DISCOURS

GASPAR DE COLLIGNY

VW*»WH/VW1,»V

Il pourroit estre qu'il y en auroit aucuns qui, pour n'avoir léu ce petit discours tout au long, et avoir mis le nez dedans seulement , ou par faute de bon jugement, estimeroient que je l'eusse fait par forme de justification; mais devant que d'entrer plus avant à la lecture d'iceluy, je supplie un chacun d'oster cela de son opinion, pour deux raisons principales : la première, qu'il n'est pas besoin de se justifier quand l'on n'est accuse' de personne, et que je me sens si net en ce qui touche mon honneur, que je ne crains point le pouvoir estre. La seconde est que, quand je le serois d'aucun , je sens mon cœur assis en assez bon lieu pour le pouvoir deffendre, comme il appartient à un gentilhomme, homme d'honneur et de bien, et pour en pouvoir respondre à un chacun selon la qualité, sans venir aux escritures ny en faire un procez, comme font les advocats. Je veux bien aussi déclarer la raison qui m'a meu à faire ce petitdiscours afin qu'un chacun l'entende : c'est que , me retrouvant prisonnier après la prise de la ville de Sainct- Quentin, me souvenant que nous n'avons rien de certain en ce monde que la mort, et 3a, 27

au contraire rien de si incertain que l'heure d'icelle, j7ay bien voulu mettre par escrit comme toutes choses se sont passées sous ma charge, depuis le jour que je partis de Pierrepont, où je laissay M. le connestable avec l'armée, jusqu'à celuy que ladite ville fut prise d'assaut ; car il me semble qu'il n'est rien plus raisonnable que ceux qui sont employez aux charges en rendent eux-mesmes compte fidèlement, et ne fust ce que pour une seule raison ; laquelle est qu'il advient ordinairement que ceux mesmes qui ont esté en mesme lieu en parlent différemment; les uns pour faire penser que rien ne leur estoit caché; les autres, qui sont si aises de parler, que de ce mesme dont ils ne savent rien ils en veulent rendre compte. Il y en a d'autres qui en parlent selon leur passion , soit qu'ils veulent bien ou mal aux personnes; d'avantage, qu'il y a tant de sortes d'escriveurs, et mesme aux pays estranges, qu'il ne se faut point esbahir si ceux-là sont bien souvent mal informez des affaires qui passent loin d'eux, quand mesme ceux qui sont sur les lieux en parlent diversement, pour les raisons cy-dessus déclarées.

Parquoy, tout bien considéré, il me semble estre plus raisonnable que ceux qui tiennent la queue de la poésie rédigent telles choses par escrit, que nuls autres, afin qu'ils mettent la vérité toute nue, sans la farder ou couvrir; autrement ils devroient avoir grand honte si en aucune chose ils sont desdits ou ne sont trouvez véritables; car cela pourroit faire penser qu'en tout le reste de ce qu'ils auroient mis par escrit il y pourroit avoir du déguisement. Je proteste donc que tout ce qui s'ensuit est fidèlement escrit; et s'il y a

quelque omission, il me semble que ce n'est point des principales choses ny de celles qui importent; et si aucunes y en a, je prie ceux qui liront ce présent discours, ou qui rouiront lire, de m'en vouloir advertir. Je n'y ai point spécifié les journées, pour n'en estre asseurement memoratif , et pour ne point errer.

Je dis donc qu'après que les ennemis eurent passé le trou Feron, et que La Chapelle et Guise furent pourveues de ce qu'il y falloit, je dis à M. le connestable qu'il sçavoit comme toute la frontière de Picardie estoit demeurée despourvue, et que, s'il lui sembloit bon, je m'acheminerois avec quelque bonne troupe de gendarmerie, et que cela ne pourroit que grandement favoriser ladite frontière; lui ramentevant aussi les advertissemens que je luy avois dit que journellement me faisoient messieurs de Villebon et Senarpont, qui portoient que les ennemis dévoient faire leur effort du costé de Picardie. Et ce qui me fortifioit encore le plus en cette opinion, c'estoit que les bandes espagnolles qui estoient dans le nouveau fort de Hedin, n'estoienfe point deslogées, et que je m'asseurois qu'ils ne s'attacheroient point à une place sans celles-là; car c'estoient les plus vieilles et meilleures bandes qu'ils eussent, et sur lesquelles ils faisoient plus de fondement. Il trouva bon que je m'y acheminasse, et pourtant le deuxiesme d'aoust, l'an 1 557, je partis de Pierrepont à la pointe du jour, et devant que de partir je parlay audit sieur connestable, qui me dit que je me hastasse de m' aller mettre à Sainct-Quentin.

Je partis à l'heure mes me avec ma compagnie, celles de messieurs le comte de Haran (0, de Jarnac, de La

(*) Le comte de Haran : Jacques Hamilton, comte d'Arran, proche

\lO LE SIÈGE DE SÀIIXCT - QUENTIN.

Fayette, et les bandes de clievaux-Iegers des capitaines Miraumont et Tenelles, françois, et Achisson, escossois, et m'acheminay droit à La Fere, pource que je ne pouvois prendre autre chemin , à raison que les ennemis, avec toutes leurs forces, estoient entre Sainct- Quentin et Moiïy, comme il se descouvroit aisément par les feux qu'ils mettoient dedans des forts et villages. Mais, pour estre mieux asseuré du chemin qu'ils tenoient, je mis les chevaux-legers, tant françois qu'escossois, de leur costé, et leur fis entendre le chemin que je tenois, pour me mander souvent de leurs nouvelles; ef pource que le capitaine Tenelles estoit du pays, et qu'il le cognoissoit bien, je le fis donner plus avant que tous les autres.

Estant arrivé à La Fere, il vint bientost après le sieur de Coucy, qui me dit que M. le connestable me mandoit que je m'hastasse de m'aller mettre dans Sainct- Quentin. Or n'avois-je encore nulles nouvelles de mes coureurs , et ne pouvois penser où pourroient estre lesdits ennemis : qui fut cause que j'envoyay d'autres gens à cheval pour les reconnoistre, et je pris resolution , avec ceux qui connoissoient bien le pays, de m'en aller droit à Han, pource que de là il m'estoit plus facile d'entrer audit Sainct- Quentin, à raison qu'il eust esté mal aisé qu'encore que lesdits ennemis se fussent voulu là arrester, qu'ils l'eussent si estroitement enveloppée, que par l'autre costé de l'eau je n'y fusse entré; et davantage je leur gagnois le devant pour couvrir Peronne et tout le reste de la frontière. Il y avoit bien quelque apparence qu'ils ne se

parent de Marie lStuart. Henri II l'avoit appelé en France en i55i» et lui avoit donné le duché de Châtellerault.

LE SIÈGE DE S A1NCT - QUENTIN. 42 l

vouloient pas arrester là, car ils brusloient et villages et fourrages, ce qui n'est pas accoustumé à gens qui veulent conquérir et garder un pays.

Il y avoit cinq bandes de gens de pied dedans La Fere, des capitaines Caumont, qui en avoit deux, Sainct- André, Rambouillet et Poy, ausquelles commanday de partir incontinent pour s'en aller droit à Han, encore que Sainct-Andre' et Rambouillet fussent ordonnez pour aller au Castelet , et que pour cet effet fussent partis dudit Pierrepont le soir précédant que moy à l'assiette de la garde; mais ils n'y pouvoient plus aller, pour leur estre empesché le chemin par lesdils ennemis.

Le sieur de Coucy fut présent à toutes les délibérations que je fis, parquoy je le priai de s'en retourner devers M. le connestable pour luy faire le tout entendre, mesme que je ne laissois dedans La Fere que le sieur de Wallon avec sa bande, considérant que nostre camp venoit coucher à trois lieues de là , et qu'il seroit aisé d'y remédier et y mettre d'autres enseignes.

