CHAPITRE IV

Du mariage du duc Charles de Bourgongne j avec Madame Marguerite d' Yorch * sœur du roy d'Angleterre : et des magnificences > qui lors furent f aides en la maison de Bourgongne.

En ce temps (0 l'evesque de Salsbery, et Thomas Vaguant ( qui avoyent tousjours mené le mariage de monsieur de Bourgongne et de madame Marguerite d'Yorch, sœur du roy d'Angleterre) retournement devers le duc : et luy aportérent le traité du mariage, tel que le duc de Bourgongne le demandoit : et ainsi fut jour et temps pris, pour faire les noces en la vile de Bruges : qui furent les plus-belles noces, où je me suis trouvé de mon temps : et ne me puis passer de de mettre par escrit, et incorporer en ces presens Mémoires, les pompes, Tordre, et la manière de faire desdictes noces : et commenceray à la lettre, que j'en escrivy à Gilles du Mas, maistre-d'hostel de monsieur le duc de Bretaigne.

Gilles du Mas, maistre-d'hostel de treshaut et trespuissant prince, monsieur le duc de Bretaigne, mon trescher sire et frère , à vous je me recommande , tant et de si-bon cueur, comme je puis. Pource qu'en celle haute et triomphale maison, où vous estes en estât, pour avoir charge de conduire les grandes festes et recuillottes des princes et princesses, quand elles

(.0 En ce temps : Charles épousa la princesse d'Angleterre en i^6S.

3ûO MEMOIRES

surviendront, je ne sçay si en la noble feste des noces de monsieur le duc de Bourgongne pourroit avoir aucune chose, dont la mémoire vous peust servir en temps et en lieu, j'ay recueilly grossement, et selon mon lourd entendement , ce que j'ay veu en ceste dicle feste, pour le vous envoyer, vous priant, tant comme je puis, que pareillement me veuillez avertir des nobles estats et hautes œuvres, qui surviendront en vostre quartier, et que nous puissions tousjours demourer si-bons amis, et si-familiers ensemble, comme il appartient à deux nobles -hommes, d'un estât et office, en deux fraternelles, aliees, et amies, noblesmaisons : et je prie à Dieu qu'il vous doint joye de vostre dame, et ce que vous desirez.

Au regard de moy, pour parler en gros, et de ce, dont par nécessité je ne me puis passer d'escrire, au regard du grand nombre de navires, richement e'tofees et garnies de gens -d'armes, que le roy d'Angleterre mit sus, et envoya, pour amener madame Marguerite, sa sœur, par deçà, et de la descente que madicte dame fit à l'Escluse, je m'en passe, pour abréger escripture, et venir au gros de ma matière.

Madicte dame et sa compaignie arrivèrent à l'Escluse, par un samedy vingtcinqième jour de juing : et, le Tendemain , madame la duchesse de Bourgongne, mère de monsieur le duc d'alors, madamoiselle de Bourgongne , aveques elle madamoiselle d'Argueil , et plusieurs autres dames et damoiselles, allèrent visiter et veoir madicte dame Marguerite : et n'y démoulèrent que la disnee seulement : et, au regard que madicte dame la duchesse fit, elle fut tant joyeuse d'avoir veu celle belle dame, et congnu ses mœurs et ses vertus,

qu'elle ne se pouvoit saouler d'en dire les Liens , qu'elle y avoit veus : et demoura aveques madicte dame Marguerite , de la part de madame la duchesse, monsieur le comte de Charny, et madame la comtesse, sa femme, messire Jehan de Rubempré, et messire Claude de Toulongeon, et plusieurs autres dames et damoiselles, et gentils-hommes, pour recueillir les estrangers et estrangéres d'Angleterre : qui estoyent venus à tresbelle compaignie : et y avoyent ledict comte et comtesse esté envoyés , pour recuillir madicte dame, à la descente du baleau. Ce qu'ils firent bien et notablement : et ne bougèrent d'aveques elle, jusques à ce qu'elle vinst à Bruges : comme cy-apres vous pourrez voir et entendre.

Le l'endemain, que madame la duchesse fut revenue devoir madicte dame Marguerite, monsieur de Bourgongne se retira au lieu de l'Escluse, à petite compaignie : et entra par derrière, dedans le chasteau : et, après qu'il eut soupe, se partit, à tout six ou sept chevaliers de l'ordre seulement : et vint assez secrètement à l'hostel de madicte dame Marguerite : combien qu'elle en estoit avertie, et s'estoit acompaignee des plus gens -de-bien de sa compaignie : comme du signeur d'Escalles , frère de la royne d'Angleterre, et de plusieurs autres nobles Anglois : qui estoyent venus à celle feste. A l'arrivée , et quand ils se veirent l'un l'autre, ils se feirent moult- grand honneur : et puis s'assirent sur un banc : où ils devisèrent longuement ensemble : et, après plusieurs devises , monsieur l'evesque de Salsbery ( qui tousjours avoit mené ceste matière) se vint mettre à genoux entre eux deux, et les mit en plusieurs gracieux

devis : et assez tost après vint monsieur le comte de Charny : qui dît telles parolles , « Monsieur , vous « avez trouve' ce, que vous avez tant quis, et désire' : « et, puis que Dieu vous a amené ceste noble dame « au port de salut, et à vostre désir, il me semble « que vous ne devez point départir, sans monstrer la « bonne affection que vous avez à elle, et qu'à ceste « heure vous la devez fiancer , et luy faire pro- « messe. »

Mondict signeur respondit qu'il ne tiendroit pas à luy : et l'evesque de Salsbery dît à madame Marguerite le propos en quoy ils estoyent, et ce que monsieur desiroit de sa part, luy demandant qu'elle en vouloit faire : laquelle luy respondit que pour ceste cause , et non autre , l'avoit envoyée le roy d'Angleterre, son frère, pardeça, et que ceste chose, laquelle le Roy luy avoit commandée , elle esloit preste de faire et acomplir : et sur ce propos les prit l'evesque par les deux mains, et les fiança : et ainsi se partit pour ceste fois mondict signeur, et l'en de ma in s'en retourna à Bruges.

Madicte dame Marguerite demoura audict lieu de i'Escluse, jusques à l'autre samedi suyvant : et fut encores visitée par mondict signeur : et, ledict samedi, furent les bateaux richement parés , pour conduire et mener madicte dame au lieu du Dan (0 : auquel lieu elle fut receue honnorablement , et en grand joye, selon le cas et la faculté d'icelle petite vile. Le l'endemain, qui fut troisième de juillet, mondict signeur le duc de Bourgongne et de Brabant se partit, à privée compaignie, entre quatre et cinq heures du matin :

(x) Dan, lisez Dam.

d'olivier de la marche. 3o3

et se tira au lieu du Dan : où il trouva madicte dame Marguerite et sa compaignie, pre'paree et avisée de le recevoir , comme il estoit ordonne' : et là mondict signeur l'espousa comme appartenoit , par la main de l'evesque de Salsbery dessusdict : et, après la messe chantée, mondict signeur s'en retourna en son hostel à Bruges : et croy que, tandis que les autres cere'monies se firent, il feit provision de dormir, comme s'il eust à faire aucun guet, ou escoute, pour la nuict avenir.

Tantost après se rendirent , au lieu du Dan , monsieur Adolf de Gléves, signeur de Ravastain, monsieur d'Argueil , monsieur de Chasteau-guion , monsieur Jaques de Sainct-Pol, monsieur de Roussy, monsieur de Fiennes , messire Jehan de Luxembourg , le comte de Nanso (0 , messire Baudoin , bastard de Bourgongne, et tant d'autres chevaliers, et nobles-hommes, que trop longue chose seroit de les racompter : et, eux avoir fait la re'verence à madicte dame, la nouvelle duchesse, madicte dame entra en une littie're, richement parée de chevaux , et de couverture de riche drap d'or : et , au regard de sa noble personne , elle estoit vestue d'un drap d'or blanc , en habit nuptial , comme il appartient en tel cas : et sur ses cheveux avoit une riche couronne : et , au regard du colier et du fermail , elle en estoit richement et pompeusement parée : et après elle avoit tréze haquenees blanches, enharnachees de drap d'or cramoisy : dont les deux estoyent en main, au plus près de sa littie're : et sur les autres estoyent montées les dames d'Angleterre , qu'elle avoit amenées en sa compaignie.

(') Nanso , lisez Nassau.

3o4 MEMOIRES

Apres icelles haquenecs venoyent cinq chariots , richement couverts de drap d'or : dont au premier estoit la duchesse de Nolfolck : qui estoit une moultbelle dame d'Angleterre : laquelle estoit venue pour acompaigner et amener madicte dame pardcça : et aveques elle estoyent madame d'Escalles, madame la comtesse de Charny , madame la vidamesse d'Amiens 7 et non plus. Aux autres chariots estoyent plusieurs dames et damoiselles, tant Angloises, comme autres: et, puis qu'il me vient à point, je nommeray partie desdictes dames angloises, qui vindrent pour amener madicte dame : et premièrement madicte dame la duchesse de Nolfolck , secondement madame d'Escalles , madame de Willebi , une tresbelle verve , madame de Cliton , madame de Strop, madamoiselle Leonor, et plusieurs autres dames et damoiselles , jusques au nombre de quarante , ou cinquante femmes.

En tel estât marcha madicte dame , depuis le Dan jusques à la porte de Bruges, que l'on dit la porte Saincte Croix : et, au regard du grand nombre des princes, chevaliers, et escuyers, nobles-hommes, et nations, qui iceluy jour rencontrèrent madicte dame, richement vestus, et empoint (0, je m'en passe pour abréger : pource que je veuil venir à l'ordre, comme ils entrèrent en ladicte vile. Mais toutesfois suis je contraint de ramentevoir un noble chevalier zeelandois : qui à celle heure et entrée avoit six chevaux , couvers de pareure de drap d'or, d'orfaverie, de drap de soye, et de campanes, tresrichement, nomme' Adrian de Borsele, signeur de Bredam : lequel pour deux causes je ramentoy en cest article. La première ,

(*) Empoint : faisant bonne contenance.

D OLIVIER DE LA MARCHE. 3û5

pource qu'il fut le mieux empoint à ceste entrée. La seconde , pource que , par ia voulonté de Dieu , le mecredy après il trépassa, à l'ocasion d'une maladie d'une jambe : dont ce fut dommage : et fut moult regretté de la signeurie.

A celle porte de Saincte Croix furent les ordonnances faictes : et marchèrent par ordonnance ceux, qui acompaignérent la noble espouse, en la manière qui s'ensuit, sans y rien oublier. Premièrement tous les gens-d'eglise et collèges., acompaignans les evesques, abbés, et prélats, qui furent ordonnés à porter les reliques , et conduire les processions , et qui avoyent attendu longuement madicte dame à icelle porte, marchèrent les premiers, et par ordre, et à l'ouvert , tellement qu'entre deux pouvoyt marcher l'ordonnance et la compaignie, ainsi qu'elle venoit.

Les premiers, qui marchoyent par ordonnance, estoyent le baiîly et escoutette de Bruges : et après eux venoyent, deux à deux, les gentils-hommes de l'hostel des princes et signeurs, qui n'estoyent point de la retenue et ordonnance de monsieur le duc : et après iceux venoit un gentilhomme, capitaine des archers de monsieur le bastard de Bourgongne, et douze archers après luy , vestus de palletotz d'orfaverie blanche, à un grand arbre d'or devant et derrière : qui sigmfioit le pas de l'arbre d'or, que monsieur le bastard commença cëluy jour , et maintint celle feste, dont cy après sera faicte mention.

Apres iceux archers marchoyent les gentilshommes, deux à deux , de l'hostel de mondict signeur , puis les chambellans, et, après, les signeurs du sang : qui furent à moult-grand nombre : et furent tous vestus

3û6 MEMOIRES

des robes et pareures de mondict signeur : qui furent telles, que les escuyers avoyent robes de drap de damas noir, et pourpoints de satin cramoisi. Les chefs d'office avoyent longues robes de satin noir, figuré, et pourpoints de satin figuré , cramoisi : et les chevaliers et gens-de-conseil avoyent longues robes de velours noir , et pourpoints de velours cramoisi : et les serviteurs et varlets de la maison, tous vestus de drap noir et violet , et pourpoints de camelot. Que vous diroye je ? Tant et si-largement donna Monsieur , de drap de soye et de laine, pour ceste pareure, qu'il cousta plus de quarante mille francs : et certes il faisoit beau voir marcher, en ordonnance, les chevaliers et gentils-hommes , vestus de ceste pareure.

Apres iceux du sang marchoyent toutes manières d'instrumens , par ordre ( qui estoyent de diverses nations) et après iceux venoyent clairons, menestriers, et trompettes, tant anglois, comme bourgongnons, qui se faisoyent moult efforcément ouyr : et après venoyent officiers - d'armes de divers païs, à grand nombre : dont il en y avoit vingt quatre portans cottes-d'armes. Apres iceux venoyent six archers, portans la couronne d'or sur l'espaule : qui estoyent des archers de la couronne du roy d'Angleterre : et avoyent chacun une longue flèche en la main : et après iceux venoit Madame en sa littiére : comme j'ay dit devant. Au costé, deçà et delà ladicte littiére, tenant la place large, estoyent les deux capitaines des archers de monsieur le duc : c'est-à-sçavoir monsieur de Rosimbas,'et messire Philippe, bastard de la Viévile, acompaignés de vingt archers de corps seulement, et habillés de palletots d'orfaverie. Ceux là furent à pie :

d'olivier de la marche. 3o-j

et avoyent leurs vonges : et garcloyent (comme dict est) la littiére, de la presse, et que le peuple n'y aprochast : et , au regard de la littiére, elle estoit richement adextree. Car des Bourgongnons estoyent à pié les chevaliers de la Toison d'or , richement vestus et parés, les uns vestus de drap d'or, les autres d'orfaverie moult-richement : et estoit en chef messire Adolf de Cléves, cousin germain de monsieur de Bourgongne, puis monsieur le bastard de Bouigongne, monsieur le comte de Charny, monsieur de Crequi, monsieur de la Ve're, monsieur d'Auxi, messire Symon de Lalain, messire Philippe Pot, signeur de la Roche, messire Philippe de Crevecueur, signeur des Cordes, messire Jaques de Sainct-Pol, signeur deRichebourg, et généralement tous les chevaliers de l'ordre, qui se trouvèrent là : et, du costé des Anglois, avoit beaucoup de gens-de-bien à pié, tenans la litière : et, pource qu'ils me viennent à point, je deviseray les noms des gens-de-bien envoyés pour conduire Madame, pardeça. Là estoit, en chef, monsieur le comte d'Escalles, frère de la royne d'Angleterre , messire Jehan d'Ondevile son frère, l'un des fils de monsieur de Talbot, fiére de la duchesse de Nolfolcq, messire Thomas de Mongomeri , messire Jehan Havart, le signeur d'Acres, maistre Jehan Don, maistre Thomas Vagan, maistre Salengier, maistre Jehan Auperre, et moult d'autres chevaliers et gentils-hommes, dont je ne sçay les noms : et pouvoyent estre jusques au nombre de quatre vingts à cent nobles : qui toute la feste furent très-bien empoinct , et richement vestus : mais tous ceux cy n'estoyent point à pié au tour de ladicte littiére, sinon dix ou douze, premiers nommés.

'àO.

3o8 MEMOIRES

Apres ladicte littiére avoit encores six archers de la couronne, habillés comme les premiers : et certes c'estoyent beaux hommes, et bien empoint : et après iceux venoyent les haquenees et chariots, dames et damoiselles , en tel estât et ordonnance, que les ay une fois devisees.

Apres la compaignie des dames venoyent les ambassadeurs, tant prélats, que chevaliers, qui estoyent là, chacun tenant le degré de son maistre : et furent ordonnés, pour les acompaigner, monsieur le chancelier de Bourgongne, et le conseil de la maison. Là estoyent l'evesque de Salsbery, l'evesque de Mets , l'evesque de Verdun, l'evesque de Cambray, l'evesque d'Utrech, l'evesque de Tournay, un chevalier de par le roy d'Arragon, trois ou quatre chevaliers, clercs, et gentils-hommes de par le comte Palatin, et moult d'autres, dont ne me souvient : et, après iceux, venoyent les nations, par ordre : qui marchoyent en la manière, qui s'ensuit.

Les Vénitiens marchoyent les premiers : et estoyent eux, et leurs serviteurs, tous à cheval, les maistres vestus tous de velours cramoisi, et les varlets de drap vermeil : et devant eux avoyent cinquante hommes à pie vestus de vermeil , chacun tenant une torche en la main. Apres venoyent les Florentins, lesquels avoyent devant eux soixante torches, portées par soixante hommes à pié, vestus de bleu : et, après les torches, faisoyent marcher quatre pages, l'un après l'autre, sur quatre destriers : et lesdicts pages avoyent pourpoints de drap d'argent , et mantelines de velours cramoisi : et les chevaux estoyent couverts de satin blanc, bordés de velours bleu. Devant les marchands

d'olivier de la marche. 3o()

Uorentins marchoit Thomas Poitunaire, chef de leur nation , vestu comme les conseillers de monsieur le duc (car il estoit de son conseil) et après luy marchoyent dix marchans, deux à deux, vestus de satin noir figuré, et, après, dix facteurs, vestus de satin noir simple, et tous avoyent pourpoints cramoisi : et après eux avoit vingtquatre varlets à cheval , tous habillés et vestus de bleu. Apres marchoyent les Espagnarts (0 qui estoyent trente quatre marchands à cheval, vestus de damas violet : et avoit chacun marchand son page à pie devant luy, tous pareils, vestus de pourpoints de satin noir, et de jaquettes de velours cramoisi : et faisoyent lesdicts Espaignarts porter, devant eux, soixante torches, par soixante hommes à pie', vestus de violet et de verd. Apres iceux, venoyent les Genevois 02) qui faisoyent aler devant eux, une belle fille à cheval , représentant la pucelle , fille du Roy, que sainct George guarantit du dragon : et sainct George venoit après, armé de toutes armes, son cheval couvert de damas blanc, et une croix de velours cramoisi : et ladicte pucelle estoit vestue de damas blanc, et son cheval couvert de velours cramoisi : et, après celle histoire, suyvoyent trois pages, vestus de damas blanc, et leurs chevaux de damas violet : et puis suyvoyent les marchands genevois, Risques au nombre de cent et huict , tous vestus de drap violet. Et après venoyent les Ostrelins : lesquels estoyent cent et huict à cheval , vestus de robes de violet, et plusieurs fourrées de gris : et avoyent six pages, vestus de satin violet, robes de damas blanc, et leurs chevaux housses de damas violet : et faisoyent

(0 Espagnarls : Espagnols. — (*) Genevois : Génois.

lesdicts Ostrelins porter, devant eux , soixante torches, les hommes portans icelles aussi vestus de violet.

En teJ ordre, et en telle ordonnance, entra madicte dame en sa vile de Bruges : et faut commencer à réciter les personnages, qui furent monstres en sa joyeuse venue : et, au regard des rues, elles furent tendues tresrichement, de drap d'or et de soye, et de tapicerie : et, quant aux histoires, j'en recueilly dix en ma mémoire. La première fut comme Dieu acompaigna Adam à Eve, en Paradis terrestre. La seconde , comment Cleopatra fut donnée en mariage au roy Alexandre : et ainsi s'entretenoyent les histoires au propos, jusques l'on vint devant l'hostel de Monsieur.

