DES FINANCES

Le duc a en son hostel la chambre des finances, en laquelle se rapportent tous les deniers de ses pays ordinaires et extraordinaires. Là viennent tous les deniers, et les receptes, et de là sont distribuez les appointemens aux officiers , selon ce qu'ils ont de charge. Là sont ordonnez deux protonotaires d'église grands seigneurs, et deux notables chevaliers, et à ce bureau sient iceux quatre, en chef le maistre de la chambre aux deniers, et celuy reçoit les appointemens pour la despence ordinaire , tant de bouche comme de gages , qui montent bien par an à plus de quatre cens mille livres. Là sied le trésorier des guerres, qui reçoit en sa main tous les appointemens de tous les gensd'armes de pied et de cheval, ordinaires et extraordinaires , et monte par an l'ordinaire de huict cens mille livres, et extraordinaires communément à huict vingts mille livres, et départ îccux deniers aux clercs et commis dessoubs luy, pour en faire la distribution. Là sied l'argentier, auquel son baillez les appointe-

mens pour payer les dons des ambassades et voyages, le faict des habillemens et garderobbe , et autres choses extraordinaires, et n'est pas chose que l'on puist mectre en reigle et en nombre : mais je suis acertené, que le duc Charles a despendu pour celuy estât seulement chascun an , l'un portant l'autre , plus de deux cens mille livres. Là sied le receveur gênerai , qui rend compte de toutes les receptes , et qui touttes viennent en sa main , et à qui les receptes particulières, toutes en gênerai, viennes en compte. Là est Taudiencier qui signe touttes matières des finances, et non autres, et ne sient à iceluy bureau sinon les dessusnommez. Là vient le duc bien souvent, et ne se cloent nuls comptes sans luy, ou sans son sceu. Il signe de sa main tous appointemens de tous dons, il signe tous comptes et tous rolles, il sçaitbien ce qu'il a vaillant, et ce qu'il despend, tout chet en sa main , et tout en vuyde (0, et luy mesmes sied au bout du bureau , jecte et calcule comme les autres, et n'y a différence en eux en iceluy exercice, sinon que le duc jecte en jects d'or, et les autres de jects d'argent. En icelle chambre y a une petite table à part , où sied le greffier et les clercs, et est fermée de portiers et autres officiers, comme il appartient.

Or ay-je devisé des quatre chambres ordinaires de l'hostel du duc , si est nécessité et besoing de reciter

(•) Tout chet en sa main , et tout en vuyde : tout tombe dans ses mains, et tout en sort.

le nombre des grans pensionaires qui sont en la maison , où il y a six ducs , et douze autres grands personnages f princes, comtes et marquis, et se payent iceux par les mains de l'argentier, comme il est escript cy dessus.

Et au regard de Testât des dames et de leur pension, je n'en fay pas grande mention, combien que ce soit en fraiz pour le prince par an plus de quarante mille escus.

Il est besoing que j'entre à deviser Testât ordinaire et comptes par les escroues (0 de Thostel du duc, et certifie qu'il a en sa maison outre et pardessus les dessusnommez, quarante quatre personnages, tant princes, comtes, marquis, et grands barons, qui sont journellement comptez par les escroues. Item vingt chevaliers comptez par demyan, les uns contre les autres. Item trente chevaliers, comptez par quatre mois, qui est à entendre, tousjours dixd'iceux trente. Item quarante autres chevaliers, qui sont comptez par trois mois, à entendre tousjours dix d'iceux quarante.

Item outre et pardessus iceux chevaliers comptez par termes, le duc a quarante autres chevaliers, qui sont tousjours comptez aux gages et pensions, et ont tel estât, qu'ils ont chascun un homme d'armes avec eux, ainsi sont quatre vingts hommes d'armes en icelle compaignie, et sont iceux chevaliers, et leurs hommes, gouvernez et conduits par quatre autres notables chevaliers, comtes, marquis et barons, lesquels sont chefs chascun de dix chevaliers, et leurs hommes d'armes, et chevauchent par chambrées en armes, et soubs la cornette de leur chef,

(*) Les escroues : les registres.

Le duc a un premier chambellain , comme desja il est escript cy dessus, soubs lequel sont et respondent tous les chambellains chevaliers, dont cy dessus est escript, et peuvent en toutes causes du bureau, avoir leur renvoy devant ledit chambellain, il a la clef de la chambre du prince, il a le seau du secret en garde devant tous autres , son droict est de porter la bannière en bataille, des fiefs et hommages des nobles faicts au prince, il doibt prendre le serment, il a la première chambre après le prince, et a plat et service comme luy mesmes, et doibt estre obey en ses commandemens, comme le lieutenant du prince.

