LE S1ÉG.E VE SA1]\CT-QUEJVT1J\. ^.DJ

dudit mois, cedit jour ils commencèrent à tirer en batterie au poinct du jour (car ce qu'ils avoient tiré auparavant estoit de la platte-forme du bourg d'Isle, aux lieux où ils nous voy oient travailler), et continuèrent à tirer sept jours , non pas en un lieu seul, car il ne se passoit guieres nuict qu'ils ne changeassent de lieu à leurs pièces pour faire nouvelle batterie. Je croy que l'une des choses qui fît autant différer lesdits ennemis à commencer leur batterie, ce fut qu'ils vouloient attendre que les entrées qu'ils faisoient pardessous terre , pour venir gagner nostre fossé, fussent faites; car, du premier ou second jour, nous eusmes connoissance qu'ils commençoient à percer la terre du fossé par leur costé, et bientost après ils assirent des mantelets pardessous lesquels ils passoient ledit fossé pour venir de nostre costé, sans que nous leur peussions faire mal: car nous n'avions nuls flancs qui eussent connoissance d'eux ny dudit fossé, et toules les pierres qu'on leur jeltoit ne les pouvoient endommager, à cause desdits mantelets. Ils commencèrent leur batterie à l'endroit du moulin à vent qui est près la porte Saint Jean, et continuèrent depuis cet endroit-là jusqu'à la tour à l'eau ; de sorte qu'il ne demeura une seule tour qui ne fust abbatue, et bien fort peu de courtines, et fusmes tous deceus en une chose : car nous pensions la massonnerie de nos tours et courtines beaucoup plus forte qu'elle n'estoit, pource que le parement estoit de grès, et l'épaisseur des murailles bonne; mais les matières estoientsi mauvaises, qu'aussi tost que le dessus estoit entamé, tout le reste tomboit quasi de lny-mesme; qui fut cause que nous eusmes beaucoup de gens tuez et blessez des parapets.

Sur le troisiesme ou quatriesme jour de leur batterie, ils passèrent dix ou douze pièces du costé du bourg d'Isle, et les assirent en l'abbaye qui estoit audit bourg, dont ils battirent la porte où j'ay dit cy-dessus que le feu qui s'estoit mis dedans les pouldres avoit fait si grande ruine. Jusques à ce que lesdits ennemis se fussent faits maistres de nostre fosse', je vis le sieur de Saint-Remyen bonne espérance défaire quelque chose de bon par les contremines; mais depuis qu'il les eut veus- là logez, il me dit qu'il ne pouvoit plus leur mal faire, et qu'ils avoient gagné le dessous de luy, me disant par plusieurs fois qu'il n'avoit jamais mis le pied en une si mauvaise place, et qu'il y avoit longtemps qu'il en avoit adverty le feu Roy. Ce que j'en dis n'est pas pour le blasmer, comme si je l'avois veu estonné pour peur qu'il eust ; mais il estoit plustost fasché de ne trouver quelque remède, tel qu'il eust bien voulu : car je l'ay veu au demeurant homme fort résolu , et avec contenance d'homme asseuré. Je ne diray pas cela de Lauxfort, car plus il alloit en avant, et plus me sembloit-il estonné, et ne vouloit plus aller aux contremines quasi que par acquit.

Depuis le premier jour que la batterie commença jusques à la lin, M. d'Andelot mon frère, et moy , avec ledit sieur de Saint-Remy, allions tous les soirs reconnoistre le dommage que l'artillerie pouvoit avoir fait le jour, et résolvions avec les capitaines aux quartiers desquels la chose touchoit ce qu'ils avoient à faire, et puis les sollicitoit-on afin que ce qui avoit este' ordonné fust vivement et diligemment exécuté.

Après que ladite batterie eut continué trois ou quatre jours, il se mit un certain effroy entre plusieurs,

tant de ceux de la ville que mesme d'aucuns gens de guerre, dont j'ay eu connoissance en me promenant de nuict, que Tonne me voyoit point, et toutesfbis je faisois le sourd et l'aveugle , en donnant courage à ceux mesmes qui me sembloient les plus estonnez ; et , pour remédier à cela, j'avoistenu un langage quelques jours auparavant où estoient quasi tous les capitaines et plusieurs soldats, qui estoit en substance, que j'estois bien résolu de garder cette place avec les hommes que j'avois, et que si l'on m'oyoit tenir quelque langage qui approchast de faire composition, que je les suppliois tous qu'ils me jettassent comme un poltron dedans le fossé par dessus les murailles; que s'il y avoit quelqu'un qui m'en tint propos, je ne luy en ferois pas moins.