Devant ledict hostel avoit un riche tableau, tout peint d'or et d'asur : au milieu duquel avoit deux lions élevés, tenans un escu armoyé des armes de monsieur de Bourgongne : et à l'entour dudict tableau avoit douze blasons des armes des païs de mondict signeur, tant des duchés, que des comtés : et audessus du tabernacle estoit, à un des costés, sainct Andrieu, et à l'autre sainct George : et au dessous dudict tableau estoyent les fusils, pour devise, et le mot de mondict signeur, qui dît, Je Vaff tmprins* Deçà et delà dudict tableau avoit deux archers, richement peints et élevés. L'un estoit un grec, tirant un arc turquois : et parmy le bout de son trait sailloit vin de Beaune, autant comme la feste dura : et de l'autre costé avoit un Alemand, tirant d'un crannequin : et par le bout de son mattras sailloit vin de Rin : et tous lesdicts vins tomboyent en deux grans bacs de pierre : où tout le monde en pouvoit combler

d'olivier de la marche. 3ii

et prendre à son plaisir. Dedans la court, vers l'espicerie, avoit un grand pellican, qui se donnoit en la poitrine : et, en lieu de sang qui en devoit partir, en sailloit ypocras : qui tomboit en une mande d'osier, si soubtivement faicte, que rien ne s'en perdoit, mais en pouvoit chacun prendre, à qui il plaisoit.

Maintenant reviendrons à la descente de ceste belle dame : laquelle entra dedans la court, assez près de douze heures : et Madame, la mère de monsieur de Bourgongne, l'attendoit à l'entrée de la salle, acompaignee de madamoiselle de Bourgongne, et de madamoiselle d'Àrgueil , aveques bien cent dames et damoiselles de nom : et, quand ladicte littiére aprocha, madicte dame luy ala au-devant : mais tantost les archers de la couronne (qui estoyent à ce ordonnés) prirent la littiére sur leurs cols, et la mirent hors des chevaux, et Importèrent plus-avant, au devant de madicte dame : et puis mirent ladicte littiére à terre : et là fut ladicte littiére découverte : et vint madicte dame la duchesse, la mère , prendre madicte dame , sa bellefille, hors de ladicte littiére , et l'emmena par la main, à son de trompes et de clairons, jusques en sa chambre : et pour le présent nous tairons des dames et de la chevalerie , et reviendrons à deviser de l'ordonnance de lhostel. Pour commencer aux communs offices, à la cuisine avoit trois cens hommes, à la sauiserie quatre vingts, à l'echansonnerie et panneterie, pour chascune soixante hommes, et en l'espicerie quinze : et généralement tous les offices furent fort fournis de gens.

A l'hostel avoit une petite salle ordonnée devant la chapelle (où mangeoit monsieur de Bourgongne seu-

lement) et auprès d'icelle salle avoit une grand salle (où mangeoyent tous les chambellans) et plus -bas avoit une autre plus grande salle, où mangeoyent les maistres-d'hostel, et tout le commun : et se couvroit celle salle à plusieurs fois, pour le grand nombre de gentils -hommes, archers, pages, officiers - d'armes , trompettes, menestriers, et joueurs d'instrumens, qui estoyent à icelle feste. Outreplus avoit, en la maison, sept chambres, ordonnées pour festeyer les estrangers : dont de l'une estoit chef monsieur le bastard : et l'acompaignoit monsieur de la Roche. Les autres estoyent monsieur Jaques de Sainct-Pol, messieurs d'Arcy, de Crequi , de la Gruthuse, et de Bergues, et plusieurs autres, qui les acompaignoyent : et en chacune chambre y avoit maistre-d'hostel, et gens ordonne's pour y servir : et, pour tenir le grand estât, fut faicte une salle en une grande place, que l'on dit le jeu de paume de la court.

Ceste salle fut faicte hastivement de charpenterie, moult-grande, moult-haute, et moult-spacieuse. Elle estoit enluminée de verrie'res, si-bien et si-à-poinct, que tous disoyent que c'estoit une des belles salles, qu'ils eussent veue. Ladicte salle estoit tendue, par haut, de drap de laine, bleu et blanc, et par les costes tapicee et tendue d'une riche tapicerie , faicte de l'histoire de Jason : où estoit compris l'ave'nement du miste're de la Toison d'or. Celle tapicerie estoit toute d'or, d'argent, et de soye : et ne croy pas que l'on ait veu si-grande et si-riche tapicerie ensemble. Ladicte salle fut aidée de candélabres de bois peints de blanc et de bleu : et es deux bouts de ladicte salle pendoyent deux chandeliers, moult-soublivement faicts : car de-

d'olivier de la marche. 3i3

dans l'artifice de chacun pcruvoit estre un homme, non veu. Les dessusdicts chandeliers estoyent en manière de chasteaux : et les pie's desdicts chasteaux estoyent hautes roches et montaignes, moult -soubtivement faictes : et par les chemins, qui tournoyoyent au tour desdictes roches, voyoit on divers personnages à pie et à cheval, hommes, femmes, et diverses bestes (qui furent moult-bien faicts, et soubtivement ) et le dessous desdicts chandeliers furent chacun de sept pièces de miroir, moult-grandes, et si-bien composées, que l'on voyoit , dedans chacune pièce, tout ce, qui se faisoit dedans ladicte salle. Lesdictes montaignes estoyent pleines d'arbres, d'herbes, de fueilles, et de fleurs : et certainement ils furent fort prisés et regardés d'un chacun : et fuient faicts de la main d'un moult subtil homme, nommé maistre Jehan Stalkin, chanoine de Sainct Pierre de l'Isle : et par aucuns jours ledict Stalkin fit personnes mettre dedans lesdits chandeliers : qui faisoyent virer la moitié desdicts chandeliers, aussi dru qu'un moulin à vent : et saillirent, hors des roches, dragons, gettans feu et flamme, moult estrangement : et ne voyoit on point comment la soubtiveté se conduisoit. Au bout de ladicte salle, devant la grand'porte, furent faicts deux grans hourds l'un sur l'autre, moult-gentement tapicés, pour mettre et loger les dames et damoiselles, qui estoyent venues pour voir la feste , et se tenoyent comme non-congnues.

En celle salle avoit trois tables drecees : dont l'une fut au bout de dessus , traversant à potence : et estoit la table pour l'honneur. Celle table estoit plus-haute que les autres : et y mon toit on à marches de degrés :

3l4 MEMOIRES

et tout du long d'icelle table avoit un riche ciel , et dossier, si-grand, qu'il faisoit tapis au banc, tout de tresriche drap d'or. Aux deux costés de ladicle salle, tirant du long, furent les autres deux tables drecees, moult-bel!es et moult-longues, et au milieu de ladicte salle avoit un haut et riche buffet, faict à manière d'une losange. Le dessous dudict buffet estoit clos à manière d'une lice, et tout tapicé et tendu des armes de monsieur le duc : et de là en-avant commençoyent marches et degrés , chargés de vaisselle : dont par les plus-bas estoit la plus grosse, et par le plus-haut estoit la plus-riche et la plus-mignote : c'estasçavoir par le bas la grosse vaisselle d'argent, dorée, et par l'amont estoit la vaisselle d'or, garnie de pierrerie ; dont il y avoit à tresgrand nombre. Au-dessus dudict buffet avoit une riche couppe, garnie de pierrerie : et par les quarres dudict buffet avoit grandes cornes de licorne, toutes entie'res, moult-grandes et moult-belles : et de toute la vaisselle de la pareure dudict buffet ne fut servi pour ce jour : mais avoyent autre vaisselle d'argent, de pots, et de tasses : dont la salle et les chambres furent servies ce jour : et à la vérité, monsieur de Bourgongne pouvoit bien servir sa feste largement, en vaisselle d'argent : car le duc Philippe ( dont Dieu ait l'ame) luy en laissa, pour provision, plus de soixante mille marcs, ouvrés et prests pour servir.

Les tables furent noblement couvertes et aprestees pour disner : et tantost madame de Bourgongne, la mère, amena la noble espouse, sa belle-fille : et fut l'eaue cornée (0, et l'assiette faicte, telle que cy-

(0 Et fut l'eaue cornée : et Ton sonna de la corne pour inviter à se laver les mains.

après ensuit. L'espouse fut assise au milieu de la table : et auprès d'elle, à la main dextre, estoit madicte dame : et au bout de la table, diceluy costé, estoit madamoiselle de Bourgongne : et du costé senestre fut ordonnée la place de madame la duchesse de Nolfolcli, et de madamoiselle d'Arguel : mais, pource que ladicte duchesse estoit travaillée , elle disna ce jour en sa chambre : et n'y eut d'iceluy costé, que madamoiselle d'Arguel. Derrière l'espousee furent ordonnées madame la comtesse d'Escalles, et madame la comtesse de Charny, pour aider à supporter l'espousee : comme il est de coustume de faire en tel cas. Les autres tables furent pleines de dames et damoiselles , moult-richement parées et vestues.

Au regard du service, madame la nouvelle duchesse fut servie d'eschançon et d'escuyer- tranchant , et de pannetier, tous Anglois, tous chevaliers, et gens de grand' maison : et l'huissier de salle cria, Chevaliers, a la viande : et ainsi ala on au buffet la viande quérir : et au tour du buffet marchoyent tous les parens de Monsieur, et tous les chevaliers, tant de l'ordre, que de grand' maison, tous deux à deux, après les trompettes, devant la viande : puis grand nombre d'officiers-d'armes, leurs cottes - d'armes vestues : et puis venoyent tous les maistres-d'hostel, tant de Monsieur, que de Madame : dont le dernier estoit messire Guillaume Bisse, premier maistre-d'hostel : lequel avoit levé la viande au buffet : et après venoit le pannetier : et le suyvoyent dix ou douze chevaliers, et gens de grand' maison : qui portoyent la viande : et ne voulut point madame la duchesse, la mère, pour celuy jour estre servie à couvert : mais laissa l'honneur à sa

belle -fille : comme estoit raison. Or, pour abréger l'ordonnance de la salle, on avoit ordonné quatre gentils-hommes, et, après chacun dix gentils-hommes nommés : lesquels quarante quatre servirent la salle de viande : qui me sembla tresdiligemment servie : et fut le disner servi à trois fois : et n'est pas à oublier, que toutes les salles, toutes les chambres , et la grande salle, dont je parle, furent tous servis en vaisselle d'argent.

Les signeurs commis , emmenèrent les signeurs , chevaliers, et gentils- hommes anglois, parles chambres : et en un lieu, que l'on dit la gallerie, disna le légat, acompaigné des ambassadeurs des roys et des princes , qui là estoyent , ensemble de tous les evesques de celle maison : et disna Monsieur en la salle, pour luy ordonnée, et tous ses chambellans en leur reigle. Qui estoit moult-belle chose à voir : pource que tous estoyent vestus pareil , de la livrée de Monsieur : et tous les serviteurs de mesmes , à leur degré : et ne voyoit on homme, parmy leans , que vestu de velours , et grosses chaisnes d'or, à moult- grand nombre : et atant se taist mon escriture du disner , pour revenir à la jouste et au pas de l'arbre d'or : qui commença celuy jour : comme cy-apres orrez.

Le disner fut faict : et se retraïrent les dames, pour eux aiser en leurs chambres , un petit : et devez savoir qu'il y eut plusieurs habillemens changés et renouvelles : et puis montèrent en leurs chariots, et sur leurs haquenees, et en moult -grand' pompe et triomphe vindrent sur les rangs : et tantost après vint monsieur de Bourgongne, son cheval harnaché de grosses

d'olivier de la marche. 3 17

sonnettes d'or, et luy vestu d'une longue robe d'orfaverie, à grandes manches ouvertes. Ladicte robe estoit fourrée de moult-bonnes martres : et à la vérité ce me sembla habillement moult princial et riche. Ses chevaliers et gentils - hommes l'acompaignoyent à moult-grand nombre : et ses archers et ses pages l'adextroyent à pie : et ainsi vint descendre devant l'hostel, qui pour luy estoit prépare'.

La place de la jouste fut drecee sur le marché de Bruges : et fut toute close, qu'il n'y avoit que deux entrées : sinon, pour celuy jour seulement, que monsieur Adolf de Cléves ( qui devoit ouvrir et commencer le pas) avoit fait faire une entrée, au droit de là où il se devoit armer : et, pour estre mieux averti de la cause de ceste emprise, monsieur le bastard de Bourgongne fonda son pas sur un géant, qu'un nain conduisoit prisonnier, enchainé : dont la cause de sa prison est declairee en une lettre laquelle lettre un poursuyvant, nommé Arbre-d'Or (qui se disoit serviteur de la dame de l'Isle celée) avoit aportee à monsieur le duc : et aushi par un chapitre baillé à mondict signeur.

Au regard de la place , ordonnée pour la jouste , à l'entrée, devers la chapelle Sainct-Christofle, estoit une grande porte, peincte à un arbre d'or : et y pendoit un marteau doré : et à l'autre bout , à Topposite , contre l'hostel de la vile, avoit une grande porte, pareillement à l'arbre d'or : et ceste porte estoit faicte à tournelles, moult- gentement : et sur icelle estoyent les clairons de mondict signeur le bastard, à grandes bannières de ses armes, et vestus de sa livrée (qui fut pour celuy jour, robes rouges, à

3l8 MEMOIRES

petits arbres d'or, mis sur la manche, en signe du pas) et, sur les deux tours de ladicte porte, avoit deux bannières blanches à deux arbres d'or. A l'opposite des dames, du costé des grandes halles, fut l'arbre-d'or plante' : qui fut un moult-beau pin, tout doré d'or, exceptées les fueilles : et d'empres iceluy pin avoit un perron, à trois piliiers, moult-gentement faict : où se tenoit le nain, le géant, et Arbre -d'Or, le poursuyvant : par qui se conduisoit le pas, et le mistére de la jouste : et à l'encontre dudict pillier avoit escrit quatre lignes, qui disoyent ainsi,

De ce perron nul ne prenne merveille . C'est une emprise, qui nobles cueurs reveille, Ou service de la tant honnoree Dame d'honneur, et de Tlsle celée.

Au plus-pres dudict perron avoit un hourd tapicé : où estoyent les juges, commis de-par Monsieur, pour garder ledict pas en justice et en raison : et furent ordonnés premièrement Thomas de Loreille , signeur d'Escoville, ambassadeur et serviteur de monsieur le duc de Normandie , messire Philippe Pot , signeur de la Roche, messire Claude de Toulongeon, signeur de la Bastie, et messire Robert, signeur de Miranmont, lieutenant de monsieur le mareschal de Bourgongne : et avec iceux estoit le roy-d'armes de la Jartiére, le roy-d'armes de la Toison d'or, Bretaigne le héraut, Constantin le héraut, Bourgongne le héraut, et plusieurs autres : et en un autre hourd, tenant à cestui là, estoyent tous les roys-d'armes et heraux (tant estrangers, comme privés) qui estoyent à ceste assemblée. Devant le hourd des juges se fei royent et mesuroyent

d'olivier de la marche. 3l<)

toutes les lances : ne de tout le pas ne fut lance tenue pour rompue, qu'elle ne fust mesurée à la mesure par lesdicts juges , ordonnés : ne lance courue sans mesure : mais fut le droit de chacun moult-bien et loyaument garde' : et je respon que j'accompaignay lesdicts juges , tout au long de la feste.

Les maisons, les tours, et tout à l'entour desdictes lices, tant loing comme près, tout estoit si plein de gens, que c estoit belle chose avoir. Mais, puisque j'ay devisé de la manière de la place, il est temps que je revienne à descrire l'entrée de monsieur de Ravastain , et celle de monsieur le bastard, chevalier gardant l'Arbre-d'or : qui pour ce jour coururent, et non plus : et, à la vérité, l'on doit légèrement entendre qu'il fut tard : car la venue de l'espouse fut longue, et le disner long, et pouvoit estre six heures avant. Comme dessus est dict , monsieur de Ravastain, environ six heures, arriva à la porte de l'Arbred'or (laquelle il trouva close) et son poursuyvant, nommé Ravastain , la cotte-d'armes vestue (qui portoit le blason de ses armes) heurta trois fois d'un marteau doré, à ladicte porte : et tantost luy fut la porte ouverte : et vint Arbre-d'or le poursuyvant, ayant une cotte-d'armes blanche, à grans arbres d'or : et estoit acompaigné du capitaine des archers de monsieur le bastard, et de six de ses archers : qui deflendoyent l'entrée. Ledict Arbre-d'or dît au poursuyvant , « Noble officier-d'armes, que demandez-vous? » Et le poursuyvant luy respondit , « A ceste porte est « arrivé haut et puissant signeur , monsieur Adolf de « Cléves, signeur de Ravastain : lequel est ici venu, « pour acomplir l'aventure de l'Arbre-d'or. Si vous

« présente le blason de ses armes : et vous prie qu'ou- « verture luy soit faicte, et qu'il soit receu. » Ledict Arbre d'or prit unes tables : où escrivit le nom du chevalier , venant au pas : et puis prit en ses mains , en grande révérence , et à genoux , le blason de monsieur de Ravastain : et l'emporta solemnellement jusques à l'Arbre-d'or : et, en passant par devant les juges, leur monstra ledict blason : et leur dît l'aventure, qu'il avoit trouvée à la porte. Si fut ledict blason mis et attaché à l' Arbre-d'or , comme il estoit ordonné : et fut faict sçavoir au chevalier , qui gardoit le pas, le nom de celuy, qui estoit arrivé, pour son emprise fournir.

A celle heure partirent du perron, pour venir à la porte, Arbre-d'or (qui aloit devant) et après luy, le nain, qui menoit le géant enchainé : et le nain estoit vestu d'une longue robe , la moitié de drap de damas blanc, et l'autre moitié de satin figuré, cramoisy : et avoit une barrette en sa teste : et le géant estoit vestu d'une longue robe, d'un drap d'or d'estrange façon : et n'avoit rien en sa teste , qu'un petit chapeau de Provence. Ledit géant estoit ceinct, parmy le faux du corps, d'une chaine. Celle chaine estoit longue, "et trainant : et par le bout, qui trainoit, le tenoit ledict nain , et le menoit après soy : et ainsi arrivèrent à la porte.

Sur ce poinct fut la porte ouverte : et entrèrent premièrement les clairons de monsieur de Ravastain : et, après lesdicts clairons, venoyent les tabourins, et, après les tabourins, les ofïiciers-d'armes, et, après iceux officiers-d'armes, venoit un chevalier, à manière d'un homme-de-conseil. Ledict chevalier estoit

monté sur une petite mulle , enharnachee de velours bleu : et ledict chevalier vestu d'une longue robe de velours bleu. Suyvant ledict chevalier venoit la personne de monsieur de Ravastain , en une littiére , richement couverte de drap d'or cramoisy. Les pommeaux deladicte littiére estoyent d'argent, aux armes de mondict signeur de Ravastain , et tout le bois richement peinct, aux devises de mondict signeur. Ladicte littiére estoit portée par deux chevaux noirs, moult-beaux, et moult-fiers : lesquels chevaux estoyent enharnachés de velours bleu , à gros doux d'argent, richement : et sur iceux chevaux avoit deux pages, vestus de robes de velours bleu , chargé d'orfaverie, ayans barrettes de mesmes : et estoyent housés de petis brodequins jaunes , et sans espérons : et avoyent chacun un fouet en la main. Dedans ladicte littiére estoit le chevalier, à demy assis, sur grans coussins de riche velours cramoisy : et le fond de sadicte littiére estoit d'un tapis de Turquie. Le chevalier estoit vestu d'une longue robe de velours tanné, fourrée d'ermines , à un grand colet renversé , et la robe fendue de costé, et les manches fendues, par telle façon, que, quand il se drecea en sa littiére, l'on voyoyt partie de son harnois. Il avoit une barrette de velours noir en sa teste : et tenoit toute manière de chevalier ancien, foulé et débilité des armes porter. Ladicte littiére estoit adextree de quatre chevaliers : qui marchoyent à pié, grans et beaux hommes : qui furent habillés de paletots de velours bleu, et avoyent chacun un gros batton en la main. Apres ladicte littiére venoit un varlet de pié, vestu de la livrée de monsieur de Ravastain : qui menoit en 10. 21

sa main un destrier en selle , couverte , d'un riche drap d'or bleu , chargé de grosses campanes d'argent, et borde' de grandes lettres d'or, de brodure, à la devise du chevalier : et , après icelluy destrier venoit un sommier, portant deux grans paniers : où pouvoit estre le surplus de son harnois. Les deux paniers furent couverts d'une couverte de velours noir , chargé de grosses campannes d'argent , à bâtons et à letres de mesures : et entre les deux paniers avoit assis un petit sot, vestu de velours bleu, à la devise dudict signeur de Ravastain.

