Q U I PARLA LATIN A LA CHASSE

Lupolde dit que les médecins d'Angers se font bien valoir autrement, car, à les ouir s'entre-louer, on diroit que nulla inter artifices differentia, il n'y a bas ne haut entre eux, et qu'ils sont tous d'une venue comme la jambe d'un chien, d'un mesme poids, savoir et balance. Vray que les plus subtils et courtisans vous diront bien, en curant leurs dents et toussant à quartier : '^Ouy, il est savant homme, mais cecy, mais cela » , comme, quelque chose qu'il en soit, il se fait en toutes races et sortes d'hommes, qui volontiers ne prennent plaisir d'ouir louanger et bien dire de leurs voisins et compagnons, ains, d'un ris de chien et deloial je parle des envieux formez , tirent ordinairement une esguillette de l'honneur aux galans hommes, mais pour tout ce ne l'arrachent ils pas.

D'un qui se sauva des sergcns.

'estoit un sergent. — Demeurez, dit JEutrapel, car en ce seul mot vous comi prenez et enveloppez toutes les meschancetez qui au matin se levèrent, et où la boëte de Pandora a plus versé et respandu de mal. — Ce maistre Simon de sergent, continuoit Lupolde, estoit ordinairement yvre, adjournoit parlant à personne, encore qu'il en fust éloigné plus de dix lieues, occasion qu'il estoit ordinairement attaché à quelque inscription de faux. Un petit chien qui le suyvoit luy servoit de records et de tesmoin. Les notaires du tablier de Rennes, par risée, comme ils ont l'esprit gaillard et esveillé, luy bailloient quelque fois des obligations sur Antoine Arena, Huon de Bordeaux, le Chevalier

l82 d'un QJJl SE SAUVA

à la cotte mal-taillée, dom Piètre de Castiile, messire Cotai d'Albigne, ou Geofroy à la Granddent, pour mettre à exécution, luy supposans quelques bons vau-riens qu'ils voyoient passer par la place, desquels il recevoit pour salaire tousjours quelque coup de poin : c'estoit à qui luy feroit plus de singeries et de mal, car il en faisoit à tous. Ce fut luy {encore qu'on l'attribue à un autre de mesme ordre et collège, mais c'est un acte reiterable;, qui, estant tom.bé en une grosse fièvre furieuse pour avoir esté condamné aux dommages et interests, à cause qu'il avoit prins un quidam au corps sans comimission ne décret, respondit au curé qui luy disoit : « General, mon amy, voicy vostre créateur que je vous ay apporté : n'estes vous pas bien prest et appareillé de le prendre? — Non, par-bieu, je ne le prendray si je ne voy la commission. Mordienne, j'y ay esté gripé. » Tout son cas n'estoit que faussetez qu'on luy faisoit faire et raporter : car, comme il se dit, à mal exploiter bien escrire. Il estoit emprisonné, suspendu de son office; ne pourtant laissoit il exercer, sous ombre qu'il apelloit de tout ce que l'on disoit. Si on luy eust demandé quelle heure il estoit, il eust respondu : « Je m'en porte pour apellant. » S'il voioit quelque estranger de qualité, il luy demandoit franchement sa bien-venue.

DES s ERG EN s. l83

et le conduisoit jusques à son hostelerie, allant devant luy et faisant faire place atout sa verge et baguette, où le plus souvent il pratiquoit quelque lipée franche. Ce fut donc par un matin, que jour il n'estoit mie, qu'il acorda prester seulement son assistance pour prendre un gentil-homme au corps, où il seroit bien accompagné et qu'il ne se souciast seulement que de bouteilles,

— Tout beau, dit Eutrapel, l'ordonnance défendante n'accompagner les sergens n'avoit point encore d'ailes.

— Ce gentil-homme estant à bastir quelque marché en belle taverne (car rien ne se fait en ce pays avec les païsans, ne fust cas que de louer journaliers, qu'il n'en faille boire), ayant esté recogneu et mieux espionné (car, par l'art de la guerre, il faut premier recognoistre l'ennemy, après donner l'alarme et puis venir au combat^, il n'eut loisir que, se jettant à corps perdu par une fenestre, et se faisant voie à travers quelque endroit plus foible, gagner le cimetière et vistement entrer en l'église, fermer le guichet, et, pour se voir suivy à toute bride, se mettre sur une palette tapissée et cousue d'images en une vieille chapelle.

