CHAPITRE V
Comment le duc Charles de Bourgongne se saisit de la duché de Gueldres et de celle de Lorraine aussi.
Thois ou quatre ans devant les choses dessusdictes , le jeune duc de Gueldres, avoit pris son père, le duc Arnoul, et l'avoit mis en prison, luy imposant certains cas assez deshonnestes : dont le duc Charles de Bourgongne ne se contentoit point du jeune duc Adolf : et avint que le jeune duc vint voir monsieur de Bourgongne : qui le fit prendre et arrester, pour le contraindre à luy rendre son père le duc ArnouL Ce qui fut faict par traitté de temps : mais le duc Adolf fut tousjours détenu prisonnier du duc de Bourgongne.
Au temps dessusdict , le roy de France et le duc de Bourgongne prirent en haine Louis, comte de Sainct-Pol, connestable de France : et, pour conclusion , tant se continua ceste haine , qu'ils le firent mourir publiquement (0. De ceste mort je ne quier
W Le connétable fut décapité à Paris le 19 décembre i4;5.
guéres parler : car je ne fappreuve , ne contredy, et en laisse faire aux nobles princes dessusdicts : qui en ordonnèrent à leur plaisir. Et en cedit temps le duc de Bourgongne tint sa feste de la Toison en la vile de Valentiennes : et y fut le signeur de Grouy : duquel le duc de Bourgongne s'estoit nouvellement contente' : et vaut bien à ramentevoir que ceux de Crouy avoyent un neveu, nommé messire Jehan de Rubempré : lequel fut si-bon et si-cordial parent, qu'il fit la paix de tous ses parens envers le duc : dont il eut grand honneur, et bonne renommée.
Celle feste de la Toison d'or fut moult-belle et somptueuse : car quant aux manteaux des confrères (qui n'estoyent que d'escarlatte ) le duc Charles les fit faire de velours cramoisy : et estoit moult-belle chose à voyr, tant les chevaliers comme les pareures : et ainsi fut celle feste moult-notablement célébrée : et là furent chevaliers de Tordre le signeur de Clecy, le signeur d'Imbercourt, comte de Maigne, le comte de Cimay, ledict messire Jehan de Rubempré, messire Anglebert de Nassau, comte de Vienne, et plusieurs autres, dont je n'ay point de souvenance : et , ce jour, messire Jehan de Luxembourg tint unes joustes , contre tous venans : et fut merveilleusement pompeux et acompaigné, de sa personne : et gaigna ce jour le prix messire Jehan Raolin, aisné fils du signeur d'Emeries : et^ au partir d'icelle feste, le duc tira son armée au pais de Gueldres : et conquesta tout le païs, sans grande résistance : réservée la vile de Vannelock (0 qui soustint ne sçay quants jours le siège : mais en fin ils se rendirent, comme les autres : et
(0 Vannelock : lisez Venloo.
d'olivier de là marche. 3g3
ainsi fut le duc de Bourgongue duc de Gueldres (0 : et fit passer ses gens le Rin , pour aler conquérir la comté de Zutphem. Ce qui fut légèrement faict : et les gougeas de l'hostel du duc aloyent tous les jours voir les dames à Devantel : qui sont femmes moultgracieuses, et qui prennent plaisir à festeyer estrangers. Le duc laissa à Zutphem messire Baudoin de Launoy, signeur de Molembais, le Veau de Bousanton, et plusieurs autres bons gens-d'armes: et puis repassa la rivière du Rin : et prit son chemin contre Bourgongne.
Le duc passa par Ferrette, et vint en Bourgongne : et à Sainct-Benigne de Digeon luy fut, par l'abbé, mis au doigt un riche anneau , en l'espousant du duché de Bourgongne, ainsi que c'est l'ancienne coustume : et s'en retourna le duc en son hostel : auquel il tint estât de duc, et ses principaux officiers aveques luy : comme le chancelier, le premier chambellan, le mareschal, et le grand maistre-d'hostel : et estoit belle chose de voir iceux en leur triomphe : et, après avoir demouré à Digeon huict ou dix jours, le duc ordonna ses affaires , et ala faire un tour par la comté de Bourgongne, et visiter et aorer (2) le corps de monsieur sainct Claude (qui est un noble reliquaire) et s'en revint par Lyon le Saunier ( où il trouva le pi ince d'Orange, qui le festeya grandement) et de là retourna à Digeon : et n'y arresta guéres : mais disposa de s'en retourner en Flandres : et s'arresta à Luxembourg, pour aviser sur ses besongnes.
(0 Duc de Gueldres. Le droit de Charles à ce duché étoit la vente qui lui en avoit été faite par AruQul, dont il avoit pris la défense. — (3) Aorer : honorer.
En ce temps Henry, comle de Vistemberg, vint passer pi es dn duc , ses gens tous vestus de jaune : et fut le duc averti que c'estoit contre luy. Si l'envoya prendre, et amener prisonnier : et en sa prison promit au duc de luy rendre le chasteau de Monbeliart : et fusmes envoyés monsieur du Fay et môy, pour avoir la place : mais le comte Henry ne pouvoit fournir à sa promesse : car la coustume de Monbeliart est telle, que plus-tost verroyent les soudoyers couper la teste à leur signeur que de rendre une telle place : mais la gardent jusques au dernier des signeurs, qui demeure en vie : et ainsi nous en revinsmes, sans rien faire.
En ce temps (0 mourut le duc Nicolas, fils et seul héritier de monsieur Jehan de Calabre : et, au regard du duc, il vouloit bien dissimuler le temps aveques le duc Nicolas : mais au duc Régnier, fils du comte de Vaudemont (à qui l'héritage venoit ) il ne se pouvoit acorder ne dissimuler : et , quand le duc Nicolas fut trépassé, le duc de Bourgongne entra au pais, à main forte : et se fit duc de Lorraine, sous la querelle que les Lorrains l'avoyent abandonné devant Nuz, à son grand besoing : et si-bien exploita, qu'il chacea le duc Régnier (2) hors du païs , et gaigna tout le païs de Lorraine en peu de temps : et se tint Nancy : qui assez tost parlementa : et fut rendue (3) par appointeront : et ainsi en une saison, ou bien près, il se fit duc de Gueldres et de Lorraine : et establit messire Jehan de Rubempré pour gouverneur de Lorraine : et y laissa bonne garnison, et principalement
(0 En ce temps : au mois daout i^S- — (a) Le duc Régnier : le duc René. — C3) Fut rendue : en novembre i4/6-
d'Anglois : et de là s'en ala en Bourgongne : et est vray que grans languages estoyent tenus du jeune duc de Savoye, et de madame Marie, fille du duc de Bourgongne.
