DES CROISADES

RAR ARR ELLE LE LUE LR LUE LEE LILI LE VUE IAE IAR LR ÉRLULEUVELLELLULELIE

Sr grans haine estoit entre le roi et le cuens de Jaffe que chaseun jor creissoit plus et plus, et jusque à tant estoit la chose venuë que le roi queroit achaïson par quoy il peut desevrer tot apertement le mariage qui iert entre lui et sa seror. Il requist le patriarche qu'il les ajornast, et dist qu'il voloit acuser ce mariage, mostrer par raison qu'il n’estoit ne bon ne loyal. Le cuens oi ce dire ; si se parti des autres barons tot celeement , et s’en vint en Jerusalem, où sa fame sejornoit lors, et li pria mult quele se partist de la ville ançois que le roi vienist, qui retornoit de son ost. Car il doubtoit que se le roi la trovoit iluec, qu'il ne la laissast pas revenir à lui; por ce li prioit mult que ele le suist à Escalone, où il s’en ala tot droit. Le roi oi dire que le cuens s’estoit parti de lost, si envoya messages aprés lui, qui le semonstrent de venir à sa cort. Cil respondi qu’il ne pooist aler, parce qu’il estoit dehaitie. Plusors messages 1 envoya les uns aprés les autres, qui onques amener ne le porent, car il s’escusoit tosjors de sa maladie. Le roi dit que puisqu'il ne voloit venir à lui, il iroit à lui parler et semondroit 1l meismes. Li baron li suirent. Il se

vint tot droit à Escalone, mes il trova les portes mult bien