— Hée! bon Dieu, dit Eutrapel, tu tomberas, pauvre sainct !

— Mais non fera : car, estant ainsi en rang

184 d'un Q^UI SE SAUVA

de bataille, son espée au poin, ressemblant à un sainct Julien 'ô nécessité! que tu sais bien faire prontement ouvrir les cabinets de tant d'esprits qui sont en l'homme), oit d'une voix et tumulte : « Où est-il ? — Garde çà ! — Garde delà ! — Il est au letrin. — Non est, c'est derrière le grand autel » ; le plus ingambe (ô le gros rat), qu'il estoit monté au clocher; et la meilleure part, s'entreregardans par pitié, frotans leurs nez, et plus tounez, comme dit le Bas-Breton, que fondeurs de cloches, jugeoient qu'il s'estoit fait invisible, pour avoir au matin mis du plantin sous la semelle gauche de ses souliers, avec trois grains de sel. Et depuis ay ouy dire, suyvoit Polygame, au fugitif, qui faisoit bien la piaffe sur ceste palette, que les plus devotieux d'eux s'agenouillèrent devant luy, implorans par toutes oraisons et prières mystiques son secours, à ce qu'ils eussent bonne issue de leur queste et poursuite, parce qu'il estoit en équipage plus eminent et bragard que les autres ses voisins, tous chassieux et moisis. »

Eutrapel print la parole contre Polygame, combien qu'à regret, concluant, par bons et fessus syllogismes, que les images ainsi bien parées ne sont le plus souvent de grand émolument et profit aux curez, et s'adressent les bonnes gens plus familièrement aux vieilles, et desquelles ils ont

DES SERGENS. l85

plus de cognoissance. Et, par exemple, soustenoit que le prieur de Chasteau-Bourg, successeur de ce docte Pierre Colson, qui a laissé une belle mémoire pour sa bombarde, voyant que l'image de sainct Roc qui estoit en son église gaignoit honnestement ses despens et estoit de bon revenu, encore qu'il fust tout poudreux et pourfîlé d'iragnes, s'advisa le faire repeindre tout à neuf, jugeant, par l'argument a majori ad minus, qu'on estime valoir beaucoup en logique et au midy deux degrés par deçà le bois de Vincennes, que, si les bonnes gens luy aportoient force dons, presens et offrandes estant si pauvrement vestu et accoustré en gueux, à plus forte raison hausseroient-ils les brevets et s'eslargiroient d'avantage quand il seroit magnifiquement habillé et bien en point.

Mais, comme disoit de bonne mémoire Merence, la chose tourna sur le chose : il en arriva tout au rebours, comme il survient bien des inconveniens entre bouche et cuillier : car les pauvres villageois, voians ce bon patron sainct Roc ainsi brave et en équipage de chevalier de l'ordre de la grande année, cessèrent luy rien donner, disans entr'eux : « A ceste heure qu'il est gentilhomme, pensez vous qu'il voudroit prendre un denier, une poignée de filace, deux œufs, comme

i86 d'un qui se sauva des sergens.

il faisoit lors qu'il estoit roturier et du tiers estât ? » Tels estoient les discours et pourparlers de ceste superstitieuse simplicité rustique en matière de théologie : car, en choses politiques et où il va de leur profit ou perte, ils sont autant advisez qu'en autre saison qui ait ja pieça passé. Cela fut occasion que le sainct fut remis en son premier estât, saly et barbouillé comme devant. Cela soit dit sans offenser la mémoire et vénération des vertueux et saincts personnages passez de ce siècle en l'autre, qui jouyssent bien-heureux du repos éternel.

De l'Amour de soy-mesme.