En celle ordonnance marcha ledict signeur, jusques devant les dames : et, luy là arrivé, fut sa littiére ouverte par. les quatre chevaliers : et là se mit le chevalier à genoux, et osta sa barrette : et le chevalier, monté sur la petite mulle, fit pour luy la présentation aux dames : dont les parolles, ou semblables s'ensuyvent. « Treshaute et trespuissante princesse, ma « tresredoutee et souveraine dame, et vous- autres « nobles princesses, dames, et damoiselles, voyez cy « un ancien chevalier, qui des long temps a fréquenté « et exercé les armes : lequel vous fait treshumble « révérence. Si est ainsi que par longue vie il est venu « à ses anciens jours : es quels il se trouve fort débilité « de sa personne : tellement qu'il ne peut plus, ne « pourroit, les armes suyvre, ne porter: et à ceste « cause a desja longuement délaissé le mestier , et « n'est pas délibéré de plus porter armes. Mais toutes- « voyes, pource qu'il a sceu cesle grande et solennelle « feste du noble pas et emprise du chevalier à l'Arbre « d'or et la tresbelle et noble assemblée de dames « d'icelle noble compaignie, il ne s'est peu tenir, pour

d'olivier DE LA MARCHE. 323

« sa dernière main , de venir faire son devoir. Si se « présente treshumblement par-devant vous, treshaute « et trespuissante princesse , et vous autres nobles « princesses, dames, et damoiselles, et vous requiert, « en toute humilité, cjue le veuillez avoir pour re- « commande', et avoir son bon vouloir pour agréable, « et d'ores-en-avant le tenir pour excusé, à cause de « son antiquité et debilitation : et , ceste emprise « achevée, il entend de soy rendre, et renoncer aux « armes, en demourant tousjours vostre treshumble « serviteur, et de toutes dames. »

Apres ce que le chevalier eut présenté monsieur de Ravastain, il fut respondu par les dames, qu'il fust le tresbien-venu : et alors ledict se remit en son chemin, pour faire le tour au tour de la toile : et vint passer par-devant le Perron, et l'Arbre d'or, où pendoit le blason de ses armes. Si fit le chevalier un enclinement : et puis se présenta devant les juges : et là s'agenouillèrent les nain et géant jusques à terre : et s'en retournèrent jusques au perron : où le nain ratacha le géant a l'Arbre d'or : et puis se monta le nain sur son perron, à tout sa trompe et son horologc, pour en besongner, selon qu'il en estoit ordonné par les chapitres : et mondict signeur de Ravastain partit hors de la lice, pour soy aler armer, par la porte qu'il avoit fait faire, et dont cy -dessus est faicte mention.

Ne demoura guéres après, que le signeur de Ravastain vint, pour fournir son emprise : et avoit les quatre chevaliers, qui avoyent adextré sa littiére, et deux autres escuyers, vestus comme devant, ayans harnois de jambes, et leurs chevaux harnachés de ve-

3îi4 MEMOIRES

lours bleu, chargés de campanes d'argent: et mondict signeur de Ravastain venoit après, sur son destrier, armé comme il appartenoit, l'escu au col et le heaume en la teste. Son cheval estoit couvert de velours bleu, à grandes lettres de brodure de fil d'or, et une grande bordure de mesme, chargée de campanes d'argent. Son escu estoit couvert de mesme : et après luy venoit le destrier, qu'on avoit mené en main, après sadicte littiére, couvert comme il est dict dessus : et n'y avoit autre chose à dire , si-non que dessus ledict destrier estoit monté un page, habillé d'orfaverie, en manière de ceux, qui menoyent ladicte littiére : et après revenoit son sommier, et puis sa littiére , telle que dessus est escrit.

Apres que ledict signeur de Ravastain eut fait le tour parmy la lice, en attendant la venue du chevalier à l'Arbre-d'or, prestement sonnèrent les trompettes, qui estoyent dessus la porte : et fut ladicte porte ouverte par plusieurs archers de corps de mondict signeur le Bastard, qui la gardoyent : et prestement s'apparut un grand pavillon jaune, tout semé d'arbres d'or de brodure : et au - dessus avoit une pomme d'or , où estoit plantée une bannière des armes de mondict signeur le Bastard : et fut conduit ledict pavillon jusques au bout de la lice : et ne voyoit l'on rien de la conduite dudict pavillon, exceptés six petis pages à pié, vestus d'orfaverie, qui tenoyent la main audict pavillon. Apres le pavillon venoyent sept chevaliers, ou nobles hommes, vestus de paletots de drap de damas blanc , montés sur bons chevaux , et ayans harnois de jambes. Lesdicts chevaux estoyent couverts de courtes couvertes de velours violet, semés

d'olivier de là màrc«è. 3s5

de gros boulons dorés : auxquels pendoyent grosses campanes d'argent : et, incontinent que le pavillon fut au bout de la lice, les lances furent choisies d'une part et d'autre, devant les juges : et fut apporté à chacun une lance : et lors fut ouvert le pavillon : où estoit le chevalier à l'Arbre d'or monté et armé comme il appartenoit. Ledict chevalier portoit un escu verd : lequel escu verd fut porté par le chevalier à l'Arbred'or, tout au long de l'emprise. Son cheval estoit couvert de velours violet.

Aussi tost qu'ils eurent d'un costé et d'autre les lances sur la cuisse, le nain (qui estoit sur le perron) drecea son horologe ( qui estoit de verre, plein de sablon, portant le cours d'une grand demye heure) et puis sonna sa trompe, tellement que les deux chevaliers le peurent ouyr. Si mirent les lances es arrests : et commencèrent leur jouste : laquelle fut bien courue et joustee : eteust encores mieux esté, si nefust esté le cheval de mondict signeur de Ravàstain : qui sur la fin ne voulut si-bien aler, qu'il avoit commencé : et durant celle demie heure rompit le chevalier à l'Arbre-d'or plus de lances, que le chevalier venant de dehors : parquoy il gaigna la verge d'or : comme il estoit contenu es articles du Pas.

Ainsi se passa la demie heure, que tout le sablon fut coulé : et, ce faict, incontinent le nain sonna son cor : et furent toutes les lances ostees d'une part et d'autre : et lors Arbre-d'or, le poursuyvant, chargea sur son col deux gros planchons (0 blancs, et semés d'arbres d'or : et les aporta au chevalier, venant de

(0 Planchons : piques ou bâtons de défense»

dehors, pour choisir lequel qu'il luy plairoit : et aporta l'autre a celuy, qui gardoit le pas : et de ces deux planchons, à sons de trompes et de clairons , firent une course, sans attainte : puis se vindrent entrerencontrer les deux chevaliers, et eux toucher au départir : et à tant s'en retourna chacun pour celuy jour : car il estoit si tard, que plus ne pouvoyent nuls des coureurs courre.

Si me passe à temps de plus en escrire pour celle journée : et faut revenir au grand banquet, qui fut tenu celle nuict en la grand salle : et, au regard des salles et des chambres, où des grans signeurs plusieurs soupérent celuy soir, du service, et de la manière, je m'en passe pour abréger : et revien à Testât, qui fut tenu en la salle dessusdicte. Premièrement furent les tables drecees en la manière de celles du disner : mais el'es estoyent beaucoup plus larges, et sur lesdictes tables avoit trente nefz, chacune d'icelles portant le nom de l'une des signeuries de mondict signeur de Bourgongne : dont il y avoit cinq duchés et quatorze comte's : et le surplus estoyent des autres signeuries, comme de Salins, de Malines, d'Arcle, et de Bethune : qui sont grandes et nobles signeuries. Lesdictes naves estoyent toutes peintes d'or et d'asur, armoyees chacune des armes de la signeurie, dont elle se nommoit, es bannières et es targeons, et sur les hunes : dont en chacune nave y avoit trois : où estoyent les bannières de monsieur de Bourgongne : et au plus-haut avoit un grand estendard de soye , noir et violet, semé de fusilz d'or, et de grandes lettres : où estoit le mot de monsieur , Jel'ay+emprim. La viande estoit dedans icelles naves : qui faisoyent

d'olivier de la marche. 3a 7

les plats. Les blasons estoyent de soye, et tout le cordage doré de fin or. Gens - d'armes et maroramers (') estoyent faicts et e'ievés parmy les navires, et tout au plus-près du vif qu'on pouvoit faire la semblance d'une carraque, ou d'un grand navire.

Item, sur lesdictes tables avoit trente grans paste's, couverts de différentes couvertures , en manière de hauts chasteaux, élevés, tous peints d'or et d'asur, à grandes bannières de mondict signeur de Bourgongne : et sur chacun chasteau avoit les armes et le nom d'une bonne vile de mondict signeur : et ainsi fut monstre trente principautés et signeuries de l'héritage de mondict signeur le duc, et trente viles à luy sugettes, les non pareilles du monde. Item, pour la pareure d'icelles tables, avoit à l'entour de chacune nef quatre botequins, chargés de fruictaille et espiceries, moultrichement étofés. Item furent iceluy jour présentés trois entremets mouvans : dont l'un, et le premier, s'ensuit.

Premièrement entra dedans la salle une licorne, grande comme un cheval, toute couverte d'une couverture de soye , peincte aux armes d'Angleterre : et dessus icelle licorne avoit un liepard moult-bien faict, auprès du vif. Celuy liepard avoit en sa main senestre une grande bannière d'Angleterre, et à l'autre main une fleur de marguerite, moult-bien faicte : et, après qu'à son de trompes et de clairons ladicte licorne eut fait son tour devant les tables, on l'amena devant mondict signeur le duc : et là un des maistres-d'hostel d'iceluy signeur, à ce ordonné, prit ladicte fleur de marguerite es mains du liepard : et se vint agenouiller

(') lSlarommers : matelots.

3a8 MEMOIRES

devant mondict signeur ; et luy dît telles parolles, « Tresexcellent, treshaut, et tresvictorieux prince, « mon tresredouté et souverain signeur, le fier et re- « douté liepard d'Angleterre, vient visiter la noble « compaignie : et pour la consolation de vous, et de « voz alie's, pais, et sugets, vous fait présent d'une « noble marguerite. » Et ainsi receut mondict signeur ladicte fleur de marguerite moult-cordialement : et ainsi s'en retourna ladicte licorne, par où elle estoit venue.

Assez tost après rentra parmy la salle un grand lyon tout d'or, et d'aussi grande grandeur, que le plus-grand destrier du monde. Geluy lyon estoit couvert dune grande couverte de soye, toute peinte aux armes de mondict signeur de Bourgongne : et dessus iceluy lyon estoit assise madame de Beaugrant (c'est asçavoir la naine de madamoiselle de Bourgongne) vestue d'un riche drap d'or, et, pardessus, un petit rochet de volet fin : et portoit pannetiére, houlette, et tous habillemens de bergère : et menoit derrière elle un petit lévrier en laisse : et furent ordonnés deux nobles chevaliers, monsieur de Ternant et messire Tristan de Toulongeon , pour adextrer ladicte bergère : laquelle bergère tenoit en sa main une grande bannière de Bourgongne : et, quand ledict lyon entra parmy la salle, il commença à ouvrir la gorge, et à la reclorre, par si bonne façon, qu'il prononçoit ce, que cy-apres est escrit : et commença ledict lyon à le chanter en chanson, faicte à ce propos, à teneur et dessus : qui disoit ainsi.

Bien vienne la belle bergère :

De qui la beauté et manier©

d'olivier de là marche. 329

Nous rend soûlas et espérance.

Bien vienne l'espoir et fiance De ceste signeurie entière.

Bien devons celle tenir chère , Qui nous est garand et frontière Contre danger, et tant qu'il pense.

Bien vienne.

C'est la source , c'est la minière, De nostre force grande et fière. C'est nostre paix et asseurance.

Dieu louans de telle aliance, Crions, chantons, à lie chère.,

Bien vienne.

En chantant ceste chanson, fît ledict lyon son tour parmy la salle : et, quand il fut devant madame la nouvelle duchesse, ledict maistre d'hostel (qui avoit fait le présent de la marguerite) s'agenoilla devant madicte dame la duchesse, nouvelle : et dit les paroles, qui s'ensuyvent. « Ma tresredoutee dame, les pais, « dont aujourdhuy par la grâce de Dieu vous estes « dame, sont moult-joyeux de vostre venue : et en « souvenance des nobles bergères, qui par-cy-devant « ont esté pastoures et gardes des brebis de pardeça , « et qui si- vertueusement s'y sont conduites, que les- « dicts pais ne s'en sçavent assez louer, à ce que soyez « mieux instruicte de leurs nobles mœurs et condik tions, ils vous font présent de ceste belle bergère, « habillée et embatonnee de vertueux habillemens et « bâtons, à ce servans et propices, vous suppliant « que les ayez en souvenance et pour recommandés. » Et, en ce disant, les deux chevaliers prirent ladicte bergère, et la présentèrent sur la table : et madicte dame la receut treshumainement : et n'est pas à oublier que la houlette et pannetiére, servants à la lier-

33o MEMttJUtJEâ

gère, estoyent tous peints et nommes de vertus : et ainsi le lyon recommença sa chanson, et retourna par où il estoit venu.

Le tiers et dernier entremets, pour celuy jour, fut un grand dromadaire : qui entra parmy la salle , faict auprès le vif, par tel artifice, qu'il sembloit mieux le vif qu'autrement : et estoit enharnache' à la manière sarrasinoise, à grandes campanes dorées, moult-riches : et sur son dos avoit deux grans paniers , et , entre iceux paniers , assis un homme , habillé d'estrange façon : et, quand il entra en la salle , ledict dromadaire remua la teste, et tenoit une contenance sauvage : et celuy, qui estoit dessus, ouvrit les paniers : et en tiroit oyseaux, estrangement peints, comme s'ils veinssent d'Inde : et les gettoit parmy la salle, et par-dessus les tables : et, en tenant ceste contenance, à sons de trompettes et de clairons, fit le dromadaire son tour par-devant les tables : et retourna par où il estoit venu : et plus n'en fut faict pour celuy jour : et ne firent pas après souper longues danses : car, avant que les tables fussent ostees, il sonna ti ois heures après minuict. Si fut tantost l'espouse menée coucher : et, du surplus du secret de la nuict , je le laisse à l'entendement des nobles parties : et revien à deviser de l'aventure du l'endemain : qui fut le lundy, second jour de la feste.

Ce lundy disna monsieur le duc en la grand salle : et avoit assis, au-dessus de luy, madame la duchesse de Nolfolck, et de l'autre costé Madame. Aux autres deux tables fuient, en l'une toutes les dames, et en l'autre tous les chevaliers et signeurs anglois : et fut on grandement servi : et, au regard de madame de

d'olivier de la MARCHE. 33 I

Bourgongne la mère, et la nouvelle duchesse, elles disnérent en chambre : et, tantost que le disner fut passé, on se tira sur les rangs, pour voir la jouste. Comme dict est dessus, les dames, et la signenrie, alérent sur les rangs, pour la jouste voir : exceptées les deux dictes duchesses : qui pour iceluy jour n'y alérent point : et, si-tost que mondict signeurle duc fut sur les rangs, fut aportéle blason de monsieur de Chasteauguion, frère de monsieur le prince d'Orange, et neveu de monsieur le comte d'Armignac : et après fut aile' querre par le géant et par le nain : et se présenta en la -manière qui s'ensuit.

Monsieur de Chasteau-guion estoit monté et armé, le heaume en la teste, et l'escu au col, comme il appartenoit. Son cheval estoit couvert de drap d'or cramoisy : et après luy avoit deux autres chevaux : dont le premier estoit couvert de drap d'or bleu, et le second de drap d'or violet : et sur lesdicts chevaux estoyent montés deux pages, vestus de mantelinesde satin verd et devant luy avoit sept nobles hommes , pareillement vestus de mantelines de satin verd. Les chevaux estoyent enharnachés de drap, tous d'une façon : et ainsi fut par le géant présenté aux dames : et fit son tour, comme le premier, par-devant l' Arbre-d'or, et par-devant les juges : et puis prit son rang, pour son emprise fournir. Tantost après fut la porte ouverte, par. où. devoit venir le chevalier à l'Arbre - d'or : et prestement saillit dehors ledict chevalier , à tout son escu verd, et son cheval couvert d'un riche drap d'or: et avoit devant luy quatre gentils-hommes , et leurs chevaux housses de drap de Damas blanc, et pardessus semés d'arbres d'or de brodure : et lesdicts

33 a MEMOIRES

gentils-hommes vestus de mantelines de satin tanne. Le chevalier venu , leur furent leurs lances présentées : et le nain mit son horologe, et sonna sa trompe : et ainsi commença la jouste.

Durant celle demie heure coururent les chevaliers dixhuict courses : et rompit le chevalier à l'Arbre-d'or dix lances, et ledict signeur de Chasteau-guion neuf : et fut la première fois, que ledict signeur de Chasteauguion avoit jamais jouste : mais il se porta si-bien et si-vivement en icelle jouste, qu'il en fut moult prisé de tous : et, après la demie heure achevée, coururent des planchons une course, sans atteinte : et paya ledict monsieur de Chasteauguion une verge d'or : pource qu'il avoit moins rompu de lances, que le chevalier à l'Arbre-d'or.

Apres iceluy fut présente le blason de Charles de Visan, un escuycr, varlet-de-chambre de monsieur de Bourgongne : lequel Charles se fit acompaigner de douze archers du corps de mondict signeur : qui le suyvoyent à pie : et avoit seulement un gentil-homme à cheval pour le servir : lequel gentil-homme avoit un palletot d'orfaverie , et son cheval enharnaché d'orfaverie, à la devise dudict Charles de Visan : et le cheval dudict Charles de Visan estoit couvert d'une couverture d'orfaverie, assise sur un drap violet. Ladicte houssure estoit tresriche, faicte à la devise dudict Charles: et, son tour faict, comme les autres, prit le bout de son rang. A sons de trompettes et de clairons partit le chevalier de l'Arbre-d'or, à tout son escu verd, comme il avoit de coustume. Son cheval estoit enharnaché d'un harnais bleu, chargé d'orfaverie, et de grosses campanes d'argent : et coururent

d'olivier de la marche. 333

l'un contre l'autre, en celle demie heure, vingt et une courses : et rompit le chevalier, gardant le pas, neuf lances : et ledict Charles huict : et certes il y eut à celle jouste tresdures atteintes d'un costé et d'autre : car ils estoyent tous deux bons jousteui s : et rompirent plusieurs bois, dont on ne faisoit nulle mention, en ce pas : car nulles lances ne fuient tenues pour rompues, s'il n'y avoit quatre doigts de franc au dessous du roquet, ou devant la grape. Ainsi fut celle jouste tresbien joustee : et, le cor sonné par le nain, coururent une course de planchons : qui ne fut point atteinte : et paya ledict Charles la verge d'or : pource qu'il avoit le moins rompu.