M'estant achemine par Han, environ à demie lieue de La Fere, j'eus nouvelles de mes coureurs que les ennemis se logeoient devant Sainct-Quentin , et avoient desjà veu quelques tentes dressées près la maladerie du fauxbourg d'Isle, mais qu'il sembloit qu'une partie de leur armée couloit le long de l'eau , tirant audit Han ; parquoi les gens de pied et le bagage qui prenoient ce chemin, je les fis prendre à la main gauche par Genly, pour aller plus seurement , et moy allay droit le chemin, mettant gens devant moy pour estre adverty ; car le pays estoit assez advantageux pour

i\'l'l LE SIÈGE DE SAIN CT- QUENTIN.

prendre tel party que j'eusse voulu, au nombre d'ennemis que j'eusse trouvé.

Enfin j'arrivay àHan, et à l'entrée je rencontray Vaulpergues avec une lettre de créance du capitaine Breul , gouverneur de Sainct-Quentin , qui me fit entendre le grand estonnement qui estoit dans cette ville là, et qu'il estoit de besoin de ia secourir bien promptement, ou elle estoit en grand danger. Apres m'estre informé du chemin , et qu'il m'eust dit qu'il se faisoit fort de me mettre dedans cette nuit-là, mais qu'après ce ne seroit pas sans grande difficulté, je me résolus d'y entrer cette mesme nuit, et sans que personne se desarmast. Je les fis tous advertir qu'ils fissent tous manger une mesure d'avoine à leurs chevaux, et que je voulois partir dedans demie heure, les voulant bien informer d'une chose , qui estoit que je priois les chefs et capitaines de se passer au moins de valets qu'ils pouroient ; et quant aux gendarmes, qu'ils n'y menassent point plus d'un valet chacun , et entre deux archers un, et que je m'en allois à Sainct-Quentin, pour y attendre le siège, où je ne leur ferois pas bailler vivres pour davantage de personnes. Et pource que j'eusse bien voulu y pouvoir conduire cette mesme nuit-là les cinq enseignes de gens de pied que j'avois fait partir de La Fere, m'estant enquis où elles estoient, je trouvay qu'il n'estoit encore arrivé que celle du capitaine Poy, si lasse et si harassée, pour venir fraischement de Gascogne , que quasi la moitié estoit demeurée par les chemins. D'autre part, le capitaine Caumont estoit demeuré derrière à La Fere, pour faire délivrer les armes de ses soldats, qui estoient encore encaissées suides chariots : en sorte que, tout considéré, de toutes

LE SIÈGE DE SAINCT - QUENTIN. /\.rld

ces cinq bandes je ne me pus servir que des deux du capitaine Sainct- André et Pvambouillet ; et encore qu'elles fussent bien loin derrière, si est-ce que je donnay ordre , avant que de partir, pour les faire marcher incontinent qu'elles seroient arrivées.

Ainsi que je donnois ordre à mon partement, les sieurs de Jarnac et Luzarches me vinrent dire ensemblement qu'il ne leur sembloit pas bien raisonnable que je m'enfermasse dedans Sainct- Quentin , pource que je pourrois faire plus de service estant dehors ; mais, si je voulois , qu'eux et tous les capitaines qui estoient là avec moy s'y en iroient, et qu'ils s'accorderoient tous si bien ensemble, que le service du Roy n'en demeureroit point. Je leur respondis, en peu de paroles, que je les remerciois du conseil qu'ils me donnoient, mais que j'estois commandé d'y entrer, et qu'à cette intention estois-je venu là, et que j'aymerois mieux avoir perdu tout ce que j'avois vaillant que d'y avoir failly : pour le moins seroient-ils tesmoins que je ferois mon devoir d'y entrer.

Et après avoir adverty mondit sieur le connestable de toute ma resolution par le sieur de Borran, qui s'en retournoit devers luy dudit Han, je montay à cheval environ une demie heure de soleil, mettant mon mareschal des logis devant moy avecques cinquante bons chevaux et de bons guides , auquel je commanday de marcher cent pas devant moy seulement, et quoy qu'il trouvast en son chemin qu'il le chargeast sans le marchander. Aussi advertis - je tous les capitaines et leurs troupes de ma resolution, et de ce qu'ils avoient à faire.

Je n'eus pas gueres marché que je trouvay l'abbé de

Sainct-Prins, lequel estoit sorti ce soir là, environ les quatre heures, de Sainct-Quentin; qui me dit qu'il s'en alloit trouver le Roy, et qu'il esperoit estre le lendemain à son lever. Après que je me fus enquis de luy du logis des ennemis, et sommairement des autres choses , je le priay de présenter mes très-humbles recommandations à la bonne grâce du Roy, et luy dire qu'il m'avoit trouvé avec une bonne troupe, qui faisions tous nostre compte, Dieu aydant, d'entrer cette mesme nuit dedans Sainct-Quentin, où j'esperoisque nous luy ferions un bon service. Aussi y arrivay-je à une heure après minuit, où il entra avec moy, de la quart partie (0, les trois de la gendarmerie pour le plus; les autres, ou pour s'estre perdus par les chemins à une allarme que nous y eusmes, ou par faute de bonne volonté, n'y entrèrent point. Quant aux chevauxlégers françois et escossois qui estoient partis du camp avec moy, il n'y en avoit un seul arrivé quand je partis de Han ; aussi n'entrèrent -ils point à Sainct- Quentin. Des deux bandes de gens de pied qui partirent de Han, comme je l'avois ordonné, il en entra cette mesme nuit environ six vingts , conduits par le lieutenant du capitaine Remboùillet; car environ avecques autant d'autres le capitaine Sainct- André s'estoit perdu la nuit, lequel toutesfois y entra le jour à quatre heures après midy. En somme, que, pour le plus , de ces deux bandes il y entra deux cent cinquante hommes.

Or, estant arrivé là de nuit, comme le poinct du jour

(0 La quart partie. De trois mille hommes de cavalerie que Coligny commandoit au siège de Saint-Quentin, il n'en entra tout au plus que bept cents.

fut venu, je m'en allay au faubourg d'Isle, où je trouvay que nos gens le jour précédant avoient abandonné le boulevart qui y avoit esté fait nouvellement, et s'estoient retirez à la vieille muraille, s'excusant que, pour n'y avoir point de parapet audit boulevart , et <estre la terre de dehors aussi haute pour le moins que le dedans dudit boulevart; d'autre part, que, pour avoir gagné les Espagnols des maisons sur le bord du fossé , qui • leur estoient à cavalier (0, et enfin, pour le peu d'hommes qu'ils avoient pour le deffendre, ils avoient esté contraints de ce faire.

M'estant enquis des gens de guerre qui y estoient, je trouvay que la compagnie de monseigneur le Dauphin y estoit quasi complette : quant à la compagnie du capitaine Breul, qui en estoit gouverneur, il me dit que la fleur de ses hommes estoient à Bohain, où il y avoit une esquadre des meilleurs hommes qu'il eust, principalement d'harquebusiers. Cela estoit aisé à croire, car le demeurant estoit fort piètre. Il estoit excusable d'une chose , cestoit qu'il n'y avoit pas plus de dix jours qu'il estoit entré en cettf place ; et sçay bien qu'il avoit perdu beaucoup de ses soldats au partir d'Abeville.