^STANS en Avignon, l'un de nos com- ^^^^pagnons estoit tellement saisi et empiété d'une certaine ambition et hautesse (jugez si altesse serviroit) qu'il se trouva à chef de pièce, avec le temps, à la longue (choisissez), le plus fascheux, intolérable et difficile, jusques à ne s'en pouvoir aider, ne savoir par quel bout on le devoit prendre. Tantost il vantoit et trompetoit sa noblesse, combien, ainsi que dit Pathelin, qu'il fust issu de la plus vilaine peautraille qui fust d'icy au pont Lagot, Une autre fois ses biens, mais ses père et mère et les autres enfans les luy gardoient, encore qu'ils fussent ac- (juis par tresmauvais moiens : aussi s'en sont depuis allez comme ils estoient venus, ce qui advient

Ibb DE LAMOUR DE SOY-MESME.

ordinairement; et s'il s'en trouve qui durent et prennent quelque long trait, c'est brûler à petit feu et pour tomber un plus beau saut. Par autre fois, quand il estoit en sa haute game, il frottoit sa hardiesse à sa prétendue doctrine, faisant, comme l'on dit, du guerrier parmy les escholiers, et de l'escholier entre les soldats; et prenoit son grand plaisir en ces vains et falacieux discours, contre lesquels et telles humeurs fantastiques il ne faut jamais contester : tant qu'il en demeura si enflé et plein de superbe collégiale que rien ne duroit auprès de luy.

— Nous autres, ses compagnons, dit Eutrapel, luy mismes ces quatre vers de Martial en son estude. Si vous les trouvez bons, vous en mangerez, s'il vous plaist; sinon, ce sera pour la seconde table :

Belle tu es, et pucclle, et du bien Tu as beaucoup, et vrayement on le dit ; Mais, quand par trop tu en fais ton profit, On te le nie, aussi qu'il n'en est rien.

Pour toute ceste belle poésie, laquelle il n'estimoit en aucun point luy appartenir, ne laissa continuer sa foie persuasion, mentis gratissimus error, et faire le glorieux tout au long de l'aune, pouce et tout.

DE l'amour de SOY-MESME. 1 89

Un jour qu'un gentil-homme provençal vint disner avec nous, l'on commença à parler de la bonté et courtoisie du roy François premier, l'un des meilleurs et plus honnestes gentils-hommes que la terre porta onc. Il vous eust dit, parlant à ce courtisan et habile homme, duquel il entendoit assez les passages, luy mettant la main sur l'espaule : « Tel, vostre vertu et services méritent bien d'avantage que le présent que je vous fais (prenez le cas que ce fust un estât de président ou maistre des requestesj , vous priant de continuer pour le succès des recompenses qu'en pouvez et devez espérer, vous recommandant faire droit à mes sujets et descharger ma conscience vers Dieu de la justice que je leur dois. » Le maistre es arts fut si sot que prendre icelles paroles pour luy à son advantage, et luy avoir esté prononcées à bon escient et pour son regard par ce grand prince, quand, grossissant sa voix, et en basse taille, il respondit : « Le roy trouveroit bien peu de tels hommes que moy, henl henl » La Motte, aussi présent, qui n'avoit daigné rire comme les autres de ce badin sans farine, lequel, par une certaine antipathie et contrariété d'humeurs (comme onc mastinn'ayma lévrier, onc vilain un gentil-homme, ne ignorant un sçavant) , dressa à nostre jobelm bridé une bonne et gentille partie : c'est qu'il fein-

190 DE l'amour de SOY-MESME.

droit parler grec en quelque endroit du disner, combien qu'il n'y entendist rien du tout, parce que nostre client s'estoit vanté en plusieurs lieux de respect, mesme à son hostesse, qu'il en savoit toute la fusée.

La Motte donc commence à desgainer quelque pièce de latin, et que, s'il y avoit qui en seust d'avantage, qu'il ne le celast en si bonne compagnie. Magister Bemus, s'apercevant assez que telles lettres s'adressoient à luy, de sa part braqua et debagoula cinq ou six tranches de tOtttw, typto, duquel il avoit ouy faire si grand cas à Tusan au collège des Trois Evesques, et, pour se faire rendre plus admirable, joignit à messer typto, duquel mot il avoit fait sa seule provision en grec, Dominous Deous magnous, et autres prononciations transsylvaines, œilladant, en ce disant, toute l'assemblée, comme s'il eust voulu dire : « Et bien ! y ai-je esté .'' où sont-ils ? » Toutesfois, ne se souvenant que le bon menteur doit estre riche en mémoire, il luy eschappa dire magnus et stiiltus, qui fut la première pierre et diminution de sa réputation. Mais celle qui l'assomma du tout fut quand La Motte, répliquant, forgea sur le champ, et sans rien emprunter, un certain langage incogneu et barragoûin, qu'il asseuroit estre du plus fin et délié grec qui fust en toute la jui-