Pour le tiers, et dernier d'iceluy jour, se présenta monsieur de Fiennes, neveu de monsieur le comte de Sainct-Pol, connestable de France : et fut son blason mis à l'Arbre-d'or, comme les autres : et fut conduit par le nain et par le géant, entretenans l'ordonnance du pas. Il avoit devant luy quatre chevaliers : c'estasçavoir monsieur Jaques de Luxembourg, son oncle, monsieur de Roussi, son cousin germain, messire Jehan de Luxembourg, son frère, et monsieur le marquis de Ferrare. Leurs chevaux estoyent harnachés de velours bleu, brodé d'orfaverie, à grosses campanes d'argent : et avoyent palletots de velours noir, brodés de lettres , à la devise dudict signeur de Fiennes : et y avoit plusieurs autres nobles-hommes, et serviteurs , tant à pié , comme à cheval , d'icelle pareure : et mesmes le cheval dudict signeur de Fiennes estoit couvert d'une houssure de velours noir, bordée en brodure de fil d'or, à sa de\ise : et sur la croupe de son cheval avoit une moult-riche fleur de

brodure, toute de fil d'or. Il y avoit après luy quatre pages, vestus de robes de velours, moitié' tanné, moitié bleu, chargées d'orfaverie : et avoyent petis chaperons tannés, brodés de mesmes. Le cheval, surquoy estoit le premier page , estoit housse d'une housseure d'orfaverie menue, enrichie de campanes d'argent. Le second estoit couvert d'ermines, à une grande brodure de drap d'or cramoisy : et le tiers housse d'orfaverie menue, enrichie de campanes dorées, moult-richement. Le quart de velours cramoisy, brodé d'ermines : et son pallefrenier, vestu de mesmes les pages, venoit après, monté sur un cheval, couvert de velours bleu , chargé d'orfaverie. Ledict pallefrenier menoit un destrier en main, housse et couvert de riche drap d'or cramoisy, et la selle de mesme. En tel estât fît mondict signeur de Fiennes son tour parmy la lice : et tantost après se présenta le chevalier à l'Arbre-d'or, son cheval couvert d'une riche couverte de drap d'or verd, brodé, par-dessus le verd , d'orfaverie blanche, tresrichement : et estoit acompaigné des signeurs et nobles-hommes, qui avoyent couru à l'encontre de luy : comme contenu est par les chapitres. Les deux chevaliers coururent, en celle demie heure, vingt deux courses : et furent rompues, par le chevalier à l'Arbre d'or, onze lances : et ledict signeur de Fiennes en rompit six : et, après le cor sonné, coururent une course de bourdons (0 : dont n'y eut atteinte nulle : et paya ledict signeur de Fiennes la verge d'or au chevalier, gardant le pas, pour avoir moins rompu : et à tant pour ce jour se départit la feste : et n'y eut chose qui à ramentevoir

(0 Bourdons : butons à grosse tête.

d'olivier de la marche. 335

face, jusques au banquet : qui fut conduit par la manière qui s'ensuit.

Pour mieux tenir forme de banquet, fut la table, qui estoit à la dextre main, ostee : et de l'autre costé fut la table ralongee, et faicte joindre et tenir à la table du prince : et de l'autre costé fut mis un grand buffet plat, et la vaisselle, pour le service, dessus : et fut assis et conduit, comme il s'ensuit. Celuy jour fut le banquet conduit de vingt quatre plats, moultgrans et moult-somptueux : et n'y avoit autre pareure sur les tables, pour celuy soir : et assez tost après fut veu au bout de la table, en la salle, un hourd encourtiné : et sur ce Lourd commencèrent trompettes à sonner : et sur ce fut la courtine tirée : et là se commence'rent à monstrer les figures des douze travaux d'Hercules : dont le premier s'ensuit.

Premièrement fut veu Hercules en son bers, et sa nourrice, qui luy donnoit la mamelle : et, au plusprès, le bers de son frère jumeau : et sa nourrice (qui le tenoit et portoit chaufer au feu) luy donnoit le tetin, et l'emmaillotoit, et faisoit manière de nourrice à enfans : et après le remit en son bers, et commença à bercer, et le rendormir : et pareillement celle d'Hercules : et ainsi s'endormirent les enfans, et les nourrices pareillement : et tantost après entrèrent dedans ladicte salle deux serpens, si bien faicts, que chacun disoit que l'on ne les sçauroit amender. Ces deux serpens vindrent premier au bers du frère d'Hercules, et le prirent, et le dévorèrent : et puis vindrent au bers d'Hercules, pour faire le semblable : mais Hercules de force rompit ses liens, et se combatit auxdicts serpens, de coups de poings, et de telle vigueur, qu'il

les occit : et fut la contenance si-bien tenue, tant des serpens, comme d'Hercules, que ce sembloit chose vive, sans mistére : et ainsi s'éveillèrent les deux nourrices , et firent un grand cry : et sur ce poinct fut la courtine retirée : et fut attaché, par dehors la courtine, certain escrit, de certaines lignes, dont la teneur s'ensuit,

Hercules en son bers, sous pouvoir de nourrice, Tua deux grans serpens de force , sans malice* A luy donc se raoustra la fortune propice : El son frère mourut, innocent et sans vice. Puis que sur deux bessons (0 portés d'une ventrée, Fortune se départ par diverse livrée, Dont l'un laisse périr ainsi qu'une fumée , L'autre porle en ses bras croissant en renommée , Bien devons Dieu douter , de cueur et de pensée- Car c'est cil qui départ où il veut sa soudée (*).

Pour la seconde fois fut la courtine retirée, après le son des trompettes : et, pour le second travail d'Hercules, furent veus, en bateau, Hercules et Theseus, richement armés : et vindrent iceux, boutans leurs navires à leurs lances , jusques auprès d'une grande montaigne : où il y avoit des moutons, qui pasturoyent. Hercules convoita iceux moutons : pource qu'au païs de Grèce n'en avoit nuls. Si descendit jus de son navire : et fit reculer ledict navire par Theseus : et vint au pié de ladicte montaigne : et sonna une grande trompe, qu'il trouva là : et fit semblant de prendre lesdicts moutons : et tantost saillit avant un géant, merveilleusement grand, tenant une hache en sa main. Hercules courut sus audict géant, et le

(•) Bessons : jumeaux. — [*) Soudce : récompense.

d'olivier de la marche. 33 7

géant à luy : mais en peu d'heure le déconfît ledict Hercules, et le mit à mort à la terre : et tantost saillit de la montaigne le roy Philotes, la couronne en la teste ,' et armé mpult - richement : qui courut sus moult-vigoureusement à Hercules : et dura moultlonguement la bataille entre eux deux : mais, en fin de compte, Hercules desembattonna ledict Philotes, de tous ses battons : et il se rendit à luy à genoux : et Hercules le prit à mercy : et porte l'histoire que ledict Philotes demoura serf d'Hercules à sa vie. Philotes déconfit, Theseus ramena le navire : et là Hercules prit des moutons à son plaisir, et les mit audict navire : et fit entrer Philotes dedans : et puis rentra : et remit son navire en chemin : et sur ce poinct fut la courtine retirée, et remis contre la courtine un billet, contenant ainsi,

Hercules pour mener en Grèce le premier

Les moutons et leur laine , comme ion chevalier,

Déconfit un géant, moult cruel et moult fier,

Et le roy Philotes : dont il fit soudoyer.

Bien devoit Hercules estre aimé par nature,

Quand pour enrichir Grèce emprit telle aventure.

Là monstra il aux princes, par raison etdroicture,

Qu'ils doyvent corps et veine estendre sans murmure,

El empleyer le temps par travail , sans lasseure ,

Pour le publique bien : lequel ils ont en cure.

Pour la troisième fois , au son des trompettes fut la courtine tirée : et là fut veu un navire ancré : dedans lequel avoit une pucelle, richement vestue et habillée, qui tenoit manière de soy rendre à la miséricorde des Dieux : et tantost fut veu Hercules, Theseus, et le roy Philotes, aveques leurs moutons : qui

vaucroyent en mer, comme s'ils aloyent en Grèce : et, quand ils aprochérent de la pucelle, elle leur monstroit qu'ils n'approchassent point : et toutesfois Hercules tira celle part, et tint manière de parlementer à la damoiselle : et, quand il eut parlementé à elle, il entra dedans son bateau , et prit son escu et sa massue : et Theseus et Philotes reculèrent leur navire : et lors ne demoura grandement, qu'un monstre de mer, de merveilleuse façon, \int pour dévorer la pucelle : laquelle de peur tomba toute pasmee : mais Hercules frapoit de sa massue, sur la teste dudict monstre : et le monstre luy courut sus moult-asprement : et, fin de compte, tant ferit Hercules, de sa massue, qu'il oecît ledict monstre : et tantost revindrent Theseus et Philotes, à tout leur navire : qui atachérent ledict monstre à une corde, et l'amenèrent trainant à leur batteau : et Hercules desancra la navire de la pucelle, et s'en vint après : et sur ce poinct fut la courtine retirée, et remis par escrit le rollet, qui s'ensuit.

Hercules conquesta de l'honneur grand monjoye, D'occire le fier monstre, qui vouloit faire proye D'Hesionne, la belle, fille au grand roy de Troye: Et mit le peuple à paix, à repos, et à joye. O nobles chevaliers, ô" toule geniilesse, Prenez ici exemple. Hercules vous en presse. Pour garantir les dames monstrrz grand' hardiesse. Faites vous detrancher pour nonneste prouesse. Deffendez leur honneur : car n'ont autre richesse. Qui autrement le fait, il offense noblesse.

Pour la quatrième et dernière fois d'iceluy jour, après le son des trompettes fut la courtine retirée :

d'olivier de la marche. 33g

et là fut veu Hercules soy promenant aveques Pinlotes : et y avoit un païsan sur un arbre, faisant manière que ledict Hercules ny Pliilotes n'aprochassent : mais Hercules tira celle part : et, quand il entendit que la place estoit dangereuse, il fit monter Pliilotes sur l'arbre, aveques le païsan : et tantost vindrent trois lyons, qui partirent d'une montaigne, et coururent sus à Hercules, moult-fiérement : et Hercules se deffenditde moult-bonne façon : maislesdicts lyons le pressèrent moult-fort : et tant dura la bataille, qu'Hercules les occît tous trois, l'un après l'autre : et descendirent ledict Pliilotes et le païsan, pour aider à escoi cher lesdicts lyons : et sur ce poinct fut la courtine retirée, et remis le rollet, tel qu'il s'ensuit.

Hercules se trouva assailli des lyons.

Trois en occit en l'heure , ainsi que nous trouvons. Fier et fort se monstra sur cous les mortels h ouïmes. Plus trouvons ses faicts grands, plus-avant les lisons. Les trois yons terribles, par Hercules veincus, C'est le monde, la chair , et le diable de plus. L'un souffle, l'autre atise, et le tiers rend abus. Maints hommes ont deceus , dévorés , et perdus. Or soyons bataillans des glaives de vertus : A ce que de noz âmes Dieu ne face refus.

Assez tost après entra parmy la salle un griffon, moult grand, et moult-bien faict. Ledict griffon remuoit les aelles et la teste, comme s'il fust en vie : et estoyent les plumes toutes d'or et d'asur, et le derrière du griffon si bien et perfaictement faict, qu'il sembloit en vie. La croupe du griffon estoit couverte d'une couverte de soye blanche et bleue, semée des

3/j.Ô MEMOIRES

lettres de monsieur le duc et de Madame : et, entretint que ledict griffon marchoit parmy la salle, il ouvrit le bec, dont saillirent plusieurs oiseaux en vie : qui s'en voloyent par-dessus les tables : et ainsi, à sons de trompes et de clairons, fit ledict griffon son tour parmy la salle : et s'en retourna par où il estoit venu : et sur ce poinct furent ostees les tables : et la clance commença : ne plus n'y eut celuy jour, qui à ramentevoir face.

Le mardy ensuivant fut le disner, en diverses salles et chambres, richement servi : et, après le disner, mondict signeur et les dames alérent sur les rangs, pour voir les joustes : et le premier, qui se présenta pour celuy jour, fut messire Jehan de Luxembourg, frère de monsieur de Fiennes, et neveu de monsieur de Sainct-Pol, connestable de France. Il estoit acompaigné de plusieurs notables personnages, tant ses parens , comme autres. Son cheval estoit couvert d'une couverture d'orfaveiie dorée, tresbelle. Il avoit cinq pages après luy, richement et gentement habillés : dont le premier des chevaux, sur quoy lesdicts pages estoyent montés, estoit couvert de velours cramoisy, à une grande brodure de drap d'argent bleu. La seconde fut de drap de damas bleu , à une brodure d'orfaverie blanche, à gros tronçons, en manière de battons d'argent, et à grosse campanes de mesme. Le tiers cheval estoit couvert de velours noir, à grandes lettres de brodure de fil d'or, à sa devise. Le quart estoit couvert de bonnes martres, le poil dehors : et le cinqiéme de drap d'or cramoisy. Si tost que ledict messire Jehan de Luxembourg eut fait le tour acoustumé, saillit le chevalier à l'Àrbre-d'or, son cheval

d'olivier de là marché. 34 ï

couvert de velours tanné , à grandes barbacannes de fil d'or en brodure, et lettres de mesme, à sa devise : et d'icelles barbacannes issoyent flammes de feu. Si furent les lances baillées, et l'horologe mis en son cours : et y avoit apparence que la jouste eust esté bien joustee, et la demie heure bien empleyee : mais il n'eust guéres couru, que l'arrest de messii e Jehan de Luxembourg fut rompu par tel mechef , qu'il n'y eut nul moyen d'y remédier : parquoy ledict messire Jehan, du consentement de mondict signeur le bastard, se partit, sans achever son emprise.

Tantost après se présenta monsieur d'Arguel, fils de monsieur le prince d'Orange, et neveu de monsieur le duc de Bretaigne. Il avoit six nobles-hommes, qui aloyent devant luy, vestus, et harnachés leurs chevaux, de velours, treshonnestement : et estoyent leurs harnois de chevaux semés de grosses campanes d'argent. Son cheval estoit couvert d'un riche drap d'argent, violet. Il avoit trois pages aveques luy, sur trois chevaux couverts. Les pages estoyent vestus de paletots de velours verd : et le premier cheval estoit couvert de velours cramoisy : le second, de velours violet : et le tiers, de velours bleu, chargés de campanes d'argent : et portoit son escu my-parti de blanc et de verd. Monsieur le bastard se présenta sur un destrier couvert de drap de damas blanc, à grosses larmes d'or, en brodure : et , pour dire la vérité , ils empleyérent celle demie heure moult-bien , et honnorablement rompirent plusieurs lances, et firent plusieurs grandes atteintes, non comptées par les juges, pour les raisons cy-dessus-escriptes : mais toutesvoyes , en celle demie

heure, ils rompirent chacun tréze lances, deuement rompues : et, pource que le nombre fut pareil, fut jugé que l'un ne l'autre ne devoit point de verge : et, après la demie heure, coururent les planchons, sans faire atteinte ,.qui à ramentevoir face.

Pour le dernier d'iceluy jour se présenta messire Anthoine de Hallewin, un noble chevalier flamand. Son cheval estoit couvert de velours noir, brodé et semé de Fd d'or : et me sembloyent roses élevées : et d'icelles roses issoyent grosses campanes d'argent. La bordure d'icelle housseure, estoit de grandes lettres de fil d'or : c'est-asçavoir A, et I, lacés ensemble. Il avoit trois chevaux couverts après luy : et, dessus, trois pages, vestus d'orfaverie. Le premier cheval estoit couvert de drap d'or gris : le second, d'orfaverie blanche, à gros boulons d'argent : et le tiers, de velours cramoisy, à une grande bordure de drap d'argent. Tost après se présenta le chevalier à l'Arbre-d'or. Son cheval estoit couvert d'un diap d'argent cramoisy, brodé d'orfaverie dorée, tresrichement : et ne rompit celle demie heure que trois lances : et ledict messire Anthoine deHal'ewin en rompit cinq : parquoy audict de HalJewin fut adjugée la verge d'or. Puis coururent la course du planchon, comme il estoit de coustume : et ainsi se passa celle journée, jusques à l'heure du souper, que le banquet fut appareillé en la grande salle, à telles tables comme le jour devant, ainsi que cy-apres orrez.

Celuy mardi fut faict le troisième banquet : et furent tous couverts les plats de grandes tentes de soye, richement peintes et étofées d'or et d'argent diversement : et pareillement furent les pastés couverts de

pavillons : et par-dessus lesdictes tentes et pavillons avoit bannières des armes de mondict signeur de Bourgongne : et par les goutiéres avoit escrit, d'or, et d'argent, le mot de mondict signeur, et celuy de Madame: dont le mot de mondict signeur estoit, Je Vaj emprinSj et celuy de Madame, Bien en avienne : et par-dessus chacune tente, et chacun pavillon avoit escrit, en un rollet, le nom d'une vile close, sugette à mondict signeur ; parquoy furent monstrees, à celle fois, soixante viles closes, sugettes, outre et pardessus les trente du premier banquet. Item sur chacun pasté avoit deux marmousets d'or et d'asur, et vestus de soye : qui tenoyent manière d'enfondrer lesdicts pastés, de divers outils : les uns de hoyaux, les autres de massues, et les autres de besches : et chacun faisoit diverses contenances. Au surplus, fut le banquet grand et plantureux, et bien fourni : et au milieu de la salle avoit une tour, aussi haute que la salle, faicte au propos et au patron de la grosse tour, que fit commencer monsieur le duc Charles, luy estant comte de Charolois, en sa vile de Gorguan (0, en Holande : et certes celle tour fut moult richement faicte , et bien compassée , et toute peinte d'or, d'asur, et d'argent : et, tantost après que la signeurie fut assise à table, une guette , estant au-dessus d'icelle tour, en l'èchauguette (2), sonna un cornet, moult-haut : et, après le cornet sonné, ladic.te guette fît semblant de faire son guet, comme on a acoustumé de faire en tel cas : et, après qu'il eut longuement regardé au tour de luy, voyant les tentes et pavillons qui au tour de luy es-

10 Gorguan: lisez Gorcuni — W En fechauguette : dans la guérite,

344 MEMOIP.ES

toyent, il tint manière d'ebaïssement, et comme s'il eust esté assiégé en icelle tour : mais, à bien regarder, il les congnut : et congnut que c'estoyent viles pour son aide, et non pas pour sa nuisance.

Si se commença à réjouir : et appela ses trompettes, qu'ils vinssent faire une sonnade, devant la compaignie : et prestement s'ouvrirent quatre fenestres, au plus-haut de la tour : et de chacune fenestre saillit un gros sanglier, à tout trompettes, a grandes bannières de monsieur de Bourgongne : et sonnèrent une longue Latture : et certes ce fut un estrange personnage à voir : et puis s'en retournèrent lesdicts sangliers : et par ce furent lesdictes fenestres closes. Assez tost après recommença ladicte guette son propos: et, pour mieux festeyer la compaignie , demanda ses hauts ménestriers : et tantost furent les quatre fenestres ouvertes : et par là saillirent trois chèvres et un bouc, moult-bien et vivement faicts. Le bouc jouoit d'une trompette saqueboute (') : et les trois chèvres jouoyent de schalmayes (2) : et en celle manière jouèrent un motet, et puis s'en retournèrent comme ils estoyent venus. Pour la tierce fois commença la guette son propos : et dît qu'il estoit fourni de gens, d'artillerie , et de vivres , et qu'il vouloit monstrer qu'il ne se soucioit que de faire bonne chère. Si manda ses joueurs de flustes : et prestement s'ouvrirent les fenestres : et là se comparurent quatre loups, ayans flustes en leurs pattes : et commencèrent lesdicts loups à jouer une chanson : et puis s'en retournèrent comme les autres. Pour la quatrième fois demanda la

V1) Saqueboute : lance crochue. — (*) Schalmayes : chalumeaux.

d'olivier de la marche. 345

guette ses chantres : et là s'apparurent quatre gros asnes : moult-bien faicts : lesquels dirent une chanson de musique à quatre pars, faicte à ce propos : qui se disoit ainsi.

Faictes vous l'asne, ma maistresse?

Cuidez vous, par vosire rudesse,

Que je vous doive abandonner?

Ja pour mordre, ne pour ruer,

Ne m'aviendra que je vous laisse.

Pour mander chardon comme asnesse ,

Pour portt r bas , pour faix , pour presse > '

Laisser ne puis de vous aimer.

