boulovart eussent brûlé toute leur poudre. Si retourna chacun celle part, en criant, à l'assaut > à l'assaut : et en peu d'heure fut le boulovart gaigné d'assaut, et tué dedans plus de cent ou six vingts hommes de deffense. Noz archers trouvèrent audict boulovart bon vin de Rin, et largement : et ne les pouvoit on retirer de la mangeoire : et ainsi fut le boulovart gaigné : et tousjours s'entretenoit l'écarmouche, grosse et planiére, entre les deux forts : et, à la plus grande diligence qu'il estoit possible, je retiray ceux du boulovart : et y eut chevaliers faicts, et une tresbelle besongne.

En la vile de Lints entra messire Lancelot de Barlemont : qui leur aporta argent pour leurs soudes , leur mena vivres comme vous avez ouy, et les renforça de gens et d'artillerie : et autre secours ne leur pouvions faire : et messire Evrard passa l'eaue, pour parler et acourager ceux de la vile : mais rien n'y valut : caries gens de l'Empereur entrèrent en ladicte vile, à demy en parlementant : et fut ladicte vile pillée, et mise à saqucment, si-tost que nous fusmes élongnés du lieu.

Les Alemans du duc de Zasse avoyent gaigné la

d'olivier de là marceie. 295

montaigne, par où nous estions passés : mais, à nostre retour, nous ïegaignasmes le passage sur eux, et y eut de belles armes faictes : et se retira chacun en son quartier, et sous son enseigne : et remontasmes la montaigne, comme nous estions venus : et ne perdismes, la grâce Dieu, nul homme : et nous en retournasmes sains et saufs celuy soir, chacun gésir en son logis : et pource que nous ouismes dire que messire Guillaume d'Arembech avoit contresiegé les gens du duc de Bourgongne par l'autre costé de la rivière du Rin, et battoyent noz gens d'artillerie, nous en alasmes le l'endemain matin , et retournasmes devers le duc, en bon vouloir de luy faire service. Mais ledict messire Guillaume s'abusoit : car le duc de Bourgongne avoit meilleure artillerie, et meilleurs canons, que n'avoit ledict messire Guillaume : et ainsi retourna chacun en son logis : et ne demoura gue'res, depuis nostre parlement, que nous fusmes avertis que ceux de Lints avoyent perdu leur vile, et que les Alemans y estoyent entre's, et y moururent beaucoup de noz gens.

Ainsi fut la vile de Lints ravitaillée , et puis prise : et nous sceut le duc moult-grand gré de la diligence et exécution , que nous avions faicte : et ne demoura guéres qu'un débat se meut aux logis, entre les Anglois et les Italiens : et, à la vérité, les Anglois avoyent le pire : car toutes les nations se joindoyent avec les Italiens. Mais le duc de Bourgongne chevaleureusement, l'espee au poing, se mit entre deux, etappaisa le débat : qui estoit bien dangereux.

Or pour le vous donner à entendre, ce siège de Nuz dura par tous les mois de l'an, si-planteureux de tous vivres et de tous biens, que l'on y estoit comme en

2g6 MEMOIRES

une bonne vile : et y trouvoit on draps de toutes sortes, espices pour médecines, et toutes choses qu'on peut demander. L'artillerie batoit les murailles : et souvent y avoit de grandes écarmouclies. Les aproches faisoyent si-pres les uns des autres, qu'il n'estoit jour qu'ils ne combatissent. Les Alemans vindrent loger à Uquerocq, un chasteau, qui est à un quart de lieue de Ja vile de Nuz, et appartient au bastard de Gueldres : et là chargement un tas de païsans leur faisant porter chacun deux bissacs, l'un plein de poudre et l'autre de sel : et les envoyèrent getter entre les murailles et les douves : et ceux de la vile les tirèrent dedans : et firent grand joye de leur venue (car ils avoyent nécessité) et fut ce ravitaillement faict par inconvénient, et par un grand froid : et estoitvenu le roy de Dannemarch , acompaigné de quatre ducs, pour parler au duc de Bourgongne, et pour pacifier le débat, qui estoit entre l'Empereur et le duc : et luy ala le duc au-devant, bien une lieue : et fut si-tard, quand les gens-d'armes revindrent en leur logis, que le guet en valut beaucoup moins : et entrèrent dedans la vile lesdicts ravitailleurs, par un quartier, qui n'estoit ne clos ne fourny de gens-d'armes : et ainsi fut ce ravitaillement : qui recula fort les aproches, qu'avoit fait le duc de Bourgongne : car à ce siège furent les rivières détournées (comme j'ay dict) etfaictes grandes baturesde bombardes, grandes mines, pour aprocher la muraille, tranchis, roulans, et engins, bastides, et bastillons, et toutes choses, dont on se peut deviser, ou aviser, pour mettre une vile à sugettion : et sans nulle faute celle vile eust esté prise par le duc, si ne fust pour trois points.