Voyant de quelle importance nous estoit de garder cefauxbourg, je pris l'opinion de tous les capitaines pour savoir ce que nous y pourrions faire. Pour le plus expédient, il fut conclud que sur le soir nous ferions faire une sortie pour mettre le feu dans les maisons qui nous faisoient le dommage, et qu'ayant osté les ennemis de là, nous ferions faire une tranchée tout le long du boulevart, qui servi roit de parapet. Cependant,

il) Qui leur estoient à cavalier : qui leur servoient de cavalier.

pour ne perdre point de temps, je fis travailler à deux flancs, pour regarder la pointe dudit boulevart, ce qui se trouvoit en faisant ouverture à la muraille tant qu'il en falloit pour l'embouchure d'une pièce d'artillerie; et si fis-je travaillera une trenchée, d'où le rempart avoit este' osté quand M. le mareschal de Sainct- Andi é estoit d'advis de faire retrancher ce fauxbourg ; car en cet endroit l'on pouvoit faire brèche en moins d'une heure, qu'il n'y eust eu homme qui eust osé s'y présenter, pource que le dehors estoit beaucoup plus haut que le dedans, et estoit le rempart du tout osté. Ces choses ainsi ordonnées , je m'en allay faire le tour de toute la haute ville , pour veoir ce qui y seroit à faire , départir les quartiers , et faire que chascun commençast à y travailler, sans attendre la nécessité. Et cependant je manday à ceux de la ville qu'ils s'assemblassent en leur hostel commun , où ils appelleroient tous les plus notables de tous les estats pour entendre ce que j'avois à leur dire. Ayant donc recogneu le tour de ladite ville, et que je fus venu là où desjà ils estoient assemblez , je l^ur dis tout ce que je pouvois penser quipourroit servir pour les asseurer, comme pour lors ils en firent grande démonstration; ce que toutefois ne leur dura guère. Et outre cela je fis mettre par mémoire ce à quoy il me sembloit estre bon de pourvoir, et dont il falloit qu'ils fissent prompte et diligente recherche; comme de tous les hommes qu'ils avoient en leur ville, ayans armes et qui les pourroient porter ; aussi de ceux qui pourroient travailler, tant hommes que femmes ; et que, pour cest effect, il falloit faire une recherche de tous les outils, hottes et paniers, pour faire le tout apporter à leur maison de ville, afin

que plus facilement on les peust là trouver quand on en auroit affaire , et qu'en une si grande ville il y avoit grand nombre d'ouvriers pour en pouvoir faire bonne quantité ; pourtant qu'ils les advertissent continuellement : et pource que je ne doutois pas qu'il n'y eust une fort grande quantité de bouches qu'il falloit sçavoir dequoy nous les nourririons, qu'ils fissent donc une description de tous les grains, vins et bestail qu'ils avoient en leur ville , et que tout ce qu'ils trouveroient par les maisons , qu'ils le missent en garde de ceux mesmes à qui le bien appartiendroit ; et, afin qu'il ne s'en fist point de degast, je ferois faire une défense à toutes personnes de n'y toucher sur la vie, attendant que j'eusse mis un ordre pour la distribution, aussi de me sçavoir dire quelle quantité d'artillerie, poudre et boulets il y avoit, et quelles gens pour la manier et pour en tirer.

Et pource que, faisant la ronde de leur ville, j'avois veu user grande amonition sans propos, j'avois donné la super-intendance de toute l'artillerie au capitaine Languetot, et sous luy deux gentilhommesde chacune compagnie de gendarmes, qui estoient dix en tout, afin qu'il les peust départir par quartiers et le soulager; et pourtant que ceux qui la manioient eussent à luy obey r, et que je voulois sçavoir tous les soirs quelle quantité de poudre se seroit tirée le jour ; et ainsi qu'ils eussent à lui montrer toutes les poudres qu'ils avoient et les lieux où ils la retiroient, pour me rapporter si elles seroient point en lieu dangereux.

Davantage, je n'avois point de connoissance qu'ils eussent plus de deux moulins en toute leur ville, l'un à eau, l'autre à vent, et quel moyen ils avoient de

moudre si ceux là leur failloient. Ce furent les principaux points de l'ordonnance que je leur fis pour lors, leur disant que de ce qui me surviendroit je le leur ferois à toutes heures entendre \ et leur monstray des gentilshommes que j'avois à l'entour de moy, lesquels je leur envoyerois quand besoin seroit, et qu'ils satisfissent tousjours promptement à ce que je leur manderois pour eux. Et , pource qu'ils avoient tout pris par mémoire , ils me dirent qu'ils s'en alloient pour y satisfaire promptement , et puis m'en advertiroient ; bien me dirent -ils sur l'heure mesme qu'ils avoient quinze ou seize moulins à chevaux , qu'ils faisoient desjà travailler en toute diligence. Je leur fis mettre plusieurs petites choses par escrit aux mémoires qu'ils firent, afin d'y donner ordre, dont il ne me souvient pas bien , car auparavant j'en avois dressé un bien ample : je mets ce qui est le principal et le plus nécessaire.

Estant allé de là à mon logis, je fis assembler tous les capitaines, ausquels je fis entendre l'occasion qui m'a voit là amené, l'ordre que j'avois donné a ceux de la ville, et ce qui me sembloit estre le plus nécessaire pour lors, c'estoit de départir les quartiers, et que nous allassions tous ensemble pour veoir ce qui seroit bon de faire, afin que puis après chacun fist travailler à son endroit. D'une chose les suppliois-je tous, c'estoit que ce que chascun connoistroit, ou penseroit estre bon de faire, qu'il m'en advertist, et que je le recevrois tousjours de bien bonne part; mesmes pour ce qu'il y avoit des gens de bien et expérimentez dedans les compaignies , et qui s'estoient trouvez en d'autres sièges , que l'on leur dist qu'ils me feroient plaisir de m'advertir de ce qu'ils penseroient pouvoir servir.

LE SIEGE DE SAIJNCT - QUEJN'TIN. 429

De là nous en allasmes départir les quartiers, et commencer à l'heure mesme à faire travailler aux lieux qu'il fut advisé. Ainsi ordonnay-je à tous capitaines, tant de cheval que de pied, qu'ils m'eussent à bailler le nombre de leurs hommes par roolle, tant pour veoir ce que j'avois pour le combat, que pour, selon cela, faire faire la distribution des vivres.

Et pour ce qu'en me promenant, il y avoit grande quantité de jardins jusques sur le bord des fossez, plains d'arbres , principalement du costé de la porte Sainct Jean , à l'ombre desquels les ennemis pouvoient venir tout à couvert jusques sur le bord dudit fossé; encore qu'il fust tard, j'envoyay quérir tous les charpentiers qui se peurent trouver, que je fis conduire par deux archers de ma compagnie, afin d'employer le reste de la journée à couper arbres pour faire fassines, et qu'ils continuassent tous les jours; ce qui fut fait tant que l'on peut, mais non pas tant que ce qiii y demeura du costé de la porte de Re m'y court ne nous apporta à la fin grand dommage.

Or, pource qu'il avoit esté conclud de faire cette sortie, comme il a esté dit cy-dessus, pour brusler les maisons qui nous nuisoient, et pour essayer de regagner notre boulevart d'Isle, je priay messieurs de Jarnac, Telligny et de Luzarches, de la faire faire ainsi et jusqu'au lieu que je leur monstray, cependant que je m'en allois au clocher de la grande église pour reconnoistre l'assiette du guet des ennemis, et voir par où l'on pourroit nous faire venir du secours afin que je le mandasse, et mesme fisse voir à Vaulpergues, que j'envoyois exprès pour cela, pource qu'il me sembloit que cela estoit le plus nécessaire , et que plus on

attendroit, plus seroit il difficile. Je fus plus d'une grande heure et demye pour luy monstrer le lieu par où il auroit à venir si on luy bailloit des gens à conduire : lequel eust esté plus aisé que celuy par lequel il les amena; car, au lieu qu'il donna à la teste d'un corps de garde de gens de pied , et en lieu fort desavantageux pour ceux qui vouloient entrer, il eust donné entre deux corps de garde , l'un de gens de pied et l'autre de gens de cheval, où ils n'eussent trouvé que des sentinelles; et avant que le corps de garde eust pensé à ce qu'ils avoient à faire, ceux qui eussent voulu entrer pouvoient gagner une colline le long des vignes, par où le capitaine Sainct André estoit entré en plein jour, pouvoient eux aussi entrer en despit de tout le monde; car estant nuit obscure, comme elle estoit, il eust esté mal aisé qu'un corps de garde se fust déplacé pour les venir chercher, pour le moins qu'ils n7eussent esté en lieu de seureté; car c'estoit fort prez de la ville.