Faicies vous Tasne ?

Soyez farsante, ou moqueresse, Soiilascbeté, oj hardiesse, Je suis faict pour vous honnorer. Et donc me devez vous tuer, Pour avoir le nom de meurdresse ?

Faictes vous l'asne ?

Pour le cinqiéme et dernier entremets, venant de la tour , sonna un cornet , comme il avoit acoustumé à chacune fois : et la guette recommença son propos : et manda une morisque , pour réjouir la compaignie : et maintenant par un huis , venant sur un portouer , à manière d'une galerie, alant au tour de la tour, partit un singe dehors (qui tint manière de soy ébahir de la compaignie) et tantost après un autre , et jusques au nombre de sept, dont il y avoit une singesse. Lesdits singes estoyent moult-bien faits auprès du vif : et y avoit, dedans les habillemens , de trèsbons corps , et qui faisoyent de bons et nouveaux tours : et n'eurent guéres marché iceux singes par celle galerie, qu'ils trouvèrent un mercier endormi auprès de sa mercerie : et, en tenant contenance de

singes, le premier prit un tabourin et un flageol : et commença à jouer : l'autre prit un mirouer : l'autre un pigne : et, pour conclusion , ils laissèrent au mercier petite part de sa mercerie : et le singe, qui avoit le tabourin, commença à jouer une morisque : et, en dançant icelle morisque, firent le tour au tour de la tour : et , après plusieurs babilete's de singes , s'en retournèrent par où ils estoyent venus : et sur ce point furent les tables ostees et levées : et la dance commença : et plus n'y eut faict pour celuy jour.

Le mecredy , quatrième jour d'icelle feste, les salles et les chambres, tant pour le disner comme pour le souper, furent richement servies de poisson, tant de mer , comme d'eaue douce : et ne fut celuy soir aucune assemblée faicte de dances, ne de banquets, pour le jour : qui estoit de poisson. Mais celuy jour la jouste continua : et fit messire Jehan de Chassa, signeur de Monnet, un gentil chevalier bourgongnon , le premier pre'senter le blason de ses armes, pour atacher à F Arbre-d'or, comme il estoit de coustume : et , avant que ledict chevalier envoyast son blason , il avoit envoyé aux dames unes lettres closes, par manière de supplication : et , après que les dames avoyent ouy les lettres dire, et lire en leur présence, luy donnèrent licence d'entrer et venir au pas : auquel vint tresnouvellement , comme vous orrez, après la teneur de sa lettre : qui fut telle. « Tresexcellente, « treshaute , et trespuissante princesse, ma tresre- « doutée dame, et vous autres princesses, dames, et « damoiselles, plaisir vous soit de sçavoir qu'un che- « valier esclave , né du royaume d'Esclavonie , est « présentement arrivé en cestc noble vile, en la con-

« duitte d'une damoiselle errant, sous qui, et en « gouvernement de laquelle , il est mis , par le com- « mandement et ordonnance de sa belle dame. Or « ne veut le noble chevalier soy présenter devant « vostre noble signeurie , ne par - devant la noble, « haute, et belle compaignie , jusques à ce que vous ce soyez de son cas plainement averties. Vray est, tres- « nobles princesses, que le chevalier esclave a toute « sa vie servi et honnoré une dame d'Esclavonnie, « loyalement à son pouvoir : et elle, de sa grâce, l'a « entretenu d'espérance et de bonne chère assez lar- « gement, sans, tôutesvoyes, le vouloir jamais retenir ce pour serviteur : mais bien le nourrissoit en espèce rance de guerdon. Tôutesvoyes ledict chevalier, par ce maladie d'amour agravee , longuement nourrie en « son cueur , a souffert l'angoisseuse et travaillable ce peine , qu'il n'estoit plus puissant de porter ne ce souffrir : et, par une espérance désespérée , s'est ce enhardi ledict chevalier de requérir miséricorde , ce grâce , et guerdon d'amours , soy tenant indigne de ce l'avoir, mais tôutesvoyes l'avoir loyaument mérite ce et desservi.

ce Ladicte dame continuant en sa fiereté, desobeïsce santé à amours , et oubliant la vertu féminine de ce pitié, a refusé audict chevalier sa requeste, et luy ce a tenu termes si-estranges, qu'il a demouré hors ce de toute espérance de jamais bien avoir en ce ce monde : et luy, plein de déplaisir et de rage, s'est ce quelque temps retrait en sa maison, emmy les bois, ce roches, et montaignes : où il n'a vescu que de <e regrets, souspirs, et larmes, par l'espace de neuf « mois entiers : et n'est point à douter, que, si Ion-

« guement il y fust demeuré, il estoit à fin de sa vie. « Ladicte dame, quand elle a ouy son cas, a eu au- « cune repentauce de son péché et ingratitude : et luy « a envoyé ladicte dame une damoiselle errant, qui le « conduit : par laquelle luy a fait dire plusieurs belles « et grandes remonstrances, luy disant que les biens « d'amours doivent estre achetés par longs désirs , « par longs travaux, et par inextimables soufflettes : « et que, quand aucun bien en vient , plus est ché- « rement acheté, plus est aimé, cher tenu et gardé : « et que le plus-grand péché d'amours, qui soit, si « est désespérance.

« Pource a conseillé ladicte dame aùdict chevalier , « qu'il prist espérance, pour desespoir, et courage « pour ébaïssement : et a persuadé ladicte damoiselle, « errant, audict chevalier, qu'il voyageast, et prist « aucune queste, pour oublier ses melancholies , et « qu'elle estoit contente de l'acompaigner en sadicte « queste, un an entier, tant pour le conforter en son « déplaisir, comme pour raporter à sa dame les ce nouvelles de son aventure. Ledict chevalier , se « laissant légèrement conseiller , combien qu'il soit c< esclave, et d'Esclavonie , et qu'il n'ait nulle con- « gnoissance n'habitude es marches de pardeça , s'est ce souvenu comment plusieurs Payens, et mesmement ce le preux Salhadin , estoyent venus en France, pour « louenges et vertus acquerre , et avoyent esté au « noble royaume de France, si-honnorablement re- <c cueillis et traittés, que leurs hoirs et successeurs, <c sans la foy, portent encores honneur et révérence <ç audict royaume, sur tous antres royaumes chresct tiens : et singulièrement a esté ledict chevalier

d'oLIVIEÎI DE LA MARCHE. 349

« averti du triomphe, de l'honneur, et de la vertu de « ceste treslouable maison de Bourgongne, et comme « les estrangers y ont esté honnorablement recueillis, « favorisés, et retenus, et que plus de vertueux exerce cices , comme de faicts-d'armes , de joustes , et de « tournois, se faisoyent et entretenoyent continuelce lement en ceste maison tresvertueuse, qu'en nulle « autre, dont il soit mémoire.

« Ces choses considérées, ledict chevalier s'est re- « tiré ceste part, en la conduitte de ladicte damoi- « selle errant, et, pour sa première et bonne aven- « ture, il a trouvé la noble emprise du chevalier à « l' Arbre-d'or , et le pas encommencé : parquoy il « supplie à vous, treshaute et trespuissante princesse, « et à vous autres princesses, dames et damoiselles, « qu'il vous plaise, de vostre grâce, impetrer licence « du tresexcellent, treshaut, et tresvictorieux prince, a monsieur le duc de Bourgongne, et de Brabant, « que ledict chevalier esclave puisse courre à ceste « noble emprise , et faire son devoir , et iuy donner « lieu et heure pour ce faire , et l'avoir pour recom- « mandé : et autre chose n'escrit ledict chevalier : « qui prie à Dieu qu'il vous doint ce que desirez, « ensemble bonne vie et longue.

« Vostre treshumble et tresrobéissant serviteur, « Le Chevalier Esclave. »

Le signeur de Monnet entra dedans la lice : et faisoit mener devant luy un sommier , portant deux paniers , couverts d'une couverte de velours bleu, brodé à grandes lettres de fil d'or,, à sa devise : et dessus avoit trois personnages de Mores : qui jouoyent

de divers instruments. Apres iceluy sommier venoit une damoiselle, habillée estrangement, et comme une damoiselle errant : laquelle estoit montée sur une haquenee blanche, couverte de drap d'or cramoisy : et tenoit manière de conduire et mener ledict chevalier. Apres venoit le chevalier, sur un destrier, couvert de velours noir , brodé en croisée , d'orfaverie dorée par-dessus. Il avoit après luy quatre nobleshommes à cheval , habillés de soye , les robes et les chapeaux à la façon d'Esclavonnie : et sur leurs robes avoit escrit en grandes lettres d'or , le chevalier esclave : et pareillement luy-mesme estoit habillé sur son harnois. Ils avoyent longues barbes : et portoyent en leurs mains grans javelots empennés, et ferrés d'or, tresnouvellement. Certes son entrée et manière de faire fut tresplaisante. En telle ordonnance fit le chevalier esclave son tour parmy la lice : et tanlost après se présenta le chevalier à l'Arbre- d'or, son cheval couvert d'une couverte de drap d'or cramoisy, bordée d'ermines : mais ainsi avint de leur aventure, que le chevalier esclave se trouva mal-armé de sa veiïe : et luy fut advis qu'il courroit sans asseoir, et pourroit faire perdre le temps aux autres coureurs sans grand fruict : parquoy il requit à mondict signeur le bastard qu'il s'en peust aler, et estre quitte de son emprise. Laquelle chose luy fut acordee.

Le second, qui se présenta pour iceluy jour, fut monsieur Jaques de Luxembourg , signeur de Ricquebourg, frère de monsieur de Sainct-Pol, connestable de France : et devant luy aloyent, pour l'acompaigner, le comte d'Escalles, et messire Jehan d'Ondevile , tous deux frères de la royne d'Angleterre , mon-

sieur de Roussi , monsieur de Fiennes , et messire Jehan de Luxembourg, et tous cinq neveux dudict messire Jaques. Pareillement l'aCompaignoyent monsieur de Renty , et le marquis de Ferrare , tous richement vestus et montés. Son cheval estoit housse de drap bleu , à une grande bordure de drap d'argent cramoisy , et son escu de mesme. Il avoit six chevaux de pareure après luy : dont le premier estoit couvert de velours cramoisy, à une grande bordure d'ermines : et par-dessus le cramoisy avoit gros chardons d'orfaverie dorée , élevés et moult bien apparens sur la housseure. Le second fut couvert de velours bleu, à grandes lettres de brodure de sa devise : et fut frangée d'or. Le tiers estoit couvert de velours noir, à grandes lettres de brodure comme le premier, et semé de grandes campanes d'argent. Le quart de satin violet semé de grans chardons d'orfaverie à grandes fueilles de mesmes : et estoit celle couverture bordée de velours noir, ladicte bordure semée de larmes d'or. Ses pages estoyent vestus de satin blanc, à lettres de brodure de sa devise : et, après iceux pages, venoit un varlet , vestu de mesme, sur un cheval couvert de drap de damas blanc, violet, et noir, semé de biodures de lettres d'or, à sa devise, et par-dessus chargé de grosses campanes d'argent. Leclict varlet menoit un destrier en main , couvert de drap d'or violet : et en celuy estât fit son tour devant les dames, pardevant l' Arbre-d'or, et pardevant les juges : puis prit son rang au bout de la toile. Monsieur le bastard de Bourgongne se présenta à F Arbre-d'or, pour iceluy deffendre, sur un cheval couvert dé velours bleu : et sur la croupe de son cheval avoit un gros rabot d'ar-

gent, élevé : et toute la couverte estoit semée moultespessement de grandes rabotui es d'argent , élevées : et certes la couverture me sembla merveilleusement belle et riche. Les deux chevaliers coururent leur demie heure : et gaigna mondict signeur Jaques de Sainct-Pol la verge d'or : pource qu'il rompit sept lances , et monsieur le bastard n'en rompit que six.

Le troisième, qui se présenta pour celuy jour, fut messire Philippe de Poictiers, signeur de la Ferté , fils du signeur d'Arci. Cestuy chevalier se lit amener sur les rangs, par une belle fille : qui se nommoit la dame Blanche. Elle estoit en cheveux, moult- gentement mise empoint : et fut vestue de satin blanc : et à la vérité elle estoit belle , et valoit bien estre regardée. Elle estoit montée sur un cheval, tout erminé de son poil , naturellement. Ledict cheval estoit couvert d'un délié volet : qui ne gardoit point qu'on ne veist lesdictes "émîmes , et le cheval parmy. A dextre d'elle venoit le chevalier, sur un cheval, couvert d'une courte couverte, en manière de harnacheure de satin, cramoisy, frangé de franges d'or : et fut ladicte cou-, verte toute chargée de grosses campanes d'argent, à façon de campanes de vache. Il avoit deux pages après luy, vestus de cappes de satin violet : dont le cheval du premier estoit couvert de velours noir, à une croisure de velours cramoisi : et le second estoit couvert de drap d'or bleu : et en cest estât vint le chevalier devant les dames : auxquelles ladicte dame Blanche présenta une lettre, où estoit escrit ce qui s'ensuit ,

Tresredoutee, excellente pi incesse, Droit cy aTenyoye, envers yoslrc noblesse,

d'olivier de LA marche* 353

Une moult-noble et gracieuse dame :

Et m'a requis que devers vous j'adresse Le chevalier, pour crois. re sa prouesse. Lequel aussi elle avoue et confesse

Son serviteur, et seul de ce royaume. ;

Nommer se fait, par nom , la dame, Blanche. Or elle a eu n'aguéres cougnoissance De cestuy pas ( qui est de noble usance ) Et du perron à l'Arbre-dor tresriche.

Dont, pour acroistre en gloire et en vaillance Le chevalier, qui là brandit sa lance, . Son serviteur, l'y offre d'amour franche, Pour le servir en tout humble service.

Le chevalier à l'Arhre-d'or se présenta sur un cheval, couvert de velours noir, à grand fueillages d'orfaverie blanche branlant. Les deux chevaliers coururent moult-durement l'un contre l'autre : etgaigna ledict messire Philippe de Poictiers la verge d'or : pource qu'il rompit dix lances, et monsieur le bastard n'en rompit que neuf. Le dernier, qui se présenta pour celuy jour, fut messire Ciaude de Vaudrey, un jeune chevalier bourgongnon. Les nobles -hommes, qui l'acompaignoyent , avoyent mantelines de satin verd par devant, et de violet, par-derriére. Son cheval estoit couvert de velours, myparty de verd et de violet, semée sa houssure, en brodure, de coquilles d'or, et parmy de grosses campanes d'argent. Tantost se présenta mondict signeur le bastard, sur un cheval, couvert de drap d'or cramoisy, à Une bordure découpée, de crezé blanc. Mondict signeur le bastard gaigna la verge d'or : pource qu'il rompit plus de lances que ledict messire Claude de Vaudrey : et ainsi se passa celle journée : car (comme j'ay dict dessus) on ne mangeoit point de chair : ains on mangeoit 10. s3

oi>4 MEMOIHES

poisson : et à celle cause n'y eut nulle assemblée.

Le jeudi, cinqiéme jour de celle feste, fut faict le disner par chambres et par salles, ainsi que l'on avoit acoustumé : et après le disner l'on se tira sur les rangs, pour voir les joustes : et là se présenta, en la manière acoustumee, le comte de Psaulmes, un comte d'Alemaigne, chambellan de monsieur le duc de Bourgongne : et devant luy venoyent cinq nobles-hommes, vestus de journades de damas violet et noir : et estoit son cheval couvert d'un drap d'or, bleu. Son escu estoit violet, à deux lettres d'or de sa devise : et sur son heaume, en manière de bannerolle, portoit un atour de dame. Il avoit après luy un cheval seulement, couvert d'une couverture de velours, en couleur de pourpre : et estoit la couverture toute semée de grosses campanes d'argent, à façon de campanes de vache : et dessus le cheval avoit un petit page, tresgentement empoint. A Tencontre dudict comte de Psaulmes se présenta le chevalier de l'Arbre-d'or, sur un cheval couvert de satin cramoisy : et par-dessus avoit à grande foison de gorgerins d'argent, élevés, moult-bien faicts : et en celle demie heure gaigna le comte de Psaulmes la verge d'or : car il rompit sept lances : et mondict signeur le bastard n'en rompit que cinq.

Apres le comte de Psaulmes vint messire Baudouyn, bastard de Bourgongne. Il avoit devant luy quatre nobles- hommes, vestus de velours bleu , en journades. Lesdictes journades estoyent brodées pardevant, de houppes, à façon de pluma ts (qui estoit la devise dudict messire Baudoin) et par derrière de deux W, couplés ensemble, tenans à un bâton dessus, et un autre

d'olivier de la marche. 355

dessons, l'un des bâtons d'or, et l'autre d'argent. Il avoit trois chevaux, harnachés de velours, semé de campanes d'argent. Son cheval estoit couvert de velours bleu : et sur sa teste avoit une grande bannerolle verde, frangée de blanc. Il y avoit trois pages après luy, habillés de journades, comme ses serviteurs : dont le premier cheval, sur quoy estoit le premier page, estoit couvert de velours bleu, à grandes lettres d'or de biodure de sa devise. Le second, de drap d'or cramoisy, à une brodure de velours noir : et le troisième estoit de velours violet, semé de campanes d'argent. A l'encontre de luy se présenta monsieur le bastard de Bourgongne, gardant l'Arbre -d'or» Son cheval estoit enharnaché d'un harnois brodé d'orfaverie blanche : et par-dessus avoit grosses campanes dorées. En celle demie heure gaigna mondict signeur le bastard la verge d'or, sur son frère : pource qu'il rompit huict lances, et ledict messire Baudoin n'en rompit pas tant.

Le dernier, qui se présenta pour celuy jour, fut monsieur de Renti, fils aisné du signeur de Crouy, comte de Portien. Il avoit devant luy cinq chevaliers de grand maison, ses aliés : comme monsieur Jaques de Sainct-Pol, monsieur de Roussy, monsieur de Fiennes, et messire Jehan de Luxembourg, et son frère messire Jehan de Crouy : lesquels avoyent tous journades de satin blanc : et, au rémanent, furent richement montés et enharnachés, chacun à sa devise. Son cheval estoit couvert d'une double houssure : c'estasçavoir le fond de satin blanc, et par-dessus de velours noir, tout découpé et détranché à grandes lettres de Y Y, grégeois, par où on voyoit le fond

parmy. Son escu estoit de mesme : et avoit sur son heaume un moult-beau plumats. Il avoit deux chevaux couvers après luy : surquoy seoyent les pages, vestus de drap d'or cramoisy, en mantelines. Le premier cheval estoit couvert de velours bleu , brodé de Y Y, grégeois à grandes lettres d'or, à une grande bordure de drap d'or verd : et le second estoit couvert de moult-riche drap d'or cramoisy.Le chevalier, gardant le pas, se présenta à l'encontre de luy, sur un cheval couvert de drap de damas jaune. La couverte estoit semée de testes de léopards d'argent, élevés, ayans en la bouche une boucle de mesme : et à la course de celle demie heure rompirent chacun cinq lances : parquoy ne gaignérent point de prix l'un sur l'autre : et, après le sablon couru, et la demie heure passée, leur furent les planchons apportés, comme il est, de coustume : et d'icelle course atteindirent l'un l'autre tresdurement : et rompit ledict signeur de B.enty son. planchon en plusieurs pièces : et ainsi se passa celle jouste : et faut revenir au banquet : qui fut tel, que vous orrez cy-apres.

Premièrement furent les plats, et les suites, plusgrands et plus-somptueux qu'ils n'avoyent esté à nuls des autres banquets : et sur la table avoit quinze paons, revestus de col et de teste, et de queue, et les corps tous dorés de fin or : et parmy iceux paons estoyent entremeslés seize cignes, tous d'argent : lesquels paons et cignes avoyent chacun un colier de la Toison, et à leurs pies un petit blason des armes de chacun des chevaliers, vivans, de l'ordre : et, sur le dos, petites mantelines de soye, armoyecs pareillement : et par cest entremets furent monstres les trente et un che-

valiers de la Toison, à ce jour vivans : et furent assis lesdicts paons et cignes, sur les tables, chacun en tel degré comme ils vont à l'église, en l'ordre, le jour de la solennité de leur feste.

