Var. des édit. précéd. : « en la fortune que Dieu leur

envoyé roi t. »

BE BLAISE DE MONLUC. 46o

pour quelque mallieur qui leur sceust advenir, de la protection et aniilié du Roy. Je cogneuz dès lors, à leur care et à leur langage , que ces gens estoinct bien résolus de garder leur liberté et l'amilié qu'ilz m'avoinct promise et jurée; et à la vérité leur résolution me resjouit fort. Hz firent fere tout incontinent la criée ; tout le monde coreust aux champs retirer ce qu'ilz y avoinct. Et sur les cinq heures , comptant à la mode de France , du soir , arriva le cappitaine Combas *, mestre de camp de l'enfanterie françoise, qui me vint advertir que la bataille estoict perdue et que monsieur le mareschal estoict blessé à mort , lequel on avoict mis sur de perches pour l'en emporter à Montalsin , et que la nuict mesmes tout ce qui estoict eschappé du camp seroict aux portes de Sienne. Je vous laisse penser en quel estât je me trouvay , estant malade d'une fièvre continue et d'une discenterie, veoir le chef mort ou autant valoict , n'ayant que quatorze ou quinze jours que j'estois arrivé parmy ceste républicque, n'y cognoissant personne du monde, et ne sçachant qui estoict bon François ou non : il fault tant de temps pour cognoistre les hommes. Monsieur le mareschal ne m'avoict laissé que cinq compaignies d'Ytaliens , desquelles je ne cognoissois ung seul cappitaine; il les avoict laissées dens la citadelle et dens le fort de Camolie , qui estoinct les clefs de la ville. Or j'envoyay le cappitaine Combas pour en dire les nouvelles à la Seigneurie au palais , lesquelz ne s'en esbahirent aulcunement, ains dirent au cappilaine

1. Probablement Louis Pelet, baron de Combas, né vers 1530, mort en 1616 (Marquis d'Aubais, Pièces fugitives , t. I , Voyages d'Aramon, p. 123).

Combas qu'il y avoict deux ou trois jours que je leur disois que ceste retraicte esfoict dangereuse, et que, encores à ce matin, aux remonstrances que je leur avois faicles, ilz tennoinct la bataille pour perdue, mais que pour cela ilz ne cbangeroinct poinct la bonne volonté et affeclion qu'ilz pourtoinct au Roy, ny de l'espérance qu'ilz avoinct d'estre secorus de luy.

Ne trouvés estrange , cappitaines mes compaignons, si, présageant la perte d'une bataille, je l'asseurois ainsi aux Siennois: ce n'estoict pas pour leur desrober le cœur, ains pour les asseurer, afin que la nouvelle venant tout à coup, ne mist une espouvante généralle par toute la ville. Cela les faict résoudre, cela les faict adviser à se pourveoir. Et me semble que, prenant les chozes au pis, vous ferés mieux que non pas vous asseurer par trop. Chescung , sur ce que je leur avois dict, s'estoict résolu ; on traisnoict tout dens la ville.

Le matin au poinct du jour arriva l'enfanterie , car la cavalerie en avoict amenné monsieur le marescbal; aussi n'y avoict-il rien à manger pour les chevaulx. Le colonel Rincroq et le seigneur Cornely Bentevolle vindrent à mon logis. Et arrestames que le Rincroq feroict six enseignes de dix qu'il en avoict, le seigneur Cornely, six des Ytaliens, et le cappitaine Combas, six de François , et tout le reste s'en yroict droict à Montalsin \ Les trouppes n'entrarent jamais dens la ville que l'eslection ne feust faicte ; et avec le reste nous fismes aussy partir les cinq enseignes ytaliennes pour s'en aller audit Montalsin , auquel lieu j'escripvis

1 . Montalcino, ville du grand-duché de Toscane, au sud-est de Sienne.

à monsieur le maresclial , sur l'asseiirance , que m'avoict donné le sieur ('ortiely, qu'il y avolcl encores espérance en sa vie, pour l'asseurer de l'ordre (|ue j'y avois donné, lefjuel il trouva fort bon. Le marcquis n'exécutta poinct sa -victoire; car, s'il l'eusl faict. tout le camp esloict mis en pièces, et tout le monde n'eust sceu sauver monsieur le maresclial, que le duc de Kleurence ne l'eust faict mourir cruellement. C'est la faulle ordinaire des victorieux.

Vous, seigneurs généraux des armées, qui viendrés après nous , faictes-vous sages aux despens de tant d'aultres, et ne vous laissés ainsi transporter à la joye pour une bataille gaignée. Suyvés vostre pointe , ne donnés tant loysir à vostre cnnemy de se r'avoir. Le marcquis n'arriva jusques au lendemain à Luzignan , car il craignoict que monsieur le maresclial ne reliast encores son camp, veu qu'il n'avoict poinct perdu de sa cavalerie , ne saichant poinct que ledict sieur mareschal feust blessé. Le marcquis ne vinct de trois jours devant Siene.

Je ne metz poinct ici comme la bataille feust combatue ni perdue , pour ce que je n'y estois poinct , et que aussi il y avoict de la disputte, quiavoict bien faict ou mal faict : car cecy est comme ung procès, qu'il fault ouyr toutes parties avant qu'en donner sentence; car j'ay ouy * les Grisons et les Ytaliens, que les François et les lansquenetz accusent d'avoir mal faict , mais ilz le nient, et encores pis la cavalerie. Aultres disent et asseurent qu'il y eust de la trahison *. Or je n'en