Cependant que j'estois sur ce clocher, la sortie se fit; mais nos gens trouvèrent les ennemis si forts , qu'ils ne peurent exécuter tout ce qu'ils vouloient; et encore qu'ils bruslassent quelques maisons, ce ne furent pas celles qui nous nuisoient le plus. Et fallut que nos gens se retirassent, estans poursuivis de si près des ennemis, que quasi furent-ils en danger d'entrer avec euxpesle-mesle; et ne peut on si bien faire que devant que partir de là ils ne bruslassent le tappecul, par où l'entrée dudit boulevart leur estoit aisée; car il ne restoit plus qu'une petite porte que l'on eust aisemen rompue d'un coup de pied; et du boulevart pour entrer au fauxbourg il n'y avoit qu'une muraille envi-

rem de sept ou huit pieds de haut , où il y avoit encore deux grandes brèches , par où l'on portoit la terre sur une platte-forme, qui n'estoient bouchées que de clayes et quelques balles de laine. Parquoy toute la nuit, et en la plus grande diligence que je pus, je fis faire une tranchée pour amuser les ennemis le plus long-tems que je pourrois; car je voulois attendre le plus tard que je pourrois à abandonner ce fauxbourg, encores que j'eusse beaucoup d'opinions contre moi ; et y avoit deux raisons principales à quoy je ne pouvois contester : l'une, que par les marets on y pouvoit venir par deux endroits et prendre nos gens par le derrière, et qu'on seroit en danger, en les voulant retirer ou secourir, de perdre la ville avecquele fauxbourg; l'autre, que, j'avois si peu d'hommes , que je devois plutost regarder à les conserver qu'à les hasarder ; et mesme que j'avois veu qu'à cette sortie j'avois perdu ou estropié quinze ou seize des meilleurs hommes que j'eusse , entre lesquels estoit le capitaine Sainct- André. Enfin, pour ne demeurer point opiniâtre en une chose déraisonnable et contre l'opinion de tous les capitaines, je dis que quand je verrois plus grande occasion je me retirerois, mais que cependant il falloit faire aussi bonne mine que si nous ne le voulions point abandonner, et cependant y faire bonne garde, et principalement par les endroits par où on disoit qu'ils pouvoient venir par les marets , afin de n'estre point surpris par là s'il estoit possible ; et surtout qu'il ne fust point divulgué que je voulusse abandonner ledit faubourg.

Le second jour que je fus arrivé audit Sainct Quentin, je dis aux capitaines qu'encores que les ennemis eussent bien eu connoissance de quelque secours qui

estoit entré dans la ville, si estoit-il bien mal aise qu'ils fussent bien assurez de ce qu'il y avoit, et pourtant que j'avois envie de faire sortir quarante ou cinquante chevaux, pour donner sur l'un des logis qui estoit un peu plus avant que le village de Remycourt, et assez escarté des autres ; et que selon qu'ils se gouverneroient nous adviserions le moyen qu'il y auroit de dresser quelque entreprise. Et pource qu'ils avoient eu desjà connoissance de la compagnie de monseigneur le Dauphin , je dis à M. de Telligny que je le priois de donner cette charge à quelque sage homme de sa compagnie, qui surtout se donnastbien de garde de s'attacher ny de s'amuser à combattre , et que la sortie que je faisois faire pour lors n'estoit que pour essayer de dresser quelque meilleure entreprise. Il me pria de me reposer sur luy de la charge que jeluy baillois, et qu'il la mettroit entre les mains de personnage si suffisant, et auquel il feroit si bien entendre ce qu'il auroit à faire , qu'il m'assuroit qu'il ne gasteroit rien. Or avois-je une si grande douleur de teste, que je fus contraint de me mettre sur un lict au logis de M. de Jarnac, où j'estois pour lors. Et cependant ledit sieur de Telligny s'en alla pour faire monter ses gens à cheval, et leur ordonner ce qu'ils auroient à faire : mais devant que de partir d'avecques moi je ne me contentay point de luy dire une douzaine de fois que je ne voulois point qu'il sortist, ce qu'il m'asseura. Il fut fort diligent à faire sortir ses gens, car je ne fus point demie-heure à me reposer, que je ne me levay pour aller voir comme tout se portoit à cette sortie ; et, m'y acheminant , je trouvay messieurs de Jarnac et de Luzarches, qui venoient de la porte par laquelle ladite

sortie avoit esté faite, et me contèrent le grand desordre qu'il y avoit eu en disant que les premiers coureurs avoient tres-mal exécuté ce qui leur avoit esté commandé, et que M. de Telligny voyant cela, encores qu'il ne fust point armé, et sur un bien mauvais courtault, estoit voulu aller pour les faire retirer, laissant le sieur de Guzieux avec cinquante ou soixante chevaux auprès du moulin qui est hors la porte Sainct Jean , et que quand il estoit arrivé où estoient ses coureurs, les ennemis leur avoient fait une charge où il avoit esté enveloppé et porté par terre , et qu'on ne savoit s'il estoit mort ou vif; sinon qu'il y en avoit qui disoient qu'il n'estoit point encore mort, selon ce qu'ils en avoient peu appercevoir, bien que les ennemis l'eussent despouillé, et qu'il estoit demeuré près la place dudit moulin. Voyant qu'il estoit si près de nos murailles, je dis que je le voulois avoir mort ou vif, et commanday aux autres chefs de la compagnie de mondit seigneur le Dauphin de monter à cheval, et semblablement aux autres qui se trouvèrent près de moy. Et en m'acheminant vers ladite porte, il vint un soldat à pied me dire que s'il me plaisoit il essayeroit de l'aller quérir : je luy promis un bon présent s'il le pouvoit faire, ce qu'il fit fort bien, et le rapporta avecques quelques siens compagnons. Quand ledit sieur de Telligny me vid , il me pria de luy pardonner, et qu'il savoit bien qu'il m'avoit offensé ; et me réitéra ce langage par cinq ou six fois. Je luy dis qu'il n'estoit plus tems de demander pardon aux hommes , et qu'il le falloit demander à Dieu : car je le voyois si fort blessé et en tant d'endroits , que je ne regardois que l'heure de luy voir rendre l'esprit-, si vescut-il encore une

4M T.E SIÈGE DE S AlNCT - QUENTIN.

heure et demie après avoir esté rapporté en la ville, et ne fut pas petite perte que ce gentilhomme-là (0 ; car il estoit hardy et advisé, et s'employoit volontiers : et davantage il parut bien depuis en cette compagnie que le principal estoit mort. Or, ce que je trouvay de plus mauvaise digestion quand il fut blessé , de quoy il mourut, c'est que gens de bien et d'honneur m'ont dit que les ennemis n'estoient point plus de dix-huit ou vingt à la charge qu'ils firent à nos gens, et les nostres estoient bien autant de coureurs, et le sieur de Cuzieux, qui outre cela n'estoit point à cent pas du lieu où il fut porté à terre, et nonobstant il fut massacré et despouillé sans estre jamais secouru de nul des siens. Ledit sieur de Cuzieux dit, pour son excuse, qu'il avoit exprès commandement dudit sieur de Telligny de ne partir point du lieu où il estoit, que luy-mesme ne le vint quérir : et aussi qu'il ne pouvoit avoir connoissance de ce que leurs coureurs faisoient, à cause d'un petit haut qui estoit au devant de luy.