Item et par-dessus lesdictes tables avoit plusieurs bestes, portans sommages (0 : comme grans elephans, à tout cbasteaux : dromadaires, à tout grans paniers : licornes , cerfs , et bisches , chacun portans divers sommages. Lesdictes bestes furent toutes étofees d'or, d'argent, et d'asur, et les barnachemens de fil d'or et de soye tresrichement : et estoyent leurs sommages pleins et fournis de diverses espiceries : et outreplus poi toyent chacun les armes d'un signeur, suget de mondict signeur de Bourgongne, et le nom de la vile ou signeurie : comme l'un portoit Condé, en Hainaut, au nom de Nemours : Avennes en Hainaut, au signeur de Pointiévres : Sainct-Pol, et Enguyen la Bassee, au comte de Sainct-Pol, connestable de France : Dumkerkc et Bourbourg, au comte de Marie : et pareillement de tous autres grans signeurs, sugets de mondict signeur de Bourgongne, en ses divers païs. Le banquet fut bel et riche, et fort regardé, et se seirent tous les signeurs, dames, et damoiselles, à table : et, après qu'ils eurent commencé à manger, sur le hourd, où paravant on avoit monstre quatre des travaux d'Hercules , sonnèrent les trompettes : et là fut veu le cinqiéme travail d'Hercules, qui fut tel qu'il s'ensuit.

Premièrement furent veus Theseus et Pyrithous, arméside toutes armes : et tenoit manière Theseus de soy plaindre à Pyrithous , son compaignon , de Pluto, qui avoit ravy Proserpine, son amie, et icelle

(') Sommages : fardeaux de bêtes de sommes.

menée en enfer : et Pyrithous tenoit manière de. luy promettre de l'en venger, et la ravoir : et sur ses promesses vindrent, les glaives au poing, à la porte d'enfer : qui estoit moult-bien faiete. Geste porte estoit à manière d'une grand gorge de dragon , noire et flamboyant, en manière de flambe ardant , ayant deux grans yeux, rcndans merveilleuse cîairté : et, quand Pyrithous heurta de sa lance contre ladicte gorge, incontinent s'ouvrit, et en saillit un grand chien noir, tout difforme, et ayant trois testes, à tout un glaive noir en ses pattes. Ce chien estoit appelé Cerberus, le portier d'enfer : et tantost courut sus aux deux champions : et fut longue la bataille entre eux : mais en fin le chien tua Pyrithous : et mena Theseus à telle nécessite', qu'à peine se pouvoit plus soustenir, ne deffendre : mais Hercules y survint, par bonne aventure : et lors commença bataille à rencontre de Cerberus : et se retrait Theseus, pour guarir et faire médeciner ses playes : mais Cerberus assailloit Hercules de merveilleuse force , et Hercules luy livroit merveilleuse bataille : et, pour abréger ceste matière, Hercules abatit le chien par terre, et luy vouloit couper la teste, quand Theseus se vint agenouiller devant Hercules, et luy pria qu'il luy livrast ledict Cerberus. Hercules le fit : et Theseus le prit , et attacha d'une chaine : et puis s'en ala Hercules à la porte d'enfer, l'espee au poing.: et là trouva grande résistance de feu et de fumée : mais, ce nonobstant, il entra dedans : et là fut ouïe une grande voix, e#noise, comme il se combatoit aux infernaux : mais ne demoura guéres que celle noise fut appaisee : et ramena devant soy la belle Proserpine, richement vestue et

d'olivier de la marche. 35c)

atournee : et , quand Hercules fut comme au milieu du hourd, il prit ladicte Proserpine en une main, et son espee en l'autre : et la courtine fut retirée, et mis le brevet dehors, tel qu'il estoit acoustumé : dont la teneur s'ensuit*

Hercules entreprit voye moult-dangereuse, Quand ala en enfer, l'abisme périlleuse. Cerberuscombatit à la porte douteuse:

Et reprit Proserpine , la belle et la joyeuse, Cerberus signifie péché , le clévoyable : Qui garde des enfers le gouffre redoutable, Or soyons Hercules , le vaillant et louable. Conabaton Cerberus , par vertu honnorable. Porton à Proserpine un bon secours aidabîe, Nostre ame reiiraus tors de vice damnable.

Ainsi se continua le banquet, de manger et faire bonne chère : et tantost après sonnèrent les trompettes : et furent les courtines du hourd retirées : et là furent veues deux damoiselles amazonnes à cheval, richement armées , et leurs espees ceinctes, et leurs chevaux couverts richement. Leurs chefs estoyent parés de leurs cheveux, blonds et beaux, moult-noblement :*et portoyent chapeaux de violettes pardessus : et derrière elles avoyent femmes à pié, en manière de saquemans (0, armées et embatonnees, pour combatre et deffendie : dont les unes portoyent les bacinets, les escus, et les glaives desdictes damoiselles : et en ceste ordonnance firent un tour ou deux parmy le hourd. Et tantost après s'apparurent Hercules et Theseus , montés et armés moult-richement, et après eux varlets-de-pié , armés et embatonnés

(0 Saquemans : vagabondes.

36'o MEMOIRES

comme il appartient : et, si-tost que les damoiselles amazonnes aperceurent lesdicts chevaliers, elles prirent leurs heaumes, leurs escus, et leurs glaives : et les deux chevaliers pareillement se préparèrent pour la jouste : et incontinent se coururent sus les uns aux autres, et s'en trei en contrèrent tresrudement : et puis mirent les mains aux espees, et commença la bataille entre les quatre de cheval, et les gens-de-pié : qui fut merveilleusement bien combatue et vivement faicte : et dura la bataille treslonguement : et, fin de compte, fut la courtine retirée, sans monstrer qui eust le meilleur d'icelle bataille : et fut le billet mis dehors, tel qu'il s'ensuit.

Hercules le vaillant, et le preux Theseus,

En deux femmes armées trouvèrent tels vertus,

Que pour tous les périls, où se sont embaïus ,

Us ne furent si près d'estre morts, ou veincus.

Puis que deux amazonnes, et deux féminins corps,

Contre deux si-puissans sonstindrent tels effors,

Exemple est qu'on doit, craindre et bataille et discords :

Son ennemy douter, foible , manchot, ou tors.

Car on a veu souvent ( qui bien en est recors)

Que les victoires sont où Dieu donne les sorts.

Apres le sixième travail d'Hercules passé, assez tost après fut la courtine retirée, au son des trompettes : et là fut veu le septième travail , tel qu'il s'ensuit. Premièrement fut veu Hercules armé de toutes armes, soy promenant seul : et luy vint au-devant un monstre demy-homme et demy-serpent. Celuy monstre avoit la teste armée, et en la main dextre un gantelet et un glaive , et en l'autre main un grand targon : et , quand Hercules aprocha , le monstre fit semblant

d'olivier de là MARCHE. 36 I

de parlementer à luy. Hercules luy respondit par semblant : mais Hercules prestement luy courut sus, et le monstre à luy moult fièrement : mais la bataille n'eut guéres duré, qu'Hercules le joinditde son espee, et le prit à une main, et de l'autre luy coupa la teste : mais non pourtant le monstre ne cheut à terre : dont Hercules démarcha, tout ébahi : et ne se donnoit garde Hercules, qu'il veit que le monstre luy couroit sus, et avoit sept testes. Hercules getta la teste, qu'il tenoit : et courut sus au monstre, moult-vigoureusement : et fut la bataille assez longue : mais en fin l'occît Hercules : et tint manière de brûler le corps : et à tant fut la courtine retirée , et le rollet mis dehors : qui disoit ainsi.

Hercules es paluz trouva le fier serpent.

La teste luy trencha : mais tout incontinent

Sept autres luy saillirent emerveillabletnent,

Mais toutes les trencha Hercules le vaillant.

Qui un vice rencontre d'aguet, ou d'aventure,

Sept autres en viendra par estrange figure,

Et sera fort coustant qui n'en aura morsure.

Faison comme Hercules à Tennemy injure.

Tranchon luy les sept testes, qui sont pleines d'ordure :

Et nous gardon de faire à vice nourriture.

Apres le serpent des paluz occis , pour monstrer le huictiéme travail d'Hercules, fut la courtine retirée au son des trompettes, comme devant : et là fut veu Hercules armé et embatonné de son escu et de sa massue : et se promenoit devant une cité, remirant la beauté des maisons et des murailles : et tantost saillirent dehors plusieurs geans, grans, fiers, et hideux, et estrangement embatonnés. Hercules leur courut

sus moult-vigoureusement, et fit tant en peu d'eure, qu'il abatit quatre d'iceux geans : et les autres se mirent à genoux devant luy : et leur vouloit les testes couper, quand deux citoyens assirent de la cité : qui se mirent à genoux : et luy présenta l'un les clefs, l'autre luy mit une couronne d'or sur la teste : et ainsi fut Hercules roy de Cramonne : et atant fut la courtine retirée, et mis un rollet hors, tel qu'il s'ensuit.

Hercules, remirant les hauts murs de Cramonne,

Unze geans trouva , par manière félonne :

Mais à leur grand pouvoir n'aeompta une pronne.

Tous les défît, et prit cité, et la couronne.

Hercules cy nous monstre vertueux exemplaire :

Que pour tourbe de gens , pour menace, ou pour braire ,

L'homme clievaleureux ne se doit point deffaire :

Mais est digne d'avoir de couronne salaire,

Qui contre grand pouvoir ose frontière faire :

Car on voyt peu souvent bon deffendeur défaire.

Sur ce point furent les tables levées : et commencèrent les danses : et plus ne fut faict pour celuy jour.

Le vendredy suyvant fut faict , et tresrichement servi, le disner, es chambres et es salles : mais, assez tard. Pource que plusieurs jeusnoyent pour le vendredy : et mesmement les Anglois : qui en ont fort la coustume : et vindrent sur les rangs, pour la jouste voir : et, pource que monsieur d'Escalles devoit celuy jour courir, monsieur le bastard de Bourgongne (qui gardoit le pas) considérant qu'ils estoyent fréresd'armes, et qu'ils avoyent combatu en lices l'un contre l'autre , ne voulut point courre à rencontre de

d'olivieii de la marche. 363

luy : mais fit mettre monsieur Adolf de Cléves en sa place, pour garder le pas pour celle fois.

Ainsi arriva le premier sur les rangs monsieur le comte d'Escalles , frère de la royne d'Angleterre : et estoit acompaigné de la plus- grande noblesse , qui là fut : comme de ceux de Sainct-Pol, ses parens, et de moult -d'autres chevaliers et gentils -hommes , tant anglois , comme bonrgongnons , et mesmes de monsieur le bastard de Bourgongne , son frére-d'ai mes, monte' sur un petit cheval, à tout une robe longue d'orfaverie chargée : et en iceluy point acompaigna mondict signeur d'Escalles. Le cheval dudict signeur d'Escalles esloit couvert de drap d'or, myparti de cramoisy et de bleu. Il avoit six pages après luy, vestus de mantelines de satin verd figure'. Le cheval, que chevauchoit le premier page, estoit couvert d'une courte houssure de velours noir, et pardevant à poictral et à rênes : et estoit chargé de campancs d'argent, à façon d'ancolies. Le second estoit couvert de drap d'or cramoisy, à une bordure de velours noir, brodée. Le troisie'me estoit d'une couverture de velours cendré. Le quatrième estoit couvert d'un drap d'or, dehaché, h façon de brodure, à lettres d'or pardessus : où tenoyent campanes d'argent. Le cinqiéme estoit couvert de pourpre en velours, à une bordure édentee de drap d'argent : et sur ledict pourpre avoit brodure de deux EE, acolés ensemble. Le sixième estoit couvert de drap d'argent et de velours cramoisy édenté : et estoit semé de grosses campanes d'argent. Le septième estoit mené en main : et estoit couvert de velours bleu , à deux faces d'ermines, chargées de grosses poires d'argent : et estoit celle couverte bar-

dee de damas violet , brodée de deux EE, à sa devise : et certes le chevalier estoit bel homme -d'armes, et bien seoit sur son cheval. Pour les causes, que j'ay devant dictes, se présenta monsieur Adolf de Cléves, signeur de Ravastain, à Fencontre du chevalier anglois, son cheval couvert d'une riche couverte d'orfaverie d'or et d'argent , à manière de figures , sur velours cramoisy : et à la vérité celle demie heure fut bien joustee et empleyee r car le chevalier anglois rompit onze lances : mais il perdit la verge d'or : pource que mondict signeur de Ravastain en rompit dixsept , franchement rompues : et n'est pas à oublier le mechef, qui avint à celle heure et jouste : car mondict signeur le bastard de Bourgongne eut un grand coup de pie de cheval au-dessus du genouil : dont il fut tresgriévement blecé, et en tresgrand danger, s'il n'eust esté bien secouru par bons chirurgiens : et par cest empeschement ne. peut fournir son emprise : mais , tout blecé , qu'il estoit , fit maintenir et garder le pas à ses despens, de houssures, et de toutes autres choses , comme il avoit encommencé : et ne courut homme, pour la garde dudict pas, ne mondict signeur de Ravastain, ny autre, qu'il ne courust , es couvertes et pareures , à la despense de mondict signeur le bastard. Qui fut grande et coustable chose : comme chacun peut légèrement voir. Mais à tant se tait le compte de ceste matière : et revient à la fourniture du pas, et comment il fut entresuyvi.

Le second , qui se présenta pour celuy jour, fut monsieur le comte de Roussi , fils de monsieur le comte de Sainct-Pol, connestable de France. Il avoit devant luy trompettes et clairons à grande foison, et

d'olivier de la marche. 365

officiers- d'armes , qui l'acompaignoyent : et celuy , qui venoit droit devant luy , estoit un petit nain de Constantinoble , serviteur du 1 oy d'Angleterre : que madame de Bourgongne avoit amené aveques elle , pour voir la feste. Cestuy nain estoit monté sur un petit cheval , et vestu d'une robe de velours noir , à une bande blanche : et portoit en sa main dextre un papier , en manière d'une requeste , et en son bras, ataché à un lasset , une clef, qui servoit au mistére , qui s'ensuit. Apres venoit un grand chasteau , richement paré , et étofé. Iceluy chasteau estoit faict à quatre tours , et à quatre pans de murailles , et à une grand'porte, qui se pouvoit fermer et ouvrir : et là dedans estoit monsieur de Roussy sur son cheval , armé de toutes armes. Il avoit après luy six chevaux de pareure. Le premier estoit couvert de velours noir, chargé, moult-espes, de campanes d'argent, en manière de poires. Le second, de satin cramoisy, à grans feuillages , en brodure d'or, et gros boutons de mesrne : dont la pareure de la fleur estoit argentée : et estoit celle housseure frangée de franges noires. Le troisième estoit de brodure, semée et massonnee d'or et d'argent , et par-dessus semée de larmes d'argent de brodure : et la brodure d'icelle estoit entassée d'or tresrichement : et , pour enrichir la massonnerie , y avoit grans violiers de romarins , vermeils et blancs, à grandes lettres de sa devise parmy : et certes la couverture me sembla tresriche. La quatrième couverte estoit chargée d'orfaverie blanche. La cinqiéme de brodure , à grandes fueillages d'or , aveques lettres meslees , et semées de larmes d'argent : et fut celle cinqiéme couverte de satin noir, brodée en lettres

gréques de brodure. La sixième estoit de drap d'or cramoisy , frangée de franges noires : et n'est pas à oublier que tous ses pages furent habilles de mantelines , chacun à la pareure de la houssure : et, pour vous donner à entendre le miste're du nain, de sa requeste , et de sa clef, il sembloit qu'il tinst le chevalier prisonnier , par le commandement d'aucune dame , et qu'il desirast sa délivrance : et à celle fin , quand le chastel fut au-devant des dames, se partit le nain, et ala devers les dames, présenter sa requeste : qui disoit ainsi. «Excellentes, hautes, et nobles ponte cesses, dames et damoiselles, le chevalier, prisonnier « de sa dame , vous fait treshumble révérence. Son cas « est tel, que Danger tient la clef de ceste prison, et « Ta mis es mains de Petit-Espoir, son serviteur : et « n'en sera jamais tiré, ne délivré, si ce n'est par la « bonté et pitié de vous. Parquoy supplie ledict che- « valier prisonnier a vous tresexcellentes, treshautes, « et trespuissantes princesses, dames et damoiselles, « qu'il vous plaise, de vostre grâce, assembler vostre « tresnoble et tresvertueux collège féminin ( car entre « plusieurs s'en pourra trouver la voix d'une, et telle, « que Danger ne voudroit, ne pouroit luy faire refus k de la délivrance du chevalier) à celle fin qu'il soit « commandé à Petit-Espoir , qui le meine , qu'il le « deferme et délivre de ceste prison , tant doulou- « reuse : car autrement ( s'il n'estoit à son délivre ) « il ne pourroyt courre à celuy noble pas, n'achever « ne fournir l'aventure de l'Arbre d'or. Ce qu'il de- « sire de tout son cueur, et de demourer treshumble « serviteur de vous , et de toutes nobles dames. » Apres la requeste ouye par les dames, le congé fut

d'olivier de la marche. 36t

donné de deprisonner le chevalier : et vint le nain à tout sa clef, et en ouvrit la porte : et saillit ledict chevalier dehors, armé de toutes armes, son cheval couvert de satin blanc, brodé de grandes lettres d'or, à sa devise, et son escu estoit de mesme : et en tel estât et ordonnance vint prendre le bout de la lice. A l'encontre de luy se présenta Charles de Visan, gardant F Arbre-d'or pour celuy jour, en l'absence de monsieur le bastard. Son cheval estoit couvert de satin blanc, semé et brodé d'arbres d'or : et coururent leur demie heure : mais monsieur de Roussi gaigna la verge d'or : car il rompit huict lances : et ledict Charles n'en rompit pas tant.

Le troisième , qui se présenta pour ceîuy jour fut Roskin de Rochefay, premier escuyer d'escuyerie de monsieur le duc de Bourgongne. Il avoit devant luy deux chevaliers de la Toison : c'estasçavoir monsieur d'Auxi, et messire Philippe de Crévecueur, et deux autres escuyers. Ils estoyent habillés de palletots d'orfaverie à sa devise, et pareillement ceux, qui le servoyent à pié. Son cheval estoit couvert d'une couverte de velours verd, brodée de blanche orfaverie, à grandes lettres à sa devise, tresrichement. A l'encontre de luy se présenta ledict Charles de Visan , garde du pas. Son cheval estoit couvert d'ermines, à une grande brodure de martres : et coururent leur demie heure, tresbien et roidement, l'un contre l'autre : mais ledict Roskin gaigna la verge d'or: car il rompit onze lances, et ledict Charles n'en rompit que dix : et à la course des planchons firent une tresdure atteinte , et rompit ledict Roskin le sien. Ainsi se partit la jouste pour celuy jour, sans autre feste n'assemblée : pource

que la pluspart des gens jeusnoyent, etestoit jour de poisson : qui ne sont point jours propres pour banquets ne festimens.