Et ne veux sur ce point obmettre à satisfaire à aucuns qui s'esbabissoient que je n'assemblois plus souvent les capitaines ; car ce qui m'en gardoit estoit que , hors de ma présence, il se tenoit des langages si estranges et si contraires à ma résolution , que j'eusse eu crainte qu'il m'en eust esté mis quelque chose en avant. Je ne crains point aussi qu'il y ait capitaine ny soldat qui puisse dire que je ne l'aye escouté, à quelque heure du jour ou de la nuict qu'il aura voulu parlera moy ; et si c'a esté de chose à quoy il ait fallu pourvoir, que je n'y aye esté et mené de ceux en qui je me fiois le plus pour en résoudre, sans user de plus grande longueur, comme l'on est contraint défaire quand il faut appeler tant de gens : aussi qu'il ne se passoit jour que deux ou trois fois, en passant par les quartiers, je ne demandasse aux capitaines leurs opinions, et mesme que je ne leur conférasse de ce qui se faisoit aux autres; d'autre part, que la première harangue que je leur

l\-5Ô LE SIÈGE DE S AlRC'l - QUEJNT1ÏV .

avois faite estant entré de dans la ville , estoit qu'un chacun eust à m'advertir de ce qu'il jugeoit pouvoir servir à la conservation de la place, ainsi que je l'ay mis cydevant.

La batterie donc des ennemis continua jusques au sixiesme jour, environ les deux heures après midy, que nous les avions aussi en plusieurs endroits dedans nostre fosse', et jusques à nos parapets, à la longueur des picques. A cette heure-là, le guet que j'avois dedans le clocher de la grande église, m'advertit que de toutes parts il voyoit l'armée desdits ennemis se mettre en armes, et que plusieurs gens de pied sacheminoient aux trenchées : ce que je fis entendre à tous les endroits et quartiers de la ville, afin que chacun eust à se tenir sur ses gardes, estimant que ce mesme jour ils nous vinssent donner l'assaut; et moy -mesme allay à trois ou 'quatre des brèches les plus prochaines de moy, pour voir l'ordre qui y estoit tenu , où c'est que je trouvay un chacun monstrant semblant de vouloir bien se defTendre. Le semblable entendis-je de tous les autres endroits où j'avois envoyé des genlishommes, qui fut cause que je m'en retournay bien content à la brèche que je deliberois defTendre, qui est celle que j'estimois que lesdits ennemis feroient leur principal effort, pource qu'ils estoient fort opiniastrez à battre cet endroit-là, et à ne nous laisser aucune chose qui eust peu servir de flanc, mesme que c'estoit vis-à-vis de l'entrée qu'ils avoient faite en nostre fossé.

Comme nous estions tous attendants l'assaut, lesdits ennemis mirent le feu en trois mines, lesquelles, toutes trois, entroient sous nostre rempart, dont les principales furent au quartier de monseigneur le Dauphin:

LE SIÈGE DE SAINCT - QUENTIN. /\.5j

mais le dommage ne fut pas si grand comme, à mon advis, ils esperoient, et croy que cela fut cause qu'ils ne donnèrent point l'assaut ce jour-là; aussi ne firent ils pas grand effort en autres choses, et ils se contentèrent de venir reconnoislre les brèches de mon costé, et de descendre dedans le fossé à l'endroit que gardoit M. d'Andelot mon frère.

Après que lesdits ennemis se furent retirez, je m'en allay voir l'effet qu'avoient fait lesdites mines: mais je trouvay que par-là nous ne pouvions pas recevoir grand dommage. Si y falloit-il toutefois travailler, ce que je remis quand iJ seroit nuict, pource qu'on ne le pou voit faire de jour, pour estre en veue desdits ennemis. Le feu s'estoit mis deux jours auparavant en des maisons qui estoient couvertes de chaume, derrière les Jacobins; et, en moins de demie heure, il y en eut vingt-cinq ou trente de bruslées; et, de malheur, le vent estoit fort grand ce jour-là, qui chassoit droit au cœur de la ville. Je m'y encourus soudainement avec un gentilhomme ou deux seulement, n'ayant voulu souffrir qu'il m'en suivist davantage; et mesme ceux que je trouvois des gens de guerre, je les renvoyons dans leurs quartiers, craignant que, sur cette occasion, les ennemis ne voulussent entreprendre de faire quelque effort, encore que pour l'heure il n'y eust pas grande apparence. IVla présence ne servit pas de peu pour remédier à ce feu; car ils estoient tous si estonnez, qu'ils ne sçavoient qu'y faire : je fis rompre deux ou trois maisons au devant, et fis tant que ledit feu fut arreste'.