Apres cela il se passa deux ou trois jours que les ennemis ne faisoient grand chose , sinon que du costé du bourg d'Isle ils nous pressoientle plus qu'ils pouvoient, et firent quelques tranchées au lieu des maisons qu'ils souloient tenir , où le feu avoit esté mis avec quelques artifices de feu par l'invention d'un Ecossois de la compagnie du comte de Haran : cependant il ne se perdoit point de temps dedans la ville ; car on y travailloit à tous les endroits qu'il avoit esté advisé, et dehors la ville on coupoit des arbres autant que la commodité le pouvoit porter. Et de ma part je sollicitois ceux de la

(0 Que ce gentilhomme-là. Charles de Téligny laissa un fils qui épousa en 1 57 1 Louise de Coligny, fille de l'Amiral.

ville à toutes heures, pour sçavoir quelle quantité de tous vivres ils trouvoient, et pour me satisfaire sur les articles que je leur avois baillez par mémoire. Enfin ils me baillèrent un estât desdits vivres, que je trouvai bien petit; car, à vivre assez estroitement, à peine en pouvois-je avoir pour trois semaines. Et pource que je me doutois que cette recherche n'avoit pas esté bien faite, je donnai charge à un homme d'armes de ma compagnie de l'aller faire tout de nouveau et n'exempter une seule maison , et qu'il prit deux ou t rois de ceux de ma compagnie avec luy, de sa conn oissance, et des plus suffisants pour cette charge, afin d'en estre soulagé ; car aussi l'avois-je commis pour faire saler le bestial qui estoit là dedans , dont il y avoit si petit nombre et si peu de moyen de les faire vivre, que je fus à la fin contraint d'en départir par les compagnies, tant de pied que de cheval, pour certains jours que je leur limitay. Aussi avoit-il en charge de faire départir le pain et le vin, et s'acquitta si bien de sa charge et commission, qu'au lieu que ceux de la ville ne m'avoient donné connoissance de vivres que pour trois sepmaines , il en trouva pour plus de trois mois, et s'y descouvroit tous les jours quelque chose de nouveau.

Pour revenir maintenant à ce que faisoient les ennemis, après qu'ils eurent fait une tranchée du costé du bourg d'Isle, comme dessus est dit , une nuit ils approchèrent les pièces pour tirer en batterie ; et ainsi que je venois de faire une ronde à l'entour de la haute ville , ceux qui estoient en garde au bourg me mandèrent que lesdits ennemis estoient dedans les fossez dudit bourg, qui y sappoient, et qu'ils me prioient de leur mander ce qu'ils auroient à faire. Je m'y en alîay,

et après avoir bien escoute', j'entendis bien qu'ils ne sappoient point dedans le fossé, et que c estoient pièces qu'ils approchoient. Parquoy , suivant ce qui avoit este' résolu par l'advis de tous les capitaines, je fis commencer à retirer quelques pièces d'artillerie qui estoient là , et grande quantité' de boulets de plusieurs calibres, pouldres à canon, balles de laine, piques, outils à pionniers et plusieurs autres choses : ensorte que lesdits ennemis , quand ils furent entrez, ne se pouvoient vanter d'avoir trouvé aucune chose estant à nous, qui nous eust peu servir. Aussi fis-je accoustrer les maisons afin que le feu s'y mit plus aisément quand nous nous retirerions; car quant aux meubles desdites maisons, ils avoient tous esté portez en la haute ville. Quand il fut une demie heure de jour, la première volée commença à tirer : lors j'appellay les capitaines qui estoient là en garde , et leur dis qu'ils regardassent à faire retirer leur gens tout doucement, ne voulant point attendre plus tard, pour crainte que j'eusse eu que le peu d'hommes que j'avois eussent eu à ce commencement quelque effroy, et qu'il me les eust puis après fallu retirer en desordre et confusion, et que sur tout le feu fust mis partout; ce qui fut bien exécuté, réservé en l'abbaye d'Isle où le feu ne pust prendre, encore que j'eusse mis grand peine à la faire bien accoustrer, ce me sembloit. Apres avoir retiré tous les gens de guerre et ce qui estoit dedans ledit faubourg en la haute ville, je fis commencer à ramparer cette porte là, pource que cet endroit estoit fort mauvais; et environ une demie heure après que j'eus commencé à y faire travailler, il vint un homme de la ville me dire qu'il seroit bon de faire oster quelque quantité

LE SIÈGE DE SAiNCT - QUENTIN. 4^7

de poudres à canon qui estoit dedans deux tours qui estoient en ladite porte, dont il n'avoit jamais esté parlé auparavant, mesme au capitaine Lanquetot , auquel j'avois donné la charge de les visiter toutes, et les endroits où il y en avoit. Je fis incontinent lever les serrures des portes, pource que les clefs ne s'en trouvoient point, et estoient les caques de ladite poudre si pourries, qu'aussi-tost qu'on les touchoit elles s'en alloient en pièces ; de sorte qu'on ne les pouvoit aussi transporter, et falloit avoir des linceuls pour les mettre dedans. Voyant que toutes choses se portoient bien là , et que des gentilshommes des miens que j'y laisserois, pourroient faire continuer ce que j'y avois commencé, après y en avoir ordonné trois ou quatre, je m'en allay faire la ronde de toute la ville, afin que les habitans n'en fussent point estonnez parce qu'on avoit. abandonné ce faux-bourg. Et comme j'eus quasi achevé tout le tour, estant près de la plate forme de la tour à l'eau, je vis le feu qui se prit aux poudres qui estoient à la dite porte , où je courus le plus diligemment que je peus, et trouvay que la ruine avoit fait une brèche pour y venir vingt ou vingt cinq hommes de front. Je rallie ce que je peus promptement de gens auprès de moy pour la deffence de ladite brèche, pource que les ennemis avoient desjà gagné le faux-bourg, et leur eust esté dès cette heure là aisé d'emporter la ville, n'eust esté que le feu et la fumée des maisons qui brusloient leur ostoit la cognoissance; car je fus une bonne demie heure et plus sans que j'eusse plus de sept hommes avec moy , pour pouvoir défendre la dite bre che, s'il y fust venu affaire. Je n'en donne point de tort aux gens de guerre ; car, comme ils virent la porte

4^8 LE biÉGE DE 6AINCT- QUENTIN.

fermée et quasi remparée , chacun se retira en son logis pour repaistre et se rafraîchir ; et l'inconvénient qui advint estoit trop inespéré'. Les uns pensoient que ce fussent des bluettes de feu des maisons qui brusloient ; les autres , que ce fust une pièce d'artillerie qui tira au dessus de la porte. Il se perdit là trente cinq ou quarante personnes, entr'autres cinq gentilshommes des miens , fort gens de bien et de service, lesquels j'avois là laissez pour faire diligenter les ouvrages attendant que je fusse de retour.

Pour revenir à mon propos de ce que j'eus pour un temps si peu de gens avec moy , après qu'un chacun en fut adverti, véritablement tous se diligenterent de venir, en sorte que la brèche fut bien bordée ; et y fut fait telle diligence à la ramparer par haut et par bas, qu'en moins de deux heures elle fut rendue quasi aussi forte qu'elle estoit auparavant. Le jour mesme que le fauxbourg fut abandonné, les ennemis commencèrent à nous approcher de plus près à la haute ville , qui fut cause aussi de nous faire diligenter nos ouvrages dedans la ville , ce fut à faire ramparts ou à accoustrer plattes formes ; car à cette heure là un chacun , tant des gens de guerre comme ceux de la ville, s'employ oient fort volontiers aux ouvrages. Or, de tout ce que je faisois, ou pour le moins de ce que je pouvois , j'en advertissois M. le connestable.

Il se passa ainsi un jour ou deux, que les ennemis ne nous donnoientpas grand empeschement, et cependant je regarday à donner le meilleur ordre que je peu s pour les vivres ; tant à les faire retirer ensemble le plus qu'il m'estoit possible , qu'à pourvoir qu'il ne s'en fist point de degast par les maisons privées ; aussi

LE SIEGE DE SAIJVCT - QUEJNTIIV. 4^9

de faire retirer chacun à son quartier, pource qu'à faute de cela il y avoit de la confusion. Il fut aussi ordonné certaines personnes avecque^s. quantité de chariots, pour mener fients et fassines où il en estoit de besoin. D'autres qui furent ordonnez à faire transporter les immondices qui estoient par la ville , à cause du grand nombre de bestailqui se tuoit journellement : et généralement pour toutes choses dont de moy mesme je me pouvois adviser, ou dont l'on m'advertissoit, j'y faisois mettre le meilleur ordre et le plus prompt que je pouvois. Et pour gratifier plus ceux de la ville, j'alîois ordinairement en leur hostel de ville où je faisois assembler les principaux, et là je resolvois des choses que je voulois bien qu'ils sceussent. Je ne dois point obmettre sur ce propos, que je ne vis jamais de son estât un plus affectionné ny diligent serviteur, qu'estoit le major de la ville (0, nommé Gibercourt, tan! pour le service du Roy , que pour le bien et conservation de la ville; mais il n'y en avoit point d'autres qui le secourussent.