Le samedy, septième jour d'icelle feste, se fit le disner, comme celuy de devant : et vindrent les dames sur les rangs , pour voir la jouste : et là furent plantés deux blasons, à une fois : c'estasçavoir celuy de messire Jehan de Ligne, et celuy de messire Jaques de Harchies, deux chevaliers de Hainaut , tous deux chambellans de monsieur le duc. Les deux chevaliers entrérent en la lice à une fois, par le congé des juges. Leurs chevaux estoyent couverts, tous pareils (car, fust à la guerre ou à la paix, ils onttousjours esté compaignons) et esfoit leur pareure de velours violet à une bordure de velours noir, chargée de campanes d'argent, tresrichement, et de lettres de brodure d'or, à leurs devises : et courut ledict messire Jehan de Ligne, premier. A l'encontre de iuy se présenta messire Philippe de Poictiers : qui garda le pas pour celuy jour. Son cheval estoit enhai naché d'un harnois d'orfaverie blanche : et gaigna ledict mesure Philippe la verge d'or : pource qu'il rompit neuf lances, et Jehan de Ligne n'en rompit pas tant : et prestement retourna ledict messire Philippe, garde du pas , dedans la porte dont il estoit issu , pour changer la pareure de son cheval, comme il estoit acoustumé : et tantost revint après, dehors, sur un cheval couvert de satin, à couleur de fleur de pescher, brodé à grans arbres d'or : et ledict messire Jaq.es de Harchies ( qui avoit attendu son compaignon) se présenta d'autre coste', pour son emprise fournir : et coururent moult-bien et deuement d'un costé et d'autre. Si y eut plusieurs

d'olivier de la marche. 069

grandes atteintes : et rompirent plusieurs lances non comptées : et n'y eut homme, qui si-pres marchandast le prix sur monsieur d'Arguel, que fit ledict messire Jaques de Harchies : car il rompit douze lances : mais toutesvoyes perdit il la verge d'or : pource que ledict de Poictiers en rompit tréze : et, à la course des planchons , rompit ledict de Poictiers le sien : et ainsi firent les deux chevaliers une belle jouste.

Apres entra messire Philippe de Crévecueur, signeur des Cordes. Il avoit devant luy dix chevaliers de la Toison, et deux autres escuyers, vestus de palletots de drap d'or cramoisy. Le cheval de luy estoit couvert d'un drap d'or cramoisy, et son escu de mesme :'et après luy avoit trois chevaux de pareure : dont le premier estoit couvert de drap d'or cramoisy : comme le sien : le second , de drap d'or verd : et le tiers, de drap d'or bleu. Ainsi fut sa pareure de quatre chevaux, de drap d'or : et dessus les trois chevaux, qui le suy voyent , avoit trois petis pages, vestus de satin cramoisy, et, par-dessus, de mantelines blanches et verdes , semées de larmes d'or en brodure : et estoyent en manière de gorgerins de fil d'or, brochés au tour de leur col. Il avoit onze ou douze hommes-de-pié , à journades de mesme : et fit son tour parmy les rangs, mené par le géant, comme il estoit de coustume. A Tencontre de luy se présenta messire Philippe de Poictiers, garde du pas. Son cheval estoit couvert de velours bleu, chargé de grosses campanes, moitié dorées, et moitié blanches, et sur la croupe de son cheval une grosse pomme d'argent dorée : et d'icelle emprise gaigna ledict messire Philippe de Crévecueur la verge d'or : car il rompit io. 24

neuf lances, et ledict de Poictiers n'en rompit que six.

Apres se présenta messire Jehan d'Ondevile, un chevalier anglois, fïére de la royne d'Angleterre et de monsieur d'Escalles. Il avoit devant luy, pour l'acompaigner, dix nobles - hommes , vestus de journades, my-parties, d'une part, de satin figuré , comme cramoisi, et, d'autre part, d?un satin figuré, assez sur estrange couleur. Son cheval estoit couvert de drap d'or blanc , à une brodure de drap d'or cramoisy. Il avoit après luy quatre chevaux de pareure : dont le premier estoit couvert de drap d'or, my-parti de cramoisy et de bleu : le second, de drap d'or noir : et le tiers, de drap d'or cramoisy : et faisoit mener un destrier en main, par un gentilhomme vestu de velours noir, monté sur un cheval, couvert de velours violet, chargé de poires d'argent, blanches et dorées: et le cheval, que ledict gentilhomme menoit en main, estoit le cheval dessusdict, couvert de drap d'or noir. Ses pages estoyent vestus de mantelines, comme ses serviteurs. A l'encontre de luy se présenta ledict messire Philippe de Poictiers, sur un cheval couvert de martres sebelines , à une bordure d'ermines, de la longueur de la beste. Us coururent l'un contre l'autre moult -vivement : et gaigna ledict Poicliers la verge d'or : pource qu'il rompit sept lances, et ledict messire Jehan d'Ondevile n'en rompit que cinq.

Le dernier, qui se présenta pour celuy jour, fut le signeur de Ternant : lequel entra dedans les lices, sur un cheval, couvert d'un riche drap d'or cramoisy, semé de grosses campanes d'argent. Il estoit acompaigné de cinq nobles-hommes, vestus de journades de satin violet : et tantost se présenta à l'encontre de luy

D'OLIVIER DE LA MARCHE. 3*y l

ledict messire Philippe de Poictiers, sur un cheval, couvert de drap d'argent : et, quand ledict signeur de Ternant eut couru trois courses à l'encontre dudict de Poictiers, il tint manière que la couverte de son cheval le détourboit de courir. Si fit son cheval déharnacher : et demoura le destrier harnaché de drap d'or cramoisy, semé de campa nés d'argent, de mesme la houssure : et en cest estât acheva son emprise, et gaigna la verge d'or : car il rompit plus de lances , que ledict de Poictiers. Ainsi se passa celuy jour de samedy, sans autre chose faire, qui à ramentevoir face : pource quil estoit jour maigre, comme le jour précèdent, et n'y fit on nulle assemblée celuy soir.

Le dimanche, huictiéme jour d'icelle feste, fut le disner par les chambres, et par les salles, grand et plantureux, et tousjours de plus en plus : et, après le disner, on ala sur les rangs, pour veoir le pas et la jouste : qui se continua en grandes pompes : dont le premier, qui se présenta pour iceluy jour, fut un escuyer de noble maison, nommé Pierre de Bourbon, signeur de Carenci , cousin germain du comte de Vendosme. Il envoya présenter son blason ( qui estoit armoyé des armes de Bourbon, à petite diference : car il en portoit le nom et les armes ) et tantost se présenta ledict signeur de Carenci, sur un cheval, couvert de velours cramoisy, bordé de drap d'or noir. Son escu estoit de mesme : et avoit, dedans, deux os , en brodure de fin or : dont l'un estoit un O, d'une lettre , et l'autre l'os d'un cheval : qui estoit sa devise. Il avoit trois chevaux de pareure après luy : dont le premier estoit couvert de drap d'or noir : le second, de velours bleu : et avoit le cheval un riche chanfrain de

brodure, et un plumas de mesme : et estoit ladicte couverture chargée de campanes d'argent, faictes à la façon des deux os de son escu. Le tiers estoit couvert de drap d'or violet : et dessus iceux estoyent ses pages, vestus de mantelines de satin figuré, bleu , et pourpoints de velours noir : et estoit acompaigné de quatre nobles-hommes , vestus de mantelines de satin violet, brodé, devant et derrière, à sa devise dessusdicte. A l'encontre de luy se présenta ledict de Poictiers, sur un cheval couvert de drap d'or bleu, bordé et santonné de velours cramoisy : et gaigna ledict de Poic ders la verge d'or : car il rompit sept lances, et ledict signeur de Carency n'en rompit pas tant.

Le second, qui se présenta pour iceluy jour, fut le signeur de Contay, un chevalier de Picardie, chambellan de monsieur de Bourgongne. Son cheval estoit couvert de drap d'or noir, et son escu de mesmes. Il avoit après luy un page seulement, monté sur un cheval, couvert d'un riche drap d'or cramoisy : et prestement se présenta à l'encontre de luy ledict messire Philippe de Poictiers, sur un cheval couvert de drap d'or, à une croix de Sainct Andri, de damas blanc, et bordé de mesme : et avint que lesdicts chevaliers ne coururent guéres l'un contre l'autre : car ledict signeur de Contay blecea, d'une atteinte, ledict de Poictiers, tellement qu'il le convint desarmer.

Et, en ensuyvant l'ordonnance du pas, fut l'horologe couché, afin que le sablon ne courust à perte : et ne sçavoit on comment faire : car le jour s'en aloit, et ledict de Contay n'avoit point achevé son temps : et ne pouvoit estre un autre armé, pour la garde du pas, qu'il ne fust bien tard. Si fut avisé par les juges,

d'olivier de là marche. 3^3

que le marquis de Ferrare ( qui estoit à l'entrée de la lice, et avoit son tour de courir après ledict de Contay ) fourniroit, comme garde du pas, le demourant des courses audict de Contay, par tel convenant, que, les courses achevées, ledict de Contay fourniroit audict marquis , comme garde du pas, l'emprise dudict marquis : et ainsi fut faict.

Le marquis de Ferrare entra dedans les lices, à douze chevaux de pareure : c'estasçavoir six, couverts de riches couvertures, et six harnaches de harnois d'oi faverie. Ses pages et ses serviteurs , qui chevauchoyent sesdicts chevaux, estoyent habillés de palletots d'orfaverie : dont le cheval, surquoy il estoit, estoit couvert de drap d'or, bleu, chargé de grandes lettres à sa devise, et brodé d'or faverie blanche et dorée. La seconde estoit de velours verd, à grande brodure de fleur de glay, et, par-dessus la housse, grosses campanes d'argent élevées. La tierce estoit de velours violet, chargée de roses d'argent, et à icelles roses pendoyent gros anneaux d'huis , d'argent , élevés , et dorés, et blancs. La quatrième estoit de velours noir, à pommes de feu en brodure, et à grandes esteincelles, et semé de pommes d'argent élevées. La cinqiéme estoit de drap de damas , jaune , brodée d'esteincellés d'orfaverie d'argent doré, et de grans croissais, et de raiz de souleil estincelant. La sixième, de velours noir, toute chargée de gros réchauffoers d'argent, gettans flambe : et les autres six chevaux estoyent enharnachés , comme dict est. Il avoit devant luy quatre nobles-hommes, vestus de satin bleu, brodé à lettres d'or de sa devise. Il fit son tour parmy les rangs : et fut telle son aventure, que son cheval ne

voulut aler, ne joindre à la lice : combien que par plusieurs fois il se mist en son devoir : et par ce convint que les deux chevaliers se départissent sans faire rien, pour celle emprise, qui à ramentevoir face.

Le dernier, qui se présenta pour celuy jour, fut un chevalier anglois, nommé messire Claude Waure. Son cheval estoit couvert d'un riche drap d'or verd, et son escu de mesme : et courut à l'encontre dudict signeur de Contay : mais son aventure fut telle, qu'il ne rompit qu'une lance, qu'il ne fust desarmé : et ne se fit autre chose à la jouste pour celuy jour : ains s'en partit on des rangs, et vint on au banquet : qui fut tel, que cy après ensuit.

Celuy dimanche fut le banquet moult-bien fourni de grand plats, et de grandes suites : mais sur les tables n'y eut aucun entremets : et, quand on fut assis, sur le hourd, où se monstroyent les travaux d'Hercules , fut la courtine retirée : et pour le neufiéme travail d'Hercules, fut veu Hercules armé d'une peau de Lyon, à tout son targon et sa massue. Ledict Hercules chaceoit devant soy plusieurs beufs, et les mena jusques devant une montaigne, où lesdicts beufs tindrent manière de pasturer : et Hercules fit semblant de soy endormir : et tantost après partit hors de la montaigne le grand larron, nommé Cacus, à tout grandes cordes : et luy, voyant qu'Hercules dormait, tira tous lesdicts beufs, l'un après l'autre, dedans sa caverne : et, tantost après, ledict Hercules se réveilla, et regarda au tour de luy, et ne vit nuls de ses beufs : car le larron ne luy avoit laissé qu'un petit veau seulement : et ne sçavoit quel chemin lesdicts beufs avoyent tiré : pource que le fort larron Cacus

d'olivier de la MARCHE. 3^5

par sa grande force les avoit trainés en sa caverne, à reculon. Si chacea Hercules au long de la montaigne le veau : qui tenoit manière de braire : et Hercules , monstrant semblant d'avoir ouy i espondre ledits beufs en la montaigne, monta amont, et aracha une grosse pierre pour regarder dedans la caverne : et illec vit Cacus et ses beufs. Si getta audict Cacus de grosses pierres : et Cacus luy gettoit feu et flamme au visage : mais en fin Cacus fut contraint saillir hors de sa caverne, à tout une grande hache : et Hercules luy courut sus moult-fièrement : et fut la bataille moultgrande dentre eux deux : mais en la fin fut Cacus abatu, et occis par Hercules : et atant fut la courtine retirée, et le rollet mis dehors, disant.

Hercules endormi, Cacus, le fort larron, Ses beufs luy déroba, trainant à reculon. Mais ( quelque fort qu'il fust ) l'occît le champion , Et fit de luy justice, sans mercy ne ranson. Empereurs, roys, et ducs , princes en général, Faites comme Hercules , le tresespecial.

Soyez prompts en justice, et à chacun égal. Destruisez les tyrans, dont il ne vient que mal : Et vous souvienne bien de ce vers principal. Justice fait aimer et douter le vassal.

Assez tost après sonnèrent les trompettes, et fut la courtine retirée : et là furent veus plusieurs païsans, les uns coupans bois , et les autres labourans la terre : et tout à coup survint sur eux un sanglier, merveilleusement grand. Lesdicts païsans s'enfuirent : mais le sanglier en porta un à terre : et le foulla merveilleusement : et les fuyans rencontrèrent Hercules, armé de toutes armes , à tout son targon , et un

grand espieu sur son col : et tindrent manière de monstrer à Hercules ledict sanglier. Hercules alla celle part : et le sanglier prestement luy courut sus, de merveilleuse force : dont il avint qu'à celuy aborder ledict sanglier porta jus le targon d'Hercules : et Hercules se deffendoit de son espieu : et fut moult longue la bataille : mais en fin l'occît Hercules : et fut la courtine retirée, et mis hors le rollet, contenant.

Hercules le trespreux, qui de son temps n'eut per (0, Trouva en Arcadie un merveilleux sanglier. Les hommes destruisoit : chacun faisoit trembler. Mais le vaillant l'occît, pour le peuple sauver. Faites comme Hercules, princes de haut parage. Si vous sçavez faux us en vostre baronnage, N'en voz sugets régir, chacun se monstre sage De les bien tost destruire , pour echever dommage. Car certes le sanglier, merveilleux et sauvage, Ne fait pas tant à craindre, que le mauvais usage.

Le dixième travail d'Hercules monstre, joue'rentles trompettes pour la tierce fois d'iceluy jour : et là fut veu Hercules , soy proumenant par un désert , à tout son escu et sa grosse massue : et des deux coste's luy coururent sus plusieurs sagittaires : qui tiroyent flèches de tous costés , tellement qu'Hercules fut long espace, qu'il ne faisoit autre chose que soy couvrir de son escu , à l'encontre du trait : mais, en fin de compte, Hercules prit sa massue à deux mains, et ferit, à dextre et à senestre, sur les sagittaires, tellement qu'en peu d'heure les déconfit et mit en fuitte : et les rateindoit à force de courir, et les occioit :

(0 N'eut per : n'eut pas son pareil.

et , la déconfiture faicte , fut la courtine retirée , et mis le rollet , dont la teneur s'ensuit.

Hercules es déserts trouva les sagittaires, Qui de leurs fortes flèches luy firent mains contraires: Mais tous les déconfit, par monceaux et par paires : Et ceux, qui échapérent, priva de leurs repaires. Les grans flèches agues , qui Hercules bâtirent , Furent les faulses langues, qui contre luy médirent. Les grans valeurs de luy les bourdes contredirent: Et fit tant par vertu, qu'en le blasmant mentirent : Et n'eut pas tant à faire à tous ceux qui nasquirent, Qu'à combatre parolles : mais d'elles se veinquirent.

Or fut passé ronzie'me travail d'Hercules : et tantost après ressonnérent les trompettes , et furent les courtines retirées : et là "fut veu un navire, auquel avoit deux mariniers : dont l'un tenoit le gouvernail , et l'autre tiroit à deux avirons : et estoit chargé ce navire de deux bornes, «ou coulomnes, en manière de marbre, de moult-grande grandeur et grosseur : et au milieu dudict navire estoit Hercules, vestu d'une robe longue de drap d'or, ses cheveux blancs, et longue barbe : et avoit une couronne d'or en sa teste : et monstra à ses mariniers le pais où il vouloit aler : et, quand il fut un peu avant, il fit arrester son navire : et prit une de ces coulomnes sur son col, par apparence de grand faix et de grande pesanteur : la planta dedans la mer : et puis fit tirer plus avant son navire : et replanta, par pareille façon, l'autre coulomne : et, en graciant Dieu de son œuvre, fut la courtine retirée : et furent par ces trois jours monstres les douze travaux d'Hercules, comme dict est : et pour ce douzième et dernier travail fut remis le rollet dehors : qui disoit ainsi.

Hercules en son temps, où tant de renom a,

Entre ses grans prouesses douze fois travailla :

Dont le dernier fut tel , que les bornes planta

En la grand mer d'Espaigne : dont sa gloire monta.

Or, vous tous , qui lisez ceste signifiance ,

Mettez borne à voz faicts : si monstrerez prudence.

Faites comme Hercules en vostre desirance.

Abornez voz désirs en mondaine espérance.

Car le jour est prescript ( et faut que Ton y pense )

Que passer ne pouvons, pour or ne pour chevance.

Et pour celuy jour n'y eut autre chose, qui à ramentevoir face : fors que les tables furent ostees, et après commencèrent les dances.

Le lundy , neufiéme jour de ceste feste, fut le disner richement et solennellement faict, comme devant : et tantost après l'on se tira sur les rangs, pour veoir clorre le pas, tant de la jouste, que du tournoy : et , combien que monsieur le bastard de Bourgongne , entrepreneur en ceste partie , et garde de r Arbre-d'or, eust esté blecé (comme dict est dessus) tellement que lors, ne grand temps après, ne se pouvoit soustenir sur sa jambe, toutesfois il se fit aporter en une littiére, couverte de drap d'or cramoisy : et les chevaux, qui portoyent la littiére, estoyent enharnachés de mesme, à gros boulions d'argent, dorés. Il estoit dedans sa littiére, vestu d'une moult-riche robe d'orfaverie. Ses archers marchoyent au tour de sa littiére, et ses chevaliers et gentils-hommes au tour de luy, et certes il entra dedans la lice, selon le cas, si-pompeusement, et par si bel ordre, qu'il ne sembloit pas estre un bastard de Bourgongne, mais héritier d'une des plusgrandes signeuries du monde. En ceste ordonnance se fit amener jusques à un hourd , qu'il avoit fait faire

à ce propos, au bout de la lice : sur lequel Lourd fut sa littiére posée , et fut soudainement close et baillée , tellement qu'il fut hors du danger de toute presse de chevaux. Tantost après arriva le roy-d'armes de la toison d'or, acompaigné de deux chevaliers de Tordre : c'estasçavoir de monsieur de Crequi, et de monsieur de la Gruthuse. Ledict Toison-d'or avoit sa cotte-d'armes vestue : et portoit en sa main dextre le blason des armes de monsieur le duc de Bourgongne : lequel blason fut ataché à l'Arbred'or , au dessus de tous les autres. Ne demoura guéres après , que mondict signeur le duc arriva sur les rangs.

