CCXXXVI. Î7 aYril

Mandement du duc de Lancastre à son trésorier , pour le payement de diverses dépenses.

Archives du duché de Lancastre; reg. du duc Jean, C. C. 12, fol. 140.

Jbhan , par la grâce de Dien , etc. , a nostre très chier et bien ame clere , sire William de B(urghbrugge) nostre receyvour gênerai, saluz.

Nous voulions et vous mandons qe des issues de vostre receyte paiez et deliverez a nostre très chier et bien ame clerc meistre Ranf. de Erghoin, nostre chancelier, quarante souldz d'esterlinges, quelle» il paiez pour nos affaires ;. cest a ssavoir : quarante deniers paies a un messager, portant une bulle de nostre très seint piere le pape, touchant nostre droit es les parties de Province et la remenant de la dite somme as diverses escriveyns escrivantz noz lettres a noz gentz d'armes de nostre retenue et autres noz lettres directes et mysez as autres diverses parties. Et cestes noz lettres vous en serront garrant

Donne etc. sous nostre prive seal, a nostre manoir de la Sawoye,. le xvir jour d'averil, l'an etc. d'Engleterre quarant sisme et de Ffrance trente et tierce.

CCXXXVII. 1S avril 1372.

Quittance (tonnée par le duc de Lancastre aux fournisseurs de l'approvisionnement; de la ville de Nyort.

Archives du duché de Lancastre; reg. du duc Jean, C. C. 12, fol. 1.

Johan, parla grâce de Dieu,, duc de Lancastre etc. savoir faisons que corne par le temps» que nous estions en paiis d'Aquitayne, pour nostre très redoubte seîgour et père, le roy de Ffrance et d'Engleterre et pour nostre très honore frère le prince d'Aquitaine et de Galles, nous heussons ordenne noz porveyours Robert Hadrigant et P. Petruche, a faire nos provisions en la ville et chastellenie de Nyort, de blez, vins, foin, aveyne, busche et charbon et les dite. Robert Hadrigant et PI Petruche les heussent baille en garde et commis a recevoir aucunes

ISA XIVe SIÈCLE.

d'icelles a Joban Gompaignon de Nyort, confessons avoir eu et recen toutes et chascunes des dites provisions a li baillées et receuei pour li , et noz en ha rendu bon compte et loyal, et d'icelles quiptons le dit Joban Compaignon et les siens.

Donne a Savoy, souz nostre prive seal, le xvnr jour d'avril, l'an de grâce mil trois cens septante et deux.

CCXXXVHI . 27 âyril !37î#

Mandement du duc de Lancastre pour faire payer un cheval tué.

Archives du duché de Lancastre ; reg. du duc Jean, C. G. 12, fol. 147.

Joban, par la grâce de Dieu etc. a notre très chier et bien ame clerc, sire William de Burghbrugge notre receyvour gênerai, saluz.

Nous voulons et vous mandons que des issues de vostre receite, paiez et deliverez a nostre bien ame esquier, Thomas de Hasildene, six livres, treze soulds, quatre deniers, en queux nous fumes tenuz a ly pour restor d'un sen chival, preisez et perduz en nostre service, en nostre denier viage es parties de Normandie et Pikardie, donnt il ad bille, souz le seal nostre bien ame clerc , sire Thomas de Àmcotes , nadgaires tresurer de nostre houstel. Reteynant envers vous la dite bille par quelle et cestes noz lettres portons a voz accomptes, nous volons que vous ent eiez deue allouance en yceile.

Donne etc. a la Sawoye, le xxvii6 jour d'averil , l'an etc. d'Engleterre quarante sisme et de Ffrance xxxin*.