Environ ce temps-là, le sieur de Luzarches, mon lieutenant, devint malade, qui le fut tant que ce siège dura : ce me fut un fort grand desplaisir , car c'estoit un sage gentilhomme et advisé, et duquel j'eusse peu estre grandement secouru. Quelques jours après que j'eus abandonné le faux-bourg et que je me fus retiré dans la ville , le secours que M. d'Andelot amena faillit à y entrer, dont ceux de la ville commencèrent un peu à s'estonner ; mais je fis tant que je les remis pour cette fois là, en leur remonstrant que je n'estois

0) Le major de la ville : le maire de la ville. Ce magistrat s'appeloit Jean Varlot de Gibercourt,

point venu là pour me perdre, et que j'y avois amené tant de gens de bien, qu'avecques ceux là et ceux de la ville, quand bien il n'y en entreroit point d'autres, nous estions suffisants pour nous bien défendre contre toute la force qu'avoient nos ennemis , mais que je les asseurois que M. le connestable tenteroit tous les moyens du monde pour nous secourir. Je fus alors adverty qu'entre ceux qui s'estoient retirez dedans Sainct Quentin, de l'allarme qu'avoient donne' les ennemis marchans par pays, il y avoit plusieurs bons hommes de la frontière qui avoientaccoustuméde faire la guerre en de petits forts où ils se tenoient. Parquoy, pour me servir de tout ce que je pouvois, je donnay charge à deux gentils-hommes du pays, l'un nommé Collincourt j et l'autre Amerval > d'arborer chacun une enseigne, et, comme ceux qui les connoissoient mieux que nuls au très ^ qu'ils eussent à retirer sous eux la plus grande partie et les meilleurs hommes qu'ils pourroient trouver, et les mieux armez ; qu'après les avoir enroolez ils les fissent assembler en la grande place, et que moy mesme irois faire leur montre , et leur ferois bailler à chacun un escu , ce qu'ils firent bien promptement et ce mesme jour, et me monstrerent tous deux deux cent vingt hommes assez bien armez et en bon esquipage pour le lieu ; je les fis payer comme je leur avois promis , et puis je leur baillé un quartier.

En me promenant par la ville, je voyois plusieurs pauvres personnes qui s'estoient retirez des villages, et lesquels, pour quelque commandement que j'eusse fait, ne vouloient point aller travailler ; pourtant fis-jc une publication, que toutes personnes qui se seroient retirez des villages eussent à aller travailler auxrépa-

LB SIÈGE DE SÀ1IVCT- QUENTIN. 44 x

rations, sur peine d'estre fouettez par les carrefours la première fois qu'on les trouveroit défaillants , et pour la seconde d'estre pendus , sinon qu'une heure devant la nuit ils se tinssent prêts à la porte de Han , et que je leur ferois ouvrir la porte pour sortir hors de la ville.

Il en sortit pour cette fois là environ sept à huit cens, ce qui me fut autant de décharge ; car il falloit les nourrir ou les faire mourir de faim , qui eust pu apporter une peste dans la ville. Ce mesme jour je fus aux quartiers delà ville où il y avoit grande confusion; car encores qu'il y eust seize hommes de la ville déléguez pour cela, si s'acquittoient-ils si mal de leur charge, que c'est oit temps perdu de leur rien commander. Et pourtant je deleguay seize gentilshommes de ceux qui estoient residans en la ville ordinairement, pour avoir cette charge des quartiers, et me savoir rendre compte, tant de leurs gens que des armes qu'ils avoient en leur logis. Quand je vis que le premier secours n'estoit point entré, la chose à quoy je prenois le plus garde tous les soirs et matins, estoit à l'assiette des guets que nos ennemis faisoient, pour \^oir s'il y auroit moyen d'y en faire entier, et d'en advertir M. le connestable. Et après avoir bien tout considéré il me sembloit faisable; comme aussi faisoit-ii à ceux ausquels j'en communiquois, et principalement pour n'avoir point encore lesdits ennemis pris les logis qui plus nous pouvoient incommoder à cela. Pour ceste cause je depeschay trois archers de ma compagnie qui estoient de ce pays là , et leur lis bien au long entendre ma conception , et leur monstray trois endroits par l'un desquels ils ne pouvoient faillir d'entier, et leur fis

442 LE SIÈGE DE SAIJNCT-QUEMI*.

entendre trois signais, afin que par cela ils peussent cognoistre par où ils auroient à venir , et l'endroit ([ui seroit le plus aisé à entrer. Gela faisois-je pource que lesdits ennemis pouvoient ou faire un nouveau logis ou un guet non accoustumé, dequoy je ne pourrois si promptement advertir ceux qui viehdroient.

Le premier soir que je voulus faire sortir lesdits archers, ils ne purent, pour avoir esté descouverts desdits ennemis; mais si firent-ils bien le lendemain que lesdits ennemis aussi deslogerent, et se vindrent mettre aux endroits que je craignois le plus, dont lesdits archers peurent bien avoir cognoissance ; car ils marchèrent au travers d'une partie de l'armée qui marchoit. Mais je ne voulois pas me fier à cela; car par un autre moyen j'advertis à l'heure mesme M. le connestable qu'il ne me pouvoit plus secourir par les endroits que je luy avois mandé par mesdits archers. Dès cette heure - là les ennemis commencèrent à faire leurs trenchées et nous approcher du costé de la porte de Remycourt, ce qui leur estoit aisé à faire à cause de la grande quantité de hayes et arbres qu'il y avoit sur le bord du fossé, où je n'avois peu jusques-là faire travailler, pource que les ouvriers que j' avois, avoient esté employez en des endroits que je doutois encore plus que cettùy-là.

Des le commencement je m'apperçeus que leurs pionniers jettoient grande quantité de terre en un mesme lieu ; ce qu'il estoit aisé à juger que c'estoit plustostune mine qu'une trenchée : pour en avoir meilleure connoissance, je montay au clocher, et y menay avec moy Lauxfort, anglois, lequel estoit aussi mineur, qui fut bien d'opinion que c'estoit le commence-

JLE SIÈGE DE SA1IVCÏ - QUEJNT1JV. 44^

ment d'une mine. Mais de bonne fortune il y avoit desjà deux ou trois jours qu'il avoit commence' de contreminer en lieu si à propos , qu'après avoir tout veu et bien considéré , il me dit que je ne me donnasse pqint de peine de ce qu'ils faisoient , et qu'il m'asseuroit qu'il leur gagneroit tousjours le devant, et pourtant que je pourveusse au reste ; comme aussi faisois-je le plus diligemment que je pouvois. Or, l'une des choses en quoy j'avois le plus de pensement, et comme aussi celle qui estoit la plus nécessaire, estoit un moyen par lequel je peusse estre secouru. Enfin je n'en trouvay point de plus expédient que par un marets où il y avoit certains petits passages creux qu'il falloit rabiller pource que l'eau y estoit profonde, lesquels je fis rabiller. Et après qu'il me fut rapporte' qu'il y auroit moyen de faire venir gens par là , j'en advertis incontinent M. le connestable, et du jour que je tiendrois lesdits passages prêts ; lequel me manda que j'avois eu connoissance de sa cavallerie qui estoit venue bien près de Moùy, mais que dedans le jour que je luy avois mandé il m'approcheroit bien encore de plus près, et que cependant je me pourveusse de ce qui avoit donné moyen au capitaine Sainct-Romain d'entrer dedans Sainct Quentin : me donnant assez à entendre par là que cestoient des basteaux desquels je ne pouvois recouvrer, et avois seulement deux ou trois petites nasselles où il ne pouvoitpas tenir plus de deux ou trois hommes à la fois, encore estoit-ce avec grande difficulté.

