CXIII. 10 juin

Lettre écrite de Bordeaux à Hugues le Despenser, sur ce qui se passe en Guyenne.

Archives de F Echiquier; conservée provisoirement à Chapter-House, dans une botte bleue, avec d'autres documents relatifs à des villes étrangères.

Treschier seignur, si vous pleise saver qe sur le point qe le conseil par decea fut en ordenannt et devisant les busoignes qe furent a deliverer, selonc l'entencion emprise au temps de mon départir de vous, survindrent noveles de madame la Roine, qe la soeflrance prise tantz a la quinzeine de la Pentecouste , estoit aloigne tannt que à la fin de oit jours après , en esperannce de bone et perpetuele pees, et pria monseignur le conte de Kent, q'il feust tendre de celé soeflrance; si qe ele ne se rumpesist pur riens; dont sire, d'ascunes charges qe l'en avpit pense a faire, se est homme soflfert , tant que l'en sache plus ; mes verreiment sire, nous ne pooms uncore saver pur certein , si ceo se doit turner, a bien , ou a mal ; mes nous quidoms aver assez de garnisseinent avant la meyn, et si ceste chose et autres, qe pur ascunes enchesons, jeo lees de vous escrire, vous pleise doner foi et credence, a Johan de Asphale, car sur ma foi, jeo crei qe vous lui troveretz bon et loial, et il vous seet overer ascuns secretz, s'il soit bien examinez. Totefoitz, sire, jeo meintenk, ceo qe jeo vous avoi avant dit, del bien et de la loialte et la boue amour, qe monsr Johan de Wi*ham a porte a nostre seignur le roi, et a vous et molt est grant damage, qe le roi ne eust plusurs tiels, si fiables et si nécessaires a lui et a vous , corne je lui tenk. Assez vous dirra le dit Johan de Asphale , des choses qe se fonnt devers nous, et pur ceo vous escris jeo si poi quant a orc. Sir, nostre Seignur vous tigne bone vie et longge. Escrit a Burdeux le xm€ jour de juyn.

Au dos : A monseign', mons. Hughe le Despenser, seignr de Glamorgan et de Morganne. Par soen petit clerk, Adam.