Il avoit devant luy forces trompettes et heraux , et grand nombre de chevaliers et nobles-hommes, de grand maison, tous vestus de paletots d'orfaverie, harnaché chacun à sa plaisance tresrichement. Il estoit armé de toutes armes, le heaume en la teste, l'escu au col (lequel escu estoit tout couvert de florins de Rin , branlans ) et seoyt sur un cheval, couvert de velours cramoisy , brodé d'orfaverie , à manière de fusils. Il avoit après luy neuf pages, sur neuf chevaux couverts : le premier de velours cendré, la couverte toute batue de grans fueillages d'or élevé, moult-riche. La seconde fut de drap d'or, noir : la tierce , de drap d'or cramoisy : la quatrième , de drap d'or violet : la cinqiéme , toute couverte d'orfaverie d'or moult-riche : la sixième , d'un drap d'or vermeil, toute chargée de fusils d'or, aveques cailloux et estincelles de feu élevés, moult-riche. La septième fut d'orfaverie blanche. La huitième fut d'orfaverie dorec : et la neufiéme d'orfaverie meslee, blanche et

dorée. Apres iceux neuf pages venoit un pallefrenier, monté sur un cheval couvert de velours , brodé des lettres de mondict signeur : et menoit un cheval en main , chargé d'oi faverie d'or branlant , moultriche. Les pages et le varlet avoyent pourpoints de velours noir, et, dessus, mantelines de velours, toutes couvertes d'orfaverie à fusils : et avoyent sur leurs testes carmignoles de velours bleu, aveques plumes d'austruches, blanches.

En tel estât fit mondict signeur de Bourgongne son tour en la lice, en la conduite du géant et du nain : et , quand il eut pris son rang, les trompettes, qui estoyent sur la porte du chevalier à F Arbred'or, commencèrent à sonner : et tantost saillit hors de ladicte porte un grand pavillon de drap de damas, blanc et violet : et, à ce que j'entendy , ainsi que le chevalier à F Arbre-d'or avoit ouvert son pas par un pavillon jaune , ainsi pareillement vouloit qu'il fust clos par un autre pavillon. Apres cestuy pavillon marchoyent les pages de mondict signeur le bastard , vestus d'orfaverie , sur chevaux couverts de plusieurs riches housseures , en quoy il avoit couru en celuy pas : et, après, plusieurs gentils-hommes, couverts de mesme : et, à la vérité, il avoit beau couvrir chevaux : car à celle heure il avoit dépleyé vingt quatre, que couvertures, que harnois d'orfaverie et de^campanes. Quand le pavillon eut fait son tour, au tour des lices, on ouvrit le pavillon : et là fut veu monsieur Adolf de Clévcs, signeur de Ravastain : qui pour celle fois garda le pas contre monsieur de Bourgongne. Son cheval fut couvert de la vingt quatrième couverte d'orfaverie, à grandes lettres, à la devise

D?OLIVIER DE LÀ MARCHE. 38 î

de monsieur le bastard, entrepreneur. Il avoit l'escu verd, tel qu'il avoit esté porté à la garde du pas : et, quand ils eurent les lances sur les cuisses, lç nain laissa courre le sablon, et sonna sa trompe : et à présent commencèrent les chevaliers a courre: et, pour abréger, celle demie heure fut durement bien courue et atteinte par lesdicts deux princes : et y eut plusieurs dures atteintes, et lances rompues : qui ne sont point mises en compte : pource que Ton garda tousjours le droit de la mesure , telle qu'elle devoit estre : mais, pour lances deiiement et franchement rompues, monsieur de Bourgongne rompit huit lances , et monsieur de Ravastain en rompit onze : parquoy il gaigna la verge d'or. Les courses faictes, ils touchèrent ensemble : et en ce point fut le pas , pour la jouste, achevé : et à tant se fit monsieur de Bourgongne dehéaumer. Monsieur de Bourgongne , sa jouste achevée , se dehéauma : et tandis les roysd'armes et liera ux se tirèrent devers les juges , pour sçavoir à qui le prix devoit estre donné : lesquels juges les renvoyèrent aux dames, pour en ordonner à leur bon plaisir : mais les dames les renvoyèrent aux juges : et s'en importèrent à l'ordonnance des chapitres.

Si fut regardé, par les livres et escriptures des roysd'armes et heraux , qui plus avoit rompu de lances en en la demie heure : et fut trouvé que s'avoit esté monsieur d'Arguel : lequel avoit rompu treize lances. Si fut par Arbre-d'or, acompaigné d'autres ofFiciersd'armes, à grand bruit et à grans sons de trompettes et de clairons, amené le prix sur les rangs pour le délivrer. Lequel prix estoit un destrier, couvert d une

couverture de satin noir, figuré : et par les figures estoit brodée d'orfaverie blanche, houssee, et branlant : et dessus le destrier avoit deux paniers : esquels estoit le barnois de jouste, tout complet, de mondict signeur le bastard : et, à la vérité, ledict harnois estoit l'un des beaux barnois de jouste , qu'on peust voir : et ainsi ledict Arbre-d'or mena son prix au tour de la lice : et puis vint trouver mondict signeur d'Arguel, et luy présenta le prix, de-par les dames et de-par les juges, pour avoir le plus rompu de lances à ce noble pas : et ainsi fut le prix présenté, et le pas achevé, quant à la jouste.

Incontinent après, les manouvYiers, à ce ordonnés, abatirent la toile et la loge des juges : e} firent la place la plus-unie qu'on peut faire : et tantost fuient envoyés les vingteinq blasons des chevaliers et nobleshommes, qui devoyent fournir le tournoy à l'encontre du chevalier à l'Arbre-d'or et ses compaignons : et furent mis et attachés à l'Arbre-d'or semblablement, comment les autres. Toutes choses achevés, arrivèrent lesdicts vingt- cinq nobles hommes : dont messire Charles de Ghallon, comte de Joingny, cousin germain de monsieur le prince d'Orange, estoit le chef. Il avoit son cheval richement couvert de velours et brodures, à sa devise : et après luy un page, chevauchant un cheval, couvert de velours, myparti de bleu et de violet, tout chargé de grosses campanes blanches et dorées : et après luy venoyent les autres : c'estasçavoir messire Philippe de Commines, dom Petre, messire Jaques d'Emeries, monsieur de Mousures , messire Anthoine de Trappesonde , messire Huges de Torcy, monsieur de Lens, Dru de Humié-

d'olivier de la marche. 383

res, Robinet de Mannevile, Hervé Garlot, Hierosme de Gambray, Anthoine bastard d'Auxi, George bastard d'Auxi, Jehan Haufort, l'un des fils Talebot, le fils messire Jehan Auvart, tous trois Anglois, Charles d'Haplaincourt , Piètre Metenay, Pierre de Salins, Jehan le Tourneur, Frederik le Palatin, Anthoine Dusy, et Anthome Doiselet , tous richement couverts, ou harnachés, les uns de soye, les autres de brodure, ou d'orfaverie. Us estoyent armés et emplumés, comme en tel cas appartient : et portoit chacun d'eux une espee rabatue, en sa main : lesquelles espees fuient présentées aux juges , pour sçavoir si elles estoyent rabatues et coupées en pointe , comme, il appartenoit.

Apres la présentation du comte de Joingny et de ses compaignons sus-nommés, fut la porte de F Arbred'or ouverte, à grans sons de trompettes et clairons : et de là saillirent les princes chevaliers, et nobleshommes, qui avoyent jousté àl'encontre du chevalier à l'Arbre d'or, et couru à iceluy pas, et dont les noms sont enregistrés cy-dessus, en la forme de leur venue. Lesquels princes, chevaliers, et nobles -hommes, acompaignoyent le chevalier à Y Arbre-d'or, et, en lieu de luy, celuy qu'il avoit commis en sa place : et furent tous leurs chevaux couverts à la pareure dudict chevalier, et semblable de luy : qui estfyent toutes couvertes de velours violet, brodées à l'Arbre-d'or : et, par ceste dernière couverte du chevalier à l'Arbred'or, trouverez en son pas avoir dépleyé vingt-cinq couvertes et pareures : dont celle dernière fut de moindre prix. Ainsi partirent les dessusdicts de la porte à l'Arbre-d'or, et se mirent en bataille au long

de la lice, selon qu'ils venoyent : et le dernier, qui en* tra, fut monsieur de Bourgongne, habille' comme les autres : et, après qu'il eut veu la forme de sa bataille, il reprit son rang et sa place : et fuient leurs espees envoyées présenter, comme les autres, aux juges : qui après les leur renvoyèrent, et à chascun une lance, garnie comme il appartenoit : et, quand ils eurent tous leurs lances sur les cuisses, il est à croire que la place estoit richement parée de cinquante personnages tels, et ainsi armés et montés qu'ils estoyent : et, incontinent que la trompette eut sonné, couchèrent leurs lances, d'une part et d'autre : et à celle rencontre eut mainte atteinte de lances, et maintes rompues, et plusieurs chevaux portés par terre, et de tels y eut affolés (0 et blecés, pour à tousjours.

Apres la course des lances passée, ils mirent la main aux espees : et commença le tournoy d'une part et d'autre : lequel tournoy fut féru et batu si longuement, et par telle vigueur, qu'on ne les pouvoit départir : et convint que mondict signeur de Bourgongne (qui iceluy jour avoit tournoyé et jousté, et qui à la vérité s'estoit grandement porté à toutes le deux fois) se desarmast de la teste, pour estre congnu : et vint l'espee au poing, pour départir la meslee (qui recommençoit puis de l'un des bouts, puis de l'autre) et à les departir#i5epargna ne cousin, n'Anglois, ne Bourgongnon, qu'il ne les fîst par maistrise départir : et, ledict tournoy rompu, se mirent en bataille, les uns devant les autres : et par requeste combatirent par plusieurs fois un à un, deux à deux, et trois à trois : mais toutesfois mondict signeur tousjours les depar-

(') jfjfolés : estropiés.

toit : et ainsi fut ce pas achevé, tant de 4a jouste, comme du tournoy : et à tant reconduirent mondict signeur en son hostel : qui chevaucha le dernier d'eux tous : et alors le suyvitsa pareure : qui fut telle, qu'il avoit dix pages après luy, ses dix chevaux couverts de velours cramoisy, tous pareils, et un cheval, qu'on menoit en main, tout de mesme, et toutes les couvertures chargées de campanes d'or, à moult grand nombre. Le cheval, que chevauchoit le varlet qui menoit le destrier en main, estoit couvert de velours et de brodure d'autre sorte* Les pages estoyent vestus de velours cramoisy, chacun ayant une grande echarpe d'or au col : et, à la ve'rité, celle pompe fut moultgrande et riche : car il y avoit es campannes, et es echarpes , huit cens marcs d'or : et ainsi avoit eu mondict signeur, pour iceluy jour, tant à la jouste, comme au tournoy, vingt -cinq couvertes : et en Testât dessusdict s'en ala en son hostel : et se retrait chacun, pour revenir au souper : qui fut tel, qu'il s'ensuit.

Celuy mesme jour de lundy fut le dernier banquet d'icelle feste : lequel fut en croissant, et en multipliant de plus en plus, tant de mets, que de suittes. Sur les tables avoit trente plats : lesquels plats furent faicts à manière de jardins : dont le pie desdicts jardins estoit faict de bresil , massonné d'argent, et la haye du jardin estoit toute d'or. Au milieu d'icelle closture avoit un grand arbre-d'or : et à l'encontre d'iceluy arbre estoit la viande. Les arbres furent de divers fruits, de diverses fueilles, et de diverses fleurs. L'un fut un oranger, l'autre un pommier, et par conséquent de toutes autres sortes : dont les fruits et fueilles, et

fleurs, furent si-proprement faicts, qu'ils sembloyent proprement arbres, et propres fruits : et les faisoit tresbeau voir. Au tour de chacun arbre avoit un roilet : où estoit escrit le nom d'une abbaïe : et ainsi furent monstrees trente abaïes, sugettes de monsieur de Bourgongne : dont l'une fut Clugny, et l'autre, Cisteaux, chacune mère et chef de leur ordre, en chrestienté.

Item parmy la table , et au tour d'iceux arbres , avoit plusieurs personnages, tant hommes que femmes, étofés d'or, d'asur , et de soye : qui tenoyent diverses contenances. Les uns tenoyent manière de getter battons contre les arbres : et les autres avoyentde grandes perches, pour abatre des fruicts. Aucunes femmes tenoyent leurs chapeaux, pour recueillir les fruits : et autres tendoyent les mains par bonne contenance.

Item avoit pareillement parmy les tables autres personnages d'hommes et de femmes, richement étofés : dont il y avoit les aucuns , deux à deux, portans une civière : autres , portans crétins (0 et panniers sur leurs testes : autres, portans panniers en leurs mains : autres, portans la hotte : et autres, portans panniers à merciers , en leur col : et furent iceux panniers et portages chargés d'espices, d'oranges, et autres fruits: et d'iceux personnages estoyent les tables tresrichement parées.

Item et sur lesdictes tables avoit trente pastés : dont sur chacun avoit un chapeau de vigne, plein de fueilles et de grappes, blanches, et vermeilles, si-bien faictes, que ce semhloit proprement raisin. Item , et au plusbeau deladicte table, et à l'endroit de Monsieur, avoit

{*) Crétins ; petites corbeilles.

d'olivier de la marche. 887

un riche édifice , fait des mains de maistre Stakin , chanoine de Sainct-Pierre de l'Isle. Cestuy édifice estoit haut et somptueux , et mouît soubtivement faict : car il y avoit un palais , et un haut mirouer , où Ton voyoit personnages incongnus. Il y avoit personnages et morisques mouvans, moult-bien et soubtivement faicts, roches, arbres, fueilles et fleurs : et devant iceluy palais avoit une fontaine , qui sourdoit du doigt d'un petit sainct Jehan. Celle fontaine rendoit eauerose, moult-soubtivement, contremont : et sembloit que celle fontaine arrosast les arbres et jardins d'iceluy banquet : et certes la fontaine fut moult-bien et soubtivement faicte : et , après que la signeurie eut regardé les tables , et ordonnances bien au long, chascun s'alla soir , qui mieux mieux.

Assez tost après entra parmy la salle deux geans de merveilleuse grandeur , richement et estrangement habillés en armes : et estoyent embatonnés de merveilleux bâtons : et après eux venoit, en leur conduite, une baleine, la plus -grande et la plus- grosse, qui fut jamais veue par nuls entremets et prescris, en un personnage. Ceste baleine avoit bien soixante pies de long, et de hauteur si-grande, que deux hommes à cheval ne se fussent point veus l'un l'autre aux costés d'elle : ses deux yeux estoyent des deux plus-grans mirouers, que l'on avoit sceu trouver. Elle mouvoit les aellerons, le corps, et la queue, par si-bonne façon , que ce sembloit chose vive : et en celle ordonnance marcha parmy la salle, au son de trompettes et de clairons , jusques à tant qu'elle eut fait un tour parmy la salle, et qu'elle fut retournée devant la table , où mangeoit mon signeur , et la plus grande

signeurie : et prestement ouvrit ladicte baleine la gorge ( qui estoit moult-grande ) et tantost en saillit deux sirènes, ayans pignes et mirouers en leurs mains : qui commencement une chanson estrange emmy la place : et au son de celle chanson saillirent l'un après l'autre , en manière de morisque : jusques au nombre de douze chevaliers de mer, ayans en l'une des mains talloçhes , et en l'autre battons deffensables : et tantost après commença un tabourin à jouer dedans le ventre de la baleine : et à tant cessèrent les sirènes de chanter : et commencèrent à danser aveques les chevaliers de mer : mais entre eux se meut une amoureuse jalousie, tellement que le débat et tournoy commença entre les chevaliers : qui dura assez longuement : mais les geans, à tout leurs grans battons, les vindrent départir , et les rechacérent dedans le ventre de la baleine , et pareillement les sirènes : et puis recloït la baleine la gorge, et en la conduitte des deux geans reprit son chemin, pour s'en retourner par où elle estoit venue : et certes ce fut un moult-bel entremets : car il y avoit , dedans , plus de quarante personnes. Sur ce point furent les tables levées : et commencèrent les danses : et tantost après ( pource qu'il estoit tard ) les roys-d'armes et les heraux se mirent en la queste , pour sçavoir à qui le prix seroit donné. A quoy il y eut de grandes différences : car le chaplis (0 des espees avoit esté grand, et bien-combatu, et s'y estoyent tant de grans et bons personnages si- bien monstres, qu'à la vérité on ne sçavoit à qui donner le prix. Les dames , toutes d'un acord , disoyent que monsieur de Bourgongne le devoit avoir : pource

(0 Chaplis : combat.

d'olivier de là marche. 38g

qu'il s'estoit moult-bien éprouvé à celuy tournoy : et consideroyent en-outre, qu'il avoit ce jour tresrudement jousté : parquoy, mis ensemble le tournoy et la jouste , leur avis estoit tel , que dit est : mais mondict signeur ne le voulut accepter : et , pour finale conclusion , fut avisé que messire Jehan d'Ondeville , frère de la royne d'Angleterre, auroit le prix : et fut faict pour trois raisons. La première ? pource qu'il estoit estranger , et qu'aux estrangers , en toutes nobles maisons , doit on faire l'honneur. La seconde , pource qu'il estoit bel et jeune chevalier , et aux jeunes gens doit on donner courage de persévérer en bien faire : et la tierce raison, pource que, tant à la jouste qu'au tournoy, il s'estoit bien et honnorablement aquité. Si luy fut présenté le prix par une des dames de-pardeça , et par une autre d'Angleterre, des plus-grandes et des meilleures maisons , comme il est de coustume en tel cas.

Monsieur d'Argueil ( qui avoit eu le prix de la jouste ) vint requérir à Monsieur, qu'il peust faire crier une jouste au l'endemain : et s'acompaigna de plusieurs nobles-hommes , apris au mestier. Laquelle jouste fut merveilleureusement-bien joustee , et de bon bois : et gaigna mondict signeur d'Arguel le prix de ceux de dedans , et un jeune escuyer , nommé Billecocq , eut le prix de ceux de dehors : et , pource que c'est chose commune de jouster à la foulle , je n'en fay autre relation.

Le mardy, dixième et dernier jour de celle feste , fut la grand salle parée en tel estât comme le premier jour des noces : excepté du grand buffet, qui estoit au milieu de la salle. Les trois grandes tables y furent

3t)0 MEMOIRES

drecees et couvertes : et fut assis mondicl signeur de Bourgongne au milieu de la haute table : et à sa main dextre estoit assis monsieur le légat, et puis l'evesque de Verdun, et monsieur l'evesque de Mets. A la main senestre estoit monsieur de Ravastain , et après luy monsieur d'Escalles. La table de la dextre main estoit ton te pleine de barons, chevaliers, et nobles-hommes, anglois, et celle du senestre costé pareillement des gens de l'hostel de Monsieur. Au milieu d'icelle salle avoit trois tables drecees, mises du long. En la première estoyent assis huissiers, et sergens-d'armes : en l'autre, roys-d'armes, et heraux : et, en la tierce, trompettes et ménestriers : et, au regard du service, il fut grand et sollennel, et de plus en plus, en multiplication de plats et de viandes : et sur la fin du disner se levèrent roys-d'armes et heraux, et vestirent leurs cottes-d'armes : et puis prirent deux roys-d'armes un batton , et le mirent sur leurs espaules : et sur icelny bâton portoyent les deux roys-d'armes un grand sac plein d'argent : et vindrent crier, devant la personne de monsieur le duc, Largesse > comme il est de coustume, et pareillement es deux bouts de la haute table: et puis s'en alérent parmy la salle : et trompettes et clairons sonnèrent, tellement que tout retentissoit. Apres les tables levées, et grâces dictes , tandis qu'on ala quérir les espices, vindrent les ôfficiers-d'armes de sa maison devant luy : et là publiquement il changea les noms de plusieurs : et fit, de heraux, roys-d'armes, et mareschaux : et, de poursuivans, heraux : et de nouveaux poursuivans baptisa il, comme' il est de coustume : et ainsi se passa la solennité et triomphe d'icelle feste : car l'endemain, pour une affaire qui

D*OLrIVIER DE I-A MARCHE. 3û*

Survint à mondict signeur au pais de Holande, il se tira celle part : et prit congé de la duchesse de Nolfolck, et des autres signeurs et dames d'Angleterre, et leur donna dons, chacun selon sa qualité, et aux nobles-hommes et aux dames. Et à tant se taist le compte de ceste noble feste : et ne say pour le présent chose digne de vous escrire fors que je suis le vostre.