Le premier, par le ravitaillement dessusdict : le second, par les eaues, qui vindrent, et noyèrent ce dont le duc avoit fortifié en celle année : et le tiers fut par la venue de l'Empereur : qui descendit le Rin, à bien soixante mille hommes : et certes l'Empereur, et tous les princes de l'empire, voire les communs et les païsans, estoyent tous pour le chapitre de Coulongne, et à l'encontre de leur evesque, excepté le duc de Bourgongne seulement, et le comte Palatin : qui monstra petit semblant d'aider son frère. Ainsi l'Empereur descendit devant Nuz : et tousjours costoyoyent la rivière du Rin : car il faut aux Alemans grand victuaille et grand mangeaille : et n'eust peu l'ost de l'Empereur estre fournisse n'eust esté que vivres leur venoyent par la rivière du Rin, tant de Coulongne, comme de Zoux : et se fortifia l'Empereur en son camp, et tous les princes se logèrent aveques luy : et là estoit le marquis de Brandebourg (qui estoitle pillier, et le grand conseil de l'armée de l'Empereur) et si y estoit le duc de Zasse, moult-beau jeune prince, et recommandé par tous ceux, qui le congnoissoyent : et le duc de Bourgongne, par un matin, éleva son armée, et vint ferir sur l'ost, et sur le logis de l'Empereur : et y fut le desroy si-grand, qu'il falut la bannière de l'aigle mettre aux champs : laquelle portoitleduc de Zasse, comme mareschal de l'empire.

Toutesfois le duc de Bourgongne n'entra point au camp de l'Empereur pour celle fois : mais l'artillerie y fit de grans outrages : et mesmes perça, de part en part, les chariots de l'Empereur : dont il se mécontenta fort. Sur le jour furent de grandes armes faictes à la chace des Alemans : qui furent poursuyvis par

messine Josse de Lalain, et par le signeur de Chanteraine, un moult-vaillant chevalier, de l'ordre de Rodes : et entre'rent iceux pesïe-mesle dedans le Rin : et fut faict desdicts Alemans grande discipline celuy jour : et dura celle écarmouche jusques à la nuict, que chacun se tira en son quartier : et tous les jours estoyent les e'carmouches entre les deux logis, sigrandes, que souvent l'evesque de Milan, le signeur d'Imbercourt, et autres ambassadeurs, ne pouvoyent passer par le milieu de l'écarmouche : et faloit souvent parler aux ecarmoucheurs d'une part et d'autre, pour faire cesser les écarmouches, jusques iceux ambassadeurs seroyent passés. Longuement dura ce parlement : et en fin de compte fut conclu, que le duc de Bourgongne, se léveroit de devant Nuz, et que l'Empereur delogeroit de son camp, et que tous deux à une fois se delogeroyent, et partiroyent de leurs logis, et se retireroit l'Empereur en l'empire, et le duc de Bourgongne en ses pais : et ainsi fut faict d'une part et d'autre : et fut le delogement (0 faict de devant Nuz : et se retira l'Empereur contre l'empire, et le duc de Bourgongne en ses païs.

(J) Et fut le delogement : le siège de Nuz fui levé le 3i mai i^jS. L.