I EN REFUSANT

lement à tour de bras, jusques à estre prest de conclure furieusement à la mort. Mais Vento, anticipant la parole du procureur, et voyant qu'il s'en alloit par le pendant s'il n'y donnoit ordre, et prompt, s'aida du conseil qu'il avoit trouvé à la prison, le lieu du monde où se forment plus d'amitiez fines et cauteleuses consultations : ce fut recourir a l'argent, et en bailler notamment à nostre sire le procureur, comme celuy qui fait ou deffait, si le greffier est de soncosté, un procès criminel. Ce qu'il fit bravement : car, ayant fait provision d'une belle portugaise , qui valoit lors trente quatre livres, s'aprocha de ce criard, qui estoit sur le haut bout de sa rethorique, et, feignant lui dire quelque mot en l'aureille, luy mit ceste belle pièce d'or en la main gauche, car c'est elle qui porte la clef des larcins et pilleries de justice, et la dextre sert à toucher l'orée et bord du chapeau ou bonnet, quand la beste est prinse, et lors du grand mercy. Le seul attouchement duquel précieux métal luy mortifia et rabatit tellement la parole que, se voyant pipé du jeu qu'il savoit le plus, et graté où il luy demangeoit, renversa son plaidoyé et tout ce qu'il avoit dit auparavant : « Ha! Vento, dit-il, que tu puisses devenir biche! Le paillard, messieurs, voyez le danger où il- mettoit nos consciences, vient me

54 DE CEUX QVl PRENNENT

dire en l"'aureii!e qu'il est clerc. Il n'y a remède, c'est à refaire, voyla un procès perdu: talis exceptio opponitur etiam in fins judicii. )> Le juge avec les advocats, bien estonnez par ceste peremptoire ainsi dextrement controuvée et mentie, prononça jugement au profit du pauvre Vento, car il fut renvoyé à son evesque : où, depuis que la cause en est là, eust-ii mangé une charrette ferrée, il en sort tousjours bagues sauves, hors- mis de la bource, qui demeure tousjours vuide, contre ce que disent les physiciens, que non est dabile vacuum, aussi qu'en ce pays là non se immiscent sœvis. »

Eutrapei dit lors que, si maistre Guillaume Poiet eust esté chancelier de France en ces derniers troubles, aussi bien qu'il estoit l'an mil cinq cens trente neuf, lors qu'il rongna les ongles de si prés à la puissance et jurisdiction ecclésiastique, il eust fait qu'en ce royaume il n'y eust eu qu'un magistrat, ce que, long temps auparavant, de Cugneres et de Sainct Romain mais ils ne tenoyent que le parquet^ avoyent assez huche et crié. Sur le plaidoyé desquels se fondant Henry huictiesme, roy d'Angleterre, qui avoit l'original de leurs harangues, comme dit Jean Scorp, donna une merveilleuse bastonnade aux gens d'Eglise, s'apuyant sur ce que nostre Seigneur dit à ses apos-