CHAPITRE X

Z)e Z<z nativité de madame Marguerite d* Austriche : et du mariage d'icelle avec le dauphin Charles : de la mort du roy Louis onzièiue^ et d'autres particularités.

En ce temps madame l'archeduchesse, estant à Brucelles , s'acoucha d'une fille (0 , dont madame la Grande fut commère : et fut celle fille, Marguerite, qui depuis deust estre royne de France, et dont on luy fit tort : et fut celle mesme Marguerite, qui espousa le prince de Castille : mais il ne vescut gue'res : combien qu'il laissa madicte dame grosse d'un fils : qui ne vescut pas longuement. Et, pour donner à entendre ce, qui avint entre le roy Charles et madicte dame Marguerite, combien qu'ils fussent fiance's et espousés, la consommation du mariage estoit à parfaire : et en ce temps la guerre estoit grande entre France et Bretaigne, et avoit le roy des Rommains, par procureur (qui fut messire Wolfart de Polhem, beau chevalier, et homme de vertu) fait espo; ser la duchesse, héritière de Bretaigne : et le roy de France luy faisoit guerre de toutes pars : et croy bien que le roy des Rommains ne fit pas si grande diligence à aider et secourir la duchesse de Bretaigne, comme il devoit : et, durant ce temps, le prince d'Orange, amy des François et des Bretons, se mit en pratique,

i})S'acoucha d'une fille : le 10 janvier 1480.

d'olivier de la marche. 433

et tellement pratiqua, que le roy de France fut content d'espouser la duchesse de Bretaigne , comme la duchesse n'y mit pas grand contredict : et remonstra au Roy, que, s'il avoit celle duché de Bretaigne ajoincte à son royaume, il pouvoit bien dire qu'il avoit faicte une grande et riche conqueste : et à la duchesse remonstroit à part, que si elle estoit royne de France, elle seroit la plus -grande princesse du monde : et ainsi furent acordés : et vint le roy Charles à Nantes, fort-acompaigné de nobles-hommes, et de beaux gens-d'armes, et prestement furent fiancés et espousés (0 : et celle nuict couchèrent ensemble : dont ledict de Polhem (qui se veit abusé) fut merveilleusement troublé, ne jamais ne voulut aler , ne se trouver en l'hostel du Roy, ne de la duchesse de Bretaigne : et assez tost après vint le Roy, où estoit madame Marguerite , pour prendre congé d'elle : et ainsi fut la départie du roy de France, et de celle, qu'il avoit le premier prise : et ne fut pas sans pleurs, ne sans larmes , d'un costé et d'autre : et de ce fut le roy des Rommains bien tost averty, par un gentilhomme, maistre-d'hostel de madicte dame Mai guérite, nommé le Veau de Bousanton : qui loyalement se porta en ceste besongne. Mais j'ay tousjours ouy dire, que contre forts, et contre faux, ne valent ne lettres ne seaux : et ne fait pas à douter que le mariage de monsieur le Dauphin , et de madame Marguerite d'Austriche, fut bien dicté et bien seelé, et que par raison de droit on n'y pouvoit rien changer ne muer : mais les forts (c'est à dire la puissance du roy de France) et les faux hommes de son conseil ?

10 Espousés : ce mariage fut célébré en i4oT*

tournèrent ceste raison en mesus (0 de justice : et ce fut faict pour le mariage de Bretaigne : comme dict est : et madame Marguerite d'Austriche (qui avoit esté tenue neuf ans pour devoir estre royne de France) sans l'avoir desservi fut expulsée du mariage, où elle avoit esté donnée : et, tantost après, monsieur Tarcheduc, son frère, envoya le comte Angiebert de Nassau, pour pratiquer que sa sœur luy fust rendue. Ce qu'il obtint à grand peine.

Toutesfois les François, voyans que ce leur estoit plus de honte, que d'honneur, de tenir ceste noble princesse, la rendirent à mondict signeur de Nassau : et la fit le Roy honnorablement acompaigner, et la remener à son frère : qui la receut de bonne affection et voulonté : et luy ala l'archeduc et la noblesse audevant, bien une lieue : et descendirent tous deux à terre, pour eux bien-viengner : et faisoit l'archeduc à sa sœur tout tel , et aussi grand honneur, que s'elle eust esté royne de France : et ainsi fut amenée à Malines , et receue à grand'jôye : et Tacompaignoit madame de Ravastain, fdle du comte Louis de Sainct- Pol, et d'une fille de Savoye.

