CCCXL. h septembre

Lettre du duc de Clarence à la commune de Londres, pour lui annoncer la prise de Caen.

Archives de la mairie de Londres; reg. I, fol. 200'°.

Littera ducis Glarencie missa eisdem.

Le duc de Clarence,

Très chiers et bien amez, nous vous saluons souvent et de cuer et vuellez savoir que despuis que nagaires vous rescrimes par Johan Risby, nostre serviteur et messager, il a plieu a nostre Seignour Jhesu Crist de sa grâce que monseignour le Roy a prins et gaigne de assault la ville de Caen de quelle le chastell est en trete et condition qe s'il n'est rescoux per l'adversaire de France ou son fitz aine, ou le conte d'Armaignak, conestable de France, entre-cy et le xixe jour du moys de septembre ou quel nous suymes a présent, adonques les cliefs seront renduz et délivrées a monseignour le Roy. Et ami est vreys que plusiours aultres villes et chasteaulx et forteresses se sont rendues a l'obbeissance de monseignour; des quelles villes,

XV SIÈCLE. 33t

ehasteht et forteresses nous avons charge au porteur de cestes vous bailler les nonns par escript, et nous semble que véritablement o l'aide de Dieu et du bonn commencement que monseignour a, que de deins brief il aura sonn propos et entente et victorie de ses ennemis et rebelles. Ne n'est nécessite par dessa du chose du monde, fors que de gentz pur pueplier et garder les dictes villes et forteresses; et très chiers et bien âmes, le benoist saint espirit soit de vous garde.

Donne soubz nostre signet, en ladite ville de Caen, le XIe jour du mois de septembre.

A noz très chiers et bien amez les maires et aldermans et aultres bonns gentz de la cite de Lonndres.