Le duc a un grand maistre d'hostel, qui peut en tous consaux (0, tant de la justice comme de la guerre, et se doibvent adresser à luy reçoiptes et "cœullotes (2) de princes, et d'ambassades, il peult servir aux quatre nataulx (3) de l'an, et quant le prince tient estât solemnel. Et doibt aller devant la viande du prince, le baston levé' en contremont, mais il ne doibt point faire les essays en la cuysine , mais les doibt faire le premier maistre d'hostel , ou l'un des aultres maistres d'hostelsen son absence. Et la viande assise devant le prince , le grand maistre d'hostel a toutes les couvertures de tous les mets , dont le prince est servy , tant de la première fois, comme de la seconde, et de tout le service qui est à iceluy disner. Et pour donner mieulx à entendre, ces choses sont le droit d'un grand maistre d'hostel en Bourgongne, mais je ne veulx pas juger qu'il eust celle authorité e's pays et seigneuries que tient le duc, si ce n'estoit

(') Consaux : conseils. — 00 Cœullotes : cérémonies de réception. — (3) Quatre nataulx : quatre grandes fêles.

que sa retenue fut generalle, donnée par le prince en droicts et prééminence, tels qu'il les peult avoir en Bourgongne.

Le duc a un premier maistre d'hostel , qui a chambre et plat en l'hostel du prince, comme le premier chambellain , et au surplus a quatre autres maistres d'hostels , lesquels avec le premier, ont le regard à la police de la maison du prince, à l'union des nobles hommes, et autres seigneurs domesticques, ils conduisent les cérémonies et ordre de l'hostel , ils ont le regard à la despence du prince , ils tiennent le bureau une fois le jour, pour compter la despence du jour précèdent, et pour faire justice à un chascun , deux huissiers de salle sont les sergeans du bureau, qui adjournent les parties aux requestes d'autres parties, et dedans trois jours, faict on justice à chascun par justice sommiere, et du bureau nul ne peut plus appeller. A ce bureau sient les maistres d'hostel, le maistre de la chambre aux deniers, le controlleur, et deux clercs d'office, et nuls aultres quels qui soyent. Le maistre de la chambre aux deniers voit la despence, dont il fault qu'il face payement, et par jour monte plus de huit cens livres, comprins gaiges, et despens de bouche , qui se payent seullement par ses mains. Le controlleur voit si la despense est bien employée, et en advertist les maistres d'hostel, et void si les clercs d'office ont bien recueilly la despense du jour précèdent , les clercs d'office rapportent au bureau les parties despensées en chascun office, et les escrivent par parties et par office , en un rolle de parchemin pour chascun jour , et les maistres d'hostel , le maistre de la chambre aux deniers, le controlleur

DE CHARLES LE HARDY. /±{)l

jectent et calculent icelles parties , et sur ce sont mises les sommes , et pour ce faict , ont tous les ans un chascun d'eux, pour un marcq de jets d'argent, aux armes et devises du prince, et pareillement font tous les jours un rolle de tous les noms et surnoms, de ceux qui sont comptez par les escroues, grans et petits , de quelque estât qu'ils soyent. Et à la fin des noms d'un chascun , est escripte la somme de combien en sont comptez par jour, et de ce comptent et royent (0 les maistres d'hostels à leur discrétion, et selon les ordonnances du prince. Et lesdites sommes de despence et de gaiges calculées , et jecte'es , se mettent tout en une somme du jour, et sont toutes les parties particulières, d'office en office , ensamble les sommes des gaiges, et puis les deux parties ensamble par une somme du jour mises , et escriptes en un fueillet pour chascun jour, au papier du controlleur, et faict-on tous les ans pour chascune année un controlle , où il y a aultant de fueillets , qu'il y a de jour en l'an, et non plus, et ne peult-on escrire en iceluy controlle , que en la présence des maistres d'hostel , et à la fin de l'an , se porte à la chambre des comptes , et sert pour veoir si les rolles journellement au maistre de la chambre aux deniers se rapportent à iceluy controlle. Les clercqs d'office escrivent toutes les autres lettres et appointemens , faicts au bureau , et tous les jours vont en chascune office recueillir les parties de leur despence, pour en rendre compte, comme il est escript cy dessus.

Le duc a quatre sommelliers pour sa chambre, dont le premier sommellier à court , chambre et plat ,

(0 Rojenl : disposent.

comme les maistres d'hostel , et mengent les aultres sommelliers avec luy. Et ont iceux sommelliers les clefs de sa chambre, et peuvent à toutes heures devers le prince.