Quand ce vint sur la nuit, je m'en allay, comme de coustume, pour voir ce qui se pourroit faire en cha-

cun endroit. Il y en avoit trois principaux qui estoient au quartier de la compagnie de monseigneur le Dauphin, celuy que M. d'Andelot gardoit, et la porte d'Isle. L'on travailla toute la nuict le plus que Ton put; et entre autres endroits je trouvay que M. de Cusieux avoit fort bien travaillé cette nuit là; car ladite compagnie de monseigneur le Dauphin estoit départie en deux, et le plus grand dommage que les mines eussent fait, c'estoit à l'endroit que gardoit le sieur de Cusieux. Quand ce vint un peu après le point du jour, le sieur de Saint Remy me vint dire qu'il venoit de la porte d'Isle, et qu'il ne trouvoit pas qu'on y eust fort travaille', davantage qu'il luy sembloit que les gens de guerre se refroidissoient fort à leur besogne, et qu'ils trouvoient difficile tout ce qu'on leur proposoit ; enfin , que leur contenance ne luy plaisoit point, et qu'il me conseilloit d'aller jusques là, ce que je fis incontinent et le menay avec moy. En y allant, il commença à me dire qu'il me plaignoit merveilleusement, pour la peine qu'il voyoit que je prenois nuict et jour, voire en une place si mauvaise , qu'il ne voyoit pas que j'y peusse faire un tel service que je desirerois, tant pour la débilité de la place, que pour me défaillir le principal dequoy il eust esté besoin d'estre pourveu, qui estoit d'hommes ; me voulant en outre bien advertir que de si peu que j'en avois, encores y avoit-il la pluspart de mauvaise volonté. Ce propos fut un peu long, de sorte qu'ainsi qu'il achevoit j'arrivay à la porte d'Isle; qui fut cause que je luy dis que je ne luy ferois point de responce pour cette heure, et que nous regardassions à ce qu'il falloit faire. Il me dit qu'il l'avoit desjà monstre au capitaine Sallevert et aux capitaines de gens de

pied qui estoient-là ; et , après leur avoir monstre' encore une fois, je fis mettre la main à l'œuvre, tant aux capitaines qu'aux soldats. Il y eut bien quelque capitaine qui me^ dit qu'il y avoit des soldats qni se faschoient pource que l'artillerie leur faisoit grand dommage. Je fus là quelque temps à deviser avec eux, en sorte qu'il me sembloit que je les laissois en bonne volonté. Je m'en allay de là passer où estoit M. d'Andelot mon frère, pour luy dire qu'il seroit bon qu'il commist quelqu'un pour commander à la bande du capitaine Sainct André, pource que luy estoit fort blessé, et ne bougeoit de son logis. Son lieutenant avoit aussi esté blessé cette nuit -là, et son sergent tué : de sorte qu'il ne demeuroit plus en cette bande-là pour commander que son enseigne, qui estoit un jeune gentilhomme et avec peu d'expérience. Il me fit response qu'il avoit entendu que le capitaine Sainct André se portoit assez bien, et qu'il s'en iroit passer par son logis, et, s'il trouvoit que ledit capitaine n'y peust vacquer, qu'il y en commettroit un autre. Nous nous en allasmes ensemble, car c'estoit aussi mon chemin, et, après avoir parlé audit capitaine Sainct André, il se fît porter en une chaire là où estoit ladite bande.

