XXXI

659. Li empereres s'arma et passa le pont^ ki fais e^oh de plances longhes et estroites ' ; et li aighe ert si profonde desoz et si radement courans, que nus n'estoit sor le pont ki ne fust * toz esbahis de regarder en Taighe. Et quant li empereres fu outre, si monta sor un sien cheval ferrant. Apriès fist lachier son hyaume, et puis prist son escu tel comme li cuens de Flandres le seut porter. Et quant Lombart le perchoivent, si le manachent entre els durement; et dient ke bien li serra mestiers ke li escus ke il porte soit fors , car il ne les trovera mie vrais amis *.

660. Lors est passés li empereres, et est venus devant le porte. Ensi a les Lombars assegiés, ki mie n'en sont joiant; ains vaurroit bien estre * li plus hardis aillors ke illuec. Dont vint Robiers de Mancicourt à Tempereour, entre lui et Guillaume de Larse, et prièrent por Diu ke il en lassast aler les Lombars, saus lor cors *, et lor amis et lor avoirs; car bien sevent ke il n'ont mie forche contre lui. Et de chou' li reprient tout li preudome de Tost ke il, por Diu et por pitc, les en laist aler quitement.

661 . Il estoient bien laiens set cens ki assés estoient fol (et anious, se il en evussent * pooir). Et si manoit laiens li frères le marcis*, ki au rivage estoit aies, entre lui et le connestable et Aubretin •, por savoir s'il s'en poroient fuir par Taighe, se besoins en estait. Ke vous diroiejou ? Par les proieres des preudomes ki là furent et des barons, li empereres en lassa aler toz cuites les Lombars; et il s'en alerent vers le Flagre * tant comme il porent, comme chil ki n'ont cure de là faire lonc séjour.

662. Tout ensi avint as Lombars comme vous avés oï. Et quant nostre gent aprocierent le pont au matin, Robiers de Mancicourt s'enfuit à Platemont. Et ki vausist esgarder selonc ses oevres, il avoit desiervi ore et autre fois ke oh le pendist plus haut ke nul autre larron,

659. — » CE, ions et estrois. — ' CE» rCest... soit, — » G tjoute ne ioians.

660. — • C, vauisist Men iestre tous. — » G, sauves lor vies et lor cors. — »D, e/ cke.