Item a le duc pour sa chambre seize escuyers qui sont gens de grande maison, et servent iceux escuyers d'accompaigner le prince, où qu'il voyt, à pied, ou à cheval, ou d'avoir regard sur sa personne, et sur ses habillemens. Ils couchent près de sa chambre pour une manière de seureté pour sa personne. Et quant le duc a tout le jour labouré sur ses affaires, et donné audience à un chasrun , et se retrait en sa chambre : iceux escuyers vont avec luy , pour luy faire compaignie. Les uns chantent , les autres lisent romans et nouvelletez , les autres se devisent d'armes et d'amours, et font au prince passer le temps en gratieuses nouvelles. Lesdits escuyers peuvent à toutes heures en la chambre du prince, s'il n'y a conseil, ils ont chambre à court, plat et viande comme les maistres d'hostel du prince.

Et pour ce que j'ay commencé à parler de la chambre du prince, je continueray sans avoir regard aux estats , mais pour faire mieux par ordre.

Le duc a six docteurs médecins, et servent iceux à visiter la personne , et Testât de la santé du prince. Et quant le duc est à table, iceux médecins sont derrierre le banc, et voyent de quoy, et de quels mets et viandes l'on sert le prince, et leur conseillent à leur advis , lesquelles viandes luy sont plus prouffi*tables : ils peuvent à toutes les heures en la chambre du prince. Et sont gens si notables, si bons, et si grands clercs, qu'ils peuvent estre à beaucoup de con-

DE CHARLES LE lî.UlDT. f\(J$

seil, et ont plat à court, comme le premier sommeiller, mais ils n'ont point de chambre ordinaire.

Le duc a quatre chirurgiens , ces quatre servent pour la personne du duc, et pour ceux de son hostel, et autres , et certes ce ne sont point de ceux, qui ont le moins affaire en la maison , car le duc est prince chevaleureux , et de tel exercice de guerre , que par blessure de coup à main , de trait de pouldre ou autrement, il a bien souvent tant de gens blessez en sa maison, et en ses ordonnances, que aultre part, en divers lieux blessez, que cincquante chirurgiens cliiigens, auroyent assez à besoigner , à faire leur devoir des cures qui surviennent, et pour ceste cause a ordonné le duc en chascune compaignie de cent lances un chirurgien, lesdits quatre chirurgiens du duc ne prendent rien des pouvres , ne des compaignons estrangiers, qui sont au service du prince, et s'attendent à luy de la satisfaction de leurs onguements et drogueries, et peuvent à la chambre à toutes heures comme les médecins.

Le duc a un garde de joyaux , et son aide ,' et est iceluy garde des joyaux fort privé du prince, car il a en ses mains un million d'or vaillant, et sert à garder les deniers de l'espargne du prince , tous ses joyaux d'or et pierries dont le duc est riche , et lequel en a les plus belles qu'on sache, il a en sa main toute la vasselle d'or, et d'argent , et tous les ornemens de sa chapelle. Et je cuide qu'il a en vasselle d'argent , que blanche que dorée , cinquante mille marcs en ses mains.

Le duc a bien quarante vallets de chambre , dont la plus grand part servent tousjours, et les autres sont comptez par terme, et servent iceux en la chambre

en diverses manières , les barbiers en leur estats , les chausseteurs, tailleurs, cousturiers, fourreurs, et cordonniers, cbascun en leur estât. Les painctres font les cottes d'armes , banieres , et estandarts , les autres vallets de cbambre servent de faire le lict , et à mètre à point la cbambre , et doibt le fourier battre et escourre (0 le lict, et mètre à point la cbambre, c'est à sçavoir , la coustele (2) , et le cousin , où le prince doibt gésir , et pour ce seullement le fourrier est nommé vallet de cbambre , et doibvent les principaux estendre les linceux , et la couverture. Et doibt le sommelier tenir une torche en ses mains pour veoir faire le lict, et après refermer les gourdines (3). Et doibt l'un des quatre sommeliers garder le lict, jusques à tant que le prince soit couché.

Le duc a. deux espiciers et deux aides, et sont iceux espiciers si privés du prince , qu'ils luy baillent, sans nuls autres appeller, tout ce que le prince demande touchant médecine, l'espicier apporte le drageoir du prince, jusques à sa personne, à quelque grand feste , ou estât que ce soit, et le premier chambellain prend le drageoir et baille l'assay à l'espicier, et puis baille le drageoir au plus grand de l'hostel du duc qui là soit, et sert iceluy du drageoir le prince, et puis le rend au premier chambellan, et le premier chambellan à l'espicier, ledit espicier délivre toutes drageries et confitures, il faict et délivre l'ypoçras, et a pris ordinaire en la livre d'espice de chambre, et en la quarte d'ypocras, et se conte par les escroes, soubs Testât de la fourrière.

(0 Escourre : secouer. — (a) Coustele : le lit de plume. — (3) Gourdines: rideaux.

DE CHARLES LE HAUDT. 4î>^