Ce jour-là , dès le point du jour, qui estoit le septiesme que les ennemis avoient commencé leur batterie , ils commencèrent à tirer de plus grande furie et de plus grand nombre de pièces qu'ils n'avoient encores fait auparavant; de sorte qu'il estoit à juger que ce jour là ils vouloient faire quelque grand effort. Quand je fus de retour où estoit mon quartier, je pris mon frère et le sieur de Sainct-Remy, les tirant à part, et dis lors audit Sainct-Remy que je le priois me dire

son advis sur l'entreprise qu'il voyoit que les ennemis faisoient sur nous de leurs mines, et le moyen qu'il y auroitd'y remédier. lime fit responce qu'il n'estoitpas à cette heure là à y penser, mais qu'il n'y trouvent un seul remède, pour autant qu'estant maistres de noslre fosse, ils pouvoientpied à pied venir gagner nostre parapet, lequel n'avoit que cinq ou six pieds d'espaisseur, et qu'en moins de rien ils le nous leveroient (0, et que le rempart demeuroit si estroit, qu'il n'y avoit point de lieu pour se retirer : qu'aussi peu y en avoit il de se retrencher par le derrière , pource que ledit rempart estoit si haut qu'il maistriseroit de beaucoup le retrenchement que l'on pourroit faire, et que je sçavois ce qu'il m'avoit dit un peu auparavant, et d'autres fois semblablement, c'estoit qu'il n'avoit jamais mis le pied en une si mauvaise place. Quant aux cohtremines qu'il avoit commencées, qu'il s'en alloit pour en fermer deux , et les tenir prestes à y mettre le feu ; mais qu'il craignoit que l'une, qu'il estimoit la principale, ne fist lombei le reste d'une tour, et que la ruine ne fist eschelle à l'ennemy ; mais que s'il voyoit qu'il y eust quelque danger en cela, qu'il n'en prendroit que ce qu'il luy en faudroit pour nous servir.

Quand il eut achevé', je commençay à dire que je leur voulois dire une chose que je tiendrois comme non dite, pource que l'un estoit mon frère, et l'autre je l'estimois tant mon amy , que cela ne passeroit point plus avant : c'estoit que je me retrouvois en grande peine d'entendre qu'il ne se trouvoit point de remède pour rompre le dessein de l'ennemy, et que la chose que j'avois moins de regret , estoit de sacrifier ma per-

,Vl Ils le nous la croient : il nous Tcnleveroieut.

LE SIÈGE DE SAHYCT - QUEJSTliV. /j 6 I

sonne pour le service du P\oy et de ma patrie, et que je connoissois assez combien importoit, non seulement les jours, mais les heures que nous pourrions garder cette place ; mais qu'une chose se presentoit devant moy, que j'avois ouy dire après la prise de Terouenne ; c'estoit qu'après que M. de Montmorency vit que les ennemis s'estoient faits maistres du fossé, et qu'ils commencèrent à sapper son parapet, voyant qu'il ne se pouvoit plus trouver de remède pour sauver la ville, il devoit chercher de faire quelque honneste composition, àquoy l'on disoitqueles ennemis l'eussent volontiers receu s'il eust parlé plustost ; adjoustant à cela que l'on voyoit tous les jours ceux mesmes qui faisoient bien, encore trouvoit-on à redire sur eux, et que de moy je craignois que l'on me pust imputer que j'aurois eu bien peu de considération, de mettre en hasard de perdre la force que j'avois là dedans, qui estoit la principale du royaume de France pour lors, principalement de gendarmerie , puisque je me voyois réduit à telle nécessité, et que cela eust bienservy à conserver d'autres places et tout le royaume; mais que j'avois pensé en une chose : c'estoit que nous pouvions juger qu'après la furieuse batterie que faisoient les ennemis, ils voudroient tenter à nous emporter d'assaut ; pourtant qu'il faîloit penser à nous bien deffendre, et que si nous les avions bien battus la première fois qu'après ils essayeroient de nous emporter à la longue , et quand je voirois cela, que lors je pourrois par parlement essayer d'envoyer quelque gentilhome vers le Roy, pour luy faire entendre mes nécessitez , et cependant gagner autant de temps. D'une chose les voulois-je bien asseurer : que j'aymois beaucoup mieux mourir qu'il

me sortist une parole de la bouche dequoy je peusse avoir honte \ que je connoissois bien véritablement que j'avois beaucoup de gens de mauvaise volonté , mais qu'il leur falloit faire accroire qu'ils estoient la moitié plus hardis qu'ils ne pensoient. La conclusion de mon propos fut : « Vous voyez comme les ennemis renforcent leur batterie, et est à croire qu'ils feront aujourd'hui un grand effort; je vous prie que chacun se prépare de les bien repousser et recevoir cette première fois , et puis Dieu nous conseillera ce que nous aurons à faire. »