Cependant les ennemis travailloient fort à leurs tranchées, et commencèrent à approcher nostre fossé, à quoy je ne pouvois remédier; car je n'eusse sceu avoir

cinquante harquebusiers de quoy faire estât, n'estant entré encores dedans la ville, sinon ce que j'ay dit cydevant des bandes du capitaine Sainct- André et Rambouillet. D'harquebuses à croc, quand j'entray dedans la ville, entre bonnes et mauvaises, je n'en trouvay que vingt et une ; l'on peut par-là juger combien j'en pouvois mettre ensemble. Je n'avois une seule platteforme qui eust connoissance du lieu où ils travailloient: parquoy d'artillerie je ne m'en pouvois non plus ayder. De faire sortir gens il n'estoit pas raisonnable, vu le petit nombre que j'en avois, et qu'il eust esté besoin de mettre une bande d'harquebusiers pour soustenir et dedans et dehors ceux qui eussent fait exécution de la sortie , ce que je n'avois pas. En somme, je ne leur pouvois pas donner grand empeschement, dequoy j'estois fort marry , et ma principale occupation estoit de faire remparer les lieux qui en avoient besoin; mais encore en estois-je grandement diverty par des pièces que les ennemis avoient logées sur la platte -forme du bourg d'Isle, qui voyent tout le long de la courtine où il me falloit travailler ; et , pour ceste raison , ne pouvois plus recouvrer d'ouvriers, si ce n'estoit à coups de baston : et, pource que jusqu'à ceste heure -là tous ceux qui avoient travaillé c'avoit esté volontairement, je fus lors contraint de faire un roole de pionniers, ausquels je promettois de les nourrir, et, outre cela, de leur bailler argent chacun jour, pource que les vivres commençoient à estre fort courts, et pour la friandise d'un peu d'argent ; cela fut cause qu'il s'en enroola environ trois cens, qui me servirent assez bien pour quelque temps ; et neantmoins je ne laissay pas

outre cela de faire venir de ceux de la ville , tant hommes que femmes, tout ce que je pouvois.

Sur ces entrefaites, M. le connestable s'en vint présenter du costé du marets pour faire passer le secours qu'il me vouloit envoyer, et estoit l'entreprise avec ces batteaux l'une des plus belles qui fust jamais faite, n'eust esté que lesdits batteaux ne pouvoient approcher du rivage à raison de la vase , et que les soldats, désireux d'entrer, les chargèrent tant, qu'après ils ne pouvoient desborder (0.

Je n'ehtreray point plus avant aux particularitez de ladite entreprise , pource que je n'y estois point ; seulement diray-je que cette nuict-là je fis tenir les passages que j'avois mande' prêts, jusqu'au point du jour que les fis rompre , afin que les ennemis n'en eussent point de connoissance ; car, tant que le jour duroit , ils ne bougeoient de se promener par les marets avec des nasselles. J'avois commis le capitaine Sainct-Romain et quelques soldats avec luy pour recueillir et conduire ceux qui m'eussent este' envoyez ; lequel me dit à son retour que lespassages à quoy je l'avois commis estoient si bien rhabillez , qu'il pensoit me pouvoir mettre dans la ville dix mille hommes avant qu'il eust este' jour. Aussi diray-je que M. d'Andelot, mon frère, y entra avec une troupe de quatre cens cinquante à cinq cens soldats , fort bons hommes , et quinze ou seize capitaines fort suffisants. Il y entra aussi quelques gentilshommes pour leur plaisir, mais bien peu, comme le vicomte du Mont-Nostre-Dame, le sieur de La Cure'e et Matas. Aussi y entra le sieur de Sainct-Remy, homme fort expérimente' en fait de mines, et lequel s'estoit au-

(0 Desborder : avancer.

pai avant trouvé en sept ou huict places assiégées. Aussi y entra un commissaire d'artillerie et trois canonniers, qui estoit une chose dont j'avois grandement affaire, car je n'en avois un seul auparavant, sinon de ceux delà ville, qui estoienttels quels.' Or, encor que toute la trouppe qui estoit ordonnée pour entrer dans la ville avec ledit sieur d'Andelot, n'y fust pas venue pour l'empeschement qu'elle eust des ennemis, si peuton penser quel plaisir j'eus en voyant ce qui estoit entré, et principalement ledit sieur d'Andelot, pour y avoir un second moy-mesme, et sur lequel je me pouvois tant reposer , encores que véritablement j'y eusse auparavant des gens de bien.

Apres qu'il se fut seiche , car il avoit esté fort mouillé en entrant, aussi tous les autres , et qu'il eut esté reconnoistre tout le tour de la ville , nous despartismes les quartiers aux gens qu'il avoit amenez : semblablement, après que ledit sieur de Sainct-Remy eut bien tout veu, et mesmes la contremine que Lauxfort, anglois, faisoit, il me monstra les lieux où luy sembloit contreminer, et pourtant, dès l'heure mesme, nous mismes les gens en besongne qu'il falloit pour cela. D'autre part, j'envoyay quérir le capitaine Lanquetot pour remettre la charge de l'artillerie entre les mains du commissaire qui estoit entré ; dont je me repentis bien puis après, car elle estoit bien mieux menée tandis que ledit Lanquetot la gouvernoit, qu'elle ne fut depuis. Je fus deux jours que je ne sçavois pas certainement la déroute de M. le connectable, sinon que quelques soldats qui avoient esté pris eschapperent du camp des ennemis, et se vinrent jetter dedans les fossez de nostre ville, qui me contèrent comme tout estoit

passé. Aussi vis-je pour suffisant tesmoignage quelque nombre d'enseignes de celles qui avoient esté prises, que lesdits ennemis mirent en parade sur leurs tranchées, pour nous en donner la veue dedans la ville.

Or, cette nouvelle estonna et descouragea si fort tout le peuple de ladite ville, voire, si j'ose dire, une bonne partie des gens de guerre, que j'avois bien affaire à les assurer. Aussi d'ouvriers je n'en pouvois plus quasi trouver, car ils se cachoient dedans les caves et greniers , et pource qu'aux plus importans lieux on n'y pouvoit travailler que la nuit, à cause du grand dommage que nous faisoit l'artillerie ; et quand les ouvriers avoient esté mis en besongne, et que l'on y avoit mis des guets de tous costez, si ne pouvoit-on faire en sorte qu'en moins d'une heure tout ne se desrobast. L'une des choses dequoy nous avions le plus affaire, estoit de traverses, pource que la courtine en laquelle les ennemis adressoient leurs batteries estoient si vues par flanc des pièces qu'ils avoient logées sur la platteforme d'Isle, qu'il y avoit bien peu d'endroits où l'on ne fust descouvert depuis le pied jusqu'à la teste. Si remedioit-on à tout le mieux qu'on pouvoit ; et ne dois point, sur ce propos, obmettre une invention que trouva M. d'Andelot, de lever une traverse qui nous estoit de grande importance. Ce fut qu'il se servit de vieux batteaux, qui avoient été autrefois faits pour passer les rivières quand une armée marchoit; lesquels il arrangeoit les uns sur les autres à force de bras d'hommes, et les faisoit remplir de terre ; en sorte qu'en un jour il eut fait tout ce que nos ouvriers n'eussent pas fait en un mois. Or, non point en cela

(0 Lever : construire.

seulement, mais à toutes autres choses il s'employoit et faisoit mettre la main comme personne de jugement. Et si ce n' estoit qu'il est mon frère, et d'autre part assez cogneu, je dirois davantage de luy que je ne fais. Bien puis- je dire que sans luy je fusse demeuré sous le faix, car je n'eusse peu satisfaire seul à la peine qu'il falloit avoir, de laquelle il prit la meilleure part depuis qu'il fut entré dans la ville.

