DE LAMOUR DE SOY-MESME. ICI

verie, et où Homère, cum sociis suis, avoit sué sang et eau, et ibi Bartolus, le priant en dire son advis. Mais le pauvre homme demeura court, comme le bon Accurse : Grœcum est, non potest legi. Depuis, s'estant acquis quelque espèce de honte, encore qu'il eust le front espois à demypied, changea une partie de ses sottes et lunatiques façons de faire en je ne say quoy de meilleur, fréquentant les grandes compagnies et s'y rendant sujet, fuyant les basses et petites, où il avoit tousjours esté le maistre, et embeguiné son cerveau et puisé la maladie S. Mathurin et de Nerf-feru. Et depuis se trouva honoré du titre de conseiller en cour souveraine, combien que la poche sentist tousjours le haran : Naturam expellas furca. »

Polygame dit que la plus grande finesse qui soit en cj monde est aller rondement en besongne, parler son vray patois et naturel langage, sans le pourfiler et damasquiner comme font nos refraisez et gaudronnez de ce jour. « Et Cicero, qui se cognoissoit bien en telle marchandise, reprenoit aigrement tels parleurs, et qui meslent la langue grecque avec la latine. Mais, si la trainée n'eust point failly a un voleur, qui en avoit ouy conter à la gueule du four, son afl'aire se fust mieux portée : car un prevost des mareschaux.