Le maréchal de Thermes, mort le 6 mai

4. Jacques de Pe\ russe, seigneur de Merville (t. III, p. lo2,note t).

qui est iing jeune homme non expérimenté et non apte à ung estât de telle importence que ceste-cy.

Le dict seigneur cardinal m'a communicqué une lettre que monsieur le connestable luy a escript, du quatriesme de ce moys; et ayant par icelle entendu que vous estes par delà en quelque traicté de paix, et aussi que sa Majesté et vostre, où il n'en y auroict poinct, délibérés m'employer pour le service de sa Majesté au pays de Languedoc, cella a esté cause que je n'ay faict partir les huict compaignies de gens de pied, que j'avoys faict lever en ce pays, si tost que vous ay escript par ma dernière dépesche; ains ay commendé aulx cappitaines les faire retirer pour quelques jours, pour le soulagement du pouvre peuple, attendant voz eommendemens.

]Monsieur le cardinal a esté d'advis que mon lilz allast en Albijoys, avec sa compaignie de chevaulxlégiers et arquebouziers, pour garder que les ennemys ne feissent quelque nouvelle entreprinse. Qu'est tout ce que je vous puis escrire pour le présent, après vous avoir supplié très humblement me tenir tousjours en vostre protection et bonne grâce, et je prieray Dieu que en très heureuse santé vous doinct. Madame, très longue vye et prospérité.

D'Agen, ce 28 de décembre 1562.

Vostre très unbble et très hobéissant supgect et serviteur.

De Monluc \

(Lettre originale; ces derniers mots : votre très unbble, etc, et la signature sont autographes; Bibl. imp., coll. Saint-Germain fr,, vol. 689, 7, f" 471.)