ANNE DE MONTMORENCY

[Pau, 15 février 1563 (156^).]

Mon cousin *, il y a bien fort longtemps que je me feusse rendu à la court sans les nouveaulx empeschements qui me surviennent tousjours quand je suis sur le point de partir, au moyen de Monluc, qui ne cesse de se forger tous ses allarmes qui peult du costé de mes terres, affin d'avoir occasion de se jetter dedans mes maisons, comme àNéracq, le Mont de Marsan, Lectore, Castelgeloulx et aultres de mes places, ainsi qu'il s'en est descouvert en quecques lieulx comme je scay bien. Et comme je ne seray pas si tost eslongnée de ce pays qu'il n'y face un beau mesnaige, ce que, mon cousin, usant de vos accoustumés bons offices envers moy, je vous prie faire bien entendre à la royne et m'aydés pour me délivrer de toutes ces paynes ; ou que l'on envoyé quelque