Nous nous despartismes, et chacun s'en alla pour donner ordre à ses affaires. Devant que passer plus avant , il faut que je déclare combien nous avions de brèches, et le nombre d'hommes de guerre que nous pouvions avoir pour les deffendre. La première estoit celle du capitaine Breul, capitaine de la place, qui avoit sa bande. La seconde du capitaine Humes , lieutenant du comte de Haran , avec sa compagnie. Il faut que je porte cet honneur aux chefs et aux soldats de ladite compagnie , que je n'en vis point, tant que le siège dura, qui s'employassent mieux et plus volontiers qu'eux, ny qui montrassent visage plus assuré. La troisiesme du sieur de Cusieux, avec une partie de la compagnie de monseigneur le Dauphin. La quatriesme du sieur de La Garde , avec autre partie de ladite compagnie. La bande du capitaine Sainct-André estoit départie en trois , à sçavoir avec les capitaines Humes , Cusieux et de La Garde. La cinquiesme estoit la mienne, avec partie de ma compagnie , et le capitaine Gordes avec quelques harquebusiers. La sixiesme y avoit autre partie de ma compagnie, et le capitaine

Rambouillet. La septiesrne , M. de Jarnac avec sa compagnie, et le capitaine Bunon avec ce qu'il pouvoit avoir de sa bande. La huitiesme, les capitaines Forces, Oger et Soleil, avec ce qu'ils pouv oient avoir de leurs bandes, et quatorze ou quinze archers, avec quelques gens d'armes que j'avois baillé à Vaulpergues pour les commander. La neufiesme, M. d'Andelot y estoit avec trente-cinq hommes d'armes, que je lui avois baillez de toutes compagnies, et quelques gens de pied et haï quebusiers de Sainct-Roman , qui se faisoient bien paroistre entre les autres. La dixiesme, le capitaine Lignieres, avec ce qu'il pouvoit avoir de sa bande. L'onziesme, le capitaine Salvert, avec la compagnie de M. .de La Fayette, et les capitaines La Barre et Saquenville , avec ce qu'ils pouvoient avoir de leurs ^andes. Et faut noter que, pour toutes les dites brèches, je n'avois point huit cens hommes de guerre pour les delFendre, tant bons que mauvais, entre gens de pied et de cheval : car je n'y avois point voulu mesler les gens de la ville , les ayant départis aux autres endroits , afin que si nous eussions este' assaillis par eschelles, où il n'avoit point esté fait de batterie, nous eussions eu gens par tout pour nous delfendre. Il y avoiteu beaucoup d'hommes tuez et plusieurs autres blessez ou malades, desquels je n'estcis non plus secouru que s'ils eussent esté morts. Je sçay bien qu'en la brèche que je gardois, le capitaine Gordes y avoit du commencement plus de cinquante soldats des siens. Je les fis compter le matin dont nous fusmes assaillis l'après disnée : il ne s'en trouva plus que dix-sept, encore en eus-je cinq de ceux là tuez en sentinelle devant que l'assaut se donnast, et fus contraint de mander à M. d'An-

delot, mon frère, qu'il me secourust de quelque nombre des siens, encore qu'il m'en faschast bien ; car il estoit en lieu où il en avoit bien affaire pour luy mesme ; neantmoins ne laissa il pas de m'envoyer ce qu'il put.

J'ay dit cy dessus comme les ennemis dès le matin redoubloient fort leur batterie ; ce qu'ils continuèrent jusqu es environ les deux heures après micly, que nous leur voyons cependant faire tous leurs préparatifs de toutes parts pour nous venir donner l'assault. De ma part, j'allois et envoyois de tous costez , afin qu'un chacun fust pi est à les recevoir, et enfin je me donnay de garde que, sans bruit et sans sonner tambour, je vis trois enseignes au pied de nostre rempart. Lors je fis présenter un chacun pour combattre ; mais ils ne nous enfoncèrent point par mon endroit , et commencèrent; à couler et à monter file à file à une tour qui avoit esté fort battue de l'artillerie au coin du quartier du sieur de La Garde. Quand je vis qu'ils prenoient ce chemin -là j'en fus bien aise, car ils montoient fort mal aisément; et si du lieu où j'estois je les voyois un peu par le flanc, et leur faisois tout l'ennui que je pouvois, avec trois harquebusiers que j'avois, et pensois véritablement qu'il fust impossible de nous forcer par cet endroit là. A la fin je vis six enseignes qui montoient au haut de la tour et se jettoient à bas; mais je pensois que ce fust dedans une tranchée qui estoit devant le parapet pour estre plus à couvert, jusqu'à ce qu'on vint me dire que les ennemis forçoient cette breche-là. Lors je commençay à me tourner, et dire à ceux qui estoient auprès de moy qu'il la nous falloit secourir. Et sur cela vint le sieur de Saragosse,

