Probablement Arignano, village au nord-est de Quier

336 COIMJMEINTAIRES

descouvertes par le bruict du cbarroy de l'artillerie. A la fin, conclusmes que les portes de Thurin seroinct fermées à vespres, et que les bœufs seroinct prins devers RivoUe * et Veillane% et que tout le bestail se rendroict à vespres dens la ville, et grandz gardes aux portes, afin que bomme du monde ne peult sortir, sinon entrer. Feust aussi arresté que je tirerois à mesmes heure le canon et la grand colovrine du cbasteau de Moncalier, et que je prendrois le bestail des gentilhommes et borgeois de Moncalier, qui seroinct de là le pont devers les Loges'. El firent estât que à ung heure de nuict l'artillerie seroict à Moncalier par le chemin de delà le pont, et que monsieur de Caillac et moy demeurerions ensemble à conduire ladicte artillerie avecques ma compaignie; et monsieur le mareschal, messieurs de Bonnivet et Franciscou Bernardin iroinct par le chemin que j'ay dict avec tout le reste de noz gens de pied. Ledict sieur mareschal me laissa monsieur de Pecquigni * avecques sa compaignie et une aultre, lesquelles s'en yroinct devant nous avecques les pionierset dix gabions que nous prinsmes du cbasteau de Moncalier. Et arrivasmes les ungz et les aultres à mesmes heure devant Quier. Mais la camisade tourna en fumée, pource que les eschelles se trouvaient courtes, et le fossé plus proffond qu'on n'avoict