Pour revenir au principal de mon discours, quand je vis que M. le connestable fut pris, je voulus hasarder quelques hommes pour sçavoir à qui i'aurois à m'adresse!*, pour faire entendre mes nécessitez. Je sceus que c'estoit à M. de Nevers, et que M. de Bordillon estoit à La Fere, auquel de là en avant je faisois toutes mes adresses, pource qu'il estoit plus pies de moy, et pource que je voyois le grand appareil que faisoient nos ennemis, de tranchées et de gabions, et mesmes que je voyois arriver un grand train d'artillerie, outre celuy qui pouvoit desjà estre en leur camp, je regardois et pensois principalement au moyen qu'il y auroit de faire entrer des gens de guerre, et nommément des harquebusiers. Enfin, par l'advertissement de quelques pescheurs, je sceus qu'il y avoit un endroit dedans les marets qui n'estoit gueres plus creux que jusqu'à la ceinture d'homme; et, pour en estre plus certain, je l'envoyay recognoistre par les soldats, qui me le rapportèrent ainsi. Parquoy je l'escrivis plus certainement à M. de Bordillon pour le faire entendre à M. de Nevers, et luy mandois la facilité qu'il y avoit de me secourir, le besoin que j'en avois, et, s'il avoit à m'envoyer des gens, le moyen qu'il avoit à tenir avec les guides qui les conduiroient. M. de Nevers

se trouva à La Fere quand ledit sieur de Bordillon receut mes lettres, lequel me fit luy-mesmes responce, et me manda qu'il m'envoyeroit trois cens harquebusiers, qui estoit tout ce qu'il pouvoit faire, et me mandoit le jour. Lequel venu, je les attendis au lieu par lequel ils dévoient entrer, pour faire donner le signal que je leur avois mandé quand il seroit temps; et, environ une heure après minuit, j'ouys l'alarme qui se donna au guet des ennemis, par lequel il falloit qu'ils passassent, et, sans point de doute, messieurs d'Andelot et de Jarnac et moy, qui estions là ensemble, jugions bien le nombre desdits ennemis estre petit et avec efïroy ; mais, après s'estre recogneus, et voyant qu'il n'y avoit personne des nostres qui les chargeassent, ils donnèrent sur eux et les rompirent, en sorte que, de trois cens harquebusiers qui avoient esté ordonnez, il n'en entra que six-vingts, encore tous désarmez et gens nouveaux, qui ne m'apportèrent pas grand faveur. Quant aux chefs qui les conduisoient, il n'en entra point, mais un sergent seulement. Je ne pensois pas qu'ils deussent venir si mal accompagnez ; car ayant veu asseoir le guet des ennemis deux ou trois fois ensuivant, j'avois entre autres choses mandé audit sieur de Bordillon, par l'advis des capitaines qui estaient avec moy, qu'il falloit envoyer des gens de cheval avec des gens de pied, qui eussent donné l'alarme ausdits ennemis, à gauche et à droite du passage, cependant que ceux qui dévoient entrer dedans la ville passeroient, ce qu'on pourroit faire sans danger; car il n'y avoit point trente hommes desdits ennemis au guet, et environ soixante ou quatre-vingts hommes de pied, et il ne falloit point craindre qu'il vinst force de 3a. 29

l'ennemy sur leurs bras; car il n'y avoit que les enseignes qui estoient logées dedans ledit faux-bourg d'Isle, qui estoient six ou sept, bien loin dudit passage : tout le reste estoit passé l'eau, qui n'eussent pas sceu passer sitost de nuit les destroits des chaussées que nos gens de cheval ne se fussent retirez ; et cependant, s'il y eust eu moyen de nous envoyer plus grande force, il fussent encor plus aisément entrez que ne firent les autres, car ils n'eussent trouvé aucun empeschement. Toutesfois, je ne doutois pas que ce que M. de Nevers fit, il le fit avec bonne et meure délibération de beaucoup de capitaines, gens de bien, qu'il avoit avec luy : ce que j'en dis est pour faire entendre la manière par laquelle j'avois mande que les hommes pouvoient entrer, et que je n'avois point mandé cet advertissement sans premièrement avoir bien recogneu quelle difficulté il y pourroit avoir. Ce fut le dernier secours que j'eus; car, depuis cettuy-là , je n'en voulus plus demander, pource que M. de Nevers m'avoit escrit qu'il m'envoyoit tout ce qu'il avoit peu mettre ensemble, qu'encore avoit-ce esté avec grande difficulté, et aussi que de là en avant il ne me fut plus possible de faire sortir gens pour mander de mes nouvelles et faire entendre nos nécessitez. Ce qui ne tint point à essayer par plusieurs endroits et diverses personnes; mais le guet estoit si grand, que nul n'y pust passer, et entre les autres y en eut un pris, qui estoit lieutenant du capitaine Lestang, nommé Brion, qui me sembloit homme bien résolu, et lequel me promit qu'il passeroit outre ou qu'il seroit pris.

Il ne me falloit donc plus penser qu'à me bien deffendre avec ce que j'avois, sans plus attendre de se-

cours. Pourtant mettois-je toute la peine que je pouvois de faire travailler, et remédier aux lieux où il estoit plus de besoin, et entre les autres à nos contremines, qui me servoient à deux effets, l'un pour gagner le devant à nos ennemis, s'ils vouloient faire leur effort par-là , l'autre que, par lesdites contremines, il nous falloit essayer de gagner un moineau (0 qui estoit dedans nostre fossé, lequel nous pouvoit beaucoup servir, et aussi l'entrée de nos tours, pource qu'il n'y en avoit point que par le haut : lequel estant abattu , les ennemis en demeuroient mieux maistres que nous , et si par ce moyen il ne nous demeuroit un seul flanc ; ce dont nous nous apperceusmes bien mieux puis après. Or, la contremine que nous eussions la plus advancée et de la plus grande importance, estoit celle de Lauxfort, anglois; mais il me sembloit qu'il ne s'y faisoit pas telle diligence que j'eusse bien voulu : a*ussi connoissois-je que ledit Lauxfort commençoit à s'estonner, dont je ne luy faisois toutesfois aucune démonstration ny envisage ny en parole; au contraire, je luy disois que je me tenois tousjours asseuré de son costé, et qu'il me tiendroit promesse de gagner tousjours le devant aux ennemis. Il commença à se plaindre de la grande peine qu'il avoit eue, et me demanda quelqu'un pour le soulager, dont je fus fort aise ; car je ne luy en osois bailler auparavant, craignant qu'il ne pensast que j'eusse deffiance de luy : aussi estois-je bien aise de luy bailler quelqu'un pour apprendre ce qu'il faisoit, encore qu'il ne se passast jour que je n'y allasse une fois pour le moins.

Le sieur de Saint-Remy travailloit continuellement

00 Moineau : espèce de fortiiicalion où les soldats étoient à couvert,

de son costé et faisoit une extresme diligence, mais il travailloit en cinq ou six endroits; aussi estoit-il secouru des compagnies de gendarmes au quartier desquels il travailloit, car il y avoit tousjours gens ordonnez à solliciter les ouvriers sous luy. Tant plus gallois en avant, et moins festois secouru de ceux de la ville, et principalement pour avoir des gens pour remparer; de sorte que, pour les intimider davantage, je fis faire une revue de ceux qui ne travailloient point, et en fis sortir de cette fois-là bien cinq à six cens, lesquels, au veu de ceux de ladite ville, estoient assez mal traitez des ennemis, et les asseurois que j'en ferois autant des autres que je connoistrois qui ne travailleroient point : mais quand j'en eusse fait escarteler, je croy qu'aussi peu j'en eusse este secouru.

Les ennemis estoient arrivez devant Saint-Quentin le deuxiésme jour d'aoust, et, depuis ledit jour jusques au vingt et uniesme dudit mois , ils ne firent autre chose que se retrancher, tant pour la seureté de leur artillerie, que pour approcher et gagner nostre fossé; et nous cependant ne leur pouvions pas donner grand empeschement pour faire sorties, à raison du petit nombre d'hommes que j'avois. Toutes les sorties que je faisois faire n'estoient que pour prendre langue, afin d'estre adverty de ce que faisoient lesdits ennemis, et principalement que je doutois qu'ils ne nous fissent quelque mine de laquelle je ne peusse avoir cognoissance. Quelques fois que j'ay fait faire lesdites sorties, M. de Jainac s'est présenté à moy pour y aller, ce que je ne luy voulois permettre, pource qu'il ne me sembloit pas raisonnable. Or, après que lesdits ennemis eurent séjourné devant nous jusqu'au vingt et uniesme