qui me demanda ce que je voulois faire, et où je voulois aller. Je lui dis que je voulois aller secourir cette brèche que Ton forçoit, et qu'il falloit là tous mourir, et en repousser les ennemis ; et sur cela je commençay à descendre du rempart. Il faut sçavoir que je n'estois pas loin de la tour par où lesdits ennemis entrèrent ; mais il y avoit une grande traverse qui m'empeschoit de pouvoir juger ce qui s'y faisoit. Quand je fus au pied du rempart , je fus bien esbalii quand je vis le drapeau de l'enseigne de la compagnie de monseigneur le Dauphin à l'endroit des Jacobins, qui s'enfuyoit,et beaucoup de ceux de ladicte compagnie, si encore ils n'estoient devant. Quand j'eus marche' huit ou dix pas plus avant, je vis tout ce quartier là abandonné, sans qu'il y eust un seul des nostres , mais assez des ennemis , ausquels il estoit aisé d'entrer , puisqu'ils ne trouvoient point de résistance. Et, pour dire vérité, je vis de toutes parts un chacun s'enfuir: de sorte que je demeuray accompagné de trois ou quatre seulement, entre lesquels estoit un page, enveloppé d'ennemis de tous costez. Voyant qu'il n'estoit plus en ma puissance de remédier à ce desordre , et que la ville estoit perdue, aussi que desjà les ennemis et les Allemans entroient en grande furie, je taschay de tomber entre les mains d'un Espagnol, comme je fis, aimant mieux attendre au lieu où j'estois, fortune bonne ou mauvaise, que de m'enfuir. Celui qui me prit, après m'avoir fait un peu reposer au pied du rampart, me voulut emmener en leur camp, et me fit descendre par la brèche mesme que je gardois, par où il n'estoit encore entré un seul ennemy. Delà me fit entrer en une des mines qu'ils avoient faites pour gagner nostre fossé, où je 32. 3o

trouvay à l'entrée le capitaine Alonze de Cazeres, maistre de camp des vieilles bandes espagnoles, où survint incontinent le duc de Savoye, lequel commanda audit Cazeres de me mener en sa tente. Quand je fus monte' en haut, je vis dans les tranchées, à l'endroit de la brèche que M. d'Andelot, mon frère, gardoit, qu'on s'y combattoit à grande furie ; mais pource que de cet endroit là, ny des autres que je n'ay point veus, je n'en pourrois escrire qu'au dire d'autruy, je m'en tairay. Car aussi bien n'ay-je délibéré de traicter dès le commencement que des choses dont je voulois et pouvois bien respondre. J'en diray une que l'enseigne du capitaine Sainct André m'a dite depuis que je suis prisonnier, lequel estoit à l'endroit mesme par lequel les premiers ennemis entrèrent. C'est que quand lesdits ennemis se vindrent présenter en cette brèche , tous ceux de la compagnie de monseigneur le Dauphin qui estoient là pour la de (Fendre , et semblableuient tous les soldats de son capitaine, la désemparèrent et s'enfuirent sans jamais donner un seul coup de picqueny d'espée: Je diray pour conclusion que c'est un grand malheur pour un gentil-homme qui est assiégé en une place où toutes choses luy défaillent qui luy sont nécessaires pour la garder, et principalement devant les forces d'un grand prince, quand il se veut opiniatrer devant, et mesme quand c'est que l'on a à combattre aussi bien les amis que les ennemis, comme j'ay eu dedans Sainct Quentin. Tout le reconfort que j'ay, c'est celui qu'il me semble que tous les chrétiens doivent prendre, que tels mystères ne se jouent point sans la permission et volonté de Dieu, laquelle est tousjours bonne, sainte et raisonnable, et qui ne fait rien sans juste occasion :

dont toutesfoisje ne sçay pas la cause, et dont aussi peu je me dois enquérir, mais plustost in humilier devant luy en me conformant à sa volonté'. Fait à l'Ecluse le 28 de décembre i557«