En ce temps (2) les Gandois faisoyent pratiquer d'avoir les enfans en leurs mains : et s'adrecérent , pour mener leur pratique, à aucuns d'entour le prince : et tant pratiquèrent, qu'il fut ordonné que chacun pais auroit les enfans en leurs mains , chacun quatre mois : et furent menés les nobles enfans à Gand, poulies quatre premiers mois : mais, quand on les demanda

aux Gandois, pour les mener en Brabant, ils furent

(*) Mesus : abus. — (a) En ce temps : à l'époque de la naissance ck

Marguerite.

d'oUVIËR DE LA MARCHÉ. 4^5

refusans : et dirent qu'ils avoyent privilège de gouverner les enfans du prince , en leur jeunesse : et y avoità Gand un nommé Guillaume Rin, qui les mettoit tous à quérir des choses déraisonnables : et ainsi furent lesdicts enfans refusés par ceux de Gand : et en ce temps (0 madame l'archeduchesse acoucha, en la vile de Brucelles, d'un fils : lequel le duc de Bretaigne fit tenir sur les fons par monsieur le comte de Chimay : et l'autre compère fut le cardinal de Ciugny : et fut baptisé solennellement à Saincte-Goulle : et eut nom François, pour le duc de Bretaigne : mais il ne vescut guéres , et mourut en l'aage de quatre mois : et est enterré à Cambergne, devant le grand auteL

En ce temps maistre Jehan du Fay s'acointa des François : et pratiquèrent le mariage de monsieur le Dauphin, fils du roy Louis, avec madame Marguerite d'Austriche, fille du duc d'Austriche : et se firent forts les eslats des païs d'iceluy mariage, en intention d'avoir paix : et, conclusion, celle nostre princesse, environ l'aage de cinq ans, fut amenée à Hedin : où madame de Beau jeu la receut, comme Dauphine : et, toutes choses pourparlees, le signeur des Cordes fit acompaigner madicte dame, et mener à Amboise : et luy fut baillée, pour dame d'honneur, madame du Secret : qui moult bien s'en acquitta : et nourrît madicte dame en toute bonté et vertu : et n'amena aveques elle que la femme du Veau deBousanton (qui estoit sa nourrice) et ledictVeau et son frère, aveques peu de gens de nostre nation : et certes, pour dire la vérité, le roy Louis fit bien traitter, et honnorablement, madame Marguerite : et, tant qu'elle fut en

W En ce temps • en i/|8i.

France, elle fat bien et honnorablement traittee, et jusques à ce que le roy Charles la laissa pour une autre : comme j'ay dit dessus.

En ce temps mourut le roy Louis (0 : et fut roy, Charles son fils : et assembla l'archeduc son conseil , pour sçavoir qu'il estoit de faire : et fut en la vile d'Utrecht : et trouva par conseil, que prestement il devoit envoyer, devers le roy Charles, un ambassade, chargé de toutes bonnes et gracieuses parolles : et fut ordonné que je feroye ce message : et tant alay, que je trouvay le Roy à Bogency, Là estoit monsieur de Bourbon, connestable de France, monsieur d'Orléans, monsieur deBeaujeu, et madame de Beaujeu, sœur du Roy, laquelle gouvernoit tout le royaume. Le Roy, de sa grâce , me bailla bonne audience : et n'arrestay guéres, que je ne fusse dépesché, pour retourner devers l'archeduc mon maistre. En ce temps monsieur d'Orléans , par congé du Roy, fit son entrée en sa cité d'Orléans : où je me trouvay : et certes l'entrée fut belle et honneste : et y estoyent, pour Facompaigner, la plus-part des gens-de-bien de France : et , celle entrée passée , je pry congé : et m'en retournay devers l'archeduc mon maistre : lequel s'en revenoit à Malines.

(*) Le roy Louis : Louis XI mourut le 3o août i483.

d'olivier de la marche. 4^7