CCXLIX. 3 août
EndentiTre entre le duc de Lancastre et J. de Fox ton, pour la ferme des maisons du duc, à Calais.
Archives du duché de Lancastre; cartulaire, 1. 1, fol. 420. Brequigny, t. LV1I, en a fait une copie d'après les archives de l'Échiquier, et prévenu qu'à la suite de cet acte, se trouvent quatre autres endentures sur le même sujet ; mais il n'en a donné qu'une analyse.
Geste endenture faite par entre nostre seignur Johan, roy de Castille et de Léon, duc de Lancastre , d'une part , et William de Ffoxtonn de Galeys, d'autre part, tesmoigne que nostre dit seignur le Roy ad baille et lesse a ferme au dit William une place appelle : l'oustel de nostre dit seignur, deinz la ville de Galeys, ove toutes les appartenances, a avoir et tenir au dit William, ses heirs et assignez de nostre dit seigneur et ses heirs, du jour date d'icestes, juesqes a la fin de vint ans, adonqes prochein ensuantz pleinement accompliez, rendant pur ycelle a nostre dit seignur et ses heirs, cynk marcs d'esterlings par an, as termes de saint Michel et de Pasque, par oveles portions. Et le dit William et ses heirs et assignes, le dit houstiel et touzles maisons, mures et gardyns d'ycelle sustendra et mayntendra durant le dit temps en bone estât et convenable, forspris que si par ascun outrageous et [incustumable tempest , les maisons soient empeirez, le dit William en ceo cas ne sera mie tenuz de les reparailler. Et le dit William touz les maisons et autres avant déclarez en fyn del dit terme, en bone et covenable estât lessera. Et outre ce, le dit William voet et grannt qe nostre dit seignur et ses gentz soient casez a Iour volunte deinz le dit houstiel sannz contredit, a quel temps que nostre dit seignur viendra illoeqes#en sa propre persone. Et pour le inieulz accomplier les covenanntz avantditz, nostre dit seignur ad quitez et relessez au dit William cynk marcs d'esterlinges, pur les deux primers termes ore prochein venantz. En temoignance des quelles choses les avantditz nostre seignur le roy et William a cestes présentes endentures entrechanngeablement ont mys lour sealx.
Done a Galeys, le tierce jour d'augst, l'an après la nativité nostre seignur Jeshu Crist mille trois centz septant et trois.
IfO HY» SIÈCLE.
